кавери – Вистина.мк

Барбара Бобак повторно „удри“ по Јами и нема намера да запре: „Тоа не се нејзини песни“(фото)

Слаѓана Атанасова — Thu, 01 Feb 2024 07:50:34 +0000

Барбара Бобак неодамна влезе во конфликт со постарата колешка Јасна Миленковиќ Јами бидејќи таа ги пее нејзините песни и снима кавери на настапи. Иако е вообичаено да се пее репертоарот и на другите колеги, таквиот гест прилично ја вознемири повозрасната колешка. Барбара сега проговори за локалните медиуми за насловните страници кои ги снимила. - Јас ги пеам авторските песни, тоа не се нејзини песни. Ја пеам таа контроверзна песна за која се зборуваше, луѓето ја сакаат таа песна и зошто јас не би ја пеела – рекла Барбара. Да потсетиме, Јами се налути што помлада колешка ја изведува нејзината песна „Оне ствари“. -Толку ме нервира. Морам да го кажам ова... Јас кога се појавив во медиумите, се појавив со мојата песна. Не можев да се појавам со туѓи. Не можев да направам таква кариера. Така пееш туѓи хитови и сега си одлична пејачка! Си го пробив патот со моите песни, не беше лесно, но тоа е вистинскиот и здрав пат - изјави Јеми. - Овие кавери ме полудуваат... Би рекла вака - оставете ги песните на мира! Пејте ги по клубови, по кафеани, каде сакате, но држете се настрана од моите песни. Ако некој сака да прави кавери на мои песни, јас ќе ги направам! Особено ако песната е мојот живот, моја приказна – додаде пејачката. - Лесно е кога ќе добиеш таков сериозен хит, тогаш правиш нешто со него... Да звучеше така, можеби никогаш немаше да биде хит! Да не ја отпеев, можеби никој немаше да ја слушне! Затоа, не допирај ги моите песни. Сите вложуваме многу труд, многу труд, имаме имиња, харизма, квалитетни сме. Луѓето ги сакаа песните благодарение на нас. И тоа е нормално. Земаш, еј, нечиј живот, нечиј труд, жнееш плодови... Мора да престане - заклучил тогаш Јами за „Курир“. Фото: printskrin/instgaram/jamiofficial

Повеќе на vistina.mk

„Либеро бенд“ со серија нови кавери (ВИДЕО)

Антонио Димитриевски — Sat, 13 Jun 2020 12:57:23 +0000

Момчињата од „Либеро бенд“ веќе долги години функционираат како музички состав кој со својата уметност ги поместуваат стандардите за квалитетот на македонската музичка сцена. После неколку нивни одлични песни, многу настапи и музика и без никакви ограничувања во правецот кој го третираат тие одлучија да направат преработки на серија познати хитови. „Полско цвеќе“, „Од милијун жена“, „Уторак“, „Да си ту“ , се само дел од песните кои се најдоа на нивниот репертоар. Со овој проект,тие најавуваат дека ќе се шират и на Балканот. Фронтменот на бендот Иван Јованов на својата публика ѝ ветува уште многу вакви проекти, видео записи и нови песни, како и учества на нашите фестивали. Слушнете ги нивните преработки и уживајте! https://www.youtube.com/watch?time_continue=3&v=9nOvxOxTk8A&feature=emb_logo

Повеќе на vistina.mk

Живко Динев преработи 15 музички бисери: Со првиот од нив, „Злато си ми ти“ ќе ви ја „позлати“ 2019 (ВИДЕО)

Антонио Димитриевски — Mon, 31 Dec 2018 08:45:04 +0000

Некогашниот член на „Браво бенд“, каде што беше бас гитарист и вокал, Живко Динев по напуштањето на бендот заплови во соло водите со неколку авторски песни. По дуетот со Миле Кузмановски и песната за родната Струмица, харизматичниот Жика реши да направи еден поголем потфат. Собирајќи ги околу себе своите пријатели - музичари, врвни инструменталисти, тој преработи и сними видеоматеријал за 15 музички бисери, чии кавер верзии по две секоја седмица, ќе излегуваат од денес во наредниот период во новата година.

Живко Динев во неговата изведба го придружуваат членовите на „Арија бенд“ како и други соработници, во секоја песна одделно. Жика тврди дека ова се воопшто најдобро и најскапо направените кавери во Македонија досега, зашто се правени со врвна и многу професионална екипа. Инаку целиот материјал е визуелно сниман во елитниот скопски хотел Александар Палас, а зад аудио и видео продукцијата стои „Блекмеџик продукција“. Првите две песни од него кои беа избрани да го промовираат овој проект се српската фолк класика „Ружо румена“ и македонската „Злато си ми ти“ испеана од легендарниот Гоце Арнаудов, со која ви го претставуваме новото остварување на Живко Динев! https://www.youtube.com/watch?v=ky5qLctQzPo

Повеќе на vistina.mk

„Ориентал бенд“ снимаа проект со кавери – првиот од нив „(I’ve Had) The Time Of My Life“ (ВИДЕО)

Антонио Димитриевски — Thu, 28 Dec 2017 10:07:20 +0000

После речиси две години апстиненција од медиумите, „Ориентал бенд“ се враќаат со нешто ново и навистина оригинално. Бендот претпразнично ги изненади почитувачите на убавата песна, промовирајќи проект кој содржи преработки на македонски евергрини и неколку познати странски хитови. „Целиот проект е снимен во живо. Нашата желба во живо да отпееме и отсвириме неколку убави песни, на театарска сцена со светла, вроди со плод и нескромно ќе кажеме дека испадна одличен производ. Нашето го остваривме. Работевме со многу голема желба и љубов, а сега останува публиката да го препознае тоа“, велат Ориенталци, дадовајќи дека видеата ќе се објавуваат на нивниот канал на Јутјуб.

„За сите преработки, направивме и видеа, а ќе ги објавуваме по едно, секоја недела. Сакаме искрено да се заблагодариме на театарот во Велес, Љупчо Павловски од студио ’Анастасија’ и Кристијан Конески, кој беше задолжен за видео продукцијата“, додаваат тие. Некаде после новогодишните празници конечно излегуваат и две авторски песни на бендот, кој од неодамна има и нов член, гитаристот Ристе, а и за овие песни се планирани и видео записи. Воведот во овој проект е преработката на хитот „(I’ve Had) The Time Of My Life“, оригинално отпеана од Бил Медли и Џенифер Ворнс за филмот „Валкан танц“ (Dirty Dancing, 1987) , која во изведба на „ориентал бенд“ ве очекува во продолжение. https://www.youtube.com/watch?v=aK6yoIOGmG0

Повеќе на vistina.mk