Лила последниот ден од октомври го обои во розово… еве и зошто: „Розовата боја сега дефинитивно ми е најомилена“ (ФОТО)

Антонио Димитриевски — Wed, 01 Nov 2023 10:03:34 +0000

На Лила Филиповска покрај ТВ водителството, инфлуесерството и е втора професија, а социјалните мрежи и се замена за студиото. Иако преку нив не може да биде милионер, сепак може доволно доплнително да си го подобри сопствениот буџет. Токму затоа нејзиниот Инстаграм е преплавен со своевидни отворени или скриени реклами на различни производи и услуги, кои најпознатата македонска ТВ водителка ги споделува. Сепак, вчера, 31.10.2023 година или како што се вели, последниот ден од месец октомври, Лила Филиповска сподели необична објава. Во прв момент оние помалку упатените помисија дека се работи за модна најава или некаква фешен реклама, откако водителката променетета во розово објави дека розовата боја сега дефинитивно и е најомилена, но сепак дури и тие бргу сфатија дека во прашање е една сосема поинаква работа. Имено, за личната битка на Лила со опаката болест - канцерот на дојката долго се говореше и пишуваше и сега која ситуацијата е под контрола, а болеста надмината, водителката како една од оние жени кои се соочиле со ваквото лошо здравствено искуство, е токму една од лицата која ја поддржаа кампањата за подигање на свеста на жената за значењето на редовните и превентивни прегледи за навремено откривање на карциномот. „Дами, проверете се“! - порача водителката преку слоганот на кампањата, додека на своите лични профили на социјалните мрежи Лила сподели порака во вид на апел до сите жени: “Розов октомври”... „Отсекогаш розовата ми била една од омилените бои( иако ретко ја носам) а сега дефинитивно ми е најомилена …. Па јас сакам да го гледам светот со розови очила така е многу поубав, така го гледав и периодот што е зад мене … а денес облеков розово за да ве потсетам драги мои дами редовно да се прегледувате и да не чекате… раната превенција значи живот ! Изберете живот и не заборавајте канцерот не знае ни кои сте, колку години имате и од каде доаѓате …. Проверете се и уживајте во животот“ - порача таа.

View this post on Instagram

A post shared by Lila (@lilafilipovska)

Фото: Инстаграм/lilafilipovska

Лила ја разреши дилемата за која на многумина им стоеја прашалници: „Како успеваше да биде пред камери кога животот и го задаваше најсилниот удар?“ (фото)

Слободанка Илиева — Sat, 29 Jul 2023 07:45:39 +0000

За нашата позната ТВ водителка Лила Филиповска периодов се пишува наголемо, иако и претходно никогаш не била надвор од рамкте на медиумската актуелност. Таа неодамна „ја отвори душата“ и за првпат отворено и непосредно проговори за нејзината најголема животна битка со опаката болест– канцерот на дојка. По повеќе од една година исполнета со неизвесност, исчекување, стравови и терапии, омилената ТВ водителка победнички може да каже дека сега е здрава. Во битката со канцерот, победи таа – Лила. Откако почувствува дека е подготвена и посака со сите јавно да ја сподели својата најголема животна битка, Лила буквално не се штедеше да одговара на прашања од следбениците, особено за оние кои се нашле во истата ситуација и тековно се борат со истото. Меѓу многуте одговорени прашања на таа тема, беше поставено и прашањето како всушност успеваше да го снима квизот „Се или нешто“ како ништо да не се случува со неа? Одговорот беше едноставен и јасен: „Во мојата глава ко да не било!!! И тогаш и сега!“- концизна беше Лила која во секоја една емисија таа е на висина на задачата, вистински професионалец на кого ретко кој може да му парира. Таа своите тешки денови пред камерите ги живееше како ТВ лик од највисок ранг, па и на најлошото му се смееше со широка насмека. Квизот „Се или нешто“ е нејзината главна арена од каде на сите им се покажа дека дури и кога е најлошо, главните во целата игра сме ние. Сега како херој со крената глава уште погласно им се смее на новите предизвици со животот. Позитивна како и секогаш, стокмена од глава до петици. Многу од натпреварувачите кажале дека во квизот покрај за пари, доаѓаат да ја видат непосредно Лила, која сега вака подновена со новиот имиџ им даде причина плус за тоа. Лила излезе како победник и покажа дека духот и вербата се посилни од се’. Сега тоа останува зад неа, а пред себе има некои поубави времиња.

канцер на дојка – Вистина.мк

Лила последниот ден од октомври го обои во розово… еве и зошто: „Розовата боја сега дефинитивно ми е најомилена“ (ФОТО)

Лила ја разреши дилемата за која на многумина им стоеја прашалници: „Како успеваше да биде пред камери кога животот и го задаваше најсилниот удар?“ (фото)