Зошто Горан Стојановски е ултрапопуларен на секои 10 години: Кој е инспектор Томе од „Преспав“ и зошто нема ни Фејсбук ни Инстаграм?

Антонио Димитриевски — Sat, 02 Oct 2021 07:48:11 +0000

За него важи правилото дека станува популарен на секои 10 години... ѕвезда на рати! Ќе се појави како некој нов лик, ќе направи „растур систем“, ќе ја освои нацијата со својата нова улога која ќе му донесе енормна популаност и наеднаш преку ноќ ќе исчезне, ќе го снема... И се така до следната улога за „широки народни маси“, која како по некое непишано правило, му доаѓа со секоја следна декада. Или тука некаде.

Горан Стојановски, дипломиран актер на Факултетот за драмски уметности, по потекло од Охрид каде живее и работи, еден од основачите на Охридсскиот театар, директор на центарот за култура во Охрид... Сето ова му стои во биографијата, во официјалното Си –Ви... Ама сепак, по она, „неофицијалното“ е многу попознат и попопуларен – неговите драмски и особено ТВ ликови.

Како оној на началникот Јеротије Пантиќ во новото видување на претставата „Сомнително лице“ на Нушиќ, во неговиот матичен охридски театар, уште додека не беше ниту тетатар, туку само театарска дружина. Сепак, серијалот „К 15“ ќе му ја донесе првата поширока популарност. Заедно со неговиот колега од театарската дружина и другар од детството Климе Новески со своите улоги и извртениот „Македонско - Турски јазик“ во еден момент ќе станат попопуларни и од самите Тошо, Миле и Цацко.

Откако престанаа да се појавуваат во „К 15“, чаршијата наголемо зборуваше дека токму трите лика намерно „се ослободиле“ од охриѓаните, зашто овие им го украле шоуто!? Ликот на „Џемо – Биљбил“ во вестите на шоуто 1+2 и особено соработката со Роберт Саздов од „Куку Леле“ ќе го направи ултрапопуларен лик, кој ќе почане да го препознава и старо и младо на улица. Тој и дел од неговата охридска екипа ги препејаа и хитовите на популарното дуо, со свои комични текстови, од кои публиката „зајдуваше“ од смеење. Снимената касета со песните ( тогаш немаше ЦД –а) во средината на 90-те, се смета за најтиражниот музички производ и апсолутно најпродаваниот носач на звук (плоча, касета, ЦД) на сите времиња во историјата на Македонија, покрај првата касета на „Ристо Бомбата и Кучешка тенија“.

По ликот на „Џемо – Биљбиљ“ следуваат ликот на началникот во театарско хумористичниот ТВ серијал „Штаб“, одново со охридската театарска екипа. Комично-политичка пародија на состојбите во општеството. „Ѓоре – Шнајдерот“ е следниот ТВ лик кој Стојановски ќе го игра, лик кој низ „делењето памет“ преку „ мисли и мудрости од малиот мозок“ на размуабетениот кројач ќе му ја врати „one man show“ популарноста на актерот одржувајќи го меѓу познатите ликови во ТВ етерот. https://www.youtube.com/watch?v=maM531Fpsu8 Минуваат години, во меѓувреме Горан Стојановски станува еден од основачите на Охридскиот театар, подоцна и директор на центарот за култура во Охрид.

2014 година ТВ Алфа го враќа ликот на Џемо-Биљбиљ на екраните, но популарноста не е ниту оддалеку онаква каква што некогаш беше.

Чиновничката работа огледана во директорувањето се повеќе го ограничува и му дозволува да се занимава со актерскат професија, се' додека не се појави ситкомот „Преспав“. Ликот на вишиот околиски инспектор Томе одново ќе му ја воскресне популарноста на актерот чиј лик ќе стане „заштитен знак“, еден вид огледало на работата и однесувањето на државната администрација во македонското општество.

И покрај сета популарност сиве овие години, особено изразена по трите сезони на „Преспав“, Горан Стојановски остнува верен на традиционалните вредности и сопствената етика. Затоа воопшто не ги користи социјалните мрежи, нема ниту Фејсбук ниту Инстаграм профил, зашто смета дека сето тоа нема смисла.

„Нема потреба со некого да се допишувам, кога можам да кренам телефон и да му се јавам и да се договорам да се видиме, ако има што да си кажеме. На фејсбук е едно, а во живо сосема друго“ – ќе изјави во едно свое интервју по ова прашање денес популарниот инспектор Томе. https://www.youtube.com/watch?v=oL-1Uo8k5Qk&t=1s

Што ти е визионер: Цацко да ти знаел уште во она време дека ќе биде советник на премиерот на… „нашата земја“ (ВИДЕО)

Антонио Димитриевски — Tue, 10 Sep 2019 07:08:29 +0000

Не само комичар, туку Љупчо Бубо Каров своевремено да ти бил и визионер. И тоа уште во времето кога пред дваесеттина и кусур години, „К15“ со својот хумор беа неприкосновени владетели на забавата во македонскиот медиумски етер.

Арно ама, зад забавата и добрата заработка од неа, тогаш да ти имало и визија. Зашто кога денес ќе направите ревизија на материјалот, бргу сфаќате дека она, со кое кое некогаш Цацко се подбивал и го исмејувал, денес наголемо го практикува. Секако, сега, кога е од другата страна, во прегратките или поточно во скутот на власта на Зоран Заев!

Имено, да ве потсетиме дека од јули 2017, Љупчо Бубо Каров е поставен за надворешен советник на Министерот без ресор Роберт Поповски , задолжен за комуникации, отчетност и транспарентност во Владата на Република Македонија... Пардон, на „нашата земја!“ Па сега оттаму добива „дебел“ месечен хонорар... Од истата онаа „наша земја“ - фраза на која и се смееше и потсмеваше, кога беше најдобриот комичар во „нашата“... Пардон, во Република Македонија!

View this post on Instagram

A post shared by Branko Ognjanovski (@panika_mile) on Sep 9, 2019 at 6:04am PDT

к15 – Вистина.мк

Зошто Горан Стојановски е ултрапопуларен на секои 10 години: Кој е инспектор Томе од „Преспав“ и зошто нема ни Фејсбук ни Инстаграм?

Што ти е визионер: Цацко да ти знаел уште во она време дека ќе биде советник на премиерот на… „нашата земја“ (ВИДЕО)