Ѓорче Петров личи на „Јатаган маала“ во 21 век: Кал до колена и дупки до појас! (ФОТО+ВИДЕО)

Антонио Димитриевски — Thu, 12 Dec 2019 11:48:36 +0000

„Сенките над Балканот“ се спуштија и над Скопје... Некој ќе рече метропола, престолнина, а ако малку задрете во неговата внатрешност, а тоа не е центарот, ќе се уверите дека наместо државна престолнина поедини места во Скопје личат на маалска пустелија. Во град си, а како да не си... Небаре си во некое забаталено мариовско село, битолската ромска приградска населба „Баиро“ или споменатото „Јатаган маала“ од популарната серија „Сенки над Балканот“. Така денес изгледаат поедини делови на скопската општина Ѓорче Петров, особено во делот на улицата „Мис Стон“ кон населбата Даме Груев. Кал до колена и дупки до појас. Особено кога ќе падне дожд или снег. Мештаните возејќи по дупките на руинираниот асфалт автомобилите веќе ги испокршија, не дај Боже фали уште некој да скрши нога или колк! Услови за живот под човечкото достоинство, каде ниту елементарните права на се запазени. Родителите мораат до дома децата да ги носат в раце, а возрасните да си набават гумени рибарски чизми за нормално движење и функционирање по она за што плаќаат придонеси и даноци! Ја хранат општинската администрација, а бирократите од општината на чело со градоначалникот Александар Наумовски мува не ги лази... Нему му се поважни кафеаните, пејачките и танчарките за славење, отколку проблемите на граѓаните и проектите за градење. Нова Година наближува и сосема извесно е дека мештаните од споменатата наслеба и понатаму ќе газат по вода, ќе возат по дупки, ќе кинат и валкаат чевли по ѓорчепетровската кал, додека градоначалникот се подготвува за својот новогодишен бал! Тој веројатно во некоја кафеана, граѓаните на населбата Даме Груев за уште еден новогодишен „бал по кал и вода“!

Стомачето се наѕира, а градите бујат: Катарина Ивановска калосана на Мртво Море (фото)

Слободанка Илиева — Tue, 21 May 2019 08:41:36 +0000

Деновиве во домашните медиуми се појави информација дека атрактивната македонска убавица со интернационална модна кариера, Катарина Ивановска е бремена со второ. Ваквите објави започнаа откако таа го откажа учеството на неодамна одржаниот Скопскиот маратон, каде трча секоја година. Сепак, Катарина не се огласи да ги потврди или демантира наводите, се до сега кога на некој начин ги подгреа гласините дека можеби навистина се вистинити. Меѓу нејзините куси Инсатграм приказни, манекенката објави фотографија со трудничкиот стомак кога беше бремена со Вања во 2017 година, а истата ја објавил и нејзиниот пријател Зоки Бејбе.

Потоа, како што вети, така и направи, па замина во Израел да ја бодри својата другарка Тамара Тодевска на Евровизија. Времето поминато таму го искористи да се искапи во Мртво Море и да го калоса своето ултра згодно тело.

Разголена во бикини костим, стомачето на Катарина како да наѕира, а пак градите очигледно е дека бујат.

Ако овие сигнали се поврзани со бременост, катарина очигледно во првите месеци нема мака како повеќето жени.

Вака или она, во секој случај гласини или вистина, бременоста сигурно е нешто најубаво во животот на една жена. фото:инсатграм/катаринаивановска

кал – Вистина.мк

Ѓорче Петров личи на „Јатаган маала“ во 21 век: Кал до колена и дупки до појас! (ФОТО+ВИДЕО)

Стомачето се наѕира, а градите бујат: Катарина Ивановска калосана на Мртво Море (фото)