„Чиста околина“ го визуелизираа својот последен музички сингл проект – „Врие Македонец“ (ВИДЕО)

Антонио Димитриевски — Wed, 02 Mar 2022 07:00:01 +0000

Како што и најавија кога ија издадоа уште во почетокот на декември минатата 2021 година, за нивната последна песна „Врие Македонец“, хип-хоп колективот „Чиста Околина“деновиве снимија и видеопот во режија на Иван Солунчев. За нив 2021-та беше успешна година. Се вратија на сцената цели дваесет и пет години по објавувањето на култното деби „Новиот аспект на старата школа“ и го издадоа повратничкиот албум „Avant-garde Fatiguee“. Албумот беше поддржан од два сингла („Си играме со рапот“ и „Малку поети“), како и од дополнително албумско издание со инструментални верзии од песните. Чиста Околина остануваат доследни на својата бескрајна музичка љубопитност и во новата песна го спојуваат хип-хоп изразот со семплови од Драган Ѓаконовски – Шпато („Поздрав до оркестарот“), Телонаука совршена („Небо“), Анастасија („Гори“) и Алек Пејовски („Над истата темнина“). Ваквиот, навидум невозможен, колаж од музички стилови и влијанија, создава совршена подлога за експлозивниот, политички ангажиран текст, во кој бескомпромисно се занимаваат со безизлезноста во која, децении наназад, без престан тонат цели генерации. На „Врие Македонец“, Чиста Околина ги придружуваат Кацар и Вена, а миксер и продуцент на песната е Драги Иванов, кој свири и гитара. Видеото го потпишува видеопродукцијата - S.B.Studio Sky Camera, а во него покрај членовите на хип-хоп дружината „Чиста колина уште се појвуват: Томе Станковски, Симона Сиљаноска, Кацар, Иван Солунчев и Ема Пешевска.

„Чиста околина“ обзнаниа – „Врие Македонец“ (АУДИО)

Антонио Димитриевски — Thu, 02 Dec 2021 13:39:12 +0000

Нова песна насловена како „Врие Македонец“ и цел нов албум ни подготвува хип-хоп колективот „Чиста Околина“. За нив 2021-та беше успешна година. Се вратија на сцената цели дваесет и пет години по објавувањето на култното деби „Новиот аспект на старата школа“ и го издадоа повратничкиот албум „Avant-garde Fatiguee“. Албумот беше поддржан од два сингла („Си играме со рапот“ и „Малку поети“), како и од дополнително албумско издание со инструментални верзии од песните. Чиста Околина остануваат доследни на својата бескрајна музичка љубопитност и во новата песна го спојуваат хип-хоп изразот со семплови од Драган Ѓаконовски – Шпато („Поздрав до оркестарот“), Телонаука совршена („Небо“), Анастасија („Гори“) и Алек Пејовски („Над истата темнина“). Ваквиот, навидум невозможен, колаж од музички стилови и влијанија, создава совршена подлога за експлозивниот, политички ангажиран текст, во кој бескомпромисно се занимаваат со безизлезноста во која, децении наназад, без престан тонат цели генерации. На „Врие Македонец“, Чиста Околина ги придружуваат Кацар и Вена, а миксер и продуцент на песната е Драги Иванов, кој свири и гитара. Наскоро ќе излезе и видео-спот за синглот, во режија на Иван Солунчев, а дотогаш слушнете ја песната во продолжение:

кацар – Вистина.мк

„Чиста околина“ го визуелизираа својот последен музички сингл проект – „Врие Македонец“ (ВИДЕО)

„Чиста околина“ обзнаниа – „Врие Македонец“ (АУДИО)