кански фестивал – Вистина.мк

Новак и Јелена Ѓоковиќ рамо до рамо со големите ѕвeзди на црвениот килим во Кан (фото)

Слободанка Илиева — Fri, 26 May 2023 11:06:17 +0000

Кога не е зафатен со натпревари, Новак Ѓоковиќ сака да присуствува на разни настани. Познатиот тенисер неколкупати сме го виделе на црвениот килим на Канскиот филмски фестивал, а во оваа прилика ќе ве потсетиме на 65-тото издание на познатиот фестивал, пред единаесет години, кога присуствуваше на премиерата на филмот „Убивање Them Softly“ со неговата тогашна девојка, сега сопруга Јелена. На Азурниот брег Ноле го прослави својот 25-ти роденден. За стајлингот на Јелена се зборува долго време. Дотогаш цел свет веќе знаеше кој и го украл срцето на тениската ѕвезда, па фотографите и модните аналитичари внимателно ја мереа од глава до пети. Таа носеше креација на Роберто Кавали со интересен принт и едно отворено рамо. Но, оваа година славниот пар не е во Кан. Откако учеството на Мастерсот во Рим, каде го бранеше трофејот, заврши во четвртфиналето, Ѓоковиќ се врати во Белград. Моментално се подготвува за Ролан Гарос во главниот град, па немал време со сопругата да „скокне“ на југот на Франција и да го посети престижниот фестивал. фото:Инстаграм/Profimedia/ Pascal Le Segretain/Getty Images

Селма Хаек ги засени сите присутни на Канскиот фестивал: Познатата латино ѕвезда ја истакна фигурата на песочен часовник (фото)

Слаѓана Атанасова — Tue, 23 May 2023 06:49:32 +0000

Мексиканската актерка Салма Хајек се појави на црвениот тепих на Канскиот филмски фестивал, на премиерата на филмот „Killers of the Flowers“ и по тој повод го привлече вниманието на присутните со својата екстравагантна облека. Имено, познатата убавица облекла елегантен долг фустан со, некои би рекле, премногу длабоко деколте, што предизвика големо внимание. Косата ја собрала во висока пунџа, а целата комбинација ја зачинила со дијамантски накит. Салма им позираше на фотографите со својот сопруг, претприемачот Франсоа-Анри Пино, кој остана незабележан покрај неговата атрактивна сопруга. Франсоа-Анри се појави во класичен црн костум, кој го обнови со црна машна, а многумина се согласуваат дека ова беше едно од подобрите изданија на Салма, бидејќи таа е позната по тоа што е „спорна“ со модниот вкус, и покрај нејзиниот сопруг, сопственик на бројни луксузни модни брендови. Фото: Принтскрин/Епа Имаџес

Ријана се породи, но нејзиниот труднички моден стил го наследи Адриана Лима која на Кански фестивал се појави со гол труднички стомак (фото)

Слободанка Илиева — Thu, 19 May 2022 08:18:17 +0000

Светски познатиот модел Адриана Лима наскоро ќе стане мајка по третпат, а по двете ќерки од бракот со кошаркарот Марко Јариќ, овој пат очекува машко. Лима,на „Кански фестивал“ се појави во долг црн фустан чиј отвор беше токму на нараснатиот труднички стомак. Креацијата е дело на француската модна куќа Балман. Се чини дека Ријана го прослави трендот со разголен труднички стомак на кој не одолеа ниту Адријана Лима. Моделот зачекори на црвениот тепих пред проекцијата на новиот филм на Том Круз – Top Gun: Maverick. Адријана го комбинирала фустанот со црни сандали и обетки со розови скапоцени камења. Со супермоделот беше и нејзиниот партнер Андре Лемерс со кого го очекуваат нивното прво дете. На заедничките фотки на црвениот тепих, Андре стои зад Адријана и го допира нејзиното стомаче, а на една фотографија споделуваат и бакнеж. фото:Гети имиџис/Инстаграм Адриана Лима