калиопи букле – Вистина.мк

Калиопи пред камери проговори за тешките моменти кога го изгубила гласот, а лекарите среде операција наишле на феномен (видео)

Слободанка Илиева — Tue, 23 Jan 2024 10:00:06 +0000

Нашата поп дива Калиопи годината зад нас ја заврши со многу интервјуа за домашни и регионални медиуми, почестени бевме и ние со едно ексклузивно интервју за Вистина.ком.мк, а сега Новата 2024 таа повторно ја почнува со исповед пред камери во шоуто „Еден на еден“. Зборуваше за многу нешта кои водителот Жаре ја потпраша, од кариера до приватност со сегашноста и минатото, а меѓудругото таа откри и за тешкот период од нејзиниот живот кога живеела во Швајцарија, се уште била со презиме Грил, односно во брак, а тoгаш поради силни стресови се случило психосоматски да почне постепено да го губи своето најсилно оружје- гласот. -Имав сериозен проблем психосоматски, почнав постепено да го губам гласот и за голема среќа што во тој период живеев во Швајцарија. Во Базел постоеше и се уште постои доктор Јозеф Сопко, голем стручњак, оториноларингологист, хирург и професор на Универзитетската клиника во Базел и бев на консултации со повеќе доктори и секој од нив ми велеше одете кај професор Сопко. Дефинитивно тој се обиде низ пат на некои терапии, месец, два, доаѓам и ме гледа, госпоѓо Грил јас не можам да ве излечам, зашто не можам да ја излечам вашата душа. Тој го гледаше тоа задебелување на десната гласна жица и реши да го среди тоа со ласер на операција. Кога се разбудив од операција многу ми беа тешки тие моменти бидејќи гласот ми беше мене се’. Значи буквално се’! Вториот ден кога се разбудив дојде сестрата и ми рече дека професор Сопко ме очекува во неговиот кабинет, не смеев да зборувам. Доаѓам таму и тој ми вика, госпоѓо Грил, ние вашата операција ја снимавме, затоа што наидовме на еден феномен, рече задебелувањето го тргнавме, ќе бидете добро, гласот ќе ви се врати ама вие имате дупла гласна жица. Мојата десна гласна жица е дупла. Она што тие го снимиле ме замоли дали ќе може да го презентираат на некој симпозиум, бидејќи такво нешто во неговата кариера немал видено. Бидејќи јас не сум знаела да се справам со стресот, тој удрил таму каде што сум најосетлива, се присети Калиопи на деновите кои не може да ги заборави. Видео извадокот на овој дел од интервјуто во „Еден на еден“ погледнете го во продолжение: фото:You Tube printscreen/ Eden na Eden

Калиопи на „Исповед“: „Денес секој може да наполни арена“ (ВИДЕО)

Слаѓана Атанасова — Tue, 07 Nov 2023 07:16:22 +0000

Македонската поп дива Калиопи Букле беше гостинка во една од епизодите на српскиот серијал „Исповед“ и го откри нејзиниот сегашен однос кон музиката и колегите. Кога музиката е во прашање таа потврди дека до ден денес останала доследна на нејзиниот стил и вкус. Пејачката на самиот почеток потенцираше дека живееме во време во кое имаме можност да слушнеме сѐ, а дека сето тоа постои со причина: - Денес излегува дека поп музика е тоа што е популарно и што ги полни арените, а живееме во време во кое имаме можност да слушнеме сe, па каков ни е животот таква ни е и музиката. Калиопи искрено кажа дека денес секој може да ги наполни арените и големите сали бидејќи сега музиката е многу покомерцијална отколку што била. А зборуваше и за тоа како успеала да остане верна на својот стил но и дека одбила да снима дуети со колегите. - Останав верена на мојот музички правец затоа што сакам да правам музика според мојот сензибилитет. Не „купувам“ нови трендови и жанрови кои се популарни, но очигледно има такви луѓе, всушност младите, кои ги слушаат. Секој денес може да наполни арена, тоа стана нормално, а порано беше вистинска реткост - кажа пејачката и додаде зошто избегнува да снима дуети со колегите: - Не сакам да снимам дуети, некако тоа не е мој стил. Имаше понуди од колеги, ги одбив сите, не затоа што го кревам носот, туку затоа што не се гледам себеси во тоа. Инаку, пејачката неодамна го откажа концерт во Белград бидејќи жена која дошла да ја слуша ненадејно уште на почетокот починала откако и се слошило. Пејачката изрази сочувство до семејството и најави дека купените билети за овој спектакл ќе важат и за новиот термин кој допрва треба да се закаже. Како изгледаше Калиопи и што уште кажа во својата „исповед“, погледнете во видеото во продолжение: Фото: Принтскрин/Инстаграм/Калиопи/Јутјуб-Исповест

„Кој сака да игра со мене?“ – Иако победникот е однапред познат, Калиопи е подготвена на една партија (видео)

Слаѓана Атанасова — Thu, 17 Aug 2023 07:05:13 +0000

„Не сум губитник ти знај, не се предавам до крај...“ пее македонската под дива Калиопи Букле на која освен музиката која е нејзино главно занимање, таа наоѓа време кога може за да игра тенис. Нејзината страст кон спортот почна одамна, а тогаш таа изјави дека освен што пешачи по 10 километри дневно на 43 години почнала да тренира и тенис, зошто никогаш не е доцна за ништо во животот. Сега таа за прв пат, објави кратко бумеранг видео, облечена во спортска облека држејќи го тенискиот рекет подготвена да замавне. - Кој сака да игра со мене? - напиша таа под објавата која се појави на нејзиниот профил на социјалната мрежа Инстаграм.

View this post on Instagram

A post shared by Kaliopi (@kaliopi_official)

Познато е дека Калиопи е жесток навивач и верен фан на српскиот тенисер Новак , па во позитивните коментари се најде и еден шеговит во кој пишуваше кратко и јасно - „Ѓоковиќ“. Нејзината инспирација кон тенисот можеби била токму тој бидејќи Калиопи во едно интервју за српските медиуми јавно го замолила познатиот тенисер за еден индивидуален тренинг. Калиопи е вистинска музичка дива, на која ѝ се восхитува публиката од сите генерации, а сега таа докажа дека страста кон тенисот е нејзина голема рекреација. Фото: Принтскрин/Инстаграм/Калиопи Букле/ Новаќ Ѓоковиќ

Ова се најпопуларните песни кои ги пееја натпреварувачите во „Ѕвездите на Гранд“: Еве на кое место се најде „Црно и бело“ на Калиопи

Христина Ѓоргиевска — Sat, 22 Jan 2022 08:04:46 +0000

За време на 14-те сезони на шоуто „Ѕвездите на Гранд“, слушавме неколку илјади песни од различни музички жанрови, кои на свој начин ги донесоа натпреварувачи од цела поранешна Југославија. Ова е список со петте најпопуларни песни што натпреварувачите ги пееја во „Ѕвездите на Гранд“ Песната „Прекасно“ на Амар Гиле е најпеаната во историјата на натпреварот. Многумина беа зачудени, имајќи предвид дека е млад, неговиот хит е најпопуларен. На второ место се најде хитот „Онај кој те љуби сретан је“ од Тони Цетински. Омилена песна на учесниците е хитот на Викторија „Дај не питај“, кој го зазема третото место. Евровизискиот хит „Црно и бело“ од Калиопи се повеќе е избор на натпреварувачите на популарното шоу и се наоѓа на четвртото место на најпеените песни. Песната „Доџи да остаримо заједно“ од покојниот Шабан Шаулиќ се наоѓа на петто место.

Kaлиопи со емотивна порака по повод 14 годишнината од смртта на Тоше Проески: „Се наближува 16-ти октомври, тагата ми го стега грлото се повеќе и повеќе“

Христина Ѓоргиевска — Fri, 15 Oct 2021 07:23:28 +0000

Утрото на 16 октомври 2007 година беше кобно за македонскиот пејач Тоше Проески кој почина во сообраќајна несреќа на пат за Хрватска на местото наречено Нова градишка. Македонската музичка сцена тогаш го изгуби најдобриот музички вокал и пејач, естрадните уметници изгубија пријател и колега, а неговото семејство го изгуби најдрагиот, најсаканиот член. Носталгијата и тагата по Тоше Проески и неговата музика не престануваат ни по 14 години. Тој зад себе остави бројни песни, хитови кои ќе се пејат засекогаш. Утре (16 октомври 2021) се полнат 14 години откако згасна животот на најголемата македонска музичка ѕвезда. По тој повод, пејачката Калиопи Букле се огласи на својот „Инстаграм“ со емотивна порака. Имено, пејачката објави видео, а во описот му посвети стих од песната „Бар да си ту“ („Барем да си тука“). „Барем да си тука и да те имам крај себе Барем уште еднаш моите раце сега да те гушнат. Наближува 16 октомври, и тагата ми го стега грлото се повеќе и повеќе“, напиша пејачката во описот.

View this post on Instagram

A post shared by Kaliopi (@kaliopi_official)

Инаку, ултрамаратонците го започнуваат својот маратон за на 16 октомври напладне да стигнат во родното Крушево на Тоше и на неговото вечно почивалиште, на Гумење, за да му оддадат почит на големиот музичар и хуманитарец. Петмина ултрамаратонци во Хрватча вчера (14 откромври 2021) околу 17 часот го започнаа симболичното истрчување на 15 километри од Нова Градишка, од местото на големата трагедија пред 14 години. Уште 10-те ултрамаратонци, својот маратон до Крушево и до Гумење ќе го започнат во петок, на 15-ти октомври околу 14 часот од граничниот премин Табановце, па преку Скопје да стигнат до Крушево на 16 октомври напладне.

Калиопи во сабота ќе одржи концерт во Ниш

Христина Ѓоргиевска — Thu, 29 Jul 2021 11:27:42 +0000

Maкедонската поп дива Калиопи Букле по речиси година ипол пауза од концерти и настапи поради короната, се враќа на музичката сцена. Имено, викендов, на 31.07.2021 во Ниш пејачката ќе го одржи својот прв настап по принудената пауза. „Драги мои, моето срце чука побрзо и погласно од помислата дека наскоро повторно ќе пееме заедно, под исто небо“, напиша пејачката. Љубителите на нејзината музика во сабота во Ниш ќе имаат прилика да ги слушаат најголемите хитови на македонската дива.

Калиопи доби мало изненадување од Елена Ристеска кое ја остави со подотворена уста: „Се гордеам со тебе“

Христина Ѓоргиевска — Wed, 19 May 2021 06:52:23 +0000

Пејачката Елена Ристеска својата музичка кариера ја стави на пауза, односно моментално е посветена на својата линија „Еra comestics“. Имено, пејачката пред две години започна нов бизнис, односно лансираше парфем, а од неодамна и гел за туширање. Пејачката е актвина на социјалните мрежи преку кои често го рекламира својот производ, открива што има ново, ги споделува своите успеси и новитети. Во јули претходната година, Елена на своите колеги од естрада им испрати подароци односно парфеми, а тие беа воодушевени од она што го добија. Ваква колешка секој би посакал: Елена Ристеска на колегите им прати подароци (фото) – Вистина.мк (vistina.com.mk) Деновиве, пак Ристеска одлучи да ја израдува својата колешка, поп дивата Калиопи Букле. Така, пејачката на пејачката и испрати колекција од својот парфем, а Опи се израдува на изненадувањето, па јавно и се заблагодари. „Колку прекрасно изненадување од мојата многу драга колешка“, напиша пејачката во „Инстаграм стори“. „Ти благодарам тебе мило девојче, ти посакувам успеси. Се гордеам со тебе“, додава Калиопи во друга објава. Ристеска не остана должна, па и се заблагодари на Букле. „Мислев дека ќе се видиме, па лично да ти го подарам, ама како тргна годинава не се видовме...Ти благодарам Опи за објавата и за поддршката..Те сакам“, напиша Ристеска.

Калиопи се врати од кај Ромео Грил и со насмевка од „шестка до шестка“ сподели убави вести: „Не можам да дочекам“ (фото)

Христина Ѓоргиевска — Fri, 07 May 2021 06:56:48 +0000

Музичката сцена повеќе од една година е на принудена пауза поради пандемијата со коронавирусот. Естрадните уметници не само што не настапуваат, туку поголемиот дел од нив не снимаат и нови музички парчиња. Македонската пејачка Калиопи Букле од самиот почеток на пандемијата се дружи со фановите преку социјалните мрежи. Имено, пејачката се вклучуваше во живо да пее со фановите, имаше онлајн концерти, организираше уметнички натпревар.....

View this post on Instagram

A post shared by Kaliopi (@kaliopi_official)

Естрадните уметници со нетрпение чекаат да се вратат на своите настапи и повторно да уживаат со публиката. Калиопи е препознатлива по своите големи хитови кои никој не останува рамнодушен кога таа ќе го пушти гласот.

View this post on Instagram

A post shared by Kaliopi (@kaliopi_official)

А сега како што најави се “крчка“ нова песна и тоа во студиото на нејзиниот поранешен сопруг и верен соработник, Ромео Грил. Имено, Калиопи на својот „Инстаграм“ објави фотографија на која нема ни грам шминка, а има насмевка од „шестка до шестка“, па најави дека подготвува нешто ново. „Зошто сум толку среќна? Бидејќи слушнав нешто ново од музичката лабараторија на господин Ромео Грил. И знаете што? Не можам да дочекам да се вратам во студио, да снимам и да го споделам со вас...За да престане оваа луда ситуација и да се вратиме на нормалниот живот“, напиша пејачката.

View this post on Instagram

A post shared by Kaliopi (@kaliopi_official)

Од професионалниот однос меѓу Калиопи и Ромео произлегуваа многу хитови, па македонската дива уште еднаш му ја укажа довербата на Ромео. Што ни подготвува Калиопи останува да видиме, а кога станува збор за неа, сигурно ќе биде нов хит.

Не ја покажува во јавност: Вака изгледа мајката на Калиопи (фото)

Христина Ѓоргиевска — Sun, 25 Apr 2021 07:00:04 +0000

Калиопи Букле важи за една од најпознатите пејачки како во Македонија така и во регионот. Таа често е активна на социјалните мрежи преку кои се дружи со љубителите на нејзината музика. Откако зафати пандемијата со коронавирусот, Калиопи како и нејзините колеги е принудена на музичка пауза. Меѓутоа, таа овој период го искористи за да ужива во слободното време и да прави работи кои можеби не ги правеше поради професионалните обврски. За време на последната година, таа се дружеше онлајн со фановите, се вклучуваше во живо, одржуваше онлајн концерти, па дури и натпревари. Иако Калиопи често е активна на „Инстаграм“ таа не го експонира своето семејство. Меѓутоа, овојпат направи исклучок и македонската дива на социјалните мрежи објави фотографија од нејзината мајка и сестра. „Добра страна на пандемијата – повеќе моменти како овој....Tи благодарам мамо што му пркосиш на времето и го чуваш младиот дух и го споделуваш со нас“, те сакам“, напиша Опи на фотографијата на која позира насмеана.

View this post on Instagram

A post shared by Kaliopi (@kaliopi_official)

Денес Калиопи од сестра си има една внука, додека од братот има двајца внуци.

Откако Весна Дедиќ ја обвини Калиопи дека не се појавила на снимање и се „заканувала“ со отказ, се огласи нашата пејачка: „Не знам за што зборува“

Христина Ѓоргиевска — Fri, 05 Mar 2021 08:58:23 +0000

Пејачката Калиопи Букле се огласи по обвинувањата на српската водителка Весна Дедиќ дека никогаш повеќе нема да ја покани во својата емисија „Балканска улица“ бидејќи нашата наводно пејачката не ја испочитувала. Имено, како што Весна изјави за српските медиуми, Калиопи требало да гостува во нејзината емисија „Балканска улица“ која тогаш се емитуваше на РТС, но доцнала на снимањата, а кога пристигнала во Србија не заминала веднаш во студиото, туку наводно сакала прво да оди во хотел, да се нашминка и среди, па потоа да дојде на снимање. Меѓутоа, Весна и нејзината екипа не сакале со часови да ја чекаат пејачката, па наводно и Калиопи им се „заканила“ дека ќе се јави кај тогашниот директор да и даде отказ. https://arhiva.vistina.com.mk/radio-mileva/vesna-dedikj-otkri-deka-nema-da-ja-pokani-kaliopi-vo-svojata-emisija-toa-nikogash-nema-da-i-go-zaboravam/ По овие тврдења на Весна Дедиќ, за Курир.рс се огласи и Калиопи и ја кажа својата страна на вистината. „Мене никој не ме познава како таква личност како што ме опишува Весна. Јас навистина не знам што и е на госпоѓата и не знам што сака да каже. Оваа работа ја работам 35 години и никој досега не ми кажа такво нешто, ниту ме наврдил како што ме навреди таа. Точно е дека доцнев на тоа неславно снимање поради сообраќајна несреќа среде невреме бидејќи патував од Загреб кон Белград, а нејзината продуцентка го знаеше тоа. Јас ова првпат го слушам, шокирана сум. Како и да е, јас Весна Дедиќ ја почитувам како интелектуалец, новинарка и авторка, дури ги прочитав и нејзините книги. Навистина не знам за што зборува ова жена. Калиопи се труди луѓето да добијат работа, а не да се заканува со отказ, тоа е скандалозно. Никогаш во животот немав вакви проблеми“, изјави Калиопи за Курир.рс Овој одговор од нашата пејачка ја изнервира Весна Дедиќ која не се откажува од своите тврдења. „Тијаниќ, за жал не е жив, па не можам да ви кажам- „Прашајте го Тијаниќ“. Без оглед на сè, јас и понатаму ја слушам Калиопи и не е важно што направи во афект“, изјави Весна за курир.рс Дали по ова, Весна ќе се премисли и сепак ќе ја покани Калиопи во емисијата, останува да видиме.