катица – Вистина.мк

Излезе Катица право на тераса…. „Специјалната“ фатена на пушење (ФОТО)

Антонио Димитриевски — Fri, 22 Nov 2019 08:14:18 +0000

Специјалната ја пуштија од притвор. Или поточно ја „дислоцираа“ од Шутка во домашен! А дома си е дома, па макар и во вакви околности, секако многу подобри од затворските. Сите видоа кога ја спроведуваа, ама никој не виде дали е тоа ТАА?! Со качулка на глава, во долга јакна за дожд и марама или шал ќе да беше преку рацете, покриена од рацете до петиците, за да не се видат ниту лицето ниту лисиците. Потоа муабети и нагаѓања колку да сакаш. Шпекулации и најразлични сценарија, од оние - реалните, до научна фантастика. небаре сме среде реално шоу, а не среде аферата на столетието? Ама шоуто тука не заврши, напротив... Шоуто мора да продолжи. Е сега, колку е реално? Колку што беше реално и тоа специјалната да биде пуштена дома, а притоа сите да видат, ама никој да не ја препознае. Ама тоа беше тогаш, сега? Папарацо ловот тргна и оп... Првите резултати се тука: Излезе Катица право на тераса и... специјалната фатена на пушење! Во црни панталони и маичка, по паучи со пепелник на симсот од балконот... Нема сомнени таа е... Или не е? Да не е монтажа? Или можеби фотографијата е од пред „Рекет“? Одново ќе има нагаѓана и шпекулации ама... Одговорот ќе се дознае тогаш, кога качулката ќе падне!

Двоседот на „специјалната“ и женски гаќички оставени пред „Триумфалната порта“

Антонио Димитриевски — Fri, 23 Aug 2019 11:31:20 +0000

Граѓани оставија двосед во центарот на Скопје, пред Триумфалната порта. Според нив, ова не е обичен кревет, туку посебен, на Катица Јанева. Секако, станува збор за шега, но уникатната идеја се совпаѓа со актуелните случувања во земјава.

„Уапсената гарнитура на Катица“, „Специјален мебел“, „Распродажба“, „Катица беше тука“ – се пораките кои се напишани на цветниот двосед . На него е оставено и парче женска долна облека. Според проценките, тоа со сигурност не и припаѓа на „специјалната“!

Поранешен пратеник тврди: И синот на Катица Јанева е директно вмешан во „Рекет“

Антонио Димитриевски — Tue, 20 Aug 2019 11:41:29 +0000

Поранешниот пратеник во македонското Собрание, Веле Митаноски, го обвини синот на Катица Јанева дека директно бил вмешан во „Рекет“. Тој на Фејсбук објави статус на кој тврди дека синот на Катица Јанева им се заканувал на градоначалниците, со зборовите: „Знаеш ли ти чиј син сум јас“?

Лазар Јанев, инаку, беше вработен во 1ТВ, телевизијата на таткото на Боки 13, каде тој се претставуваше како директор. Јанев во телевизијата ја држеше позицијата директор на маркетинг. Кога како бомба одекна „Рекет“, веднаш беше спомнато и името Лазар Јанев, синот на обвинителката. Тој изјави дека телефонот на мајка му е загубен, за подоцна во истрагата телефонот да биде најден кај неговата девојка. Но, официјално, досега, името на синот на катица Јанева не е вклучено во истрагата. Тој во моментов не е осомничен за „Рекет“ и Вилма Рускоска го нема повикано на распит. Извор: Засе

„Генијалноста на глупоста“ на социјалните мрежи: Ахиловата петица на Катица, брусилка, златен спреј и мо*ка на плочка!

Антонио Димитриевски — Fri, 16 Aug 2019 09:22:23 +0000

Твитерџиите, Инстаграмџиите и останатите „генијалци“ што киснат на социјалните мрежи споделуваат нови довитливи и духовити содржини, произлезени од суровата македонска реалност. Преспанскиот договор предвидува многу работи кои очигледно се надвор од умот, па и покрај неговото потпишување против референдумската волја на народот, за жал некои од нив почнаа да се спроведуваат. Македонија е северна, Македонецот е сега коса црта по националност, а сонцето од Кутлеш мора да се брише од сите јавни површини. Најлесно им беше да почнат од таму каде што се - од дното, па почнаа со брусалки да ги брусат краците на сонцето од Кутлеш вдлабнато по канализациските шахти на градските улици!

Ама како на народот не можеш да му ги избришеш историјата и генетскиот код, едни брусат други позлатуваат. Па кој со брусилка, кој со златен спреј!

На спомениците, меѓу кои и на „Воинот на коњ“, „Филип II“ и „Олимпија“ на скопските плоштади, им залепија плочки. Биле наследство на Хеленската историја и цивилизација.

Плочките не потрајаа ниту една ноќ. Толку им држи лепакот! До душа да беа посаглам направени, можеби некој ќе се сетеше и на брусилката... Вака му текнало само да уринира. Мо*ка на плочка и... лепакот сам попушта!

Катица колку и да се крие, сепак има нешто на што не може да му одолее. Секој има слаба страна, па и Катето. Еве ја, антички кажано, нејзината „ахилова петица“... А нејзиното задоволство е евидентно!

Летно време обично се враќаат нашите иселеници во родниот крај. За жал, се' помлади и помлади генерации... Некој се досетил да покаже како изгледа во еден клас, македонска прослава на 20 години од матура.

Цела сезона на „Се’ или нешто“ на Лила – поништена, а Сергеј ќе го кометира новиот стајлинг на Боки 13? (ФОТО)

Антонио Димитриевски — Fri, 19 Jul 2019 09:03:28 +0000

„Рекет аферата“ не престанува да ја бранува јавноста, но и социјалните мрежи. Вистинско „цунами“ од твитови, постови, коментари, монтажи, фотографии... се случува Фејсбук, Твитер и Инстаграм... Тие и понатаму се преплавени со актерите во ферата, оние што се знааат, само насетуваат или се претпоставува и шпекулира дека допрва ќе бидат откриени! Сериозни мислења и коментари, но и шеговити фотографии, видеа, монтажи, спинови… мајтап и мајтапџии, колку сакаш! А што друго му остана на народот, кога речиси се' друго му земаа! Најисмејувани, разбирливо најсомнителните...

Но, не останаа покуси и шегите и мајтапот и за најблиските „другарчиња“ на Боки 13. Лила Филиповска, за која како што се тврди, била со инкриминираното „сомнително лице“ во џипот при неговото апсење на граница, заедно со уште една друга ТВ водителка од неговата телевизија, исто така се најде на удар на „интернет мајтапџиите“.

А, не изостанаа ниту шегите на сметка на „блиската дружба“ на „модниот гуру“ со „газдата“ на телевизијата. За да „не му пукне душата“, Сергеј доби молба да го прокоментира новиот „монтиран зебра стајлинг“ на „другарчето“!