карма – Вистина.мк

6 факти за кармата кои можеби не ги знаевте досега

Riste Zdravkov — Mon, 07 Aug 2023 13:40:02 +0000

Универзалниот принцип на кармата е поврзан со циклусот на причина и последица – секоја акција што ја преземате сега влијае на вас во иднина. Законот на кармата важи и за вашите мисли и зборови, а не само за вашите постапки. Денес луѓето ширум светот го користат концептот на карма за да ги објаснат човечките судбини, околности, настани… Во продолжение прочитајте ги овие факти за кармата кои можеби не ги знаевте досега. 1. Кармата не треба да биде само казна за правење нешто лошо. Тоа не е само казна. Тоа е дел од патувањето на душата. Сите ваши постапки влијаат на вас. 2. Законот на кармата може да ви помогне да се движите низ животот. Страдањата, наградите и сите други предизвици кои животот ви ги фрла се тука за да можете да преминете во следната фаза од животот. Тоа ви помага да го разликувате доброто од лошото и само тогаш можете да изберете подобар пат за себе. 3. Не е важно дали вашите дела се големи или мали. Немојте да мислите дека вашите мали напори не се доволни, бидејќи секоја акција има влијание во иднина. Секоја мала акција што ја преземате помага да се обликуваат идните настани. 4. Можете да користите одредени зборови за да ја исчистите вашата карма, а понекогаш дури и не сфаќате дека го правите тоа – тоа е древната свест што може да ви помогне да ја подобрите вашата карма. 5. Кога ќе сфатите дека дури и вашите мисли и најбезначајните постапки влијаат на вашата реалност, станувате потрпеливи и престанувате да дејствувате набрзина. 6. Секоја негативна карма може да се претвори во позитивна, бидејќи вашата судбина е во вашите раце. извор: kafepauza.mk

Лазаров му порача на Марјан – Доказ дека правдата на крајот секогаш доаѓа: “Гледај да не спиеш сега ти со мажи во затвор за спас, славен веќе си“

Антонио Димитриевски — Wed, 05 Apr 2023 10:27:27 +0000

На таканаречениот новинар на самопрогласениот медиум „ДоказМ“, Марјан Стаменковски, првостепениот суд експресно му пресуди за сите „гнасотии“ што јавно ги објавуваше, меѓудругото и за познатите личности, крадејќи цели авторски текстови од останатите релевантни портали меѓу кои и Вистина.ком.мк, на кои им лепеше вулгарни „порно“ наслови и додаваше измислени компромитирачки содржини... Колку за пример: Ова е оригиналниот текст и наслов на еден од нашите написи... Додека ова се пиратираните копии на „Доказ М“, украдени истиот ден, со сопствено додадени гнасотии, најчесто само во насловот, но понекогаш и во содржината. Изрекувајќи му казна од три години и еден месец затвор на Стаменковски, тој меѓу останатото е осуден за уцена, пиратерија на аудиовизуелно дело, ширење на расистички и ксенофобичен материјал по пат на компјутерски систем и злоупотреба на лични податоци. За злоупотребата на личните податоци доби казна и од 5 илјади евра. Судот му забрани да регистрира домеин или да биде сопственик на портал следните 10 години, а и порталот Доказ ќе престане да постои бидејќи Стаменковски е негов сопственик. По казната, колку тоа сурово и да звучи, на многумина „им олесни на душата“ зашто познати естрадни личности, пејачки, манекенки, мисици, модели, новинар(к)и, ТВ лица... „немаа дерман“ од измислиците на „великиот новинар“ кои го уриваа нивниот углед и интегритет, ја валкаа нивната личност, нарушуваа приватноста, ги загрозуваа нивните семејни односи... Еден од многумината кој „изгорел“ од насловите и написите на споменатиот „креативец“, е и јутјуберот Стефан Лазаров, кој по објавувањето на пресудата, како едвај да дочека да му испорача пост на своите Инстаграм приказни со содржина која допрва осудениот ќе има време да ја анализира. Дали тоа кармата е кучка, па правдата можеби е спора, ама на крајот секогаш доаѓа, ДОКАЗ е епилогот на целата приказна во која кармата „докажаниот“ го стигна. Стефан Лазаров само го начекал моментот да го потсети на старата поговорка: „Кој за меч се фатил, од мечот и завршил“, па на свој начин на „пријателот“ со судска пресуда му порачал: „Еден од насловите за мене. А буквално за секој од јавните личности имаше напишано страшни гадости и лаги. Искрено, сметам дека 3 години се малку. А јас сум се смеел на вакви работи, ама знам дека има уништено фамилии со лажни информации. На крајот правдата секогаш доаѓа, дали на ваков или онаков начин. Поздрав пријателу, гледај да не спиеш у затвор ти со мажи сега за спас, славен веќе си“ - му порача во постот Лазаров на Марјан - Доказ. Фото: Принтскрин ДоказМ/ Вистина.ком.,мк/ _lazarovv

Жерар Пике во непријатна ситуација – мора да носи дрес со името на светски познатата пејачка Шакира (фото)

Слаѓана Атанасова — Fri, 21 Oct 2022 10:40:23 +0000

Шпанскиот фудбалер на секои неколку дена ќе биде принуден да го носи на градите името на жената со која помина 12 години, а потоа и го скрши срцето. А како што пренесуваат европските спортски медиуми, Жерар Пике во иднина би можел двапати неделно да носи дрес на кој пишува – Шакира! Имено, неговиот ФК Барселона има договор со музичката платформа „Spotify“, чии челници сакаат да промовираат некои музички ѕвезди со тоа што ќе ги испишаат нивните имиња на дресовите на спортистите, а се шпекулира дека името на Шакира ќе стои на дресот на Барселона. Познатиот шпански новинар Мојсес Љоренс тврди дека се било договорено и сè пред потпишување. Сè уште никој не ги коментирал овие тврдења: ниту Барселона, ниту Спотифај, ниту шпанската Ла Лига, па останува да видиме дали фудбалерот ќе го видиме како носи дрес со името на жената на која неодамна и го скрши срцето.

Gerard Piqué could reportedly have to wear Shakira’s name on his soccer jersey due to Barcelona’s partnership with Spotify. pic.twitter.com/De5D85AIQd
— Pop Base (@PopBase) October 20, 2022

Фото:Принтскрин/Твитер

Ако сте родени на овие датуми, вие имате посебна карма: Дознајте повеќе за себе

Слободанка Илиева — Fri, 28 May 2021 11:45:10 +0000

Нумерологијата како концепт е блиску до оној на астрологијата и други паранауки од антиката. Може да се користи за “предвидување на иднината преку изготвување на предвидувања врз основа на бројките”. Луѓето родени на 13-ти За овие луѓе се вели дека ќе го остварат секој сон и секоја цел, но мора да се научат да се справат со пречки. По секој неуспех тие се во колапс емоционално, престануваат да веруваат во себе, имаат чувство дека е крајот на светот, наместо да земат поука и да бидат благодарни што имаат таква можност. Секоја цел во животот тие ќе ја постигнуваат задолжително со една или две пречки. Но, тоа не треба да ги плаши, туку напротив, да ги мотивира! Луѓето родени на 14-ти Овие личности се склони кон однесување да изневеруваат, да не ги почитуваат другите, да си прават што сакаат. Доколку сте и вие од нив знајте дека вашата карма помалку паѓа во искушенијата и треба да си поставите цел, која ќе ја следите. Таа може да е поврзана со личен развој, развој на бизнисот, учење. Се проценува дека вие имате сила да го промените дури светот. Луѓето родени на 16-ти Штом сте родени на тој датум, тоа значи дека треба да дејствувате иновативно. Вие имате карма да иницирате и да ги водите останатите по себе. За целта се бара многу храброст и силна интуиција. Не грижете се, и двете ги имате во изобилство, само потребно е повеќе да поверувате во себе. Не смеете да сте иронични и цинични – тоа однесување ќе ви создаде негативна енергија, која ќе ве оддалечи од судбинскиот пат кој е потребно да се следи. Секој ден треба да давате почеток на нешто ново. И да го правите со сета своја љубов и желба. На пример да посадите дрвце, да заработите пријател, да му помогнете на некого, да направите креативна промена на работното место, да посетите ново место. Луѓето родени на 19-ти Вие сте луѓето кои изобилуваат со морална и емоционална поддршка за останатите. Склони сте кон затворање и да си седите главно дома. Тоа треба да се промени. Секој ден треба да разговарате со познати и непознати. Да давате совети, да ги сослушате, да помагате, да мотивирате. Благодарение на вас и вашите зборови, многу луѓе ќе ја откријат среќата, љубовта, а на некои дури и ќе го спасат животот! Вие сте амбасадорите на доброто, раздавачи на надежта, вие сте мудри советници – тоа е вашата судбина. извор:курир.мк

Лила и се врати на „Ариа“: Производот нов, името старо, добро познато (ВИДЕО)

Антонио Димитриевски — Sat, 03 Apr 2021 06:48:59 +0000

Едни велат, од судбината не се бега. Други пак, велат кармата е „кучка“! И едните и другите не се далеку од вистината, иако некои кога ќе се соочат со „кучката“, се поголеми од неа. Лила Филиповска или Стојановска сеедно, е една од нив! Важи веројатно за најдобрата македонска ТВ водителка, која со појавата на социјалните мрежи популарноста во професијата си ја претвори во подвижен билборд, па секој нов пост, секоја нова објава на фотографија или видео и е со нова различна реклама за нешто. Затоа и велат дека Лила ни кафе не пие, ако не и е спонзорирано! И нека е!

Еден од производите кои ги рекламира „првата дама на банкарот“ е и хидрататор за кожа. Или народски, таканаречен „навлажнувач“! Неопходен на секоја или речиси секоја жена на која и е сува... кожата се разбира! Доволни се 30 секунди и таа и е веќе... оросена!

Името на оваа мала направа интересно, но не и непознато: Ариа! На Лила, особено. Од времето кога токму „Ариа“ беше групата која свиреше во секое издание на нејзиното тогашно ток шоу „Ѕвездена планета“ од крајот на стариот и почетокот на новиот милениум!

Бендот музички совршен, а и љубовта на нивниот лидер, гитарист и главен вокал Орце Димитровски и водителката наликуваше на таква... Толку голема што заврши дури и со брак, кој пак бргу заврши откако стана јасно дека нивните карактери никако не можат да се наштимаат, за меѓу нив да постои семејна хармонија! Музичарот замина од нејзиниот живот, а со тоа и „Ариа“ заминаа од нејзиното ТВ шоу! Ги наследија „Браво бенд“!

И сега, децении подоцна, Лила и „Ариа“ повторно заедно! Само што ништо не е исто, освен името на производот кој е нов. Ама затоа името старо, добро познато... за Лила!

И после некој нека каже дека кармата не е „кучка“...? Само што, Лила е една од оние кои ги споменавме на почетокот на приказната, кои кога ќе се соочат со „кучката“, се поголеми од неа! Патем, овој пат и добро „оросена“!

View this post on Instagram

A post shared by Lila (@lilafilipovska) on Mar 3, 2019 at 7:40am PST

Цитати за кармата што ќе ве потсетат дека сите го добиваат она што си го заслужиле

Христина Ѓоргиевска — Tue, 24 Sep 2019 13:30:24 +0000

Тешко е постојано да се биде позитивен. Сите имаме лоши денови понекогаш. Без разлика дали сте ги заборавиле клучевите, сте задоцниле на работа или сте го пропуштиле автобусот, нормално е тоа што таквите работи влијаат на вашето расположение. Но, најважно е да не ја пренесувате негативната енергија на луѓето околу вас. Иако можете да влијаете на вашето однесување, не можете да го контролирате туѓото, така што можно е да се случи некој да го пренесе лошото расположение на вас. Неизбежно е тоа да налетате на намуртени и негативни луѓе. Во таков случај, најдобро е да не реагирате, туку да оставите кармата да се погрижи за нив. Ако некој ве истурка и ви го земе редот, ви се развика од неоправдани причини и слично, не дозволувајте тоа да ви го уништи денот. Останете смирени и верувајте во моќта на кармата. Доколку сте ја изгубиле вербата во нејзиното дејство, следниве цитати ќе ве потсетат на тоа дека сите го добиваат она што си го заслужиле… „Никогаш нема да станете толку големи одмаздници колку што е кармата.“ „Вистинското лице на луѓето ќе се покаже со текот на времето. Можеби ќе бидете измамени во моментот, но бидете трпеливи и почекајте да видите што ќе се случи.“ „Кармата е најдобриот проценувач на карактери.“ „Некои луѓе самите си ги создаваат бурите и потоа се лутат кога ќе им заврне.“ „Порано или подоцна, сите седнуваат на банкет од последици.“ „Единственото нешто што треба да го знаете за кругот е дека секогаш се врти.“ „Кармата е како ластик. Можете да го тегнете дотаму додека не ви се врати и не ве плесне по лицето.“ „Однесувањето на другите луѓе е нивна карма. Вашата реакција на него е ваша карма.“ „Кармата само си ги остри ноктите и си го довршува пијалакот. Ќе се појави за кратко.“ „Сѐ што правите ќе ви се врати назад.“ „Престанете да се нервирате поради лошите луѓе.“ „Само запомнете дека сите неволји што ќе ви ги предизвикаат другите луѓе, порано или подоцна ќе им се вратат.“ „Никогаш немојте да се каете поради тоа што сте биле добри со погрешни луѓе. Вашето однесување кажува сѐ за вас, а нивното кажува доволно за нив.“ „Автобусот под кој ќе ве фрли непријателот, ќе заврти и ќе го удри на тротоарот.“ „Кармата никогаш не губи адреси.“ „Ако треба да одбирате помеѓу тоа да бидете добри или да бидете во право, одберете ја добрината и никогаш нема да погрешите.“ „Будалите земаат нож и го забодуваат во грбовите на луѓето. Мудрите го земаат ножот, ги пресекуваат ланците и се ослободуваат од будалите.“ „Луѓето кои сами создаваат драма, си ја заслужуваат својата карма.“ „Луѓето кои користат други луѓе како скали за искачување, ќе изгубат рамнотежа еден ден.“ извор:курир.мк