к1 – Вистина.мк

Јелена Карлеуша на „К1 ТВ“ отвори душа и го истури сиот отров: „Се’ што беше снимено годинава не стана хит и не знам ниту една песна од тие пејачи, зашто сето тоа е ѓубре“

Антонио Димитриевски — Thu, 05 Oct 2023 12:23:32 +0000

Јелена Карлеуша, неодамна во Белград на вода, одржа спектакуларен концерт на кој ги претстави песните од нејзините нови два албума „Алфа и Омега“. Поп дивата си ја отвори душата но и го истури сиот отров во ексклузивно интервју во емисијата „Први ред“ на телевизија К1 ТВ: „Ова се вика шоубиз шлаканица. Снимив видео, кое ги заменува сите видеа на сите изведувачи. Заедно, тие не можат да ми се приближат во однос на продукцијата на видеото „Karly b*tch“, кое е од светска класа. Секогаш сум повеќе за квалитет отколку за квантитет. Која е поентата да се снимат десет идиотски видеа без заплет, без поента, а никој никогаш ниту едно од нив да не спомне. Ова видео направи револуција, каде луѓето го имитираат, прават „Карли џус“, печатат маици, ги копираат костимите од видеото. Тоа видео го дефинираше целиот идентитет на еден албум“ - изјави меѓудругото белградската поп-фолк дива. По објавувањето на песните, некои локални пејачи немаа пофални зборови и со „нож“ го чекаа излегувањето на албумот. Како што истакнува, ваквите коментари не ја засегаат, бидејќи повеќето од нив не можат ниту да и пријдат, а камоли да постигнат таков успех. „Кои се луѓето кои коментираат некој што е во оваа работа 30 години?! Кога ќе влезете во нивниот профил, ќе видите дека тие се неуспешни, мали, безначајни, грди луѓе, кои мразат се што ќе излезе од нивната грда, црна, темна слика. Тие едноставно не можат да ме допрат, бидејќи тие навистина се никој. Не по успех, талент, кариера, љубов, сила, убавина, интелигенција. Се' што беше снимено годинава не стана хит“ - изјави Јелена, а потоа во нејзин манир ја коментираше песната на Александра Пријовиќ „Дам, дам, дам“. „Тоа е 2001 година за мене. Девојката е одлична, сите тие 'Ѕвезди на Гранд' се одлични, но сето тоа е ѓубре. Ние треба да одиме понатаму и да имаме светско продукција, а никако да се враќаме во 2001, 2003 итн. Не знам ниту една песна од тие пејачи. Можам само да ја издвојам Милица Павловиќ, таа ми е одлична. Таа годинава сними голем хит, а тоа е песната „Машала“. Милица работи напорно и вложува во себе, а другото е ѓубре“ - додаде Јелена испукувајќи вербален рафал по колегите од естрадата. Фото: Инстаграм/karleusastar

Јована Јоксимовиќ колку да се труди да ги избегне и прикрие, скандалите сепак ја следат (ФОТО)

Антонио Димитриевски — Thu, 03 Dec 2020 12:02:21 +0000

До скоро популарната ТВ водителка Јована Јоксимовиќ мораше да ги спакува куферите од ТВ „Прва“ и поради своето непрофесионално однесување, како што рекоа тогаш од споменатата телевизија, таа си замина како никогаш да не работела таму. Сепак, се чини дека Јована се помири со фактот дека повеќе нема да ја гледаат на некој од ТВ каналите со национална фреквенција, бидејќи како што пишуваа медиумите, никој од тие телевизии не ја сака, барем не за условите што ги имаше на ТВ „Прва“, поточно за месечна плата од 10.000 евра. Сега Јована Јоксимовиќ ќе биде водителка на утринската програма на К1 телевизија која е во сопственост на нејзиниот сопруг Жељко. Програмата ќе ја води заедно со Мања Грчиќ, па и двете направија заедничко интервју, во кое си поставуваа една на друга прашања. Во еден момент, Мања ја праша Јована каков е нејзиниот сопруг Жељко Јоксимовиќ како шеф и претпоставен: „Многу бара, многу, ептен многу бара. Презахтевен е“ - одговори Јована со изнудена насмевка. Иако во текот на нејзината кариера сакаше да ги избегне скандалите, тие секогаш ја следеа. Секако, најзабележителен во нејзиниот живот беше оној од 2011 година кога ја раскина свршувачката со Жељко Јоксимовиќ, со кого тогаш беше во врска три години, а после тоа започнаа гласините дека е во шема со оженет маж. Ни помалку ни повеќе со некогаш познатиот кошаркар, сега познат кошаркарски тренер и српски селектор Александар Саша Ѓорѓевиќ. Гласините дека биле заедно ги поттикна и информацијата дека Јована, тоагаш госпоѓица Јанковиќ, престојувала во Италија со прославениот кошаркар, а папараците ја сликале на аеродромот по враќањето од Милано. По бурата што ја создаде оваа приказна во медиумите, Јована негираше дека била во шема со Ѓорѓевиќ, а набргу потоа му се врати на поранешното момче Жељко Јоксимовиќ и му стана сопруга, иако само неколку месеци пред тоа им соопшти на медиумите дека нивната љубов згаснала! Извор: Република.рс Фото: Инстаграм / Фејсбук

Познато е со кој Јована Јоксимовиќ ќе ја води утринската програма на телевизијата кај сопругот

Христина Ѓоргиевска — Tue, 17 Nov 2020 10:01:11 +0000

Веќе е познато дека Јована Јоксимовиќ ќе ја продолжи работата како водител на телевизијата К1, чиј сопственик е нејзиниот сопруг Жељко Јоксимовиќ. Сепак, за што многу се шпекулираше е дали работата ќе продолжи во добро познат тандем со Срѓан Предојевиќ или не. Бидејќи се потврди веста дека Јована започнува да работи на споменатата телевизија, во медиумите се појавија многу шпекулации дека Срѓан нема да продолжи да соработува со неа, а тоа сега е официјално бидејќи се знае со кого Јоксимовиќ ќе ја води утринската програма. Имено, според неофицијални информации, Јована ќе ја води утринската емисија заедно со Мања Гржиќ, која има повеќе од 15 години искуство во медиумската индустрија. Грчиќ дипломирала новинарство на престижниот факултет за новинарство во Англија, а својата новинарска кариера ја започнала во Би-Би-Си. По работата за британскиот јавен сервис, се врати во Белград и станал дел од редакцијата на телевизијата Б92. Мања исто така беше советник за односи со јавност во американската агенција УСАИД, а воедно и директор на компанијата „Медија систем“ на телевизијата Пинк.

Жељко Јоксимовиќ ја вработи својата сопруга? По отказот на Прва, Јована се враќа на ТВ екраните?

Христина Ѓоргиевска — Wed, 28 Oct 2020 09:54:35 +0000

Жељко Јоксимовиќ наводно ја вработил сопругата Јована на неговата телевизија. Наскоро ќе започне да ја води утринската програма на К1, без нејзиниот колега и кум Срѓан Предојевиќ, со кого работеше 15 години. „Жељко одамна ми рече дека сака да ја започне утринската програма на К1. Кога Јована беше отпуштена од Прва во средината на септември, логично беше да и го понуди работното место на својата сопруга. Сепак, таа чекаше неколку недели да види дали ќе добие понуда од некоја национална телевизија. Кога сфати дека на некои телевизиски врати и се затворени, а на други не можат да и плаќаат колку што бара, таа реши да се префрли на К1. Жељко е пресреќен, тој е сигурен дека Јована ќе го зголеми рејтингот на неговата телевизија “, изјави извор за Информер. Јована се подготвува за својата прва емисија, а пред камерите на К1 за прв пат ќе се појави најдоцна до крајот на годината. "Жељко го препушти главниот збор на Јована, тој воопшто не се меша во нејзината работа. Таа работи напорно на концептот на утринската програма, но не сакаше да ни открие детали", додава изворот, и вели дека Јована никогаш не го спомнала својот колега Срѓан Предојевиќ. „Не знам дали планира да го покани Срѓан да и се придружи. Како што стојат работите сега, тој е извисен“. Јована сè уште не ги коментира овие пишувања, а Срѓан Предојевиќ, пак, вели дека сè уште не нашол работа. "Засега нема вести за кој било мој ангажман на телевизија. Не би го коментирал фактот дека Јована почнува да ја води утринската програма на К1, или дали ме повика да работиме заедно. Штом се случи нешто ново, ќе ве известам", рече водителот. Потсетуваме, Јована и Срѓан заедно ја водеа утринската програма на РТС, потоа на Пинк, и последните две години на Прва, каде беа отпуштени во средината на септември. Директорот на РТС, Драган Бујошевиќ тогаш сакал да ја ангажира само Јована, но таа одбила бидејќи не била задоволна од платата што и ја понудил.