кармин – Вистина.мк

Вакви несовршености кај понежниот пол не поминуваат, ама на Сара Мејс и е сеедно (фото)

Слободанка Илиева — Mon, 18 Sep 2023 07:37:05 +0000

Сара Мејс досега многупати покажа и докажа дека совршено знае да се носи со несовршеностите. Еден ултра храбар пример за тоа беше што на само два месеци по породувањето се фотографираше по долна облека, полна самодоверба, слика и прилика за женственоста дадена од мајка природа. Во време кога естетиката и се’ што може коригирано од женското лице и тело, Сара Мејс е токму спротивното.

View this post on Instagram

A post shared by Sarah Mace (@sarahmace__)

Познатата пејачка и харфистка е меѓу најактивните на социјалната мрежа Инстаграм, па дури и таму не го преферира богатиот избор на разно-разни алатки за усповршување. Па така, една фотографија која многу и се допадна, но на истата, таа не изгледа перфектно, Сара реши да ја објави, па дури и да потернцира каде е „проблемот“ на неа. Имено, иако забите и беа намачкани со црвен кармин, Сара Мејс нагласи дека тоа се гледа и го знае, но убавата плетенка и секако насмевка не треба да трпат поради тоа. Ова беше еден добар пример за враќање во реалноста, или ако ништо друго само потсетување дека ништо не е совршено како што навидум изгледа! фото:Инстаграм принтскрин/Сара Мејс

Трикови за да го направите вашиот кармин траен! Пудрата го фиксира карминот

Riste Zdravkov — Tue, 08 Aug 2023 07:10:55 +0000

Дамите кои се навикнати да бидат дотерани и на 35 степени, ги знаат сите трикови за да ја одржат шминката постојана. Дамите кои се навикнати да бидат дотерани дури и во топлите летни денови ги знаат сите трикови за да ја одржат шминката постојана. Меѓутоа, што треба да прави една просечна жена која нема доволно пари или време да „експериментира“ со сето тоа. Моника Бладер, професионален шминкер за познати личности, меѓу кои и актерките Меган Фокс и Џесика Алба, вели дека во лето на жените им е доволна тонирана крема и постојан кармин, пишува „Космополитен“. – Секоја жена се чувствува попријатно со кармин на усните. Тоа е сосема доволно шминка, а единствено важно е да трае што подолго во текот на денот – вели Бладер и открива еден трик кој може да се изведе со помош на производи кои сигурно ги имате во несесерот. Коректор Нанесете коректор за подочници на чисти и ексфолирани усни. Погрижете се да биде навлажнувачки и водоотпорен. Молив во боја на кожа Врамете ги усните со молив за усни во боја на кожа. Овој детал е исклучително важен и многу луѓе забораваат на него, и грешат ставајчи молив во боја на карминот. Четка за нанесување кармин Никогаш нема да се шминкате правилно со класичното нанесување на кармин, но тоа не е главната причина поради која треба да користите четка. Имено, на овој начин карминот го нанесувате во слоеви кои подобро се лепат на кожата на усните. Пудра за матирање Притиснете ги усните на марамче за да го отстраните вишокот масла, а потоа нежно нанесете пудра за матирање со прстите. Мат кармин Најдобро би било завршниот слој на карминот да биде во иста нијанса, а да е мат. Повторно, со четката нанесете тенок слој кармин. Така сигурно ќе биде постојан.

Бојата на кармин што ќе доминира оваа есен: Усни во нијанси на црвено вино

Riste Zdravkov — Thu, 26 Aug 2021 06:30:45 +0000

Оваа елегантна боја им стои добро и на русокоси и на бринети Како што најавуваат шминкерите, апсолутниот тренд оваа есен, барем кога станува збор за кармините, ќе биде бојата на црвеното вино, односно темно црвена или бордо. Името бордо всушност потекнува од виното, а оваа нијанса на кармин им стои добро на русокосите, а уште подобро на бринетите. Ако имате намера да го следите трендот оваа есен кога станува збор за шминката, оваа боја ќе биде апсолутен хит. Добро се комбинира со посветла, но и потемна гардероба, со која дава особено мистичен изглед. На бринетите повеќе им прилегаат кармини кои имаат потопли пигменти. Со овие нијанси, важно е да се нагласат трепките или веѓите, но не премногу, така што усните би биле во преден план. За разлика од бринетите, на кои подобро им стојат потемни нијанси, русокосите претпочитаат малку посветли тонови кои „влечат“ на виолетово. Оваа елегантна боја во прилагодени нијанси одговара на секој тип тен со соодветна боја на сенки за очи. Покрај темните нијанси на кармин, се препорачуваат и моливи, со цел усните да изгледаат што погламурозно.

Како да го зачувате карминот на усните и покрај заштитната маска?

Христина Ѓоргиевска — Wed, 14 Apr 2021 13:00:20 +0000

Новото нормално кое моментално го живееме, бара прилагодување на секое поле. Облеката генерално стана поедноставна, истото важи и за чевлите, а во мода се вратија бои на коси кои не бараат толку честа посета на фризерски салон и добрите стари штипки за коса. И кога е убавината во прашање, наметнати се промени. Маската е неизоставен дел од изгледот денес, а ја носите постојано, па фокусот на мејкапот е ставен на очите и веѓите. Но, тоа не значи дека треба да ги занемарите усните. Во продолжение, неколку корисни совети, како да носите кармин на усните и покрај тоа што носите маска: За почеток, најважно е да ги одржувате усните хидратизирани, но тоа не значи масни и лепливи. Вишокот балсам отстранете го. Исцртајте ги усните по линиите и внатрешноста со молив за усни, а потоа ставете го првиот слој кармин. Наша препорака е да се одлучите за кармин со мат финиш. извор:точка.ком.мк

Како да носите и кармин и маска?

Христина Ѓоргиевска — Mon, 26 Oct 2020 13:15:57 +0000

Жените кои не можат да си го замислат излегувањето од дома без кармин, се соочија со проблем за време на пандемијата при носењето маски. Она што најмногу предизвикува нервоза е што ако ставите кармин, автоматски значи дека маската ќе ја извалкате, тој ќе се размачка и по маската, а може и на лицето, па голема е веројатноста кога ќе ја симнете заштитната маска да не сте во баш најдобро издание. Поради тоа, голем број жени одлучуваат и да се збогуваат со карминот во ова време кога маската е задолжителна. Сепак, визажистите велат дека кармин и маска сепак можат да се носат заедно, па за таа цел откриваат неколку совети: - Усните одржувајте ги хидрирани, но не и лепливи, па вишокот балсам секогаш бришете го. - Со молив за усни направете основа. Исполнете ја целата површина на усните со него. - Нанесете кармин, во овој случај најдобро ќе биде да мат, но можете да пробате и некои со мазен и сјаен финиш. Во тој случај направете уште неколку трикови. - По нанесувањето на карминот, на хартија отстранете го вишокот, а потоа карминот фиксирајте го со пудра во прав (translucent setting powder). Тој создава бариера која спречува пигментите и маслата да остават трагови на маската и ќе дадат мат финиш дури и на најсјајниот кармин. Ако е потребно, последниот чекор повторете го уште еднаш. И секако, не заборавајте да ставите маска. извор: точка.ком.мк

Луна, е директна: „Баш ти стои мојот… Кармин“ (ВИДЕО)

Антонио Димитриевски — Wed, 15 Jul 2020 09:39:57 +0000

По темата „Kуш“ со која дваесет и едно годишната убавица Луна Ристиќ или скратено само Луна (Lunna), дебитираше на македонската музичка сцена, вториот женски артист на Урбан Рекордс, има нова песна. Убавицата која ветува многу деновиве го направи следниот чекор објавувајќи ја авторската „Кармин“, која разбирливо и овој пат е визуелизирана со урбано видео. Музиката е во истиот стил во кој Луна започна, а неа и стиховите како и за дебитантската и за оваа песна ги напишала самата млада, урбана кантавторка, додека аранжманот и битот го потпишува Cheketzbeats. Миксот и мастерингот стандардно се дело на постојаниот соработник на „Урбан рекордс“ - Иван Јованов - Ивајо. Видеото и овој пат, вообичаено кога се ексклузивците на Урбан рекордс во прашање, одново го изработил Гордан Божиновски – „Год Ај Продукција“. Во него младата убавица го истакнува сиот свој сексапил и еротска привлечност, но не на вулгарен, туку на еден многу суптилен начин во модерен и урбан арт пристап. Инаку, за потсетување, приватно Луна е инструктор по скијање, и во моментот па се до месец март работи во еден од најпопуларните зимски центри во регионот – Копаоник, соседна Србија. Погледнете го видеото и внимавајте... со чиј „Кармин“ на себе се враќате дома. Овој што следува во продолжение е на... Луна. https://www.youtube.com/watch?time_continue=162&v=iH7bOX4-NSM&feature=emb_logo

Хана и ја краде славата на мама Тамара: Една слика за милион насмевки! (фото)

Слободанка Илиева — Thu, 26 Dec 2019 09:21:28 +0000

Кога ќе се прошири семејството со дечиња, тие секогаш се во прв план, а родителите често знаат да кажат дека опкружувањето и најблиските поретко ги забележуваат нив, бидејќи нивните наследници веќе го имаат главното внимание. Пејачката Тамара Тодевска е благословена со две ангелчиња, првата љубов, ќерката Хана и едногодишното синче Дарен. Откако потпорасна и почна повеќе да разбира, Хана постојано е со мама – застана на сцена, зема микрофон во рака, сака да се шминка или впрочем да биде мини верзија на својот идол- мама Тамара. Детската искреност, желбите и однесувањето можат најмногу да развеселат, насмеат и да го направат денот поубав, а овој пат тоа го направи Хана која беше заедно со мама во такси. Таа побара од чичкото возач да ја пушти погласно музиката од радиото, а кога тоа беше направено, започна да си потпевнува. Но, сепак, според приложените фотографии и објаснувањето на мама, Хана се уште не беше задоволна. Она што го сакаше, е да има црвени усни како мајка си, а кога го доби карминот, нејзината насмевка и сјајот во сините очиња беше непроценлив. Чичкото возач си доби забава така што Тамара и Хана му запеаја новогодишна песна и не се сомневаме дека му го разубавеа денот!

Оваа есен ставете темно црвена нијанса на кармин

Билјана Цветковска — Thu, 14 Nov 2019 13:00:40 +0000

Кога е шминката во прашање, постои една работа која никогаш нема да излезе од мода секогаш ќе биде синоним за женственост, отменост и сексапил – а тоа е црвениот кармин. Црвените нијанси на кармин се дефинитивно едни од омилените во секоја сезона, а истото е случај и оваа есен. Жените може да се поделат во три категории: оние кои сакаат црвен кармин, оние кои го мразат и оние кои не знаат како да го носат. Црвената боја е специфична. Ако се користи погрешно може да ги истакне сите несовршености. Овој пат, наместо јаката црвена боја ве советуваме за малку похрабра варијанта, а тоа се темно црвени нијанси со што се добива еден драматичен, женствен и посебен изглед. Ова е секако погламурозна варијанта од црвениот кармин, а одличен е бидејќи лесно се прилагодува на секаков тен и е совршен во секоја комбинација. Идеален е во моментите кога сакате да носите едноставен црн или бел фустан и сакате со нешто да го истакнете изгледот, а сепак да не биде премногу.

Како да носите „nude“ кармин?

Михаела Христова — Fri, 01 Nov 2019 13:30:41 +0000

По правило „nude“ усните се носат кога сакаме да нагласиме „smokey eyes“, долги трепки или руменило, па избегнуваме да ги истакнеме усните со кармин во јака боја. Немојте да ја нанесувате оваа боја ако усните ви се суви и испукани. Ако ви се чини дека изгледате бледо со „nude“ усни, тоа е така од две причини: или не сте ја избрале вистинската нијанса или доволно не сте го нагласиле остатокот на лицето. Ако имате светол тен, пронајдете нијасни како светло златни и боја на праска кои ќе му додадат топлина на вашето лице. Оние со нешто потемна боја на кожа најдобро им одговараат пинк нијанси. За оние со изразито темен тен, бронзените и карамел тонови ќе ја истакнат на вистинскиот начин вашата совршена кожа.

Цеца отвора нов бизнис: Дали ќе престане да пее? (ФОТО)

Антонио Димитриевски — Tue, 16 Apr 2019 07:52:15 +0000

По успешниот бизнис со парфемот "Илузија од Цеца", најголемата регионаслна фолк ѕвезда Светлана Цеца Ражњатовиќ реши да направи чекор понатаму во оваа индустрија. Имено, пејачката по наговор од своите обожаватели одлучи да отвори своја мејкап линија, па со својот тим веќе го развива бизнис планот пишува српски "Ало!". За почеток, оваа линијаќе се базира на кармини, додека во следната фаза ќе биде развиена линијата за пудри, руменила, маскари...

Цеца во врска со нејзиниот изглед и шминка со години добива прашања од своите фанови, најчесто преку социјални мрежи. Најчесто тие се заинтересирани за тоа, која нијанса на кармин користи, а прашањата најчесто се засноваат на тоа каде можат да набават таков кармин - изјавил извор близок до пејачката. Како што ни кажа, тоа ја навело да размислува за производство на нејзина сопствена марка кармин, единствена по боја и текстура.

Дали новиот бизнис на Цеца ќе го фрли во сенка и стави во втор план пеењето? - загрижено прашуваат нејзините обожаватели, на што пејачката праќајќи им бакнеж вели дека првата љубов - песната, никогаш нема да ја остави!