катар – Вистина.мк

Пејачката воодушевена од зетот: Ќерката на Елма Синановиќ се мажи за богат шеик (фото)

Слаѓана Атанасова — Tue, 23 May 2023 07:41:54 +0000

Последниве денови на српската естрада се погласни се шпекулациите дека Хулија Синановиќ, ќерката на пејачката Елма Синановиќ се мажи и тоа за богат шеик во Катар. Според приказните на една од колешките на Елма која побарала анонимност, пејачката е воодушевена од својот иден зет, но засега е мистериозна и не сака јавно да зборува за деталите од свадбата на нејзината ќерка за да не им растури. -Елма е воодушевена од нејзиниот иден зет, шеикот од Катар. Сите таму се маѓепсани од убавината на Хулија. Ја третираат како принцеза. Тие се во врска веќе некое време и сите веднаш знаеја дека овие двајца се создадени еден за друг. Хулија сега е на релација Катар-Србија, но во одреден момент целосно ќе се пресели таму. Елма и Хулија се многу блиски. Нејзината среќа и е најважна на Елма и таа секогаш го поддржуваше нејзиниот избор, вклучувајќи го и овој, кој изненади многумина. Таа наскоро и самата ќе го посети Катар. Миличката на Елма не е премногу заинтересирана за јавниот живот, иако е многу талентирана за музика. Таа пред неколку години сними и дует со нејзината мајка кој беше одлично прифатен во јавноста, но таа реши да тргне по друг пат. Таа обожава да го менува имиџот, а физички многу личи на Цеца Ражнатовиќ, па и самата Елма често се шегува со пријателите дека ја има Цеца во куќата - заклучува изворот. И Самата пејачка пред неколку дена пред медиумите призна дека наскоро заминува во Катар и дека веќе е на страната на нејзиниот иден зет. - Хулија ќе се мажи, претпоставувам. Само знам дека ќе бидам на страната на мојот иден зет. Го поддржувам и однапред жалам. Таа е посебна. Опасница една, сосема спротивна од мене. Нема ништо на мене, таа е сосема поинаква. Јас сум добра девојка, а таа само гази. Радикална е - само црно-бело, нема ништо сиво. Сега оди во Катар, ќе има таму секакви работи - низ насмевка изјави Елма пред камерите на емисијата „Ексклузив“.

И Анастасија пристигна во Катар: Поддршка за момчето и уживање за своја душа (ФОТО)

Riste Zdravkov — Thu, 24 Nov 2022 11:41:26 +0000

На денот кога нашиот северен сосед ќе дебитира на Светското првенство во Катар, а пејачката Анастасија Ражњатовиќ по тој повод утрово допатува во Катар. Таа од трибините директно ќе им ја даде поддршката на фудбалерите, особено на нејзиното момче – Немања Гудељ. Младата пејачка објави видео на својот Инстаграм и покажа како ужива во Катар пред натпреварот со Бразил. Анастасија сними селфи видео додека ужива во ресторан на врвот на облакодер со прекрасна панорама на Катар и пустината. Во црн топ и сина кошула Анастасија го покажа своето затегнато тело и ги остави следбениците воодушевени. Инаку, како што и самата неодамна откри, во Катар ќе помине неколку дена, можеби и една недела, во зависност од успехот што ќе го постигнат српските репрезентативци, се со цел да го бодри своето момче, Немања Гудељ.

ФОТО: Разочаран навивач се пожали на храната во Катар, плати 80 долари за два ладни мини бургери

Riste Zdravkov — Wed, 23 Nov 2022 11:47:38 +0000

Навивач на Велс на Светското првенство во Катар се пожали поради малата порција храна на која потрошил 80 долари, а хамбургерите биле ладни. Високата цена и сомнителниот квалитет на храната и пијалоците во Катар стануваат главна тема меѓу навивачите на Светското првенство. Велшкиот навивач нарачал порција храна во луксузен хотел, каде можел да нарача и пијалок. Сепак, тој добил непривлечни ладни мини-бургери со мала порција сув компир. Фановите или треба да чекаат да купат пијалок во некоја од фан зоните или да бараат лиценцирани хотелски барови низ градот кои можат да продаваат алкохол на странци. Ова не е единствениот случај во кој навивачите се разочарувани од хрната во Катар. Навивачите претходно се жалеа на грчката салата од 9 долари која се служи во фан зоната.

Ивана Кнол пристигна во Катар: Најпознатата хрватска навивачка едвај чека да се соблече (ФОТО)

Антонио Димитриевски — Wed, 23 Nov 2022 10:13:18 +0000

Најпознатата хрватска навивачка Ивана Кнол пристигна во Катар на Мундијалот, а пред заминувањето ги изнесе впечатоците за лошата годинешна организација. Ивана во своите стории на Инстаграм го напиша својот осврт за организацијата на Светското првенство и откри што и пречи. – Ова е катастрофа! Жал ми е за сите луѓе кои не можат да одат на СП поради најлошата организација во историјата! И по 20 дена мојот придружник не доби одобрение за влез во земјата иако ги има сите карти до финалето. Сите наши пријатели исто така! Очигледно сум среќна што ќе ја бодрам Хрватска, а Катар како Катар, го испраќам на едно друго место! И сега ми е сосема јасно зошто толку многу луѓе не сакаа ни да учествуваат во овој циркус! – напиша Ивана. Пред тоа на својот профил на Инстаграм објави фотографии на кои позира на песочна плажа во минијатурно бикини со хрватски шаховски дезен, а под истата напиша: – Што мислите дека ќе облечам за Катар? – изјави познатата навивачка. Не те очекувам во некое „почесно“ издание од костимот на Колинда – меѓу првите коментираше Невен Цигановиќ, кој очигледно е особено задоволен од изданието на поранешната хрватска претседателка. „Ќе им пречиш на играчите“, „Ќе бидеш најубавата навивачка“, „Бомба“, „Навистина си убава – ова се само дел од многуте коментари под фотографијата. Да потсетиме, Нол на тамошната јавност и стана позната за време на Светското првенство во Русија во 2018 година, кога срдечно ги бодреше хрватските фудбалери, а по нејзините фотографии од натпреварот меѓу Хрватска и Нигерија, кои ги видоа целиот свет, таа го доби прекарот за најсекси навивачка. Оттогаш, нејзината популарност на Инстаграм значително порасна, каде што сега има повеќе од половина милион следбеници.

View this post on Instagram

A post shared by Ivana Knöll (@knolldoll)

Таа најчесто на својот профил ги објавува своите разголени видеа и фотографии во кои уживаат илјадници фанови, па така беше и сега, по нејзиното пристигнување во Катар. Иако во Катар важат строги закони и не им е дозволено на жените да се разголуваат, очигледно Хрватката не е загрижена за тоа дека може да биде уапсена, па овој пат реши да ги покаже бујните гради.

View this post on Instagram

A post shared by Ivana Knöll (@knolldoll)

Таа пред стадионот пред мечот Хрватска-Белгија привлече големо внимание. Сите сакаа да се фотографираат со неа, а кога влезе на трибините буквално сите камери и папараци,но „влажните погледи“ на „возбудените шеици“ беа вперени кон неа. Фото: Инстаграм принтскрин/knolldoll

Овие убавици ќе ја бодрат Србија од трибините во Катар: Ова се секси сопругите и девојките на српските фудбалери (ФОТО)

Антонио Димитриевски — Mon, 21 Nov 2022 09:45:45 +0000

Мундијалот ќе привлече голем број навивачи во Катар, а во центарот на вниманието секако ќе бидат сопругите на фудбалерите, кои ќе мора да внимаваат како се облекуваат на стадионите. Штом селекторот Драган Стојковиќ за Пикси го објави списокот со патници на српската репрезентација за Катар, прва се огласи и Кристина Максимовиќ, сопругата на српскиот играч за врска Немања, која објави емотивна порака на социјалните мрежи. „Секогаш со тебе љубов моја, само ние знаеме низ што поминавме заедно и колку беше ова заслужено“ - напишала убавата Кристина, која обзнани и дека чекаат уште едно дете. Во Катар се очекува да дојде и Софија Милошевиќ, избраничката на Лука Јовиќ. Тие двајца се еден од најпознатите парови на регионалната сцена, а заедно имаат и два сина. Софија е многу популарна манекенка и топ модел која важи за една од најубавите девојки во Србија и регионот. Александар Митровиќ е во среќен брак со две години постара од него Кристина Јањиќ. Митровиќ и претходно беше познат по палавоста и на теренот и надвор од него, но се смири и сега со „ладна“ глава во Катар ќе се обиде да ја продолжи голгетерската серија за Србија. Марко Грујиќ е во среќна врска со Мија Зеремски, а неодамна добија и син. Миа беше одбојкарка, а љубовта кон спортот е неспорна, па може да ја очекуваме и во Катар. Филип Младеновиќ е во врска со Зорана Жанетиќ веќе пет години, а нивните слики често се појавуваат на социјалните мрежи. Имаат два сина, а и јавноста во Полска е запознаена со Зорана, бидејќи нејзиниот избраник игра во Легија од Варшава. Сопругата на голманот, која исто така често се појавува во јавноста е Ана Рајковиќ. Таа е во брак со Предраг и има со него два сина: Реља и Тадија, а на социјалните мрежи често објавува атрактивни фотографии. Во Катар би можеле да ја очекуваме и Анастасија Ражнатовиќ која е во хармонична врска со Немања Гудељ. Иако долго време се шпекулираше дали двајцата се заедно, неодамна се потврди, а Анастасија најмногу уживаше во Шпанија со фудбалерот на Севиља. Од помладите девојки, во Катар би можела да дојде и Ема Радујко која „вплови“ во врска со Урош Рачиќ, а со него беше во Шпанија и Португалија, каде играчот од средниот ред настапуваше за Валенсија и Брага. Познато е дека Немања Радоњиќ сака ноќни забави и луксузен живот надвор од теренот, но среќата конечно ја најде во љубовта со Исидор Кадијевиќ. Многумина во јавноста ја нарекуваат „српската Кендал Џенер“, а на социјалните мрежи често објавува професионални фотографии, бидејќи се занимава со манекенство. Оној кој нема да ја има поддршката од својата поубава половина на Мундијалот е Сергеј Милинковиќ-Савиќ, кој пред неколку дена ја доби ќерката Ирина. Неговата сопруга Наталија поради породување најверојатно Мундијалот ќе го следи во домашна атмосфера, покрај наследничката. Меѓу оние кои немаат девојки се Душан Влаховиќ, Саша Лукиќ, Андрија Живковиќ... Тешко дека некоја од нив ќе најде сродна душа во Катар, поради сите ограничувања, иако... никогаш не се знае!? Фото: AP Pavel Golovkin/ Printskrin Instagram/ Damir Dervišagić

Настана хаос околу отворањето на Светското првенство во фудбал: Шакира прифати, па ја одби понудата да пее во Катар

Слободанка Илиева — Fri, 18 Nov 2022 12:42:43 +0000

Ѕвездата, која беше жестоко критикувана откако првично се согласи да настапи, на крајот реши да се повлече. На 20-ти ноември ќе се одржи отворањето на Светското првенство во фудбал на кое требаше да настапи Шакира, но пејачката се повлече. По церемонијата започнува натпреварот помеѓу репрезентациите на Катар и Еквадор. Колумбиската уметница, која ги отвори светските првенства во Германија (2006), Јужна Африка (2010) и Бразил (2014), се соочи со жестоки критики од фановите по најавата за нејзиниот настап во Катар. – Ми кажаа дека Шакира нема да настапи на свеченото отворање – изјави новинарката Адријана Доронсоро, цитирана од шпанска „Марка“. - Таа нема да пее. Ќе испрати соопштение во кое ќе ја образложи својата одлука – изјави Сандра Алдаро. Интересно, и Дуа Липа, ги демантираше гласините дека ќе настапи на свеченото отворање на Светското првенство во Катар. Таа ја наведе и својата причина. Звездата не сака да оди во Катар поради кршење на човековите права во оваа земја. Дуа Липа не е првата уметничка која одбила да настапи во Катар. Род Стјуарт одбил понуда од над милион долари за концерт во оваа земја. фото:Јутјуб принтскрин/EPA

Извлечени групите за Мундијалот во Катар 2022

Антонио Димитриевски — Sat, 02 Apr 2022 10:06:09 +0000

Вчера, 1-ви април 2022 год. во Доха беа извлечени групите за Мундијалот во Катар 2022. Неколку фантастични мега дуели ќе има уште во групна фаза. На осум ултра модерни стадиони, 32 репрезентации ќе учествуваат на проширеното Светското првенство во Катар 2022 кое ќе се игра од 21 ноември до 18 декември. Во луксузниот Егзибициски центар во Доха, пред стотина познати фудбалски ѕвезди, ждрепката ја влечеа легендарниот Бора Милутиновиќ кој е првиот и единствен селектор во историјата кој со пет различни репрезентации бил на пет Светски првенства по ред (Мексико 1986, Костарика 1990, САД 1994, Нигерија 1998 и Кина 2002), Лотар Матеус кој играше на рекордни 5 Светски првенства, Нигериецот Џеј Џеј Окоча, Австралиецот Тим Кејхил, Бразилецот Кафу, Иранецот Али Даеи, поранешните фудбалерки Карли Лојд и Саманта Џонсон како и англискиот фудбалер Џермејн Џенас. Група А: Катар, Еквадор, Сенегал, Холандија Група Б: Англија, Иран, САД, Велс/Шкотска/Украина Група Ц: Аргентина, Саудиска Арабија, Мексико, Полска Група Д: Франција, ОАЕ/Австралија/Перу, Данска, Тунис Група Е: Шпанија, Костарика/Нов Зеланд, Германија, Јапонија Група Ф: Белгија, Мароко, Хрватска, Канада Група Г: Бразил, Србија, Швајцарија, Камерун Група Х: Португалија, Уругвај, Јужна Кореја, Гана На Мундијалот ќе играат сите светски шампиони кои досега низ историјата се радувале на златниот пехар освен Италија која испадна во баражот од Македонија и која ќе пропушти и второ Светско првенство по ред што никогаш во историјата не им се случило.

Ноле буквално „полуде“: Ова е рекацијата на Ѓоковиќ откако Србија во 90-та минута постигна гол против Португалија (ВИДЕО)

Антонио Димитриевски — Mon, 15 Nov 2021 14:14:03 +0000

Големо изненадување направи Србија, откако како гостин славеше против Португалија со 2:1 во директната пресметка за првото место во групата и пласман на СП во Катар. Погледнете ја реакцијата на Новак Ѓоковиќ откако Александар Митровиќ го постигна победоносниот гол во 90. минута за Србија. Ноле буквално „полуде“... од среќа. Погледнете:

На Ирена Спасовска и недостасува шеикот: Фолкерката се присети на посетата, повторно посака да му се прошета низ вилаетот, па вети дека наскоро се гледаат (ФОТО)

Антонио Димитриевски — Fri, 26 Mar 2021 08:33:30 +0000

Во овој период од една година и нешто повеќе, естрадата е паркирана во лер, принудно ставена во мирување заради коронапандемијата, но тоа не значи дека естрадните ѕвезди буквално само мируваат. Особено оние од понежниот пол. Колку повеќе трае „изведувачкиот пост“, естрадните дами толку се поактивни на социјалните мрежи. И тоа во разни варијанти. Од рекламно - инфлуенсерски фотографии, до најобични секојдневни работи и активности што ги правата во изнуденото изобилство на слободно време. Меѓу поактивните е и фолк пејачката Ирена Спасовска, која е се’ поприсутна на социјалните мрежи, или што би рекле „кисне“ на на Фејссбук и Инстаграм. Се разбира со своите новосподелени фотографии. Од оние на кои рекламира разно-разни производи и услуги, преку разголените фотографии кои од неа веќе и не се изненадување, па се до секојдневието или носталгично присетување на нејзините патувања на егзотични дестинации, пред да се појави чумата на 21-вот век - короната и „новото нормално“. Уште кон крајот на минатат година Ирена јавно се пожали дека нејзе најмногу и фали авантура, патување со авион, па дури и „пафтањето“ на стујардесите со рацете.

„Ако некогаш некој не прими да му долетаме, ветувам дека со внимание ќе го следам делот на стујардесите кога „пафтаат“ со рацете и ќе го ценам секој момент поминат во авион. И две кафиња ќе купам и парфем и што пие авион… Само да полетаме веќе некаде, ова веќе не се издржува“ - напиша тогаш Ирена објавуваќи фотографија од 2018 година пред да полета на зацртаната дестинација. Арно ама, наместо на подобро, очигледно работите со коронапандемијата тргнаа на полошо, па уште повеќе сите нас, па и неа, не „заковаа“ дома, што Ирена особено тешко го поднесува. Затоа фолкерката очигледно листајќи ги старите спомени преку сподеклените фотографии, налета на оние накои со најголема страст се сеќава. https://arhiva.vistina.com.mk/radio-mileva/irena-spasovska-dozivuva-treta-mladost-arapska-vecher-a-pod-shator-i-prirodno-bujni-balkanski-gradi-na-plaza-foto/ Арапскиот свет, Доха во Катар, преубавиот провод, прекрасно минати денови и ноќи (белким?) во шеиковиот „вилает“, наречен „молот на шикот“ со вештачко небо, канали, гондоли... Луксуз, раскош, убавина... Уживање во животот и сопствената слобода со полни гради, користејќи го секој слободен миг за одмор, релаксација, авантура… Моменти на кои фолкерката не можеше носталгично да не се присети. Очигледно на Ирена и недостасува шеикот и сето она што тој го поседува и нуди како можност за провод и авантура, па затоа и фолкерката се присети на својата посета, повторно посака да му се прошета низ вилаетот и вети дека наскоро се гледаат... Со шеикот или со „молот на шикот“, пејачката детално не прецизираше. Освен тоа дека одново ќе седнат на по едно Смути, за шеикот да не и се лути! Ама, ако е по онаа народната: „Какво радување- такво сеќавање“, повеќе од очигледно е дека впечатоците од спомените на „молот на шеикот“ кај Ирена Спасовска се повеќе од силни! Затоа таква е и нејзината девиза, во првата прилика, да направи реприза! Фото: Инстаграм и Фејсбук принтскрин/spasovska.irena

Македонската фудбалска репрезентација ги дозна противниците за пласман на СП 2022

Антонио Димитриевски — Mon, 07 Dec 2020 17:49:01 +0000

Македонската фудбалска репрезентација ќе игра против Германија, Романија, Исланд, Ерменија и Лихтенштајн во Ј-квалификациската група за пласман на Светското првенство 2022 во Катар. Ова е епилогот од вечерашната жрепка во седиштето на ФИФА во Цирих на која беа одредени десетте групи од европските квалификации за Мундијалот во 2022 година. Од петте репрезентации во групата Ј, македонската фудбалска репрезентација досега никогаш нема играно eдинствено против Германија. Директен пласман на завршниот турнир ќе обезбедат само победниците во групите, додека десетте второпласирани репрезентации, заедно со уште две преку УЕФА Лигата на нации, ќе играат плејоф за преостанатите три места резервирани за членките на УЕФА на СП во Катар. Европските мундијалски квалификации ќе се играат од март до декември 2021 година, додека плејофот од 23 до 29 март 2022 година. Светското првенство во Катар ќе се одржи од 21 ноември до 18 декември 2022 година во пет градови, Доха, Лусаил, Ал Кор, Ал Вакра и Ал Рајан.

А – група: Португалија, Србија, Република Ирска, Луксембург, Азербејџан Б – група: Шпанија, Шведска, Грција, Грузија, Косово Ц – група: Италија, Швајцарија, Северна Ирска, Бугарија, Литванија, Д-група: Франција, Украина, Финска, Босна и Херцеговина, Казахстан Е – група: Белгија, Велс, Чешка, Белорусија, Естонија Ф – група: Данска, Австрија, Шкотска, Израел, Фарски Острови, Молдавија. Г-група: Холандија, Турција, Норвешка, Црна Гора, Летонија, Гибралтар. Х-група: Хрватска, Словачка, Русија, Словенија, Кипар, Малта. И – група: Англија, Полска, Унгарија, Албанија, Андора, Сан Марино.