кантри пејачка – Вистина.мк

Познатата кантри пејачка настапи „пиштол гола“ во новата сезона на ТВ шоуто „Saturday Night Live“ (ФОТО+ВИДЕО)

Антонио Димитриевски — Fri, 15 Oct 2021 11:44:04 +0000

Шоуто „Saturday Night Live“ ја започна својата 47-ма сезона со – голотија. Во емисијата гостувала 33-годишната пејачка Кејси Масгрејвс која пеела на сцената додека на себе носела само пар каубојски чизми. Целосно гола, таа ја извела песната „Justified“ од својот нов албум, а интимните делови ги покрила со гитара. Ова е првиот разголен момент во историјата на оваа забавна емисија. По провокативниот настап, Кејси уште еднаш се вратила на сцената за да ја изведе песната „Camera Roll“, но тогаш се појавила целосно облечена, во фармерки и фланелна кошула. Масгрејвс на Твитер, осврнувајќи се на својот настап, споделила фотографија од познатата сцена од филмот „Forrest Gump“ во која Џени настапува гола, прекриена единствено со гитара. Кејси Масгрејвс е кантри пејачка, добитничка на повеќе Греми награди помеѓу кои и онаа за албум на годината и најдобра кантри песна. Таа ја започнала својата кариера на 18-годишна возраст, заработувала така што снимала демо снимки, а нејзината мајка ја водела на локални музички фестивали. Нејзината професионална кариера започнала во 2008 година додека живеела во Остин, кога нејзиниот талент го открил продуцентот Монт Робисон. Четири години подоцна го издала дебитантскиот сингл „Merry Go ‘Round“ кој постигна голем успех, а веќе на 56-то доделување на Греми наградите, пејачката беше номинирана во 4 категории покрај Тејлор Свифт и Лорде.

View this post on Instagram

A post shared by K A C E Y (@spaceykacey)

Фото: Инстаграм принтскрин/spaceykacey

Уште една светска музичка ѕвезда, жртва на коронавирусот: Почина една од најпознатите кантри пејачки… (ВИДЕО)

Антонио Димитриевски — Wed, 23 Dec 2020 10:25:27 +0000

Кантри пејачката и добитник на Греми, К.Т.Ослин, почина на 78-годишна возраст од последици на коронавирусот. Ослин стана првата жена што ја освои CMA наградата за песна на годината за „80's Ladies“ во 1988 година. За време на нејзината кариера има освоено и неколку Греми и ACM награди. Таа исто така ја освои наградата за најдобар женски вокал за песната „80's Ladies“ во 1988 година, а истата награда ја доби и за најдобрата кантри песна за хитот „Hold Me“ во 1989 година. Исто така, таа беше на врвот на сите релевантни топ листи во 1990 година, со песната „Come Next Monday“. Во 1988 година, таа исто така ја освои наградата „Песна на годината“ на настанот „Кантри музички награди“, што беше првпат жена да победи. "КТ Ослин имаше еден од најдуховитите гласови во кантри музиката и силно влијаеше врз жените со нејзиниот хит 80's Ladies. Имав среќа да соработувам со К.Т. на бројни телевизиски емисии кон крајот на 90-тите. Таа секогаш бешељубезна кон луѓето и талентите кои доаѓаа, што настапуваа покрај неа. Тие навистина имаа еден од најдобрите гласови во историјата на нашиот формат. Во ова тешко време, нашите мисли одат кон нејзините најблиски“, напиша во своето соопштение Сара Трахерн, извршен директор на "Countri Music Association". https://www.youtube.com/watch?v=aWqNzbPsD2o

Познатата пејачка загина во сообраќајна несреќа: Само неколку часа пред тоа објави морбидна фотографија (ФОТО)

Антонио Димитриевски — Fri, 06 Sep 2019 08:51:31 +0000

Кантри пејачката Кајли Реј Харис (30) сношти загина во сообраќајна несреќа во Ново Мексико.

Таа тргнала кон градот Таос каде требаше да учествува на еден фестивал, а нејзината публика и познаници беа особено растажени поради фактот што непосредно пред нејзината смрт, таа објавила на своите приказни на Инстаграм фотографија на која плаче.

Таа додала дека за овој град ја врзуваат многу спомени и убави сеќавања со сестра и татко и, кој повеќе не е меѓу живите, па заради тоа и се расплакала.

Пејачката објаснила дека иако е многу уморна, е среќна што конечно пристига во Таос после 12 часа.

Пејачката зад себе остави шестгодишна ќерка, а нејзиното семејство побара од новинарите и од јавноста да ја почитуваат нивната тага и приватност.