карфиол – Вистина.мк

Рецепт за вкусен прелив заради кој сите конечно ќе го засакаат карфиолот

Слаѓана Атанасова — Tue, 01 Nov 2022 13:37:25 +0000

Карфиолот е флексибилна храна која може да се подготви на различни начини – можете да ја готвите, печете, динстате. Во згмечена форма е одлична замена за оризот, а во смути наместо банана можете да ставите замрзнати цветови – ќе ви даде кремаста текстура без дополнителни калории. Не ви се допаѓа карфиолот? Големи се шансите да не сте го подготвиле како што треба. Во својата природна форма, карфиолот има многу неутрален вкус и треба добро да се зачини. Не знаете како да додадете вкус? Имаме решение! Подгответе го овој едноставен прелив на база на готови печени пиперки од продавница, бадеми и магдонос. Состојки: 1 главица карфиол 200 гр печени пиперки од тегла 80 мл маслиново масло 30 гр листови од бадем 2 лажици овошен оцет 1-2 чешниња лук 1-2 лажици лут сос по желба ½ лажичка чадена пиперка во прав свеж магдонос сол и бибер по желба Подготовка: Загрејте ја водата во големо тенџере и малку посолете ја. Ставете го исчистениот карфиол искинат или исечен на помали парчиња. Варете додека карфиолот не омекне. Само внимавајте да не се превари карфиолот бидејќи така ќе го расипе вкусот на целото јадење. Карфиолот исцедете го од водата и оставете го на страна малку да се излади. За тоа време направете го преливот за зеленчукот: во сечкач за зеленчук или во добар блендер ставете исцедени печени пиперки, листови од бадем, излупен лук, оцет, чадена пиперка во прав, грст свеж магдонос и малку сол и бибер. Истурете го маслото и пулсирајте додека не добиете густа мазна смеса. Вкусете ја смесата и додадете лут сос како срирача. Прилагодете ја пикантноста по ваша желба. Оставете го преливот на страна. Загрејте тава со малку масло, а потоа кратко пропржете ја карфиолот додека не добие златно-жолта боја. Печениот карфиол измешајте го со преливот и послужете веднаш. Добар апетит! Извор: Курир.мк

Идеја за ручек: Похован карфиол што ќе го сакаат и децата

Слаѓана Атанасова — Fri, 30 Sep 2022 12:32:09 +0000

Карфиолот не е омилен зеленчук на многумина, а најмалку на децата. Вистина е, карфиолот има специфичен вкус, но се зависи од тоа како го подготвувате. Овој зеленчук е многу здрав, па затоа ви подготвивме рецепт со кој ќе направите брз и лесен оброк од карфиол и ќе го јадете вкусно. Состојки: 1кг карфиол 150мл млеко 4 јајца 4 лажици билни зачини 200гр брашно масло за готвење сол Подготовка: Карфиолот убаво измијте го и одвојте го на цветчиња. Во големо тенџере сипете вода, а кога ќе зоврие додадете го карфиолот и посолете. Карфиолот оставете го да се готви на тивок оган пет минути. Кога е готово, добро исцедете го карфиолот од водата. Изматете ги јајцата, а потоа додадете ги билните зачини и млекото. Истурете го маслото во длабока тава и оставете да се загрее. Карфиолот прво валкајте го во брашно, па потопете го во јајцата. Истурете го во загреаното масло и пропржете го од сите страни. Карфиолот се служи топол, а вкусен е и кога ќе се излади

Карфиол од тава: Убедливо највкусно јадење, а сирењето и сланината даваат посебен мирис

Слободанка Илиева — Mon, 12 Sep 2022 12:15:57 +0000

Карфиолот не е омилен зеленчук и секој ќе претпочита да избере нешто друго за јадење, но ако го подготвите на овој начин, ќе бидете воодушевени. Во тава пропржете карфиол со сланина и сирење и ќе имате прилог или главно јадење на кое никој нема да може да одолее. Комбинацијата на феноменални и достапни состојки ќе го направи ова јадење ваше омилено, а најдобро од сè, лесно се подготвува. Состојки: 500 гр карфиол 200 гр сланина 1 кромид 200 гр чери домати 120 гр тврдо сирење магдонос Подготовка: Карфиолот исечкајте го на мали цветчиња, а потоа кратко бланширајте во зовриена вода. Исечете ја сланината и пропржете ја на малку масло, па извадете ја од тавата. Во истото тавче додадете поголем кромид, па по неколку минути додадете чери домат исечен на половина. Пржете неколку минути со повремено мешање, а потоа вратете ја сланината и додадете го карфиолот. Посипете со рендано сирење и сечканиот магдонос, промешајте, па покријте и варете неколку минути. извор:popara.mk

Најлесниот рецепт за вкусен похован карфиол со крцкава кора

Слободанка Илиева — Fri, 13 May 2022 11:30:47 +0000

Карфиолот е исклучително флексибилен зеленчук кој може да се подготви на различни начини. Се додава во супи и чорби, се прави во пире, па дури може да се претвори во ориз и тесто за пица. Во гастрономските кругови, панираниот карфиол стана многу популарен во последните години и се служи како предјадење во многу ресторани. Ова јадење многу лесно се подготвува во вашиот дом, а наместо класично панирање со јајца и бело брашно, ви нудиме малку поинаква алтернатива со брашно од наут. Состојки за паниран карфиол: 400 гр свежи цветови од карфиол 200 гр лебни трошки 50 гр брашно од наут 10 лажици вода 1 лажица сок од лимон или лимета 1 лажичка ким 1 лажичка лук во прав сол и бибер по желба Подготовка: – Загрејте ја рерната на 200 Целзиусови степени. – Исечете го карфиолот на парчиња со големина од околу 1-2 инчи. Измијте ги и исушете ги. – Во еден сад измешајте го брашното од наут со водата и сокот од лимета. Додадете сол и бибер по желба. – На чинија измешајте ги лебните трошки со малку сол, ким и лук во прав. – Измиениот карфиол потопете го во смесата со брашно од леблебија, а потоа извалкајте ги трошките да ја покрие целата површина. Постапката повторете ја додека не ги потрошите сите состојки. – Вака подготвениот карфиол ставете го на хартија за печење и ставете го во загреана рерна 30 до 40 минути додека зеленчукот не се свари до крај, а обвивката не стане крцкава. На половина од печењето превртете го карфиолот на другата страна. – Послужете со сос по желба. Добар апетит! извор:попара.мк

Без јајца и масло: Најлесниот рецепт за вкусен и крцкав карфиол!

Слободанка Илиева — Wed, 27 Apr 2022 14:00:10 +0000

Потребни состојки: 400 грама свеж карфиол 200 грама лебни трошки 50 грама брашно од наут 10 лажици вода 1 лажица сок од лимон или лимета 1 лажичка ким 1 лажичка лук во прав сол и бибер по желба Начин на подготовка: 1. Загрејте ја рерната на 200 степени целзиусови. 2. Исечете го карфиолот на парчиња и измијте ги и оставете ги да се исушат. 3. Во друг сад измешајте го брашното од наут со водата и сокот од лимета. Додадете сол и бибер по желба. 4. Во друг сад измешајте ги лебните трошки со малку сол, ким и лук во прав. 5. Парчињата карфиол потопете ги во садот со брашното, а потоа во садот со лебните трошки. 6. Вака подготвените парчиња карфиол ставете ги на хартија за печење, а потоа во рерна да се печат околу 30 до 40 минути додека карфиолот не стане крцкав. Не заборавајте во текот на печењето да ги превртите парчињата карфиол за рамномерно да се испечат. 7. Послужете со сос по желба. На здравје! Откако го прочитавте нашиот рецепт за крцкав карфиол, можеби ќе сакате да го прочитате и рецептот за пире од карфиол. извор:kafepzauza/punkufer.dnevnik.hr

Јутјубер покажува на што го потсетува секоја земја во Европа: Еве што кажа за Македонија

Христина Ѓоргиевска — Mon, 20 Sep 2021 12:14:26 +0000

Дали кога гледате во облаците некои од нив ве потсетуваат на нешто? Луѓето често наоѓаат форми онаму каде што тие не постојат. Јутјуберот Закабер на својот канал објавил видео во кое илустрирал на што го потсетуваат европските земји. Албанија го потсетува на презерватив, Ерменија на ајкула, а Австрија на дебел полжав. Босна и Херцеговина му наликува на ракета, а Хрватска на змеј. Србија го потсетува на диносаурус, а Косово на дух. Според него, нашата земја изгледа како голем карфиол. Дали се согласувате со него? извор: Курир.мк

Си купила карфиол, а во него нашла нешто ужасно!(фото)

Ивана Стојанова — Thu, 23 Aug 2018 17:00:02 +0000

Една жена отишла на пазар да си купи карфиол. Но, освен зеленчукот дома си донела и нешто друго. Тоа било нејзиниот кошмар. Кога сакала да го измие карфиолот и да го подготви за спремање, се соочила со нешто страшно. Имено, во карфиолот нашла змија.

Фотографиите ги сподели на Фејсбук со предупредување до сите, да внимаваат кога купуваат вакви производи.