кифли – Вистина.мк

Лесни и Меки како памук: Домашни кифли со кисело млеко и сирење, најдобри за доручек или за празниците

Слаѓана Атанасова — Mon, 25 Dec 2023 13:30:58 +0000

Кифличките со сирење се омилен домашен оброк за многу луѓе, но овој рецепт е уште подобар од вообичаените, бидејќи во тестото се додава кисело млеко. Затоа како резултат добивате меко совршенство во кое ќе уживате за појадок или вечера. Не е тешко да се подготви, рецептот е исклучително едноставен, а состојките се исто така такви што ги има речиси секоја кујна. Состојки: 400-450 грама брашно 1 јајце + 1 жолчка 200 грама сирење 200 мл кисело млеко 50 мл млеко 50 ml вода 30 мл масло 15 грама квасец сол, шеќер, сусам Подготовка: Во квасецот додадете малку шеќер (околу половина кафена лажичка), па растворете го во млако млеко. Кога ќе почне да пени додадете вода, масло, кисело млеко и јајце. Во тавата каде што сте ја измешале оваа смеса полека сипете го брашното и малку сол. Месете го тестото додека не се изедначи, па покријте го со крпа и оставете го да одмори околу половина час. Работната површина посипете ја со брашно, развлечете го тестото и исечете го на правоаголници. Намачкајте со масло. Тестото се сече вертикално, да личи на реси, но не до крај, ниту од едната ниту од другата страна, туку само на средината. На делот што не сте го исечкале (горниот дел од тестото) ставете парчиња сирење. Свиткајте во ролна. Се редат во плех обложен со хартија за печење, па се покрива со крпа и се чека уште малку да одморат. Намачкајте со жолчка и малку масло по желба, а одозгора додадете сусам. Се пече на 200 степени околу половина час. Кога ќе се испечат, кратко покријте ги. Потоа послужете ги и уживајте! Извор: Попара

Старински колачи: Благи кифли со џем кои брзо се прават, а се топат во устата

Слаѓана Атанасова — Mon, 22 May 2023 11:09:32 +0000

Состојки: 500 гр брашно 200 гр шеќер во прав 300 мл масло 150 ml топла вода 1 прашок за пециво џем по вкус Подготовка: Измешајте вода и масло, додадете прашок за пециво и измешајте, па додадете брашно. Се меша со лажица, па се замесува тесто со рака. Тестото поделете го на 3-4 топчиња и на набрашнета површина формирајте круг и премачкајте го со сукало. Се сече на триаголници, се става по малку џем и се витка во мали кифли. Се редат во плех обложен со хартија за печење и се печат во загреана рерна на 200 степени додека не поруменат. Ако тестото е лабаво, притиснете малку со прстот на неколку места. Врелите кифлички виткајте ги во шеќер во прав. Извор: Курир.мк

Тесто за најдобрите посни кифли што некогаш сте ги пробале : Секоја е мека како памук и неодоливо вкусна!

Слаѓана Атанасова — Fri, 16 Dec 2022 14:00:48 +0000

Посните кифлички се еден од омилените делови на секоја празнична трпеза, а без нив не може да помине ниту еден важен настан. Затоа ви носиме навистина добар рецепт за најмеките што сте ги пробале досега, секоја е како памук. Состојки: 500 мл топла вода 1 свеж квасец (40 гр.) 2 лажици шеќер 2 лажички сол 5-6 лажици посен мајонез 1,5 dcl масло околу 1 кг брашно сусам, лен Прелив: 100 гр растопен топол посен маргарин Начин на подготовка: Во топла вода (5 dcl) со 2 лажици шеќер, измешајте го квасецот и оставете да се активира, па додајте ги сите останати состојки за тестото. Замесете го мекото, еластично тесто и оставете го да се удвои во волумен. На набрашнета површина направете лепчиња и наредете ги во плех обложен со хартија за печење. Покријте ги со кујнска крпа и оставете ги да нараснат околу 20 минути. Секоја кифла премачкајте ја со малку мајонез со малку маснотии и посипете со семки. Печете на 180 степени (загреана рерна) додека убаво порумени. Кога кифлите се речиси готови, ставете го маргаринот во тенџере и загревајте. Кога ќе ги извадите кифлите, секоја премачкајте ја неколку пати со маргарин и покријте ги со крпа. Извор: Курир.мк

Лиснати кифлички со џем! Се топат во устата! (рецепт)

Слаѓана Атанасова — Mon, 05 Sep 2022 11:53:52 +0000

Можете да ги послужите кифличките на секакви прослави. Брзо се подготвуваат, а вашите гости ќе бидат воодушевени Ви пренесуваме рецепт за кифлички од лиснато тесто. СОСТОЈКИ: 4 јајца 500 гр брашно 1 лажичка квасец вода по потреба 1дл масло 2 лажици шеќер 1 лажичка сол 1 кесичка прашок за пециво 250 гр маргарин Џем по желба шеќер во прав за поросување Подготовка: Измешајте го квасецот со шеќерот и малку топла вода и оставете 5-10 минути. Во садот истурете брашно, прашок за пециво, сол и измешајте. Додадете го активираниот квасец, јајцата и маслото, па замесете тесто. Покријте и оставете да отстои. Потоа измешајте и поделете на 6 дела. Расукајте 5 јуфки и секоја посипете ја со рендан маргарин и наредете ги една врз друга. Потоа истегнете ја шестата и завиткајте ја од горе. На оваа не оди маргарин. Потоа расукајте и исечете на триаголници и филувајте. Се пече на 200°C додека не порумени. Кога ќе бидат готови, поросете ги со шеќер во прав.

Рецепт за брз појадок: Меки кифлички готови за 15 минути

Христина Ѓоргиевска — Wed, 02 Feb 2022 14:00:06 +0000

Меките кифлички можат да бидат совршена идеја за вкусен појадок. Лесно се подготвуваат и не бараат значителни кулинарски вештини. Иако инаку подготвувањето на тестото може да одзема многу време и е мачно, рецептот за брзи кифлички вклучува минимален број состојки, но и време, а вашиот појадок ќе биде готов за само неколку минути. Исто така, потребни се 15 минути за печење, поради што можете да уживате во вкусен појадок со минимален труд.

Состојки:

- 500 гр меко брашно; - 1 прашок за пециво; - 1 лажичка сол; - 10 мл масло; - павлака; - кесичка сув квасец (+ 20 мл топло млеко).

Подготовка:

Кесичката со квасец промешајте ја во 20 мл топло млеко и оставете да отстои неколку минути. Измешајте ги состојките и замесете тесто, па развлечете го во круг. Исечете го на триаголници, а потоа виткајте во форма на кифлички. Пред печење премачкајте ги со изматено јајце. Загрејте ја рерната на 180 Целзиусови степени и печете ги кифличките 15 минути. Јадете со прилог по ваш избор. На здравје! извор: кармин.точка.мк

Коктел солено пециво – Кифлички со многу зачини

Христина Ѓоргиевска — Tue, 25 Feb 2020 14:06:40 +0000

Направете коктел солено пециво за појадок, вечера или пак мезе, па и ужина која е совршена да се однесе на работа или на училиште.

СОСТОЈКИ:

100 гр. маргарин на собна температура
100 гр. рендано сирење
1 лажиче сол
170 гр. брашно
1 јајце за премачкување
црвен пипер, бибер и вегета
ПОДГОТОВКА: Се загрева рерна на 175 степени.
Се става хартија за печење на рамен плех.
Се ренда сирењето и се става маргаринот во сад со сирењето и сол.
Се меша да се добие изедначена смеса, се додава потоа брашно и се добива тесто кое не лепи.
Се дели на три дела, секој се развлекува и се прска со малку вода од горе.
Се ставаат зачини горе(црвен пипер, бибер, вегета и по избор) и се сече на осум триаголници од кои се виткаат кифлички.
Се редат на плех и се мачкаат со јајцето, се се става горе по избор сусам, ким…
Се печат додека не поруменат.

извор: готви.мк