карантин – Вистина.мк

Миленичињата позитивно влијаат при карантин и изолација

Христина Ѓоргиевска — Thu, 18 Nov 2021 14:00:24 +0000

Истражувањата покажуваат и потврдуваат дека миленичињата позитивно влијаеле на менталното здравје на нивните сопственици при рестриктивните епидемиолошки мерки против коронавирусот. Испитување спроведено меѓу 1.200 сопственици на домашни миленици, посочува дека и за време на карантинот и затворањето дома, кучињата навистина може да бидат најдобри пријатели на човекот. Испитаниците, поточно 85 отсто од нив рекле дека кучињата имаат значително или умерено позитивно влијание, додека 75 проценти од испитаниците истото го кажале истото за мачките. Многу малку се оние кои мислат дека домашните миленици го влошиле нивниот квалитет на живот во изолација. Научниците веруваат дека миленичињата го подобруваат животот во целина. Тие се една од причините што човекот почесто го напушта домот и се дружи со други луѓе. И многу претходни студии покажаа дека тие го подобруваат менталното здравје. Ова особено кога човекот е тажен, депресивен или вознемирен. Се смета дека миленичињата го олеснуваат и воспоставувањето односи со други луѓе. Тие придонесуваат за чувство на почит, сочувствување и доверба. извор: независен.мк

Приказни од карантинот: Затворена дома, за што полесно да прележи корона, Сани Гроздановска одговараше на прашања, предлози и повици на нејзините следбеници

Антонио Димитриевски — Mon, 23 Aug 2021 06:47:32 +0000

Македонската фолк пејачка Сања Сани Гроздановска еднаш беше позитивна на Ковид – 19 и го прележа во домашни услови. Заради природата на работата Сани решила сепак да се вакцинира, но еден ден откако ја примила првата доза на вакцината, не се чувствувала добро. Се посомневала во симптомите и веќе наредниот ден заминала да се тестира, а тестот покажал дека пејачката е повторно позитивна на коронавирусот. Сани најпрвин завршила во болница, но бидејќи немала посериозни проблеми и тешки симптоми, по дадената терапија и лекарските препораки, била пуштена на домашно лекување, но во задолжителна изолација! Карантинот е „нужно зло“ кога е коронавирусот во прашање, особенно за темпераментни и живи личности како што Сани, која „место не ја фаќа“ и за која важи онаа народната: „Вода стои, таа не стои“! Арно ама, што се мора не е тешко, колку тешко и да треба да се поднесе - ќе се издржи. За полесно да ги помине деновите на изолација, Сани си најде „нужна занимација“, каде ако не на социјалните мрежи, па ги повика своите фаниови и следбеници да и поставуваат прашања на кои таа ќе им одговара. А тие како едвај да дочекаа, па во прашањата имаше се и се'што: Од пораки да биде цврста и храбра, да издржи, преку оние за што побргу оздравување, барања за исполнување онлајн музичка желба, па се' до желби за таканаречените „непристојни предлози“ и „скокотливи понуди“ до пејачката во карантинот. А Сани како Сани, на сите знаеше да им одговори, заблагодари, удоволи... Со порака, емотикон, песна... Чарето им го најде дури и на оние „непристојните“, се разбира во рамките на „пристоен одговор“. Еве како изгледаше дел од нејзината онлајн преписка, муабет и песна од карантинот со нејзините следбеници на социјалните мрежи. Фото: Инстаграм принтскрин/sani.grozdanovskasanja

Излегувањето од карантин го прослави со жешка фотографија: Кортни Кардашијан позираше топлес (фото)

Христина Ѓоргиевска — Fri, 06 Aug 2021 09:04:36 +0000

Koртни Кардашијан (42) со најновата фотографија на социјалните мрежи покажа зошто членовите на семејството Кардашијан ја нарекуваат „најприродна сестра“. Имено, Кортни објави нови фотографии и откри дека последните десет дена ги поминала во карантин. Имено, Кортни објави фотографија на која позира во одраз на огледало само во бањарка под која не носи долна облека, а зад неа стои нејзиното момче, тапанарот Тревис Баркер. Кортни сакаше да покаже што правела таа и нејзиното семејство за време на изолацијата, па можете да забележите дека се потстрижала, дека гледала филмови, уживала во својот двор, но најмногу внимание привлече тоа што позираше топлес. – Десет дена карантин …- напиша таа во описот на објавата, а нејзиното момче веднаш одговори во коментар – Десет дена со тебе. Парот не се срами да ја покаже својата љубов во јавност, но некои фанови велат дека некои работи треба да ги остават за во приватност.

Туристите во Тајланд задолжителниот карантин може да го минат на јахта

Слободанка Илиева — Wed, 10 Mar 2021 12:45:15 +0000

За туристите во Тајланд, задолжителен е двонеделен карантин, но сега, тие може тие две недели да ги минат на јахта. Владата се надева дека оваа нова иницијатива ќе донесе приходи од туризмот со јахти, кој вообичаено носи 58 милиони долари приход. Овој потег е обид да „заживее“ туризмот во Тајланд, што претрпе тежок удар поради пандемијата на коронавирусот. Во јануари, земјата објави шема што им овозможува на туристите да го минат карантинот на терени за голф, па и јахтите се дел од таа стратегија. Програмата ќе им овозможи на туристите со негативни тестови, задолжителниот карантин да го минат на крстосувачки брод во тајландските води. Пријавувањето започна, а се очекува да се пријават вкупно околу 100 јахти за пробниот период. Туристите притоа ќе мора да носат и паметна нараквица која ќе ги следи нивната температура, крвен притисок и местоположбата. По забраната за странски туристи во март минатата година, Тајланд постепено почна да ги отвора своите граници во октомври. Минатата недела, Министерството за туризам предложи план за карантин на популарни туристички места, вклучително и одморалишта на плажа. Овој план ќе почне да се спроведува во април и мај во туристичките места Пукет, Краби и Чијанг Маи. МИА

„Ѕвездите на Гранд“ останаа без еден од најатрактивните членови на жирито: Марија Шерифовиќ јавно му се обрати на Саша Поповиќ да му каже дека го напушта (ФОТО)

Антонио Димитриевски — Fri, 14 Aug 2020 08:54:42 +0000

Еден од најдобрите вокали во регионот, пејачката Марија Шерифовиќ во моментов престојува во Америка, поточно во Калифорнија. Како и секогаш, таа е многу активна на социјалните мрежи, па така многу често ја користи можноста преку нив да им се обрати на своите следбеници. Овој пат, не само на фановите туку Марија јавно му се обрати и на директорот на „Гранд продукција“, Саша Поповиќ, на кого му порача дека ќе мора да си најде нов член на жирито. „Во оваа пригода, би сакал да ги поздравам сите и да известам дека најверојатно ќе ми следи карантин по враќањето дома, а ќе следат и тестирања на ПЦР, па да го известам Саша Поповиќ дека останал без член на жирито“ - рече шеговито Марија, а натпреварот без неа, ќе признаете, не би бил ист.

Перо Антиќ му остави коментар на Душко Тошиќ откако тој покажа како го минува времето во карантин (фото)

Слободанка Илиева — Tue, 28 Jul 2020 07:29:42 +0000

Додека пејачката Јелена Карлеуша ужива на одмор во луксузен ресорт во Турција заедно со ќерките, нејзиниот сопруг, фудбалерот Душко Тошиќ по вторпат е во карантин откако започна пандемијата со коронавирус. Само овој пат, наместо во Србија тој е во Гванжу - Кина каде се врати поради професионалниот ангажман. Таму важат строгите мерки за заштита од вирусот, па тој по слетувањето мораше да се изолира.

View this post on Instagram

Back to China ??⚽️

A post shared by Dusko Tosic (@duskotosic) on Jul 14, 2020 at 7:45am PDT

Како што објави на Инстаграм, Душко поминал сам 13 дена, а за тоа време пуштил брада, а со неа нашол и начин за забава. Имено, тој објави галерија фотографии на кои е избричен во разни форми на брадата, а на едната фотографија има и мустаќи.

View this post on Instagram

Day 13 of quarantine..??

A post shared by Dusko Tosic (@duskotosic) on Jul 27, 2020 at 3:04am PDT

Ваквата објава предизвика многу коментари, а меѓу нив беше и оној на нашиот Перо Антиќ кој низ смајли емотикони му порача да ги остави мустаќите. Овој коментар на Перо им се допадна на повеќемина, а Душко сепак остана резервиран (барем преку Инсатграм), иако нели имаше и вишок слободно време.

Се зборуваше дека е бремена, уморна и исцрпена: Кејт Мидлтон за првпат се појави во јавност по карантинот (фото)

Слободанка Илиева — Fri, 03 Jul 2020 08:28:35 +0000

Војвотката од Кембриџ го посети новиот гарден центар во близина на нејзиниот дом во Норфолк, а сите со надеж дека работите ќе се вратат во нормала. Ова е нејзино прво појавување во јавноста од март годинава. Имено, поради пандемијата на коронавирус, војвотката беше во карантин, а сега таа ја искористи можноста да разговара со сопственикот на градинскиот центар и работниците. Тие зборуваа за мерките за заштита од вирусот, но и за тоа како се затвори нивниот семеен бизнис за седум недели заради пандемијата. Во исто време, принцот Вилијам ја посети локалната пекарница, разговарајќи со сопствениците и вработените за тоа како стопирањето на работата влијаеше врз заработката и семејните финансии. Иако во јавноста се шпекулираше дека војвотката повторно е бремена и дека е исцрпена и уморна поради тоа, изгледот на Кејт Мидлтон не може да го потврди тоа. Имено, Кејт изгледаше здраво и оптимистично во спортско издание кое се состоеше од црни пантолони, светло сина маица и елек. Како и секогаш, за време на официјалните посети, војвотката се смешкаше расположена да се дружи.

Им го крена притисокот на мажите: Рита Ора се соблече гола пред огледалото и го исплази јазикот (фото)

Слободанка Илиева — Tue, 30 Jun 2020 09:15:31 +0000

Англиската пејачка со албанско потекло, Рита Ора (29), објави топлес фотографија на социјалната мрежа Инстаграм, а ги покри пупките со раката за да не се видат иако покажа скоро се’. Пејачката од време на време објавува голи фотографии, а оваа го запали интернетот! Имено, таа се соблекла целосно гола и позираше во провокативна поза, со што им го крена притискот на мажите ширум светот. На фотографиите, првин си ставаше кармин на усните, а потоа го исплази јазикот по што обожавателите и рекоа дека ова е премногу за нивното срце, па напишаа: „Ти си кралица, изгледаш фантастично, најдобра си“, „Јас сум мртов, не го прави ова повеќе. За мене си болно добра“, „Гориш“, беа само некои од коментарите.

View this post on Instagram

Doing my own glam I had to show you guys! Lol I mean I’m not the best at it! But I love doing it!?Happy #pride ❤️?️‍?

A post shared by RITA ORA (@ritaora) on Jun 27, 2020 at 11:08am PDT

Рита собра повеќе од 533.000 лајкови на оваа објава, а е проследена со 16,1 милиони обожаватели на Инстаграм. Таа откри дека се сликала додека се подготвувала да оди на Парадата на гордоста, но не била сама. Таа беше придружувана од нејзината мајка Вера Ора, која често ги коментираше нејзините постови и се шегуваше со нејзината ќерка.

View this post on Instagram

Can’t find my bikini. ?

A post shared by RITA ORA (@ritaora) on Jun 24, 2020 at 5:06am PDT

Рита не губи време и сега работи на својот нов албум на имотот Котсволдс. За време на изолацијата поради пандемијата „Ковид-19“, таа отиде таму каде што има мир со цел да направи нова музика. Таа се преселила на фарма на 150 километри од нејзината куќа во Лондон, каде слободното време го поминала во карантин по природа.

Адријана Алачки славеше роденден сама во карантин – еве колку години наполни (фото)

Христина Ѓоргиевска — Tue, 09 Jun 2020 07:30:52 +0000

Изминатите три месеци, многу познати во карантин имаа разни поводи за славење. Некои славеа роденден, други годишнина од брак, трети славеа раѓање на дете, но наместо забави и големи прослави, тие славеа едноставно и скромно, во кругот на семејството, а некои и сами. Адријана Алачки изминатиот викенд славеше роденден, но таа го прослави сама поради тридневниот карантин. За женски магазин таа вели дека овој е бил еден од најзабавните родендени. „Внуката, ќерка ми и зетот не можеа да ми дојдат на гости. А како да дојдат, бевме во карантин. Син ми беше заминат во викендица. Затоа, овој роденден го поминав сосема сама. Внука ми Јана ми испеа роденденска песна и ми подари торта, но еден ден пред да започне карантинот. Со син ми се видовме на вибер“ вели Алачки. Таа опиши како изгледал нејзиниот роденденски ден. „Имав илјадници повици од целиот свет. Телефонот не престана да ѕвони цел ден. Сите судии од „Гастромак“ од сите кониненти ми се јавија. Од Москва пријателите ми снимија специјално видео, од Маурициус коктели ми правеа. Не можете да замислите колку ми беше забавно“, сподели Адријана за женски магазин. На нејзиниот „Фејсбук“ профил пристигнуваа честитки и пораки од цел свет, а таа им се заблагодари на сите за убавите мисли и желби. „Драги мои пријатели, познати и непознати, сакам да Ви се заблагодарам што ми го честитавте роденденот, кој го поминав во мојот дом, како совесен граѓанин почитувајќи ги мерките и карантинот, дури и без моето семејство. Но сите ваши повици, пораки и честитки ми го направија денот најубав, како разгледница низ животот ме водевте, како да го гледав најромантичниот филм и да ја читав најубавата книга. Никогаш досега немав таков роденден, толку полн од љубов и внимание со толку пријатели од сите континенти. Ме посетивте дека низ годините си оставивме траги на взаемни дела и почит а од таму и желба да одвоите за мене време и ми ги испратите тие илјадници пораки. Колку сум богата што Ве имам, ве љубам и ми значите. Ден пред карантинот ја добив најубавата торта од внуката Јана. Дај Боже секогаш да имаме убави нешта да споделуваме“, напиша во описот на фотографијата каде е со нејзината ќерка и внука. Инаку, Адријана наполни 52 години. Среќен роденден, да е жива и здрава.

Не излегоа сите здебелени и запуштени од карантинот: Емилија Розман – бујна и расцветана ја дочека „слободата“! (ФОТО)

Антонио Димитриевски — Wed, 27 May 2020 08:00:51 +0000

Кукавме, плачевме, се жалевме... и дојде денот. Навистина, корнавирусот и пандемијата воопшто не се безазлени и за занемарување, но и слободата, како и животот, исто така - нема цена! Како и да е, карантинот и изолацијата се веќе минато, белким така и ќе остане?! Во меѓувреме, нацијата наголемо се подготвува за „слободен проток на луѓе и стоки“, па ќе биде интересно да се видат првите „блиски средби“ во живо од враќањето кон социјализацијата. Кафулињата, кафеаните и локалите несомнено ќе бидат првото „зборно место“ за толку очекуваната „фејслук“ дружба, за која секако треба да си подготвен по долгото „лежење“ меѓу „4 ѕида“! Освен тоа, летото е на прагот, па кусите фустанчиња, проѕирните блузичиња и кратките маички се аутфит кој многу не може да сокрие... Ниту вишокот килограми, ниту подраснатите препони, пазуви и се друго што оди со бричот, од под папок до глуждови! Шминката, фризурата, педикирот, маникирот... се подразбираат. Бидејќи долго време бевме дома, многумина толку многу се опуштија, што се запуштија! Но, дали баш сите излегоа здебелени и запуштени од карантинот? Истото ова прашање јавно го постави и македонската мисица, модел, манекенка... Емилија Розман! Имено, македонската убавица сподели фотографија на која госпоѓица „Розмантична“ е сликана на својот цветен балкон во полн сјај. Зеленило насекаде околу неа, цвеќето го краси пролетниот пејсаж во позадина, а и како украс во вид на цветно венче на нејзината убава глава. Но, она што домиинира во прв план и она на што погледот заедно со здивот запира се... Нејзините крупни, зелени очи? И тие секако, но машките сепак имаат малку поинаква перцепција на цветната концепција на македонската мисица. Емилија Розман - бујна и расцветана, а вашиот поглед тет - а - тет со длабокото деколте. И секако, нејзиното прашање до Вас од почетокот на приказната за изолацијата и карантинот: „И велите во ова карантинов се запуштивме сите, а?“ Ако треба одговорот да го дадеме судејќи по фотографијата, карантинот и изолацијата кај некои очигледно делувале стимулативно и мотивирачки како кај госпоѓица Розмантична. Емилија дополнително разубавена, бујна и расцветана, широкоградо, како цвеќе водата, ја дочека „слободата“!