Muzzik Video Awards во Скопје ги објави номинациите во неколку категории

Антонио Димитриевски — Mon, 18 Apr 2022 12:59:11 +0000

По Белград и Загреб, третата прес-конференција Muzzik Video Awards 2021 се одржа на 13-ти април во Скопје. Во третиот град од нашиот регион објавени се четири нови категории во кои беа номинирани десет номинирани, а вкупно 40 изведувачи со свои песни и спотови. Вашите гласови ќе можете да ги поделите во уште четири категории и тоа е се: ИНДИ, Р&Б, НАЈДОБРА РЕЖИЈА и КАМЕРА. Ова не беше само можност да се најави фестивалот, да се гласа и презентации на номинирани, но и повод за дружење и размена на искуства и информации за сите присутни. Меѓу гостите во КОТУР КАФЕ И ФИЛМ во Скопје беа и „Фанк шуи“, „21 век“, Дина Јашари, „Дупер“, Матија Фолц, бројни режисери, филмаџии и автори од Северна Македонија и атмосферата беше пријателска, весела и конструктивна. Направени се многу разговори, слики и приказни, снимени многу интервјуа и сето тоа ќе можете да го видите во наредните денови на MUZZIK.TV! Muzzik Video Awards е регионален фестивал на краток музички филм, кој нè запознава со најдобрите регионални видеа, уметници и автори на различни музички жанрови. Минатогодишното издание на фестивалот опфати 16 категории, додека од оваа година ќе може да гласа и публиката за најдобро R’n’B видео. Ова е одлична можност публиката да запознае музичари од сите страни регионот и на тој начин да ја облагородат сопствената плејлиста. Талентирани уметници од сите страни на регионите на ЈИЕ, го направија овогодинешниот натпревар неверојатно разновиден и богат. До овој момент откриени се вкупно единаесет категории за кои можете гласајте веднаш преку овој линк. Дури и ако вашиот омилен не спаѓа во една од овие четири категории, постои шанса да е во една од преостанатите 6 што ќе ги откриеме наскоро. Не губете надеж и следете ја MUZZIK TV.

Оскари 2021: „Менк“ со десет номинации

Антонио Димитриевски — Tue, 16 Mar 2021 13:49:14 +0000

„Менк“ на Дејвид Финчер доби најмногу номинации за 93. Оскари. Овој филм е номиниран во 10 категории. Музичарот Ник Џонас и сопругата, актерката и мис на светот за 2000 година, Пријанка Чопра-Џонас ги објавија номинациите во сите 23 категории на годинешната церемонија. За прв пат во историјата две жени, Клои Жао и Емералд Фенел, се номинирани за најдобра режија. До сега во оваа категорија биле номинирани само 5 жени. Жао е прва режисерка со азиско потекло која ја добива номинацијата, но и жена со најмногу номинации во една година – таа исто така е номинирана за адаптирано сценарио, за монтажа и за продукција за филмот „Земја на номади.“ За најдобар филм ќе се борат 8 наслови – „Земја на номади“, „Менк“, „Исус и црниот месија“, „Минари“, „Надежна млада жена“, „Звук на металот“, „Татко“ и „Судењето на чикашките седуммина“. За најдобра режија се номинирани Клои Жао за „Земја на номади“, Емералд Фенел за „Надежна млада жена“, Дејвид Финчер за „Менк“, Ли Ајзак Чанг за „Минари“ и Томас Винтерберг за „Уште една тура“. Чедвик Боузман посмртно е номиниран за Оскар за најдобар актер за својата последна филмска улога во „Ма Рејни: Мајка на блузот“, а во оваа категорија се и Ентони Хопкинс за „Татко“, Риз Ахмед за „Звук на металот“, Гери Олдман за „Менк“ и Стивен Јеун „Минари“. Петте номинирани актерки се Андра Деј за „САД против Били Холидеј“, Вајола Дејвис за „Ма Рејни: Мајка на блузот“, Френсис Мекдорманд за „Земја на номади“, Ванеса Кирби за „Делови од жена“ и Кери Малиган за „Надежна млада жена“. Оскарите 2021 година ќе се емитуваат во недела на 25 април во 20 часот. Свеченоста на доделувањето на Оскарите на 25 април ќе се одвива на повеќе места, а не само од „Долби театарот“ во Лос Анџелес, како досега, соопшти Американската академија за филмски науки и уметности. Годинешниот пренос е замислен како своевидна комбинација од класичен ТВ-пренос, видеоврски со ѕвездите и интернет-пренос. Оскарите се најгледаниот забавен настан во САД, покрај Еми, Греми наградите и Златните глобуси.

категории – Вистина.мк

Muzzik Video Awards во Скопје ги објави номинациите во неколку категории

Оскари 2021: „Менк“ со десет номинации