кајсии – Вистина.мк

Брз колач со кајсии! Слатко задоволство без граници

Слаѓана Атанасова — Mon, 17 Jul 2023 12:17:07 +0000

Со овој рецепт ќе ги воодушевите семејството и гостите со неговата едноставна подготовка и одличниот резултат. Состојки: три поголеми јајца

седум лажици шеќер

десет лажици млеко

осум лажици масло

седум лажици брашно

три лажици гриз

кесичка прашок за пециво

500 гр исчистени кајсии

шеќер во прав

Подготовка:

Измешајте ги брашното, гризот и прашокот за пециво. Белките со шеќерот изматете ги со миксер, а жолчките со млекото и маслото. Во смесата со жолчките додадете ја смесата со брашно, а потоа и изматените белки. Лесно соединете со шпатула и истурете во калап обложен со хартија за печење. Во тестото ставете ги сечканите кајсии и печете во рерна на 170 степени 15-20 минути. Изладете, посипете со шеќер во прав и послужете.

Извор: Курир.мк

Без конзерванси, целата постапка е готова за 15 минути: Стар рецепт за највкусниот компот од кајсии

Слаѓана Атанасова — Fri, 14 Jul 2023 12:15:34 +0000

Пристигнаа вкусни кајсии, а со нив и можност да се потсетиме на некои стари рецепти кои ги наследивме од нашите баби. Еден таков е токму пред вас, а е толку едноставен што дури и деца можат да го направат. Се што ви треба е неколку тегли, вода, кајсии и малку шеќер. Состојки: 1 кг потврди кајсии 10 лажици шеќер Подготовка: Кајсиите измијте ги и извадете ги семките, па наредете ги во тегли. Во секоја тегла ставете по 2 лажици шеќер. Истурете вода и затворете ги теглите. Ставете ги во садот во кој претходно сте ставиле крпа, внимавајќи теглите да не се допираат. Ставете крпа и меѓу нив. После тоа, истурете вода во тенџерето и оставете да се готви 15 минути на тивок оган. Откако ќе зоврие, треба да се готви 15 минути, а потоа да се остави да се излади. Извадете ги теглите од водата само кога целосно ќе се изладат. Ставете ги теглите во шпајз и оставете ги да ја дочекаат зимата. Извор: Попара.мк

Совршен баланс на чоколадо и кајсија, пробајте ја оваа вкусна торта

Слаѓана Атанасова — Fri, 15 Jul 2022 12:45:11 +0000

Оваа е торта е посебна поради совршениот баланс на чоколадо и џем од кајсии. Чоколадната кора со вкус на путер, како и нежната кајсија се одличен спој за овој десерт. Кора: 6 јајца 150 гр. путер 130 гр. чоколадо со 55% какао 100 гр. шеќер 100 гр. шеќер во прав 140 гр. брашно 1 стапче ванила Фил: 200 гр. џем од кајсии Прелив: 200 гр. шеќер 125 мл. вода 150 гр. чоколадо со 55% какао Подготовка: Одвоите ги жолчките и белките. Изматете ги белките и додадете го шеќерот. Посебно изматете го путерот со жолчките, а потоа додадете стопено чоколадо. Додадете брашно во смесата, па додадете ги претходно изматените белки. Во тава ставете хартија за печење и истурете ја смесата. Печете 10 минути на температура од 170 степени во претходно загреана рерна со подотворена врата од рерната. Потоа уште 50 минути на иста температура со затворена рерна. Оставете да се олади, па исечете на кората на половина. Во сад стопепе го чоколадото со шеќерот и водата. Едната кора нафилувајте ја со џем од кајсии, ставете ја втората кора и прелијте со стопеното чоколадо.

Идеја за летен десерт: Колач со кајсии

Христина Ѓоргиевска — Thu, 06 Aug 2020 13:00:53 +0000

Ако обожавате кајсии, ќе ви се допадне овој рецепт.

Потребни состојки:

1 кг кајсии Путер ¾ шолја шеќер Лажичка екстракт од ванила 4 јајца 2 шолји брашно 3 лажици прашок за печиво Малку сол

Начин на подготовка:

Загрејте ја рерната на 180 степени. Измијте ги кајсиите, извадете ги семките и тргнете 500 гр на страна. Останатите кајсии ставете ги во блендер. Со миксер изматете путер и шеќер и додајте јајца и ванила. Во добиената смеса додајте брашно, прашок за печиво, сол, а потоа додајте го и пирето од кајсии. Измешајте па ставете ја смесата во тавче за печење. Одозгора наредете го остатокот од кајсиите и печете во загрејана рерна околу 55-60 минути. Откако малку ќе се излади колачот, наросете шеќер во прав. извор: курир.мк

Диета со кајсии: Ќе намалите килограми, но тоа не е најважното

Христина Ѓоргиевска — Wed, 17 Jun 2020 13:00:33 +0000

Кајсиите ја стимулираат активната работа на нашиот имунитет, кој помага на телото ефикасно да се справи со патогените вируси и бактерии. Освен тоа, содржат растителни влакна кои ја регулираат дигестијата и го стимулираат метаболизмот. Диетата со кајсии ви ја обезбедува оптималната дневна доза витамин А, кој е задолжен за здравјето и добриот изглед на кожата, косата и ноктите. Кајсиите се исто така богати со калиум, па затоа и се препорачуваат за луѓе кои страдаат од анемија. Диетата со кајсии истовремено е и тридневна детоксикација, а нутриционистите советуваат тоа да го правиме неколку пати во годината. Еве како треба да изгледа тоа: Бидејќи пред се намената на оваа диета е темелно чистење на организмот од натрупаните токсини, менито се сведува само на овошје, чај и зеленчук. Потребно е да изедете од 8-10 кајсии дневно и да испиете 2 литри зелен чај кој се приготвува наутро, ќе додадете сок од 2-3 лимони во него и неколку лажички мед. Чајот се пие во текот на денот. Кога ќе почуваствувате глад можете да си направите свежа сезонска салата со соја сос и една мала лажичка маслиново или друго растително масло.

Домашно слатко од кајсии- се прави сега, а се јаде цела година

Кристина Петрушевска — Fri, 22 Jun 2018 14:30:21 +0000

Слаткото од кајсии е едно од најубавите, а доколку одлучите да го направите, според количината на кајсиите одредете ја количината на шеќер и вода. За 1 килограм кајсии- 800 грама шеќер и 1 чаша вода. Кајсиите се лупат, им се вадат семките па се ставаат во варова вода да отстојат 2 часа. Потоа една по една убаво се мијат и се ставаат да се исцедат. Додека се цедат, од шеќерот и водата се вари шербет кој врие околу 15 минути, па исцедените кајсии се ставаат во шербетот и слаткото се вари на тивок оган додека шербетот не се згусни (околу 30- 40 минути, можеби и малку подолго). За да проверите дали шербетот е густ, извадете малку во тацна и оставете да се излади. Потоа проценете за густината. Додека слаткото се вари, повремено со лажица собирајте ја пената. Откако ќе се свари, тенџерето се покрива со влажна крпа (убаво исцедена) и се остава да се излади. Слаткото се собира ладно во ладни тегли. На здравје.