„Kога жената пишува олимписка историја“: Пулексенија Јованоска е дел од изложбата – „Жените и спортот“ (фото)

Слаѓана Атанасова — Wed, 20 Sep 2023 06:36:20 +0000

На изложбата која се реализира во пресрет на Олимписките игри во Париз 2024, од Маја Аргакијева се најде и фотографија од македонската каратистката Пулексенија Јованоска. Таа е македонската врвна спортистка, единствената која ја претставувала Македонија на Олимпијадата во Токио и претставува голем пример за младите и голема инспирација и за мажите и за жените кај нас, а како женска фигура се залага и придонесува кон родовата еднаквост во спортот. За Пулексенија Јованоска, поентата на оваа изложба е да се долови моментот дека жената може да биде еднакво застапена во спорот како и во уметноста. – Драго ми е што изложбата ја направи Маја Аргакијева, жена која што беше инспирирана од нашите успеси како спортистки, од секој спорт индивидуално, да може да ја искаже силата и убавината во спортот преку една фотографија, истакна таа. Јованова преку спојот на убавината и каратето успева да ја покаже моќта на жената, а на нејзиниот Инстаграм профил таа сподели дел од атмосферата и како се чувствувала за време на изложбата. „Kога жената пишува олимписка историја станува фотографија за вечноста“ - напиша таа. Дел од изложбата организирана од Француската амбасада во Македонија беа вклучени и спортистките Ана Цветановска – нордиско скијање, Анамарија Георгиевска – Таеквондо, Арбреша Реџепи – Џудо, Дрита Исљами Бафтири – Атлетика 400м со пречки, Ива Пројковска – Фудбалски судија од рангот ФИФА/УЕФА/ФФМ, Катерина Николоска – џудо, Милијана Рељиќ – Таеквондо, Наташа Мешковска – пливање 200 метри пеперутка и Пулексенија Јованоска – карате. Фото: Принтскрин/Инстаграм/Пулексенија Јованоска

Вистина ја поддржува иницијативата каратето да биде олимписки спорт

Антонио Димитриевски — Mon, 15 Apr 2019 13:10:43 +0000

Откако беше одлучено каратето да има кратка олимписка кариера односно да биде дел само од Олимписките игри во Токио, Светската Карате Федерација покрена иницијатива каратето да остане на листата олимписки спортови и на Олимпијадата во Париз која ќе се одржи во 2024-та година. Меѓу иницијаторите на оваа кампања е и европскиот шампион, македонецот Емил Павлов. Нашиот портал Вистина.ком.мк, дава поддршка на иницијативата на Светската Карате Федерација, каратето да биде олимписки спорт.

Иницијативата продолжува! Европскиот шампион Емил Павлов и поранешниот боксерски олимписки шампион Маријан Касприк од Полска се меѓу стотиците ентузијасти што го прават предизвикот # TsukiForKarate2024 за да се побара вклучување на каратето на олимпијадата во Париз 2024. КАРАТЕ ОЛИМПИСКИ СПОРТ!, стои во објавата на Фејсбук на Светската Карате Федерација.

карате – Вистина.мк

„Kога жената пишува олимписка историја“: Пулексенија Јованоска е дел од изложбата – „Жените и спортот“ (фото)

Вистина ја поддржува иницијативата каратето да биде олимписки спорт