кандидат – Вистина.мк

Коментарите на жирито „го отепаа“: Ова е несудениот македонски пејач кој избега од студиото среде снимање помеѓу две свои изведби во музичкото талент шоу! (ВИДЕО)

Антонио Димитриевски — Sat, 09 Mar 2024 07:45:44 +0000

Во животот бегството некогаш значи спас, некогаш срам... Зависи од ситуацијата! Нема речиси некој од нас кој не избегал барем од еден час на улчилиште, сме слушнале за бегстава на осуденици од затворите, за бегање од дома, за таканаречените невестi - бегалки, па дури бегале и од сред свадба или од пред матичар... Ама за бегство од студиото во музичко талент шоу во кое сам си се пријавил и тоа среде снимање емисија помеѓу изведба на две свои песни, до сега не се случило! Или барем не сме слушнале, ама ете и тоа се случи! Имено, минатата среда во студиото на „ИН ТВ“ се снимаа уште две нови изданија од единственото Музичко талент шоу во Македонија. Првата од двете емисии беше последна од првиот круг и уште една во која натпреварувачите со песна се бореа за влез во вториот круг. Нивниот настап и пењее во овие изданија го оценуваше жирито во состав: Проф. Гоце Џуклески, фолк ѕвездата Стојне Николова, музичарот и композитор Бобан Мојсовски и Сашко Митев. Тројцата кандидати еден од Скопје и двајца од Прилеп имаа подготвено по две нумери за споствена изведба. Редоследно втор, настапуваше кандидатот Давид Црвенковски од Прилеп кој има 18 години, а по неговата прва отпеана песна коментарите на жирито беа конструктивни и реални, арно ама... Очигледно критиките не му се допаднаа на младиот прилепчанец кој без изустен збор го напушти студиото и не си даде самиот себе си можност да ја испее и втората песна. Од срам или револт, од страв или брука несудениот талент „фати џаде“, бегајќи во непознат правец од студиото на „Македонското талент шоу“! Ова до сега е прво напуштање на учесник среде снимање, преседан што се нема случено. Или барем јавно истото не било обзнането во ниту едно од музичките талент шоуа во регионот. До душа коментарите на жирито колку и да некои од нив ги бираа за да не го навредат, беа „убиствени“ и брутално сурови од типот: „Имаш голем проблем со интонацијата и ритмиката...“ или оној на Бобан Мојсовски - Мојсо со кој го „уби во поим“ несудениот пејач, па веројатно беше пресуден за неговото бегство од студиото, пред по втор пат младиот прилепчанец да добие можност да настапи на сцената и да се поправи, откако Мојсо му се обрати: „Според мене, ти со музика не треба да се занимаваш“! Сепак, од она што можеше да се слушне во сите овие три сезони од талент шоуто, немало кандидат кој толку дистонира и фалшира, до таа мерка да не може ни одблизу да да ја испее песната, а во желбата тоа да го стори, да звучи крајно погрешно и лошо. Иако можеби предиректно и демотивирачки, кажаните зборови на жирито во суштина беа на место и најдобронамерни, но веројатно моментот и начинот на кој го соочија со вистината, кандидатот го натера да донесе одлука без збор и најава, да исчезне од студиото! За возврат, Стојне Николова на тоа „утешително“ се надоврза со зборовите: „Може на пример со манекенство да се занимава“! По ваквиот „скандал“, останува само прашањето: Дали воопшто претходно имало некаква предселекција, аудиција, пробно соочување... на организаторите со кандидатите, пред тие да бидат повикани на финално снимање и настап во студиото во „Македонското музичко талент шоу“? Ако имало, веројатно уште тогаш ќе слушнеле и забележеле дека не е баш секој за пеење?! Вака... Срамот е колку за „бегалецот“, толку и за организаторот! Наш предлог до организаторите: Ако веќе претходно не ги селектирате, оставете го секој кандидат да ги испее и двете песни, па потоа жирито нека ги коментира неговите изведби... За да не ви бегаат! Како сето тоа изгледало, погледнете од видеото со споменатата емисија на „Македонското талент шоу“. Фото и видео: Јутјуб/Македонско талент шоу

Мики Секуловски разврза јазик за својата манторка Цеца Ражнатовиќ: „Мислев дека е поинаква“ (фото)

Слободанка Илиева — Tue, 20 Feb 2024 08:23:08 +0000

Минатиот викенд нашиот кандидат во „Ѕвездите на Гранд“, велешанецот Мики Секуловски, уште еднаш го шармираше и жирито и публиката која ја освои со својата неверојатна изведба, за која беше награден со максимален број гласови и директен пласман во следниот, шести круг. И покрај тоа што врз него беа опсипани само пофалбите на жирито, Мики признава дека не е од оние кои лесно се креваат со комплименти. - Задоволен сум. Може да биде подобро. Секогаш сум доста самокритичен и секогаш мислам дека можам повеќе. Добро беше, но не и идеално, би го оценил четири од пет - истакна Секуловски.

View this post on Instagram

A post shared by Miki Sekulovski (@mikisekulovski)

За разлика од многу натпреварувачи кои макотрпно се подготвуваат и размислуваат за секој чекор што ќе го направат на сцената, Мики во дадениот момент се предава на своето чувство. - Уживам кога сум на сцената. За мене проблемот е зад сцената и се останато освен кога сум на сцена. Штом го земам микрофонот, се ми оди природно и спонтано. Обично не вежбам и не се подготвувам, но ме занесува адреналинот – објасни тој за Гранд. И покрај бројните пофалби и коментари дека е еден од фаворитите за финалето, тој тврди дека не размислува за победа.

View this post on Instagram

A post shared by Miki Sekulovski (@mikisekulovski)

- Искрено, немам никакви очекувања бидејќи сум самокритичен и можам да судам и без жири. Мило ми е што им се допаѓаат моите интерпретации, па ќе видиме до каде ќе одам - изјави пејачот. Од Гранд за кои наедно и зборуваше, се интересираа Мики да открие и како се разбира со неговата менторка Цеца. - Не очекував толку позитивни реакции и коментари, многу ме радува тоа, особено од Цеца, која ми е ментор. Таа е одлична жена, додека не ја запознав мислев дека е недостапна, а од моментот кога се запознавме веднаш сфатив дека е поинаква и вистински професионалец - објасни Мики. Натпреварувачот, кој неколку години беше келнер во Белгија, откри зошто порано не си ја пробал среќата во „Ѕвездите на Гранд“. - Во Белгија живеев пет години. Имав семејни проблеми кои се случија и кога тие се разрешија решив да се вратам и да пробам музичка кариера – изјави Мики за Гранд. За потсетување, Мики Секуловски македонската јавност за првпат го запозна на првото македонско музичко шоу за таленти „Македонски Идол“ каде беше финалист, а подоцна започна и соло кариера и издаде неколку песни и спотови по кои го снема од музичката сцена. Фото: Printscreen You Tube/ Zvezde Granda/ Instagram/ mikisekulovski

Исак Шабановиќ проговори за скандалот во „Ѕвездите на Гранд“ и обвинувањата кон Снежана Ѓуришиќ

Слободанка Илиева — Wed, 05 Apr 2023 11:28:59 +0000

Поранешниот натпреварувач на „Ѕвезде Гранда“ Исак Шабановиќ, иако досега не се огласи во врска со скандалот што се случи неодамна во „Ѕвезде Гранда“, кога поранешниот натпреварувач Душан Вукадиновиќ ја обвини пејачката Снежана Ѓуричиќ дека му барала пари за да мине во следната рунда, сега тој коментира за целата приказна, но и откри со кого би сакал да сними дует. - Кога ќе соберам малку храброст, тоа прашање ќе и го поставам на Сања Вучиќ - откри Шабановиќ и призна дека е воодушевен од гласот на пејачката и затоа би сакал да соработува со неа. Исак Шабановиќ го коментираше и скандалот во натпреварувањето во кое и тој се прослави. - Слушнав за тоа, немам ништо паметно да кажам. Сега дали е вистина или не, тоа ќе се види секако... Како негов ментор на натпреварот беше Александар Милиќ -Мили, тој вети дека повторно ќе го избере, а ако не може, тогаш тоа ќе биде Вики Миљковиќ или Ѓорѓе Давид.

View this post on Instagram

A post shared by 🎶Isak Šabanović 🎶 (@isakciksy)

-Верувале или не, би ги земал Вики Миљковиќ или Ѓорѓе Давид - рекол Шабановиќ. Да потсетиме, Снежана Ѓуришиќ се најде во центарот на скандал кога натпреварувачот кој беше елиминиран во второриот круг на „Ѕвезда Гранда“, Душан Вукадиновиќ ја обвини дека бара пари за да се пласира во следната рунда. Таа им се заблагодари на сите пејачи кои застанаа покрај неа кога беше мета на обвинувања, а потоа ги изненади сите кога призна дека првата порака за поддршка ја добила од Аца Лукас, кој пак, тврдеше дека си заминал од шоуто бидејќи одредени членови на жирито наводно побарале поткуп од кандидатот, иако тој немал конкретен доказ за тоа.

View this post on Instagram

A post shared by Snezana.Djurisic (@snezana.djurisic_)

- Бев шокиран од тоа што се случи, па брзо сфатив во која грмушка лежи зајакот. Ако тие луѓе и јас, бидејќи тој е мој кандидат, сме жртви на нешто сосема трето, некои луѓе кои имаат лоши намери, но нема да кажам - изјави Снежана за Курир.рс и додаде: - Секој што нема релевантни докази ќе сноси одговорност, како и овие лица, бидејќи адвокатот собира документи и сведоци. Нема да го пуштам ова бидејќи сум некој што од никого ништо не побарал, кажа Снежана. фото:Инстатагам принтскрин

Ѓорѓе Давид се огласи за скандалот во „Ѕвездите на Гранд“: „Никој не може да се помири со пораз“

Слободанка Илиева — Wed, 01 Mar 2023 10:52:51 +0000

Откако беше елиминиран од натпреварот „Ѕвезде Гранда“, кандидатот Душан Вукадиновиќ ја обвини менторот Снежана Ѓуришиќ дека барала поткуп од мајка му за да може да помине во следниот круг на популарното натпреварување, а сега еден од членовите на стручното жири , Ѓорѓе Давид, се огласи и ја коментираше целата ситуација. На почетокот на интервјуто Ѓорѓе зборуваше за очекувањата од неговите кандидати во четвртиот круг. - Барам од натпреварувачите да бидат поконцентрирани од било кога. Тие мора да се однесуваат како професионалци. Сега критериумите се подигнати, во игра се сериозни пејачки задачи. Тоа се веќе сериозни забави - изјави рокерот. Кандидатот на „Ѕвезда Гранда“ Душко Вукадиновиќ го обвини својот ментор за поткуп, а Ѓорѓе остро ги осуди неговите постапки. - Извини Снежана и не можам да коментирам за морони. Болните родители кои сакаат да ги остварат своите проекции на неостварени соништа преку своите деца ги проектираат на деца кои се талентирани и ги претвораат во идиоти кои мислат дека знаат подобро од професионалците, па затоа се имбецили. Сè што сакав да кажам на оваа тема, кажав. Господ нека им е на помош – рече рокерот и откри како се чувствувала Ѓуришиќ: -Не ѝ е добро, тешко ја зеде ситуацијата затоа што да обвини некој што заработил многу пари за поткуп може само некој што не може спортски да се помири со поразот. За жал, тоа е насекаде, заклучува Ѓорѓе. фото:Инстаграм принтскрин

Марија Шерифовиќ го нарече кандидатот „невоспитан“: Скандал во “Ѕвездите на Гранд“, пејачката ја навреди и колешката! (ФОТО)

Слаѓана Атанасова — Fri, 17 Jun 2022 09:09:07 +0000

Пејачката Марија Шерифовиќ направи вистински хаос во музичкото шоу “Ѕвездите на Гранд“ кога на еден кандидат му рекла дека е „невоспитан“, а во таа прилика се повикала и на неговата менторка. Натпреварот на „Ѕвездите на Гранд“ е при крај и се ближи полуфиналето, а натпреварувачите се сè, подобри, но има и поголем притисок. Марија Шерифовиќ збесна бидејќи не и се допадна како еден од кандидатите ја пее песната, па почна да ја фаќа хистерија: - Вакви давајте за полуфинале. Сега се бираат песни што знаете да ги пеете во 3 часот наутро, да ве разбуди 3,4, пеј! - Марија била револтирана на еден од настапите. Тензијата растеше, а еден кандидат со неговото однесување ја полуде Шерифовиќ. „Колку пати менторката на овој невоспитан кандидат му кажа...“ - почнала таа да објаснува, прекинувајќи ја натпреварувачот кој се правдал дека не е непристоен, а потоа се вклучила и менторката. - Јас сум негов ментор, не сум му мајка - јасна беше Ѓуришиќ. Фото:Принтскрин/Јутјуб

Саша Поповиќ има стоги правила ако се случи член на жирито да биде во емотивна врска со кандидат од „Ѕвездите на Град“

Слободанка Илиева — Thu, 12 May 2022 11:00:06 +0000

Ѓорѓе Давид неодамна се најде во центарот на скандал поради наводна преписка со кандидатката на „Ѕвездите на Гранд“, Миријана Поповиќ. - Станува збор за фабрикуван профил, проверен од „Гранд“. Лицето со тоа име и презиме никогаш не се ни пријавило, а не ја поминало аудицијата - рече тој. Како што тврди, се работи за измислена приказна, а во приватниот живот предизвикала разни турбуленции. Тој додава дека го поврзале и со актерката Марија Вељковиќ, што особено го изнервирало. - Децата ни се пријатели, жената е во бракоразводна парница, а ние моментално играме во претстава... Само ќе кажам дека е страшно. Се што можеме ќе завршиме на суд – коментира Дејвид.

View this post on Instagram

A post shared by Djordje David Nikolic (@djordje_david)

Тој посочува дека некои луѓе се едноставно суетни и злобни и дека се подготвени на се’ поради медиумското внимание. -Да знаеше Саша Поповиќ дека некој, без разлика дали е маж или жена, има нешто емотивно со кандидатот, како член на жири или продукција, додека трае конкурсот, верувајте, ќе добие отказ - заклучи. Ѓорѓе. фото:Принтскрин/звезде гранда

Мили се повреди на снимањето на „Ѕвездите на Гранд“: Поради кандидатот пејачот разби чаша од глава (фото)

Христина Ѓоргиевска — Wed, 13 Oct 2021 11:39:49 +0000

Александар Милиќ Мили многу е посветен на регионалното музичко шоу „Ѕвездите на Гранд“ и на работата со кандидатите. Затоа не е ни чудно што нивниот успех го доживува и како личен, па токму поради еден негов кандидат се повреди, односно ја разби чашата од главата. Имено, музичарот на својот „Инстаграм“ се пофали со раната која настанала од стакло. Мили бил воодушевен од изведбата на неговит кандидат Иван Шимиќ поради што разби чаша од неговата глава. „Наздравивме и разбивме чаша од глава. Мојот кандидат Иван Шимиќ на снимањето на „Ѕвездите на Гранд“ воодушеви и во текот на неговит настап наздравиме заедно и разбивме чаши. Јас полошо поминав“ напиша Мили покрај фотографијата на која се гледа повредата. Инаку, оваа година во музичкото шоу наместо Јелена Карлеуша седи Цеца Ражнатовиќ. фото: Принтскрин/инстаграм

Ристо Манчев – кандидат за градоначалник на општина Босилово од редовите на ВМРО-ДПМНЕ: „Ќе бидам градоначалник кој обединува и применува политика и пракса на еднакви можности“

Антонио Димитриевски — Wed, 08 Sep 2021 08:06:03 +0000

Ристо Манчев по професија е дипломиран економист на Економскиот факултет во Прилеп. Во 2010 година е добитник на стипендија на Министерството за надворешни работи на Италија, по што во 2011 година стекнува Мастер Диплома за Високи Европски Студии на престижниот колеџ Fondazione Collegio Europeo di Parma, а во 2013 година стекнува титула - Магистер по Високи Европски Студии на Facolta di Giurisprodenza di Parma- Italia. Манчев во изминатите години се афирмира како Секретар на Републичкиот совет за безбедност на сообраќајот на патиштата, а покрај тоа работи и како Овластен консултант на Агенција за поддршка на претприемништвото на Република Македонија за изработка на бизнис планови и обезбедување на консултантски услуги за бизнис планирање, маркетинг, истражување на пазарот, финансиско планирање, итн. - Во време кога голем дел од граѓаните заминуваат од Македонија Вие се решивте да се вратите назад. Живеевте во Италија, во Скопје и сега повторно се враќате во родното Босилово, што е денес е своевиден феномен. На што се должи тоа? Во мојата професионална кариера имав можност да живеам и да работам на повеќе места, вклучително и во Италија. Во Италија бев стипендист на Европскиот колеџ во Парма каде добив соодветна диплома, знаење и пракса, а со тоа и можност да работам во повеќе европски земји. Најпрвин сакам да кажам дека завршив постдипломски студии на престижен колеџ каде професори и предавачи беа голем број на меѓународно афирмирани личности, еврокомесари, европратеници, а меѓу нив посебно го издвојувам г.дин Марио Монти поранешен еврокомесар и премиер на Италија. Европската култура, европските вредности и европскиот начин на живот ми се добро познати, но и покрај тоа, сепак решив да се вратам назад во Македонија. Каде и да одам секогаш има нешто што ме влече да се вратам назад. Во душата сум родољуб, овде се чувствувам свој на своето, едноставно овде најслободно го дишам воздухот. Поддржувач сум на демохристијанската идеологијa и моите највисоки животни вредности се семејството, татковината, традицијата и верата. Го сакам родниот крај и сакам да живеам и да творам овде. Тоа е она што ме врати назад во Македонија. - Верувате ли дека можете да ја направите Босилово европска општина, како да се дојде до тоа и што тоа би значело за луѓето и оваа средина вооопшто? Моето животно мото е: „Секој поединец, има обврска да даде личен придонес за развој на општеството и средината во која што живее!“. Тоа е она што ме мотивира да се кандитирам за градоначалник на општина Босилово од редовите на ВМРО-ДПМНЕ. Верувам дека општина Босилово и тоа како може да биде европска општина. За тоа е потребно многу работа, труд и посветеност, но јас сум подготвен максимално да се вложам и да успеам во оваа намера. За да биде Босилово европска општина, покрај големиот број на инфраструктурни проекти кои треба да бидат реализирани, потребно е постепено да се менува и свеста и навиките кај граѓаните, а би рекол пред се’, кај политичарите. Време е да престанат политичките поделби помеѓу граѓаните. Ќе бидам градоначалник кој обединува и ќе применувам политика и пракса на еднакви можности. Едноставно секој граѓанин треба да добие еднакви можности за општествено делување, за вработување, за професионален напредок, за претприемништво и развој на сопствен бизнис, за социјална заштита, итн. Поделбата на граѓаните на привилигирани и потценети, недостатокот на социјален живот и општествената безидејност и апатија е тоа што ги тера младите да ја напуштат државата. Граѓаните се свесни дека ни недостасуваат многу инфраструктурни проекти и дека е потребно време и средства да се реализираат сите инфраструктурни проекти, но во исто време граѓаните сакаат да видат поинаков начин на политичко дејствување, граѓаните сакаат да видат локална самоуправа која е мотивирана, чесна и посветена на работа, сакаат градоначалник кој ќе ги обединува сите и ќе работи за сите, сакаат општествен, културен и социјален живот. Затоа, покрај реализација на инфраструктурни проекти ќе промовираме општествен активизам, организација на културни манифестации, спортски настани, едукативни настани, ќе промовираме еколошки активизам, ќе ја негуваме традицијата. Едноставно мораме да го вратиме духот, вербата и надежта кај младите и тоа е единствен начин да ги задржиме младите во земјата. - За политика е се' уште рано, политичката кампања уште не е започната, може ли да ни кажете нешто повеќе за себе. Кој е всушност Ристо Манчев? Оженет, семеен човек, татко на две деца. Горд сопруг на Љубинка, специјалист доктор - хирург по абдоминална хирургија. Поддржувач сум на демохристијанската идеологијa и семејните вредности. По професија сум дипломиран економист. По завршувањето на високото образование континуирано вложувам и се ангажирам во понатамошен професионален развој и имам завршено постдипломски студии во Италија. Учесник сум на голем број научни и стручни собири, обуки, семинари... во земјата и странство за што поседувам голем број на сертификати и дипломи. Љубител и поддржувач сум на спортот, посебно на фудбалот и ракометот. Исто така поддржувач сум на родовата еднаквост и се залагам за еднакви права и можности помеѓу мажите и жените. Всушност и неможе да биде поинаку кога сопругата е една од малкуте жени хирурзи во државата. Исто така се залагам за социјална еднаквост и онаа што најмногу ми смета е дискриминација и ароганција. - Имате ли претастава како ве доживуваат пријателите, другарите, колегите...? Пријателите и познавачите ме опишуваат како човек кој сака да разговара, да се дружи и да се шегува. И има многу вистина во тоа. Верувам дека со позитивен пристап, со разговор и разбирање може да се решат многу проблеми и да се надминат многу предизвици. - Во изминатите години се афирмиравте и како Секретар на Републичкиот совет за безбедност на сообраќајот на патиштата во Македонија.Зошто и покрај бројните залагања, едукативни кампањи, заострената казнена политика... бројот на сообраќајни несреќи со тешки и фатални последици, е се’ уште голем на патиштата во Македонија? За жал во право сте. И покрај бројните активности, кампањи, едукативни видеа и текстови во медиумите на РСБСП и МВР, сепак процентот на сообраќајни несреќи, тешки повреди и изгубени животи е се’ уште висок, иако мораме да признаеме дека сепак активностите имаа влијание и бројките се намалени, но се уште не се доволни. Кампањите се спорадични, не можат да траат 365 дена во годината, а не можете ни да ги казните сите што не ги почитуваат сообраќајните прописи и закони. Затоа треба систематски да се работи на свеста на луѓето уште од најрана возраст. Уште во основно училиште, каде на децата треба да им се всади свест за однесување во сообраќајот и како пешаци или велосипедисти, а кога ќе потопраснат и како мотоциклисти или сега најновото со електричните тротинети... Однос и почитување на сообраќајните знаци, кон прописите и правилата, кон сопствениот и туѓите животи кога утре ќе созреат и ќе седнат зад управувачот на возилото. Уште од малечки да сфатат дека алкохолот или опијатите, никако не одат заедно со возењето, дека не се зборува или сурфа на мобилен телефон додека се вози, дека вниманието и концентрацијата на возачот треба од првиот до последниот километар да бидат на 100%...и уште многу други нешта. Секако, тука се и родителите кои треба да сфатат дека не треба премногу да ги разгалуваат децата дозволувајќи им „како сакаат“ да се однесуваат со бесни и моќни автомобили или мотори, зашто со тоа не им прават никаква услуга ниту ним, ниту на другите со нив или околу нив, напротив... само ги загрозуваат своите и животите на сите споменати. Од друга страна, треба постојано да се работи и на инфраструктурата за нови или обновени, но и безбедни улици и патшта со уреди ознаки и сигнализација кои се постојано максимално видливи и функционални. Се на се’, безбедноста во сообраќајот е комплексна и на неа треба постојано да се работи. - Верувате ли во Вашата изборна победа и победа на ВМРО-ДПМНЕ на овие локални избори? Да не верував немаше да се кандидирам. Но она во што најмногу верувам и сум убеден дека граѓаните на Босилово ќе знаат да ја препознаат и изборната програма на партајита и моите заложби и предвидените проекти кои ги имам во план да ги реализирам како иден градоначалник на општината. Но, како што реков, заедно со сите граѓани, зеднички да ги решаваме сите нивни проблеми како локална самоуправа која е мотивирана, чесна и посветена на работата, заедно со мене како градоначалник кој сите ќе ги обединува и ќе работи за сите, за подобар и попросперитетен, општествен, културен и социјален живот на општина Босилово.

Иван Јорданов, кандидат на ВМРО-ДПМНЕ за градоначалник на општина Штип: „Ќе бидеме чесни, одговорни и принципиелни… со Штип сите ќе се гордееме“

Антонио Димитриевски — Mon, 23 Aug 2021 20:18:43 +0000

Во изминатов период, односно на претходните локални избори имавме една инфалција на изборни ветувања која ги девалвираше проектите кои се за добробит на граѓаните и развој на нашиот град Штип. Граѓаните комплетно ја имаат изгубено довербата и во политичкиот систем и во кандидатите за градоначалници и затоа мораме најпрво да го промениме пристапот. Мора да биде искрен тој пристап, за да луѓето видат дека ние навистина имаме желба, визија и мотивација да направиме нешто добро за идните генерации. Ова во интервју за Курир.мк го истакна Иван Јорданов, кандидат за градоначалник на општина Штип од редовите на ВМРО-ДПМНЕ.

-Како млад човек и родител имам обврска кон цела генерација млади луѓе кои се иднината да направиме од нашиот град место за живеење со кое сите ќе се гордееме. За да го подобриме животот се опфатени повеќе сегменти- пред се економијата.

Јорданов потенцира дека преку изборната програма која се уште се креира, а е врз база на темелна анализа, испитување на јавното мнение и консултации од врвни експерти, ќе се направи еден исчекор- како да се задржат домашните инвестиции и да се привлечат нови инвестиции кои ќе отворат нови работни места во индустриските зони. Ветува чесна и посветена работа за подобрување на животот за сите сограѓани.

-На Штип му се потребни велосипедски и пешачки патеки, повеќе зеленило, паркови, нови социјални содржини, кино сали, нешто што ќе го окарактеризира Штип како вистински административен економски центар на Источна Македонија… Дивите депонии може да бидат преуредени во нови убави содржини. Не смееме и нема да се расфрламе со нереални ветувања, туку ветуваме чесност, одговорност и принципиелност.

Ќе се инвестира и во спортот и ќе се поддржуваат и спортските клубови, бидејќи според Јорданов, колку и да се инвестира во спортот секогаш е малку и не е доволно. Граѓаните на Штип имаат голема потреба и од довршување на новата Клиничка болница.

-Веќе 5-та година новата зграда на Клиничката болница е во застој, оставена да сведочи за неспособноста на сегашните власти. Апелирам час поскоро да биде завршена… Јас како иден градоначалник би можел да ја презентирам состојбата во која се наоѓа Штип и потребата од довршување на оваа болница, да иницирам средби и да го направам потребниот притисок да конечно се свестат и министрите и премиерот дека ова е прокт од круцијално значење кој мора да биде завршен.

Интервју со Јорданов погледнете го во продолжение.

Натпреварувач од „Ѕвездите на Гранд“ му скрши заб на Саша Поповиќ (видео)

Слободанка Илиева — Thu, 27 May 2021 07:58:16 +0000

Водителот Војо Недеjковиќ откри дека незгодна ситуација се случила неодамна во „Ѕвездите на Гранд“, кога за време на баражот, натпреварувачот Бојан Павловиќ случајно го удри Саша Поповиќ. Имено, Поповиќ го држеше микрофонот и рече кој кандидат оди понатаму, а кога се приближи до Бојан и го кажа неговото име за следниот круг, кандидатот не можеше да ја сокрие среќата, па со крик скокна од столчето. Во тој момент тој дури и не забележал дека го удрил микрофонот со лактот, кој потоа го удрил Саша и му го скршил забот. Во тој момент Поповиќ се покри и го праша домаќинот Војо Недеjковиќ дали може да се види пукнатина, а потоа продолжи професионално да си ја работи својата работа, како ништо да не се случило. Оваа анегдота ја раскажа споменатиот водител во емисијата „ Гранд специјал“, а како изгледаше може да погледнете на видеото.

View this post on Instagram

A post shared by Zvezde Granda SPECIJAL (@zvezdegrandaspecijal_official)