кафана на балкану – Вистина.мк

Секс, блуд, разврат, дрога, комар, насилство… Претставен трејлерот за „Покидан“ од трилогијата „Кафана на Балкану“ – автобиографискиот филм за Аца Лукас, а во него сите пороци (ВИДЕО)

Антонио Димитриевски — Fri, 15 Sep 2023 10:19:25 +0000

Деновиве е претставен трејлерот за филмот „Покидан“ кој е дел од трилогијата „Кафана на Балкану“.Станува збор за филм со потпис на „Хајп продукција“, чие сценарио е правено по мотивите кои се темелат на животот на балканската музичка фолк ѕвезда Александар Вуксановиќ, попознат како Аца Лукас. Лукас во филмот го игра актерот Младен Совиљ, а во трејлерот можете да видите само делови од возбудливиот, бурен и турболентен живот на оваа регонална музичка турбофолк ѕвезда. Дрога, секс, блуд, оргии, комар, насилство... сите можни пороци! Според најавата излегува дека животот на Тома Здравковиќ за овој на Аца Лукас е „детска градинка“! Ова е само дел од она што ве очекува во „Покидан“, од „Кафана на Балкану“ чија премиера треба да се случи на 03.11 2023 год. во „Штарк Арена“ во Белград, а веднаш по неа и големиот концерт на Аца Лукас.

View this post on Instagram

A post shared by Saša Mirković (@sasa_mirkovic_official)

Во меѓувреме, погледнете дел од возбудливите и шокантни сцени:

View this post on Instagram

A post shared by Saša Mirković (@sasa_mirkovic_official)

Фото: Инстаграм/aleksandar_vuksanovic_official

„Кафана на Балкану“ е насловот на филмот за Аца Лукас кој се снима во цела поранешна Југославија, а една од локациите е и Скопје

Антонио Димитриевски — Wed, 17 Aug 2022 09:32:50 +0000

Најголемата регионална ѕвезда Аца Лукас неодана ја изненади својата публика со автобиографската книга „Ова сум јас“, која наиде на фантастични критики. Со оглед на реакциите на публиката и интригантниот живот на популарниот пејач прикажан во книгата, во соработка со продуцентот Саша Мирковиќ и Хајп продукција, решија да снимаат филм и серија која ќе го носи насловот „Кафана на Балкану“ - како еден од безвременските хитови на Лукас, а по се изгледа, таков ќе биде и овој филмски проект. Засега е познато дека режисер на овој проект ќе биде Сузана Пурковиќ, која оствари фантастична соработка со продуцентската куќа „Hype“, а фолкерот ќе го глуми еден од најталентираните актери на помладата генерација Младен Совиљ. Подготовките се веќе во тек, а како што открива продуцентот Саша Мирковиќ, филмот ќе се снима во неколку градови на поранешна Југославија: „Кафана на Балкану“ ќе се снима во Белград, Сараево, Мостар, Будва, Скопје, Сплит и Бања Лука. Буквално во сите центри на поранешна Југославија, бидејќи кариерата и животот на Аца се поврзани и со Белград и со сите овие градови. Горд сум што овој филм ќе биде Југославија во едно и што актерите ќе бидат од сите овие земји. Во моментов екипата ги означува сите локации каде што ќе снимаме. Публиката може да очекува добар филм и серија“ - вели Мирковиќ. Фото: Зоран Синко

Ќе се снима „Кафана на Балкану“ – серија темелена на животот и кариерата на Аца Лукас: Овие две актерки се во игра да ја глумат бившата жена на пејачот

Антонио Димитриевски — Wed, 13 Oct 2021 10:13:16 +0000

Серијата „Кафана на Балкану“, за животот и кариерата на Аца Лукас, наскоро ќе започне со снимање, а продуцентот Саша Мирковиќ бара актери кои ќе интерпретираат ликови од животот на пејачот. Освен што е познато дека ликот на таткото на Лукас, Вуксан Вуксановиќ, најверојатно ќе го протолкува актерот Мима Караџиќ, јавноста најмногу ја интересира која актерка би можела да ја игра поранешната сопруга на Аца - Соња Вуксановиќ. Според извор за српските медиуми, во трка се две славни актерки - Тамара Драгичевиќ и Теодора Бјелица. „Една од нив најверојатно ќе ја добие улогата на Соња, која ќе биде доста застапена во серијата, како и во филмот“ - вели изворот и додава дека првите разговори веќе се воделе и со Тамара и со Теодора. Бидејќи датумот за почеток на снимањето на „Кафеана на Балканот“ се' уште не е познат, а првата проба за улогата на Соња не е изведена, не е познато која актерка е поблиску до заземање место на поранешната сопруга на Лукас. Фото: Инстаграм принтскрин

Ќе се снима „Кафеана на Балканот“, серија за животот на Аца Лукас темелена на автобиографијата „Ова сум јас“: Кија Коцкар ќе ја глуми неговата бивша сопруга Соња? (ФОТО)

Антонио Димитриевски — Thu, 29 Jul 2021 09:04:34 +0000

Кија Коцкар и уште две актерки се борат за улогата на поранешната сопруга на Аца Лукас, Соња Вукасановиќ во серијата за животот на пејачот „Кафана на Балкану“.

Продукцијата посакува победничката во првата сезона на реалното шоу „Задруга 1“ да биде во серијата која ќе има 12 епизоди, темелени на автобиографијата на фолкерот - „Ова сум јас“. Лукас ќе биде нараторот, додека неговиот татко ќе го игра славниот актер Мима Караџиќ.

Кастингот ќе се одржи кон средината на август, а Кија ќе биде во трка со уште две актерки. Лукас и сценаристот Вања Булиќ, како и продуцентите, ја сакат Кија за улогата на Соња, со која Аца ја има ќерката Викторија. Тие веруваат дека таа може да го отслика темпераментот и карактерот на Соња, односно верно да игра силна и независна жена, но и најголемата љубов на пејачот.

Коцкар веќе се испроба како актерка и одлично се снајде. Таа глумеше во претставата „Кој ти ја тресе црешичката“, потоа и во студентскиот филм „Лудило во саботата навечер“ како и во серијата „Авионџии“, која ќе се прикажува од есен. Сепак, ниту еден од тие проекти не се очекува да биде толку успешен како серијата што ќе го открие бурниот живот на Аце Лукас, па сите се надеваат дека Кија ќе добие можност да ја игра Соња.

Лукас вели дека е премногу рано да се откриваат сите улоги затоа што сака да ја изненади публиката!

„Ќе има кастинг, па ќе видиме. Мима Караџиќ ќе го глуми татко ми Вуксан, тоа беше моја голема желба и се оствари, а другите актери ги бараме. Постојат многу работи што не ги открив во книгата, не затоа што не сакав, туку затоа што не стигнав. Но, затоа наскоро ќе започне снимањето на серијата, во која луѓето ќе имаат можност да видат сè за мојот живот“ - изјави Лукас.

Фото: Инстаграм принтскрин/aleksandar_vuksanovic_off.../kijakockar/sf__fashion__style