каја – Вистина.мк

Помалата ќерка на Панки од „Куку леле“ славеше роденден: Каја го стопи срцето на пејачот (ФОТО)

Антонио Димитриевски — Wed, 09 Dec 2020 08:09:42 +0000

Децата на познатите личности отсекогаш привлекувале исто толку големо внимание на јавноста, па дури и можеби поголемо, како и нивните славни родители. Обожавателите на популарните ѕвезди отсекогаш сакале да дознаат што прават тие приватно, како им изгледа домот, семејството, кучето , мачето, и секако нивните наследници и наследнички... Насекаде во светот е истата приказна, а Македонија не е исклучок од тоа, зашто впрочем, ѕвездите можеби сегде не се толку големи ни богати, ама публиката насекаде е иста... И си ги обожува со истиот жар! „Куку леле“ со години се една од нанајпопуларните македонски групи или поточно дуо, чија секоја нова песна без исклучок, станува хит. Сашо Каимовски - Панки и како вокал и како соло пејач и забавувач чија харизма е несомнена е човекот кој покрај авторот Роберт Саздов, ја има половина од заслугата за успехот на нивната популарност. Панки е градска фаца, урбан лик, кој јавноста оддамна го познава не само по вокалните квалитети и медиумската популарност стекната со пеењето и музиката. Тој отсекогаш бил и дел од скопските урбани приказни за жестоките момчиња од скопскиот и не само скопскиот асфалт... Од времето на раните 90-ти и УНПРОФОР тепачката во една позната скопска кафеана со војниците на тогашните мировни воени припадници лоцирани во Македонија и регионот, кои пијани не знаејќи со кого си имаат работа „ја чачкаа мечката“, па посетата на Војислав Шешељ и неговиот прием на храбрите скопски момчиња кои се пресметале со тогашниот „агресор“, преку приказните за мистериозната, ненадејна смрт на неговата сопруга, па се' до приведувањето и затворот во соседна Грција заради наводното „позајмување“ пари од банкомати со фалсификувани платежни картички... И уште „сто ти една прикаска“, која нема многу врска со пеењето, а низ која се провлекува името на Панки... Оние што го познаваат одблизу, знаат дека Панки одвнатре е всушност сосема поинаква душа... Меѓу останатото и посветен родител, предан татко на две прекрасни ќерки, две млади девојки на кои тој им е се'... А, и тие нему! За постарата - Јана, веќе пишувавме дека е вистинска убавица, на која можат многумина да и позавидат. Девојка која може да застане раме до раме со ќерките на познатите фаци во регионот - од Цеца и нејзината Анастасија до Анабела и нејзината Луна или Хелена на Топалко, Елена на Миле Китиќ... Па дури многу од нив и да засени со својата убавина, шарм, маркантност, привлечност, стил... https://arhiva.vistina.com.mk/radio-mileva/kakva-anastasija-kakva-luna-kjerkata-na-panki-od-kuku-lele-e-ubavica-od-bajkite-foto/ Панки покрај неа ја има помалата - Каја, која токму деновиве наполни 14 години. Заради околностите со корона пандемијата таа роденденот го славеше дома, во друштво на семејството, на најблиските, најмилите... Посветениот татко секако не пропушти да биде со својата помала галеница, а при тоа да ја изненади со роденденска торта на која беше испишана роденденската честитка, нејзиното име и годините што ги полни. Панки беше тој што ги запали прскалките и свеќичките на тортата, а Каја онаа што ги дувна... Семејната роденденска идила и својата радост пејачот ги долови и сподели на својот Фејсбук профил преку неколку фотографии и роденденска порака до своето помало чедо: „Среќен ти 14-ти роденден љубов моја, татина“ - напиша Панки покрај фотографиите со што ги растопи срцата не само на своите обожаватели, туку и на многумина што го познаваат, но и на безбројните следбеници на социјалните мрежи. „Остани“ - е насловот на една од познатите песни на „Куку Леле“... Како што детето за својот родител секогаш ќе остане дете, како секоја ќерка за својот татко, како Каја за Панки...“! Да е жива и здрава, среќна, радосна и успешна низ годините... многу повеќе и од славниот татко!

Наташа Мерсовска имаше нов повод за честење: „Лесни чекорчиња, мило мое“! (ФОТО)

Антонио Димитриевски — Wed, 05 Feb 2020 07:44:42 +0000

Новинарката на ТВ Сител, Наташа Мерсовска објави најнови фотографии од својата ќеркичка Каја. И тоа не случајно, зашто имаше нов, голем повод за честење. Имено, малата убавица прооде, ги направи првите чекорчиња, а по тој повод среќната мајка беше и вредна домаќинка, па подготви преубави колачиња кои го симболизираат првиот чекор на нејзината мала принцеза. „Лесни чекорчиња мило мое“- и посака Мерсовска на својата ќеркичка во емотивната објава покрај споделените фотографии. Прва која ги вкуси слатките колачиња на мама во вид на детски стапалчиња, беше самата Каја. Ем шарени, ем вкусни, им се радуваше исто како што нејзините родители и најблиски им се радуваа на нејзините први чекори. https://arhiva.vistina.com.mk/radio-mileva/novinarkata-na-sitel-pokaza-kolku-lichat-so-novorodenata-kjerkichka-kaja-e-kopija-na-mama-foto/

Катарина Остојиќ – Каја ги покажа сите атрибути: По танга се валка по песок во новиот спот (ВИДЕО)

Антонио Димитриевски — Thu, 16 May 2019 11:45:32 +0000

Катарина Остојиќ - Каја со раперот кој се претставува под псевдонимот Тозла ја сними песната „Ми Чика“ (Mi Chica), со која најавува големо враќање на естрадната сцена.

Спотот е снимка во Абу Даби, а акцентот е дефинитивно на бујните и сочни облини на Каја, кои нималку не штедела да ги истакне во прв план, за да ги усреќи оние што ќе го гледаат видеото.

Кадрите полни со телесниот раскош на пејачката ветуваат дека гледачите имаат што да видат. Каја во различни изданија, од едноделен танга костим за капење - месо боја...

...До зелен деколтиран фустан до под папокот, изгледа подеднакво божествено, привлечно, секси...

Инаку, Катарина вети дека повеќе нема да прави долги паузи и дека ќе биде многу поактивна во снимањето на песни и видеа.

Дотогаш, погледнете го и уживајте во видеото за "Ми Чика": https://www.youtube.com/watch?v=Ilh0zpp2Kxg

Новинарката на Сител покажа колку личат со новородената ќеркичка: Каја е копија на мама (ФОТО)

Антонио Димитриевски — Tue, 05 Feb 2019 08:12:19 +0000

Убавата и шармантна уредничка на бизнис вестите на ТВ Сител, Наташа Мерсовска кон крајот на минатата година за прв пат стана мајка. Таа на свет донесе здраво женско дете, а малечката доби необично, но убаво и модерно име – Каја!

Првите фотографии на среќната мајка, новородената ќерка и воопшто семејството, можевме да ги видиме уште веднаш по породувањето. Нормално, тогаш Каја се' уште беше многу мала за да може да се каже дали повеќе наликува на мама или на нејзиниот татко. Впрочем, бебињата многу бргу ги менуваат цртите на лицето, заради брзиот развој.

Сепак, иако малата принцеза е се' уште бебе, таа веќе почнува да ги покажува убавините на својот физикус. Мама Наташа деновиве направи неколку најнови фотографии, па истите ги постираше на својот Инстаграм профил.

На една од нив, тие се фотографирани во крупен план, како лежат една до друга...Мама без шминка, за Каја се подразбира. А, сличноста е повеќе од евидентна: убаво лице, бел тен, крупни светли очи и насмевка која плени... Со еден збор, Каја е копија на мама Наташа! Барем сега за сега... а, веројатно и во иднина!

За карактерните особини на малечката убавица нема да зборуваме. Ќе оставиме родителите сами да си препознаат, во кој сегмент на карактерот, која карактерна црта од кого, нивната ќеркичка ја има превземено!

Едно сепак е сигурно: малата Каја ќе биде убавица... на мама!

Се породи Наташа Мерсовска: Првото – девојче, второто во најава! (ФОТО)

Антонио Димитриевски — Sat, 01 Dec 2018 08:57:11 +0000

Убавата и шармантна уредничка на бизнис вестите на ТВ Сител, Наташа Мерсовска за прв пат стана мајка. Таа својата врска најпрвин ја круниса со брак со својот избраник Александар, а деновиве се породи во една приватна скопска клиника донесувајќи на свет живо и здраво девојче.

Малечката доби необично, но убаво и модерно име - Каја! Откако ги минаа стандардните породилни процедури, мама Нате и малата Каја си дојдоа дома. А пред да стапне во својот дом, малата убавица ја направи и првата заедничка семејна фотографија со мама и тато на излегување од породилиштето.

Новинарката на економската редакција на ТВ Сител пак, групниот семеен портрет го постираше на социјалните мрежи, поточно на својот Фејсбук профил. Покрај фотографијата постиран и текст со благодарност до лекарската екипа која како што самата Мерсовска вели, „се погрижила на свет да ја донесе малата убавица и покрај ризичната бременост“.

Она што следи во продолжение е најинтересно. Поздрав и најава за повторна средба: „Се гледаме за две години“! Дали тоа значи дека Наташа и сопругот веќе го испланирале и второто дете?

Како и да е, две нешта се сигурни: Како прво, нека им е жива и здрава малата Каја и цел живот да ги прави горди и среќни родители, а како второ... Уште отсега е очигледно дека кај Мерсовска, штркот бргу ќе се врати!