ки – Вистина.мк

„True Sound of Kamenica Festival 4“

Антонио Димитриевски — Mon, 06 Aug 2018 11:54:30 +0000

„Бендот чии настапи во живо се доведени до перфекција доаѓа на ’True Sound of Kamenica Festival 4’ и од нашата фестивалска сцена уште еднаш ќе испратиме порака дека се потребни силни општествени промени. Ќе испратиме пораки за поголема толеранција, мир, прогрес, афирмација, љубов и едукација“, велат организаторите на фестивалот. Според нив, Македонска Каменица на 11 август повторно ќе звучи фино и на вистински начин ќе промовира вистински вредности и урбана култура. Исто така, вечерта ќе настапи и македонскиот бенд „Ки“, кој за првпат е на фестивалот. Инаку, „Зостер“ е група од Босна и Херцеговина формирана во 2000 година. Зад себе има четири студиски албуми и се добро познaти низ регионот низ уживателите на реге-музиката. Името „Зостер“ настанува откако вокалистот Марио добил херпес зостер, вирус кој живее во човечкото тело, а се покажува при пад на имунитетот, манифестирајќи се на површината на кожата во вид на осип и, со време, се шири. Групата „Зостер“ настана како последица на падот на имунитетот на општеството

И кумановците „Ки“ на „Друм Дум Фест 2018“ во Србија

Антонио Димитриевски — Tue, 26 Jun 2018 11:45:29 +0000

Покрај виртуозите Влатко Стефановски, Џоле Максимовски и Дино Милосављевиќ, кои се главни ѕвезди на Drum Dum Fest 2018 во Лесковац, свој настап на ова осмо издание на српскиот фестивал ќе има и кумановскиот бенд „Ки“, сето тоа во рамките на тековната летна турнеја низ регионот. Електро-поп екипата ќе настапи на „ДДФ 2018“ откако минатата година победи на Гитаријадата во Заечар по што следеше и триумф на музичкиот фестивал во Ровињ - Хрватска.

На низата успеси неодамна го додадоа и освоеното прво место на фестивалот „Омладина“ во Суботица, а во текот на летово ги очекуваат и настапи на „Бедем-фест“ во Никшиќ и „Гитаријадата“ во Заечар, како и на македонските „Д фестивал“ во Дојран, „Ентер-фест“ во Скопје и „Вистинскиот звук на Каменица“. Кумановците зад себе ги имаат и сингловите: Град, Кристален круг и Буда , а го подготвуваат и својот прв албум.

Триумф на кумановскиот бенд „КИ“ на музичкиот фестивал во Ровињ

Антонио Димитриевски — Mon, 08 Jan 2018 09:24:12 +0000

Кумановскиот состав „КИ“ продолжува да реди успеси на фестивалските сцени во регионот, а минатата, мошне успешна, 2017 година ја заокружи со уште една победа. Имено, групата го освои првото место на музичкиот фестивал во Ровињ, во Хрватска, па освен наградата од 5.000 куни (околу 40.000 денари), доби можност да настапува и на следното издание. „Ровињ мјузик фестивал“ е основан во 2009 година и е посветен на креативното музичко творештво, односно промоција на авторската музика на млади неоафирмирани изведувачи и бендови. Деветтото идание на фестивалот се одржа од 28 до 31 декември 2017 година, а покрај натпреварувачките бендови, свои настапи имаа и „Атомско склониште“, „Лорелај“, „Негдје измеѓу“, „Елементал“, „Најт експрес“ и други. Освен на овој, кумановците минатата година победија и на „Заечарската гитаријада“ како и на „Мини гитаријадата“ во Врање, соседна Србија. Првата награда на „Гитаријадата“ му донесе и комплетна продукција на албум, за кој се надеваме дека ќе стигне годинава. По првата песна „Град“, бендот неодамна ја објави и темата „Кристален круг“, која можете да ја слушнете во продолжение. https://www.youtube.com/watch?v=nc9TQltQyBY