Трагична смрт на уште една манекенка: Каролина скокнала во море да ги спаси своите кучиња, сопругот немоќно гледал како се дави (ФОТО)

Антонио Димитриевски — Thu, 02 May 2019 09:53:02 +0000

Манекенката и топ модел Каролина Битенкорт се удавила на возраст од 38 години, додека се обидувала да ги спаси своите кучиња за време на невремето во близина на Сао Паоло. Убавата манекенка била на палубата на бродот со нејзините миленичиња и сопругот, кога еден силен удар на ветерот малите кучиња ги оддувал од палубата. Каролина скокнала истиот момент без размислување во морето, а по неа и нејзиниот сопруг. Сепак, големите бранови ја поклопиле, а сопругот бил пронајден и спасен неколку часа подоцна, додека убавата русокоса се удавила.

Во потрага по телото на моделот, исто така учествувал нејзиииот татко Орли, кој на локалната телевизија изјавил дека им помогал на луѓето да го извлечат телото на наеговата ќерка од морето. „На бродот биле само таа, нејзиниот сопруг и кучињата. Жоржи скокнал во водата за да ја спаси, но поради бурата тие биле разделени. Тој морал да плива три часа до брегот за да преживее“ - рекол личниот тренер Кен Сад, близок пријател на моделот, во изјави за „Дејли мејл“.

Агентот на манекенка, Андреа Бонети, рекол дека нејзиниот сопруг Жоржи Сестини во моментов е во состојба на шок. „Жоржи се обидел да ја спаси. Видел дека се дави, но не можел да стигне до неа за да и помогне. Ова е ужасен момент за него“ - додал Бонети.

Каролина Битенкорт – Вистина.мк

Трагична смрт на уште една манекенка: Каролина скокнала во море да ги спаси своите кучиња, сопругот немоќно гледал како се дави (ФОТО)