кашкавал – Вистина.мк

Плескавица полнета со кашкавал! Вкусно и сочно, сигурно нема да ве разочара!

Слаѓана Атанасова — Mon, 27 Mar 2023 12:45:44 +0000

Со мека текстура и полн вкус, овие плескавици се лесни за подготовка и се вистински хит за скара што можете да го подготвите и на грил тавче… Уживајте! Со додавање на презла, јајце, ворчестер сос, млеко и лук во прав, овој рецепт создава совршена основа за сочни плескавици. Во центарот на секоја се додава парче чедар, кое се топи за време на печењето, создавајќи прекрасен вкус и кремаста текстура. Со неколку прилози по избор, овие хамбургери се идеален оброк за семејството или пријателите. Состојки: 500 гр мелено говедско месо четвртина чаша презла помало јајце лажичка ворчестер сос лажичка млеко 100 гр чедар сирење малку лук во прав сол, бибер Подготовка: Ставете го месото во поголем сад, додадете ги презлата, јајцето, ворчестер сосот, млекото, лукот во прав, солта и биберот, па сè добро измешајте. Поделете на четири дела, направете топчиња, сплескајте ги со дланките, па во средината ставете малку чедар сирење. Завиткајте ги краевите на месото, а потоа формирајте плескавици. Печете на скара или во грил тава на умерена температура, додека не поруменат од двете страни. Послужете во лепчиња, со прилози по ваш избор. Извор: Курир.мк

Потпечен компир со јајца и кашкавал: Вкусен оброк за малку пари (РЕЦЕПТ+ВИДЕО)

Riste Zdravkov — Thu, 24 Nov 2022 12:41:16 +0000

Доколку сакате за малку пари да подготвите вкусно јадење, ви препорачуваме да направите вкусни компири со кашкавал. Јајцата ќе му дадат посебен вкус, па ќе имате комплетен ручек СОСТОЈКИ: 600 гр компири гранули од лук мелен бибер малку сув зачин 3 варени јајца 50 гр листови кашкавал 1 јајце 150 мл јогурт 100 мл млеко масло Подготовка:

Тиквички со кашкавал и шунка, подгответе брзо и лесно

Слаѓана Атанасова — Fri, 20 May 2022 12:15:53 +0000

Тиквичките се омилен летен зеленчук од кои може да направите разна храна. Ви предлагаме рецепт за ролнички од тиквичка полнети со кашкавал и шунка, ова е супер предјадење кога се работи за прослави, а може да ги подготвите и како лесна вечера. Состојки: 2 тиквички 200 гр. кашкавал по избор 150-200 гр. шунка 200 гр. презла оригано домат Подготовка: Тиквичките исечете ги на широки ленти со дебелина од околу 3 мм. Ставете ги во тава за печење (може да биде обложена со хартија) на која претходно сте ставиле малку зејтин. Посолете и печете на 180 степени околу 15 минути. По печењето, тиквичките валкајте ги во презлата во која претходно ќе го ставите ориганото. Кашкавалот и шунката исечете ги тенко на ленти и ставете врз тиквичката, па потоа завиткајте ролничка. Во огроотпорен сад ставете зејтин и малку презла, а потоа наредете ги ролничките од тиквичка и одозгора ставете парче домат. Печете на 180 степени околу 30 минути. Добар апетит.

Одлична идеја: Крцкав леб полнет со кашкавал и лук

Слободанка Илиева — Tue, 16 Mar 2021 14:00:04 +0000

Покрај состојките предложени во овој рецепт, можете сами да изберете и да додадете намирници што ги сакате Совршена комбинација на наједноставните состојки ќе ви овозможи вкусна вечера без многу напор. Топен кашкавал и лук со малку мирис на пиперка го претвораат обичниот леб во совршена закуска. Покрај состојките предложени во овој рецепт, можете да изберете и да додадете намирници што ги сакате. Можеби малку пршута? Состојки: Помала векна леб, погача или друг леб по ваш избор 200 гр рендана гауда 150 гр фета сирење 60 гр путер 2 чешниња лук Пиперка Лажица сецкан магдонос Подготовка: Измешајте го путерот со столчениот лук и магдоносот, завиткајте го во фолија и ставете го во фрижидер. Исечете го лебот по должина неколку пати, длабоко околу пет сантиметри, а потоа по ширината. Не засекувајте до крај за да остане како едно парче. Измешајте го ренданиот кашкавал и издробената фета со ситно исечканата пиперка. Пополнете ги процепите со листови од разладениот ароматичен путер и подготвениот фил. Ставете го на плех за печење, покријте го со фолија и печете во рерна загреана на 180 степени околу 15 минути. Одмотајте ја фолијата и печете уште 10 минути. На здравје! извор:попара.мк

Колумбијски леб, однадвор крцкав, внатре воздушест и полн со кашкавал

Слободанка Илиева — Tue, 10 Nov 2020 14:45:31 +0000

Ако сте љубител на тесто, направете уникатен леб со кашкавал што често се подготвува во Колумбија. Можете да додадете семе, ким, сончоглед, сусам, сецкани ореви или бадеми на тестото со специфична арома и вкус … Откако ќе го пробате овој меѓународен рецепт, сигурно ќе го правите често. Состојки: 1 чаша топла вода 1 лажица мед 1 кесичка сув квасец 3 чаши брашно маслиново масло 150 гр кашкавал пола чаша путер Подготовка: Во голем сад измешајте вода, мед и квасец, и оставете ја смесата да нарасне. Додадете брашно, путер и рендан кашкавал, а потоа месете го тестото, премачкајте го со маслиново масло, покријте го со крпа и оставете го да отстои еден час. Потоа пренесете го тестото во намастен калап, па печете го во рерна на 180 степени додека не порумени и додека не се фати крцкава кора. извор:попара.мк

Деликатес: Пилешко со кашкавал и презла

Слободанка Илиева — Wed, 06 May 2020 12:45:01 +0000

Направете вкусен ручек со пилешко и кашкавал. СОСТОЈКИ:

500 гр. пилешко месо
500 гр. компири
100 гр. маргарин
100 гр. презла
150 гр. кашкавал
масло и зачини

ПОДГОТОВКА: Се лупи компирот, се сече на кругови, се ставаат зачини и се става во плех со масло. Се сече ситно месото или се цепка и се става во растопен маргарин па презла и се реди врз компирот. Се става рендан кашкавал и се пече на загреана рерна на 200 степени околу половина час. извор:готви.мк

Бројни поводи за пријатна празнична дружба во организација на Млекара „Здравје“ Радово

Дејан Донев — Fri, 26 Apr 2019 11:20:10 +0000

Во пријатна атмосфера, придружена со нивните вкусни производи и Велигденски декорации Млекара „Здравје“ Радово организираше средба за новинарите и соработниците. Има бројни поводи за ваквата средба, но најголемиот е што Млекара „Здравје“ Радово и официјално се вброи помеѓу компаниите од државата кои поседуваат европски број. Со ова достигнување, млекарата ја потврдува својата заложба за целосно усогласување на производството согласно европските регулативи, што само по себе значи и потврдување на највисок квалитет на производите. Со поседувањето на европски број, Млекара „Здравје“ Радово ги отвори можностите за извоз на производите во земјите од Европската Унија.

Покрај веќе сертифицираните системи за квалитет и безбедност на храна FSSC (Food Safety System Certification) 22000 и ISO 22000, 9001:2015 и IFS (International Featured Standard – Food), Млекара „Здравје“ Радово во целост го имплементираше и британскиот BRC, највисок стандард во оваа област за кој се очекува и наскоро сертифицирање.

„Сакаме да изразиме голема благодарност на поддршката која секојдневно ја добиваме од нашите верни соработници и потрошувачи. Уверени сме дека компанијата и во иднина ќе остане Ваш верен соработник и ќе обезбедува квалитетни производи на пазарот“, ни изјавија од Млекара „Здравје“ Радово.