кабаре – Вистина.мк

„Нека остане меѓу нас“ во Кинотека на Македонија

Антонио Димитриевски — Mon, 09 Oct 2023 06:26:01 +0000

Во рамките на проектот „Art for public speech“ подржан од Европскиот фонд за Балкан, а со логистика на СПОНА, Скопје е дел од регионалната турнеа на кабарето „Нека остане меѓу нас“.

Настанот е закажан за 13. октомври (петок), 20 часот во Кинотека на Македонија. Во рамките на турнеата, Кабарето од Бања Лука ќе гостува и во Белград и Сараево.

Светската музичка икона од мјузиклот „Кабаре“, никогаш во полоша состојба: Лајза Минели е неподвижна!

Антонио Димитриевски — Wed, 23 Mar 2022 11:26:38 +0000

Некогашната музичка икона од мјузиклот „Кабаре“ после долго време се појави во јавноста, а како што може да се види на фотографиите кои се објавени, не изгледа најдобро. Таа била на вечера со стариот пријател, актерот Џорџ Хамилтон, а кога завршиле, ја извадиле од ресторанот во инвалидска количка и и' помогнале да влезе во автомобилот. Актерката претходно зборуваше за својата борба против енцефалитисот (енцефалитисот е воспалителна состојба која го зафаќа мозокот и е предизвикана главно од вируси), и дека лекарите и предвиделе дека нема да може да зборува и да оди. Лиза која денес има 76 години и покрај се успеа да го задржи својот гламур и да блесне. Ѕвездата на филмот „Кабаре“ за одење во ресторан избрала црн костум кој го зачинила со накит, а фризурата по која е препознатлива се уште е тука. Фото: Инстаграм принтскрин/officiallizaminnelli/Profimedia

Мисицата и бившиот сопруг со нова визура – Кристина Димитриевска и Даниел Кајмакоски со афро фризура: Кој кого копира или кому подобро му стои? (ФОТО)

Антонио Димитриевски — Thu, 10 Mar 2022 08:44:17 +0000

Промените во животот судејќи по многу нешта се неопходни. Тие прават луѓето да се чувствуваат како нови, како да почнуваат од почеток, како да отвораат некое ново поглавје, вртат нова страница... Промените на изгледот се исто така дел од нашето секојдневие, а ним особено им се склони дамите. Различна гардероба, обувки, накит, шминка и секеко, промените на фризурата се она нешто што секојдневно ја менува визурата на припадничките на понежниот пол, за да бидат што поубави, позгодни, посексапилни, поатрактивни и попривлечни... особено за спротивниот пол. Промените ја разбиваат монотонијата, а ја стимулираат самодовербата, па затоа и македонската мисица, манекенка, модел, пејачка... Кристина Димитриевска, реши меѓудругото да направи на себе драстична промена во изгледот на косата. Новата фризура и дава сосема поинаква и поразлична визура од онаа што сме навикнале да ја гледаме. Со кратка, собрана и навиткана во локни и кадрици што и пааат преку челото, Кристина направо смела промена, па својот нов лик го сподели на социјалните мрежи. Веројатно за да провери и слушне мислење како и стои, како изгледа со новата фризура и дали таа „и лежи“? Седната на подот, во поза со подраширени нозе, со чаша топло кафе в рака и исплазен јазик, со селфи за проверка дали новиот афро-имиџ и е по мерка, Кристина им порача на своите претенденти: „Ми се допаѓа моето кафе како што се сакам себеси: силно, слатко и премногу жешко за тебе“. И ништо чудно или необично во новата промена на мисицата и пејачка, ќе речат многумина... Но, само оние кои не го виделе новиот имиџ на нејзиниот бивш сопруг, пејачот Даниел Кајмакоски. А тој со нова фризура, иста како нејзината... Или поточно таа, како неговата. Само нејзината руса, а неговата катран црна коса. И мисицата и бившиот сопруг со нова визура...Кристина Димитриевска и Даниел Кајмакоски со „афро фризура“! До душа нејзината „трајна-ладна - ондулирана“, а неговата само перика, монтирана со цел и намера, за еден од неговите настапи во едно од најпознатите белградски кабареа! И сега ако се запрашате кој кого копира, нема логика, зашто „афро-имиџот“ случјно им се поклопил, а и намената му е сосема различна. А тоа, кому подобро му стои новата визура со „афро-фризура“, заклучете самите... Сепак, различни се вкусовите, а и афинитетите! Зависи, кој по што е! Фото: Инстаграм принтскрин/daniel_kajmakoski/kristina.dimitry

„Postmodern jukebox“ – врвно џез и свинг кабаре

Слободанка Илиева — Thu, 14 Jun 2018 11:35:07 +0000

Со желба Скопје и Македонија да бидат навистина исполнети со различни музички доживувања на светско ниво, Авалон Продукција ја донесе веројатно најголемата и најинтересна концертна атракција во светот моментално, музичкиот колектив POSTMODERN JUKEBOX. Станува збор за музички колектив кој што во тотален винтиџ стил го носи духот на Њуjорк во своите настапи во кои што на специфичен кабаре начин изведува песни во опсег од Radiohead и The White Stripes, па се` до Lady Gaga, Strokes и уште многу други. Настапите на POSTMODERN JUKEBOX во суштина претставуваат врвно џез и свинг кабаре кое наместо да одите да го гледате во Њујорк, ви доаѓа и можете да го гледате дома. Во тоа е тајната на нивните настапи низ светот кои се тотално распродадени, а за нивната гледаност на Јутјуб воопшто и да не зборуваме. За нивниот настап во Скопје е одбрана салата на Македонската филхармонија како идеално место за ваков тип на шоу. извор:република

Зачинете го вашиот ноќен живот со луда забава со танчари во ноќниот клуб EVE

Дејан Донев — Wed, 01 Nov 2017 13:53:13 +0000

Танцот, егзотиката и позитивната енергија секогаш одат во пакет, а за да го доживеете тоа и сте љубител на ноќните забави, тогаш имаме да ви ја предложиме викенд програмата на единствениот кабаретски ноќен клуб во Скопје EVE. Стотиците гости кои беа дел од забавата изминатиот викенд може да потврдат за добрата журка, а сигурно може да ви препорачаат луда забава за која и вие подоцна ќе раскажувате. За да бидете сместени како што треба, резервирајте навреме, бидејќи претстојниот викенд ноќен клуб EVE ви најавува извонредни кабаретски танчари и танчарки кои ќе го „зачинат“ вашиот ноќен живот со нешто поинакво и оригинално за наши простори. Facebook Fan Page: https://www.facebook.com/NIGHT-CLUB-EVE-1626051694072346/ Facebook Event: https://www.facebook.com/events/125567711489647/