кантри ѕвезда – Вистина.мк

Кантри ѕведата ја изгуби битката со опаката болест: Почина пејачот Тоби Кит

Антонио Димитриевски — Tue, 06 Feb 2024 13:02:04 +0000

Ѕвездата на кантри музиката Тоби Кит почина на 62-годишна возраст. "Тоби Кит почина мирно синоќа, опкружен со своето семејство. Беше достоинствен во својата борба до крај. Бараме од сите да ја почитуваат приватноста на семејството во овие тешки моменти", се вели во соопштението. Пејачот зад себе ја остави сопругата Триша Лукас и нивните три деца. Имал и четири внуци. На почетокот на овој месец, пејачот се отвори за својата битка со ракот на абдоменот, кој му беше дијагностициран во 2021 година. „Поминувам низ хемотерапија, зрачење и операција, но стигнав до точка да се чувствувам добро со сето тоа и мислам дека резултатите ќе бидат добри“, изјави тогаш Кит. Фото: NBC / BACKGRID / Backgrid UK / Profimedia

Уште една музичка кантри ѕвезда почина од коронавирусот: Џон Прајн два пати го победи ракот и срцевата слабост, но не и Ковид 19 (ФОТО)

Антонио Димитриевски — Wed, 08 Apr 2020 10:23:56 +0000

Кантри ѕвездата Џон Прин почина на 74-годишна возраст, откако беше хоспитализиран во критична состојба со инфекција од коронавирус. Симптомите почнале да се покажуваат кон средината на март, а неговото здравје се влошило неколку дена потоа. Тој починал, вчера, вторник, 7 април 2020 год. во болницата во Нешвил, од компликации произлезени од инфекција од коронавирус. Претходно, Џон се здобил со карцином на двапати. Прв пат во 2013 година, кога му беше дијагностициран карцином на белите дробови. Тој имаше и вграден стент во 2019 година, а оваа година ја одложи турнејата за да изврши операција на колкот. Во својата педесетгодишна кариера, Прин се сметаше за еден од највлијателните текстописци на својата генерација, прославувајќи се со стихови за љубовта и животот. Тој ја доби наградата Греми за најдобар современ албум во 1992 година и повторно во 2006 година, а оваа година ја понесе домашната награда за животно дело. Се бореше со сите сили, но овој пат не можеше да издржи. Неговата веќе лоша и нестабилна здравствена состојба предизвикана од претходните болести, беше доволна, за жал, да ја загуби животната битка со коронавирусот. https://www.youtube.com/watch?v=RfwGkplB_sY

Американската музичка кантри ѕвезда почина од коронавирусот (ФОТО)

Антонио Димитриевски — Mon, 30 Mar 2020 07:31:58 +0000

Американскиот кантри пејач Џо Дифи кој врвот на кариерата ја доживеа во ’90, почина по компликации од коронавирус, соопшти неговиот издавач, објави CNN. Шеесет и едногодишниот кантри пејач од Оклахома снимил 13 албуми и имал над 20 Топ 10 хитови. Два дена пред смртта, Дифи соопштил дека е позитивен на коронавирус и дека се лекува. „Моето семејство и јас бараме приватност во ова време. Сакаме да ја потсетиме јавноста и сите мои обожаватели да бидат внимателни за време на пандемијата“ - навел Дифи во соопштението пред да почине. https://www.youtube.com/watch?v=Sdutns1wWXg