калинка – Вистина.мк

Есенска варијанта на омилениот десерт, направете чизкејк со калинка

Слободанка Илиева — Mon, 30 Oct 2023 13:10:16 +0000

Чизкејкот е омилен десерт за многу луѓе, а може да се подготви на стотици начини. Најпопуларната есенска варијанта е чизкејкот со калинка и шумско овошје. Состојки за основата: 50 гр интегрален бисквит 25 гр путер омекнат на собна температура Крем: 100 гр грчки јогурт 50 гр свежо крем сирење 75 гр слатка павлака 1 лажица шеќер во прав Прелив: 250 гр шумско овошје 1 калинка 1 лажица шеќер 1 лажица свежо исцеден сок од лимон Подготовка: Сомелете ги бисквитите и измешајте ги со путерот. Смесата поделете ја во 3 чинии или чаши и добро притиснете. Оставете ја во фрижидер додека го подготвувате остатокот од десертот. Слатката павлака се мати со шеќер во прав додека да стане цврста, се додава јогуртот со свежото сирење и се додава во шлагот. Нежно измешајте ги сите состојки додека не се соединат. Истурете го кремот врз подготвената бисквитна основа и вратете сè во фрижидер најмалку еден час. Во меѓувреме, шумските плодови исечкајте ги на ситни парчиња и префрлете ги во тенџере, додадете шеќер и сок од лимон, ставете ги во тенџере и варете на тивок оган околу десет минути со постојано мешање. Оставете ја смесата да се излади и потоа додадете ја во кремот. Врвот на тортата украсете го со калинка. извор:курир.мк

Зошто треба секојдневно да консумирате калинка?

Христина Ѓоргиевска — Mon, 24 Jan 2022 14:00:01 +0000

Ако сакате да се ослободите од холестеролот и од вишокот килограми, како и да воспоставите хормонален баланс во организмот, јадете… калинка секој ден! Калинката се смета за едно од најздравите овошја поради уникатниот состав и огромниот број корисни својства за организмот. Истражувањата покажале дека сокот од калинка содржи дури 15 видови аминокиселини од кои 6, освен во калинката, ги има само во месото. Затоа калинката може да биде одлична замена за месото доколку се одлучите да се откажете од месните производи. Во продолжение прочитајте ги здравствените придобивки од секојдневното консумирање калинка.

1. Ја подобрува хормоналната рамнотежа

Семките од калинка содржат масла кои ја воспоставуваат хормоналната рамнотежа во организмот. Ова овошје е особено важно кога станува збор за женското здравје бидејќи ги ублажува болките за време на менструација, ја смирува главоболката и помага при менопауза.

2. Делува како природен инсулин

Калинката е корисно овошје особено во случаите на дијабетес. Половина лажичка сок од калинка 4 пати на ден го намалува нивото на шеќер во крвта.

3. Го зголемува хемоглобинот

На лицата со анемија им се препорачува да пијат половина чаша разреден сок од калинка 3 пати дневно 30 минути пред оброкот.

4. Ја дезинфицира усната шуплина

Кората од калинка ја ублажува болката во грлото и ја дезинфицира устата при стоматитис и фарингитис.

5. Го намалува крвниот притисок

Калинката може да го намали крвниот притисок без негативни последици врз организмот. Покрај тоа, ова овошје има и смирувачки својства. Во случај на несоница и анксиозност, се препорачува пиење чај од калинка.

6. Ја подобрува меморијата

Студиите покажале дека консумирањето 8 мл сок од калинка во текот на четири недели значително ги подобрува индикаторите на вербалната и визуелната меморија.

7. Го намалува гладот

Само 1 чаша сок од калинка дневно ви помага да останете сити. Според научниците, за овој ефект се одговорни полифенолите кои се содржат во сокот од калинка.

8. Штити од болести на кардиоваскуларниот систем

Редовното консумирање калинка значително го намалува ризикот од кардиоваскуларни болести. Според некои истражувања, сокот од калинка штити од инфаркт и од мозочен удар. извор: кафепауза.мк

Калинката е драгоцено овошје кое може да го употребувате на различни начини во исхраната

Антонио Димитриевски — Sat, 04 Dec 2021 09:39:31 +0000

Калинката е плод богат со ситни семки кои прават чуда за нашиот организам. Во зимските месеци, ова овошје е повеќе од добредојдено на нашата трпеза. Освен што е богата со бројни витамини и минерали, антиоксиданси и други вредни состојки, калинката е природно оружје против вирусите и настинките, и е една од најдобрите овошки за подобрување на имунитетот. Освен како овошје, можете да ја користите и за многу други намени. Еве три од нив. Желе од калинка Доколку сакате да ги инспирирате домашните на еден поинаков, а бомбастичен десерт полн витамини, желе од калинка е вистинскиот избор. Свежо исцедете сок од една калинка, промешајте го со малку шеќер и желатин и оставете го во длабоки чинивчиња да се стегне. Ќе бидете изненадени колку ќе ве освежи вкусот.

Чај од кора од калинка

Доколку ве „фати“ стомакот или имате подуеност, сте настинале или имате некакви потешкотии со дигестивниот тракт, овој чај е навистина лековит. Кога ќе ја лупите калинката, не ги фрлајте корите. Соберете ги во една ќесичка и оставете ги природно да се исушат. Секогаш кога ќе имате некаков дигестивен проблем, налејте литар вода во тенџерче, ставете неколку кори од калинката и сварете си чај. Пијте го во интервали од 6 часа во текот на еден ден и ќе забележите разлика.

Балсамико од калинка

Ако сакате невообичаен вкус на вашите јадења со зачинето балсамико, ова е супер предлог за вас. Во стаклен сад ставете литар оцет и во него иситнете две големи калинки. Покријте со капак и оставете да стои 30 дена на суво и ладно место. Потоа процедете го оцетот и чувајте го во стаклено шишенце. Ќе имате незаобиколен зачин за сите ваши салати.

Секоја жена треба да го јаде ова овошје во текот на зимата – еве и зошто

Христина Ѓоргиевска — Mon, 22 Nov 2021 13:45:19 +0000

Доколку сакате да ослабнете, да го исфрлите холестеролот, да воспоставите рамнотежа меѓу хормоните, секој ден треба да го јадете ова овошје. Калинката се нарекува кралица на овошјето, но не поради круната која ја има на врвот од плодот, туку и поради своите корисни својства. Сокот од калинка содржи дури 15 видови аминокиселини. Кои се придобивките од калинката? 1. Го подобрува хормоналното ниво Семето од калинката содржи масло кое ја враќа рамнотежата на вашите хормони во телото. Жените треба да го јадат ова овошје поради тоа што истото ја ублажува болката во текот на менструацијата, ја ублажува главоболката и помага при менопауза. 2. Делува како природен инсулин Калинката е корисна и при дијабетес. 0,5 лажици сок од калинка 4 пати дневно го намалува шеќерот во крвта. 3. Го зголемува хемоглобинот Луѓето кои патат од анемија се препорачува да пијат од 0,5 чаши сок од калинка 3 пати дневно 30 минути пред секој оброк во временски период од два месеци. 4. Ја дезинфицира усната празнина Кората од калинката ја ублажува болката и го дезинфицира грлото и устата. 5. Го намалува крвниот притисок Калинката исто така е неопходна за хипертензија затоа што е во состојба да го намали крвниот притисок без негативни последици на телото. Ова овошје исто така има смирувачки својства. Го смирува нервниот систем, ослободува од несоница и анксиозност. 6. Ја подобрува меморијата Употреба на 8 грама сок од калинка во текот на четири седмици значително ги подобрува вербалните и визуелни способности. извор: точка.мк

Што му прави сокот од калинка на вашиот организам?

Моника Манасиевска — Fri, 14 Dec 2018 14:45:44 +0000

Ако сакате да го успорите процесот на стареење и да го зајакнете имунитетот, пијте свежо цеден сок од калинки, советуваат стручњаците.

Оваа вкусна напивка е вистински концентрат од витамин Ц, богата е со калиум и витамини А и Е, содржи фолна киселина, како и многу моќни антиоксиданси. Некои истражувања покажале дека редовно конзумирање свеж сок од калинка може да спречи многу болести. Нутриционистите препорачуваат, свежиот сок (исцеден на ист начин како и портокалот) без додаток на шеќер, да се испие веднаш по цедењето или во текот на денот. Поради можни интеракции со лекови, оваа напивка не се препорачува за пациенти кои боледуваат од дијабетес како и за оние кои во терапијата користат антидепресиви и други лекови.