Наизглед безопасна навика: Лижењето на капачето од чашката јогурт може да биде ризично за вашето здравје, еве и зошто

Слаѓана Атанасова — Mon, 17 Jul 2023 12:13:26 +0000

Речиси и да нема човек кој не го лиже капакот од јогурт Многу луѓе не можат да го замислат појадокот без јогурт. Овој пијалок содржи добри бактерии кои можат позитивно да влијаат на варењето. Меѓутоа, откако ќе го испијат јогуртот од чашата, повеќето имаат огромна желба да го излижат капакот. Изгледа како крајно безопасна навика, но всушност не е така. Бидејќи капакот е претежно направен од алуминиум, можете да го внесете овој метал во вашето тело со често лижење. Во големи количини може да дојде до труење со алуминиум. Овој метал може да го зголеми ризикот од Алцхајмерова болест и општо оштетување на нервниот систем. Имајте го тоа на ум следниот пат кога ќе пиете јогурт! Извор: Курир.мк

„Шестмесечна годишнина“ на вљубените гулапчиња: Игор и Илина – прво полугодие! (ФОТО)

Антонио Димитриевски — Wed, 11 Nov 2020 08:22:17 +0000

Тие се едни од малубројните за кои воопшто може да се каже дека им се случило најубавото нешто во изминатиа „апокалиптична корона година“... А им се случи љубов! И тоа по подолга пауза во нивните животи, во кои обајцата засебно беа и познати и признати и славни и популарни... иако, емотивно, можеби не најсреќни! Врвни, секој од нив на свој начин, во својата професија, еснаф, хоби... се разбира! Тој уметник во животот, таа уметник на живеењето. Тој артист, автор, изведувач, пејач, писател... „ортак на пороците“, боем! Таа спортски нарав, здраво тело, чист дух, симбиоза на сила, мускули и интелект... преточени во знење, умеење и ретки вештини. Тој понекогаш „нежен како девојче“, таа на моменти силна „машкоданка“... Плус и минус, грнче и капаче и... колку и да изгледа спојот - неспоив, очигледно теоријата дека „спротивностите се привлекуваат“ и тоа како важи... А во нивниот случај и функционира! И тоа цели 6 месеци! Игор Џамбазов и Илина Арсова, уметникот и спортистката, актерот и планинарката, две тела - една душа, се веќе половина година неразделни! „ Пред 6 месеци, се спои неспоивото, се вљуби невљубивото...“ - напиша Џамбазов на еден од своите профили споделувајќи уште една заедничка фотографија со саканата на социјалните мрежи, на кои вљубената двојка важи за една од најпопуларните. Синоним за среќа од ново „по стари“... Добро, ајде, не по стари, туку во „зрели години“. Фотографијата брзо собра голем број лајкови и коментари, а многумина од нивните пријатели, од кои и некои познати личности им ја честитаа првата половина од првата заедничка година - љубов! Меѓу меѓу првите што им честиташе, разбирливо беше неговата тетарска (вон)брачна партнерка од „Брачна игра“, колешката Весна Бејби Петрушевска, која им порача: „Ооо муциња, па вие имате шестмесечна годишнина“ -напиша Бејби, а поп дивата Калиопи им испрати емотикони со две срциња. Истото го направија и Сузана Турунџиева и Сања Лефкова, а Ребека им порача: „Две сонца, мои...“, додавајќи емотикони со сонца и срца. Честитки, поздрави, бакнежи, пораки со убави желби исполнети со најразлични емотикони, всушност стигаа од сите страни. А како и не би, кога „децата сакав се“, што би рекла една нивна пријателка, а и народот - „сакав ги“! Зашто тие како малкумина ги освоија симпатиите на јавноста со љубовта отсликана на своите споделени фотографии. Толку различни, а сепак сродни души на кои им посакуваме нивното заедништво и љубов да потраат... довека!

капаче – Вистина.мк

Наизглед безопасна навика: Лижењето на капачето од чашката јогурт може да биде ризично за вашето здравје, еве и зошто

„Шестмесечна годишнина“ на вљубените гулапчиња: Игор и Илина – прво полугодие! (ФОТО)