калиопи – Вистина.мк

Три месеци по трагедијата на нејзиниот концерт Калиопи го отпеа ветеното во Белград: „Во контакт сум сум со семејството на несреќната жена“ (фото)

Слободанка Илиева — Wed, 07 Feb 2024 08:35:29 +0000

Серијата концерти на нашата ултра позната и обожувана регионална музичка ѕвезда Калиопи беше прекината поради еден немил настан. Имено, пред три месеци беше закажан концерт во Белград, но за жал истиот беше одложен бидејќи на една жена од публиката и се слоши и почина. Тогаш Калиопи со длабоко желење реши да стопира се’,па средбата со белградската публика да ја закаже за подоцна. Тоа подоцна се случи сега во МТЦ салата каде Опи го отпеа ветеното пред своите обожаватели. Максимално предана на сцена, со пеење од срце и тон емоции, токму онаква како што ја знаат и очекуваат да ја видат и слушнат сите кои со нетрпение го чекаа концертот.

View this post on Instagram

A post shared by Kaliopi (@kaliopi_official)

-Балград, ти засекогаш остануваш во моето срце! Оооо каква ноќ!, напиша Калиопи во описот на фотографиите од концертот кои ги постави на својот Инстграм за да сведочат на уште еден феноменален музички спектакал полн со бура од емоции каков таа секогаш знае да приреди. Се вели дека музиката ги поврзува луѓето и говори со јазикот на љубовта, а Калиопи умее совршено и магично да ги конектира. Токму затоа пред српските медиуми таа кажа и дека со позитивна мисла, поистоветување и емпатија, успеваме да се зближиме уште повеќе, мислејќи и на немилиот настан за кој биле објавени и невистини. - Имаше многу неточни информации за самиот настан. Само ќе кажам дека гледаме напред и размислуваме позитивно, тоа што го доживеавме некако не собра уште повеќе, доживеавме нешто незамисливо. Во постојан контакт сум со семејството на несреќната жена. Токму тој момент направи нешто примарно и не натера да го цениме животот повеќе од порано – изјавила пејачката за Пинк.

View this post on Instagram

A post shared by Kaliopi (@kaliopi_official)

Белградскиот концерт на Калиопи беше совршено музичко стартување од годинава, а таа како и секогаш неуморна за споделување љубов и музика продолжува со полна агенда настапи. Следно ја слуша и гледа македонската публика и тоа во Маврово на 17-ти февруари. фото:Instagram printscreen/ kaliopi_official

Калиопи ја резимира 2023 година во екслузивно интервју за Вистина: „Без оглед на тоа каква планина ми тежи на плешките, јас мирно ги затворам очите“

Слободанка Илиева — Fri, 29 Dec 2023 08:16:14 +0000

За нашата поп -пејачка Калиопи редовно се залепени епитетите дива, кралица, најдобра… што таа во неколку наврати кажала дека нема проблем да ги стави на лицитација. Сепак, ласкањето за тоа што е таа и она што го работи, сосема оправдано се надополнува. Неуморен професионалец, секогаш непосредна и отворена за своите фанови, без чувството дека таа е ѕвезда и е недостижна во денешниот естраден свет. Децениската кариера, бројните хитови и концерти ја прават она што е денес, а според обемот на се’ што направила во годината која ја испраќаме, ќе треба да одговори многу и да испишеме уште повеќе од ова и повторно да останаме недокажани. За крајот на 2023 година Калиопи во ексклузивно интервју за Вистина зборуваше за тоа како ја сублимира оваа 2023 година, се’ она со кое и беше исполнета приватно и професионално, како и тоа што следи во 2024 година. Како се чувствува Калиопи пред крајот на годината? -Невообичаено спокојна. И последниве денови до пречекот ги користам за убави и креативни моменти, додека за годинешниов дочек на Новата година си посакав мирна и тивка ноќ. Празничниот дух успевате да си го донесете сами или за тоа мора да има синергија од целокупното опкружување? -Секогаш за добро расположение мора да започнете од себе, а потоа секако продолжувате во духот на споделувањето. Опкружувањето е многу важно, но сметам дека горе-долу сите ние веќе однапред си го знаеме нашиот избор на луѓе. Кој е Вашиот рецепт за постојана насмевка и позитивна енергија како личен печат, секако покрај моќниот вокал по што сте и препознатливи? -Го гледам само она што сакам да го видам! Не дозволувам никој и ништо да ми го расипе моето гледиште на светот, бидејќи иако свесна во какво време живееме, мене очите и срцето ќе ми бидат водени од љубовта! И тоа сакам да го поделам со луѓето, а нема подобар начин од насмевката! Покрај мојот глас, луѓето ме препознаваат и по неа. Години наназад редовно ја добивате и апсорбирате непресушната љубов од публиката, но дали Калиопи е емотивно исполената и сакана кога ќе се симне од сцена и ќе остане сама? -Претпоставувам дека сите ние си живееме некаква наша "сцена", без оглед на професиите. И сите ние го имаме моментот кога остануваме сами со себе, а јас тој момент го сметам за многу продуктивен. Потребен е пред сѐ да си ги средиме мислите и да си помуабетиме искрено со себе. Јас добивам огромно количество на љубов и под светлата на рефлекторите, но и кога тие ќе се угасат... Вложувате многу во кариерата, музиката, публиката, а доказ дека задоволството постои е перманентноста од која немате отстапки години наназад. Каде се крие клучот на истрајноста, неуморноста, инспирацијата, посветеноста...? -Нема поголем влог од доследноста до она во што си верувал од секогаш. Да се биде свој, е клучот, но секако и најскапиот дел. Тоа чини многу... Но на крајот од денот, без оглед на тоа каква планина ми тежи на плешките, јас мирно ги затворам очите, бидејќи знам, утрото ќе ме награди со нова сила за храброста и решителноста да бидам своја. Апетитите на публката никогаш не се задоволени од Калиопи и нејзината музика, а тие воопшто не се мали со оглед дека регионот не е мал и Ве обожава. Постојано на пат, од хотел до холел, од сцена на сцена, Вие се давате, но од каде е Вашиот духовен извор за да се издржи и постигне тоа? -Љубовта и вербата се мојот главен извор и сила за сѐ она што ме очекува на патот наречен живот. Затоа и ништо не ми е тешко. Во проблемот го гледам предизвикот, во искушениата си го тестирам трпението и така растам. А се додека публиката е погладна за мојата музика, мене ќе ме има... Годинава одржавте многу концерти низ регионот, добивте многу аплаузи, враќање на бис, цвеќиња, разни подароци... Кои беа најдрагите моменти кога би ги споиле во едно? -Завршното поклонување со мојот бенд, пред да ја напуштиме сцената... Не можам да ви го доловам тоа чувство преку збор, тоа мора да се доживее... Затоа до година и тука, кај нас ќе го поделиме тоа чувство, на концертите кои се во план во Македонија. Колку општествените случувања се одразуваа на инспирацијата и кративноста, независно дали се позитивни или негативни? -О, и тоа како се одразуваат. Моите песни не се само љубовни, тие опфаќаат и социјални теми, ангажирани песни, некогаш се чист коментар на одредени случувања. Уметноста е широк простор во кој се изговараат и отсликуваат најголемите вистини. Јас и Ромео сме токму затоа феноменален тандем, особено кога е во прашање точната мисла преточена во збор. Ако се осврнете наназад низ годините од почетоците на Вашата кариера до денес, како би го оцениле развојот на македонската музика /естрада, кои беа најплодните години, а кои најсушните? -Секое време земено и од социјален и културолошки аспект си носи извесни промени. За некој тие се позитивни, додека за друг се катастрофални. Токму од тој аспект не знам колку е паметно било што да кажам на таа тема, а да не бидам погрешно сфатена. Затоа мудро ќе молчам и ќе го користам правото своето мислење да го искажувам преку своите дела. „Не сакам да снимам дуети, тоа не е мој стил“ беше подвлечена една Ваша изјава во медиумите. Зошто е тоа така и тоа веднаш откако излезе последениот и најнов дует со Жељко Самарџиќ кој патем поминува одлично? -Изјава извадена од контекст. Секако, нелогично е да кажам такво нешто, а истовремено да дејствувам поинаку! Зборував за тоа дека немам многу дуети во мојата кариера, бидејќи дуетот е нешто што треба да се случи по чувство , а не по план. Песната можам да ја делам само со некој кој ги чувствува нештата, луѓето и животот на сличен начин како јас. Од каде треба да почнат промените за повторно да заживее македонската поп музика. Да бидат повеќе посетени домашните концерти, настапи и да не се штеди да се одделат пари за карта за она што е наше, домашно? -Промените почнуваат од самопочитта. Кога тоа ќе го освестиме, ќе започнат сите други општествени и институционални промени кои се потребни во секој сегмент на нашето живеење. Што стои во приватната и професионална агенда на Калиопи за 2024 година? -Многу убави и големи планови за кои уште од сега ги започнавме сите подготовки, со детална организација. Догодина повод големиот јубилеј 40 год од соработката со Ромео Грилл, се подготвува нов албум, како и низа концерти во Македонија и во регионот. Неизоставна е голема промоција на овие проекти и можам слободно да речам, со нетрпение ја чекам 2024 год, токму затоа што чувствувам дека со овој албум ќе отворам ново поглавје за најмалку следните десет години. А за понатаму, ќе видиме... Ако Калиопи е Дедо Мраз и може една работа да им подари на луѓето во Македонија, што би било тоа? -СРЕЌА фото: Приватна архива/ Ѓорѓи Христовски/Мартин Шишковски

Поп дивата ја заокружи успешната година со прослава: Калиопи како дете му се израдува на „денот што го чекаме цела година“ и ги дувна свеќичките на славеничката торта (ВИДЕО)

Антонио Димитриевски — Thu, 28 Dec 2023 07:55:37 +0000

Калиопи Букле имаше навистина успешна година... Македонската поп дива беше една од ретките домашни естрадни уметници кои ја мина границата, одржувајќи серија концерти во соседна Србија и регионот. За жал го имаш оној пех со непријатната случка на концертот во Белград кој од човечки и хумани причини го одложи, а толку го поскауваше како круна на она што во 2023-тата го работеше. Но, она што го сработи огледано во песните и концертите беше повеќе од добро и доволно за радост, среќа и задоволство... И нејзино и на нејзините обожаватели и следбеници на социјалните мрежи. Сепак, поп дивата успешната година не ја зокружи со концерт, туку со прослава... И тоа домашна, на која Калиопи како дете му се израдува на „денот што го чекаме цела година“ и едвај дочека да ги дувне свеќичките на славеничката торта, а моментот на радост и среќа го овековечи со блиц видео. На дамите не им се бројат годините иако Калиопи не ги крие своите, ама затоа им се бројат роденденските честитки, а нив Опи ги доби во избилство. И вербално и во вид на пораки на мобилниот и преку социјалните мрежи, па дел од нив сподели на својот Инстаграм профил. Најмногу од нејзините пријатели и секако од верните обожаватели меѓу кои предничат дамите кои се поистоветуваат со емоцијата во нејзините песни и нејзините стихови, вткаени во прекрасните ноти и тонови кои излегуваат од нив, обоени со експресијата на единствениот глас на Калиопи. Онаква, каква што само таа може да ја донесе, во која е оставена нејзината душа. Затоа и со душа и од срце пристигнуваат и многубројните роденденски пораки и честитки, во кои оние кои ја сакаат и се пронаоѓаат во нејзината музичка лирика сега имаат прилика и парче од својата душа да и подарат и со неа да го споделат. Исто онака како што тоа го прават на нејзините концерти, кои Калиопи несомнено ќе ги има уште многу пати и во Новата 2024-та година.

View this post on Instagram

A post shared by Kaliopi (@kaliopi_official)

Калиопи роденденот го прослави во својот дом, до кој водат врати милион... Но, само една до нејзиното срце. Онаа, низ која убавите нешта меѓу кои и искрените роденденски честитки пристигаат до неа! Нека е овој роденденски ден најсреќен!

View this post on Instagram

A post shared by Kaliopi (@kaliopi_official)

Фото: Инстаграм/kaliopi_official

Калиопи проговори за трагичниот настан: Жената која почина на нејзиниот концерт е само една година постара од неа и не е од Македонија

Антонио Димитриевски — Mon, 06 Nov 2023 13:27:07 +0000

Откако синоќа беше откажан концертот на Калиопи (56) во салата на МТС во Белград поради тоа што непосредно пред концерот почина жена во публиката, пејачката денеска за српските медиуми проговори за трагичниот настан.

„Зборувам во името на сите нас кои тажно и трагично ја доживеавме синоќешната трагедија. Најтажниот момент во мојата кариера. Голем шок за сите нас. Концертот уште не беше почнат, чекавме сите да влезат, да се наполни салата и да го славиме животот, а една од нив беше и госпоѓата што почина. Веднаш се симнав до публиката и сфатив дека имаме тежок случај. Сите се молеа да се случи чудо, но за жал, тоа не се случи. Еден живот вреди повеќе од стотина концерти. Госпоѓата е само една година постара од мене, не е од Македонија, таму беше и нејзината ќерка, се грижевме и за неа, додека остатокот од семејството не дојде на лице место. Жената е мајка на мој обожавател и не би го открила нејзиниот идентитет“ – изјави Калиопи во емисијата „Премиер-Викенд Специјал“.

Жената наеднаш изгубила свест и колабирала, поради што веднаш била повикана брза помош, но и по триесетминутно ренимирање, таа ја изгуби борбата со животот. Првичните информација беа дека жената била на 70-годишна возратс и дека од Македонија дошла во Белград на концерт на Калиопи.

Трагедија непосредно пред концертот на Калиопи во Белград: Жена почина во публиката, македонската пејачка реши да не пее и го откажа концертот (ФОТО)

Антонио Димитриевски — Sat, 04 Nov 2023 20:46:33 +0000

Вечерва, во салата на МТС беше организиран концертот на Калиопи, а непосредно пред почетокот на концертот на една жена од публиката и се слошило и за жал починала, а како што дознаваат српските медиуми, пејачката решила да го откаже концертот. На жената на возраст од околу 70 години, која на концертот пристигнала со пријателки и ќерката од Македонија, наеднаш и се слошило, изгубила свест и колабирала, поради што веднаш била повикана брза помош. Била реанимирана на самото место, но за жал, обидите на лекарите да ја вратат во живот завршиле безуспешно. Калиопи е очајна и во солзи, бидејќи наводно ја познавала жената и цело време останала покрај нејзината ќерка и нејзините пријатели, а концертот е откажан и салата е целосно испразнета, пренесуваат српските медиуми. Полицијата бргу пристигнала на лице место и извршила увид, по што македонската пејачка била повикана во полициска станица за да даде изјава. По немилиот настан се огласија со свое официјално соопштение и организаторите на концертот на Калиопи, кој требаше да се одржи во салата на МТС, во кое се вели: „Поради непредвидени околности концертот на Калиопи закажан за вечерва се одложува, а новиот датум на концертот ќе биде објавен подоцна. Сите купени влезници за вечерашниот концерт ќе важат и за новиот термин. Подетални информации во најкраток можен рок ќе бидат објавени во соопштение за медиумите кое ќе биде достапно и на веб-страницата на салата МТС, како и на социјалните мрежи. Ви благодариме на разбирањето.

Македонците растураат во „Никогаш не е доцна“: Калиопи беше во жирито, Билјана „го преврте студиото наопаку“ со својот настап (ВИДЕО)

Антонио Димитриевски — Wed, 01 Nov 2023 08:46:19 +0000

Можеби српските и воопшто регионалните музички ѕвезди „хараат“ по Македонија, ама затоа Македонците растураат на регионалните музички талент шоуа. Така, уште една Македонка, која до душа живее и работи во Лондон, во последото издание на музичкото шоу за повозрасни „Никогаш не е доцна“ го крена студиотона нозе, го преврте наопкау со својот настап. Харизматичната и позитивна Билјана Зеровска, фармацевт на која музиката не и е професија, ама затоа и е прва љубов или како што самата вели: „Во нашето семејство секогаш се било во знакот на М и М - музика и медицина, зашто потекнува од докторско семејство во кое обата родители и се лекари, а нејзиниот татко патем бил и врвен виолинист, а мајка и свитела клавир. Завршила нижо музичко училиште, сакала да стура глума, но на крајот сепак завршила на фармација, а денес работи како менаџер на еден познат ланец од 130 аптеки во Лондон и цела Британија. Како што ќе рече при петставувањето: „Имам две ќерки, и две цели кога е оваа емисија во прашање. да се забавувам и одам понатаму со настапите и да работам за ова шоу како претставник во Лондон“. Таа потоа додаде и дека се пријавила во ова шоу за да ја исполни големата желба на нејзината почината мајка. „Тоа беше желба на мојата почината мајка која не ја пропушташе оваа емисија и кога и запеав во време на короната со еден хит на Фејсбук, таа ми кажа дека ќе ме пријави, но таа потоа за жал, почина, замина кај ангелите, па еве овде ме пријавија ќерките“ - ќе раскаже Билјана Билјана на сцената ја отпеа евровизиската „Хајде да лудујемо ове ноќи“ на единствената Тајчи, и ги освои срцата на жирито во кое покрај непроменливиот Маре овој пат беа и нашата поп дива Калиопи која и се обрати на македонски, како и Жељко Самарџиќ кој исто така имаше само пофални зборови. Сепак за нејзиното минување понатаму одлучуваа гласовите на следбениците на шоуто на социјалните мрежи, каде по пат на Фејсбук гласање онаа што ќе освои повеќе гласови од публиката, продолжува понатаму. Гласањето траеше до 31.10. 2023 на полноќ, а истото за цело време беше мошне неизвесно и изедначено, но на крај, за среќа Билјана сепак победи со мала разлика и оди понатаму. Како звучеше и изгледаше настапот на харизматичната Македонка од Лондон во „Никогаш не е доцна“, која со својот настап ги крена сите на нозе, погледнете од видеото во продолжение, во кое настапот на Билјана е на самиот почеток:

„Време е“ – Александар Белов побара од Калиопи да повтори еден убав спомен , а таа се согласи дека ќе му ја исполни желбата (фото)

Слаѓана Атанасова — Mon, 23 Oct 2023 07:10:21 +0000

Македонскиот пејач Александар Белов сподели фотографија стара 5 години на која позира заедно со неговата колешка познатата македонска поп дива Калиопи. Белов кој кариерата ја градеше во Македонија се до моментот која ја запозна љубовта на неговиот живот Јелена Станковиќ од Крагуевац, Србија и замина да живее кај неа па, таму продолжи да го работи она што го сака. Сега на неговиот профил, откако апликацијата Инстаграм направи потсетник што и каде бил на денешен ден, Белов носталгично веднаш побрза и ја сподели објавата која му побуди убави спомени. „Совршена вечер, преполно позитивна енергија, честитки за сјајниот концерт“- пишуваше во старата објава , а мислата која му поминала низ глава тој реши да ја сподели со сите па, искрено напиша: „Време е да се повтори ваква вечер“ , означувајќи ја Калиопи на објавата. „Време е 100 проценти“ - му одговори Калиопи откако ја сподели фотографијата и таа на нејзиниот Инстаграм профил. Со тоа тие потврдија дека убавата дружба меѓу нив е секогаш добредојдена, а Калиопи веќе е подготвена да направи уште подобра и возбудлива концертна атмосфера. Фото: Принтскрин/Инстаграм/Александар Белов

Калиопи има нова музичка магија за својата публика со – „Кад осване“ (ВИДЕО)

Антонио Димитриевски — Wed, 04 Oct 2023 12:07:02 +0000

После редицата концерти низ целиот регион кој Калиопи ги најави за октомври и ноември, денеска, (среда, 4.октомври 2023) таа објави и ново музичко парче. Новиот сингл носи наслов „Кад осване“ и веќе тече во етерот. И оваа песна е снимена на српско-хрватски јазик и е наменета за регионалниот пазар кој Калиопи го освојува со хитовите од повеќедецениска кариера исполнета со успеси, својот раскошен вокал и неверојатната харизма што ја краси македонската поп дива. Таа континуирано ја исполнува својата дискографија со нови песни и на својата публика секој пат и дарува нова музичка магија. И овој пат она што таа на фановите им подари во „Кад осване“ е комплетно авторско дело на нејзиниот бивш сопруг и долгогодишен соработник, композиторот и продуцент Ромео Грил. „Песната 'Кад осване' (Кога ќе зазори) никого нема да остави рамнодушен. Тоа е песна која буди од длабок сон, раздвижува и ја враќа надежта за подобри денови! Кога ја слушнав прв пат, бев пресреќна што добив ваква песна! Ромео и овој пат се надмина себеси, а тоа му успева речиси 40 години, колку што веќе соработуваме заедно… За неполни 5 месеци добив две големи песни! Дуетската „Знам“, со мојот пријател Жељко Самарџиќ, која веќе со молскавична брзина се врежа во срцата на публиката, а сега исто така длабоко верувам дека „Кад осване“ ќе биде песна за која ќе се зборува и која што многу ќе се пее! Имаме нов хит“ – порача пејачката. Овој месец таа има закажано 4 концерти во БиХ и тоа во: Сараево, Бијелина, Грачаница и Зеница. А во ноември ќе одржи голем концерт во Белград.

Калиопи со солистички концерти во Белград и Сараево

Антонио Димитриевски — Thu, 21 Sep 2023 10:58:18 +0000

Македонската поп дива Калиопи во октомври и ноември ќе одржи два големи концерти во два големи града на некогашната Југославија. Таа на 23-ти октомври ќе одржи концерт во Домот на младите во Сараево а на 4-ти ноември во МТС дворана (Дом на синдикатите) во Белград. Калиопи уживаа голема популарност во регионот а имајќи во предвид дека ова нејзин прв концерт во Белград по 3 години односно по 4 години во Сараево, интересот е очекувано голем.

За Калиопи вака се ужива во животот: „Воопшто не ми е гајле што косата ми е разбушавена, а очите ми се полузатворени“ (фото)

Слободанка Илиева — Mon, 21 Aug 2023 07:04:41 +0000

Од познатите на социјалните мрежи навикнавме постојано да гледаме и очекуваме некаква реклама и тоа како инфлуенсери ни сугерираат да купиме и користиме разни производи. И токму кога помисливме дека и Калиопи сака да направи една таква реклама, во случајов за вода – се излажавме. Македонската поп дива направи отстапка од она што го прават сите, и тоа на толку едноставен и оригинален начин, а со толку силна порака во која вели: -Имате ли и вие утра во кои мислите дека небото вам ви се насмевнува, а вкусот на водата е како од истопен планински снег ? Еве, такво е моево утро! И воопшто не ми е гајле што косата ми е разбушавена, што очите ми се полузатворени, кога срцево ми пее! Имајте преубав викенд, драги луѓе и запомнете,за среќа, доволно е небото и мирисот на водата... напша Калипи а од ова треба да чукне часот и од утрото на повеќемина кои ќе се стават на испит. Уживањето не е во луксузот, наместените маси полни со се’, нашминканите лица и фризурите за пред очите на сите. Убавината е во малите нешта и најважно од се’ перцепцијата како ги доживуваме и со што го храниме нашиот дух. На здравје со една чаша вода од која срцето пее! фото:Инстаграм принтскрин/ Калиопи