Лила на „Златни денови“ едвај остана на здрави нозе: Водителката „на штикли леташе“ по кратовската калдрма, ама затоа на плочките покрај бината за малку ќе ја прекршеше половината (ВИДЕО)

Антонио Димитриевски — Mon, 10 Jul 2023 08:26:33 +0000

„Златни денови“, една, ако не и единствена културно-естрадна манифестација со која Кратово живее, а младите живеат за тие вечери исполнети со забава, музика, вселба, журка, дружба... И годинава „половина македонска естрада“ им дојде на дружба, па така дел од најголемите наши естрадно-муички ѕвезди свиреа и пееја, ги забавауваа и веселеа не само кратовци, туку и останатите граѓани кои дојдоа од околните градови и населени места. А, каде што има естрадни настани, мора да има и водител или водителка, а во Кратово кој би бил друг ако не таа - Лила Филиповска, која е речиси три децении во најгледаната национална телевизија со „кратовско“ потекло на сопственоста и капиталот - ТВ Сител. Лила, како што доликува, во свечена тоалета, поточно долг свечен фустан и сандали, тргна да чекори по кратовските сокаци. Иако сндалите на високи потпетици, македонската ТВ кралица со секој чекор на штиклите, како да ја милуваше секоја вековна кратовска коцка на калдрмата. А калдрма како калдрма, лесно може да ја раздрма секоја која е качена на високо, но не и нејзиното ТВ величество - Лила.

View this post on Instagram

A post shared by Lila (@lilafilipovska)

Со суверен чекор небаре е на модна писта а не на кратовската коцка, водителката стигна до сцената, каде се качи по скалите чисто за да ја почувствува атмосферата, па потоа слезе по нив и се разврте неколку пати покрај бината за од сите страни да го покаже кројот на модното парче што го носеше на себе. И тогаш, во еден момент... За малку што не се случи инциент, кога Лила се сопна па изгуби рамнотежа и само што не се испружи наземи, на мермерните плочки. За среќа, водителката на „Златни днови“ некако остана на здрави нозе.

View this post on Instagram

A post shared by Lila (@lilafilipovska)

Така, Лила „на штикли леташе“ по кратовската калдрма, ама затоа на плочките покрај бината за малку ќе ја прекршеше половината! Поука: Друг пат кога позираш, внимавај како ротираш! Фото и видео: Инстаграм/lilafilipovska

Боби Павловски со песна ќе ве прошета по неговата – „Калдрма“ (ВИДЕО)

Антонио Димитриевски — Wed, 22 Sep 2021 06:28:18 +0000

„Калдрма“ е насловот на новото музичко парче на Боби Павловски, кое веднаш по пуштањето во етерот не само што ниже прегледи, туку и позитивни коментари. Станува збор за емотивна балада со моќен текст кој е преточен во одлична видеоприказна за која кадрите се снимени во Белград. Зад песната која е продолжение на серијалот, инаку најава за албумот што е следната музичка цел на Павловски, како автор на музиката и текстот стои Љубинко Танасиќ. Аранжманот и овој пат е дело на Милан Раѓен, а нов соработник му е Ивана Селаков, која јавноста ја памети по бројните хитови и особено фантастичниот дует со Аца Лукас. Видеото и овој пат е работено со одличната екипа на Tropical Lifeisfun и режисерот Љуба Радојевиќ. „Горд сум на целиот овој проект што го работам веќе некое време и навистина едвај чекам да го заокружам и на јавноста да ѝ го претставам целиот албум. Пред тој да го здогледа светлото на денот во план ми е да пуштам уште три нумери, од кои едната ќе биде дует. Инаку, морам да признаам дека оваа песна во мене разбуди посебна емоција уште кога ми беше понудена и не ми е срам јавно да кажам дека додека ја снимав сцената како свирам на клавир - плачев“, вели Боби, кому баладите му се омилени затоа што, вели, будат посебна емоција не само кај него, туку и кај публиката. Уживајте во „Калдрма“ и не заборавајте таа памети се, чува спомени... И сакајте безусловно и чувајте ги оние кои ги сакате затоа што никогаш не знаеме што е богатство додека не го загубиме. [embed]https://www.youtube.com/watch?v=PRxzuuf-gxU[/embed]

калдрма – Вистина.мк

Боби Павловски со песна ќе ве прошета по неговата – „Калдрма“ (ВИДЕО)