Кејт Мидлтон има ретка болест поради која е во минус со килограмите

Слободанка Илиева — Thu, 03 Nov 2022 10:28:55 +0000

Кејт Мидлтон роди три деца, а по секое породување успеваше брзо да ја врати старата фигура. Толку брзо, што некои дури се сомневаа дали таа воопшто е во друга состојба. Сепак, причината не беше ниту нејзиниот метаболизам, ниту било каква диета, ниту нејзиниот начин на живот. За време на сите три бремености, принцезата од Велс се справувала со проблем медицински наречен „hyperemesis gravidarum“. Првиот триместар е секогаш ризичен и утринската мачнина е честа појава, но овој проблем е премногу честа појава. Станува збор за компликација која се јавува кај некои жени за време на бременоста и треба да се сфати сериозно. Иако се карактеризира со гадење и повраќање, кои се всушност вообичаени манифестации на бременоста, постојат и низа други симптоми. Проблемот е немилосрден и ја изнемоштува, поради што Кејт речиси и не беше видена во јавноста додека ги носеше Џорџ, Шарлот и Луис во стомакот. Многу жени кои боледуваат од хиперемеза се жалат дека не можат нормално да јадат, дека мирисите на одредени намирници им пречат и дека не можат да се здебелат, бидејќи се што внесуваат брзо го повраќаат. Симптомите обично се намалуваат по 20-та недела, иако понекогаш можат да траат до самото раѓање, објаснуваат експертите. Одморот е клучен, како и поддршката од партнерот. Во светот приказната се сфаќа сериозно, па во понапредните земји постојат центри кои им помагаат на трудниците полесно да се соочат со овој проблем. фото:getty images

кејст мидлтон – Вистина.мк

Кејт Мидлтон има ретка болест поради која е во минус со килограмите