јутјубер – Вистина.мк

Јутјубер намерно си ги уништил забите – дваесет годишникот сподели шокантно видео (фото)

Слаѓана Атанасова — Thu, 30 Nov 2023 10:49:35 +0000

Јутјуберот Стефан Јанковиќ Јанко ги шокираше своите обожаватели кога си ги уништи забите за да стави нови, односно вештачки. Стефан, кој очигледно бил незадоволен од изгледот на своите природни заби, решил да стави таканаречени коронки и на тој начин да добие побела, „холивудска“ насмевка. Забите на Јанковиќ сега се „под конец“, а многумина се прашуваа дали 20-годишникот има здравствени проблеми или едноставно сака да ги исполни стандардите за убавина и да изгледа подобро, како на камера, така и во живо. Инаку, Јанко пред само неколку месеци ја симна протезата што ја носеше две години, а сега се реши на овој драстичен чекор. Фото: Принтскрин/Instgaram/stefan_jankovich

Распеани и прегрнати во кафеана: Ламбе Алабаковски и Стефан Лазаров од тајната што ја открија и самите се изненадија (фото)

Слаѓана Атанасова — Fri, 24 Nov 2023 11:56:55 +0000

Јутјуберот Стефан Лазаров замина во Љубојно и од таму го најави својот нов проект за кој како што кажа одамна не се почувствувал толку исполнето и верува дека на сите ќе им се допадне. Лазаров со камерата од мобилниот телефон гордо ја сними природната убавина наоколу со цел да покаже дека во Македонија има прекрасни места кои треба да ги чуваме. Сепак покажа и како ние (не) си ја негуваме историјата и нашите вредности снимајќи го руинираното училиште „Петар Влахов“, оставено на забот на времето иако е второ во Македонија во кое што македонскиот јазик бил службен . Но, она што ги изненади следбениците е дека обајцата токму во родното Љубојно на Ламбе Алабаковски се сретнале и заедно заминале во кафеана каде расположени запеале македонски песни. А, токму од оваа дружба, излезе на виделина и една тајна која тие за прв пат ја открија и гордо ја споделија со јавноста каде Стефан напиша: „Замисли блиски роднини, а животот дури сега не спојува и тоа во родното село на мојата баба... Така требало да биде“. Веднаш на фотографијата го тагна и Ламбе , а потоа и пејачот ги сподели убавите моменти. Покусо не останаа ниту нивните следбеници кои изненадени од веста ја споделија и на нивните Инстаграм профили, а некои и коментираа дека и двајцата се македонски легенди. Животот редовно не изненадува, а пронаоѓањето на своја крв, близок роднина е големо задоволство за секого, па иако на многумина досега им се има случено да се пронајдат, поради темпото во кое што живееме, сепак при ваквите средби и откритија, секогаш е интересно и возбудливо. Фото: Принтскрин/Instagram/_lazarovv/lambealabakovski

Стефан Лазаров тажен по она што го снајде: Јутјуберот изгуби нешто драгоцено, па побара помош (фото)

Слободанка Илиева — Fri, 20 Oct 2023 10:07:27 +0000

Јутјуберот Стефан Лазаров животот го живее јавно, зашто јавното живеење му стана своевидна професија од која заработува. Па така, споделувањето со јавноста и кога сегменти од неговата приватност се тој во прашање, тој нема проблем да биде транспарентен. Сите најчесто ги објавуваме убавите нешта, но животот не е секогаш така розов, па неубавото вака или така некогаш не дојде. На Стефан на речиси четири месеци по свадбата го снајде нешто кое ни самиот веројатно не го помислуваше претходно – ја изгуби бурмата. Симболот на бракот сега е на неопознато место или во нечии раце, а Стефан преку социјалните мрежи си ја кажа маката и побара помош за оние кои ќе почувствуваат емпатија, а би ја нашле и би му ја вратиле. -Ако ме следиш и си ја зел, пиши ми дупло ќе ти ја платам од вредноста, ако ти е срам дај ја по некој другар нека не ми кажува кој си. Знаеш каде бев, у шкафче ја заборавив. Некои работи немаат цена. Чекам... - пишува Лазаров и чека, реакција, абер... Ако не се најде светиот прстен, ние имаме еден религиски извадок, ако може да му биде утеха. Според цркловните верувања бурмата не го чини бракот, туку Божјата благодат според богоугодниот живот на брачниците. Св.апостол Павле токму за оние што изгубиле бурма вели: „Не се вознемирувајте, имајте едномислие со сопругот, се’ друго Бог ќе уреди!“. Ако не се најде бурмата, Лазаров може да биде поспокоен. Инаку, Стефан и Марта беа шест години во врска пред тој да ја запроси минатата година на стадионот „Камп ноу“ во Барселона, а потоа во месец јули направија голема свадбена веселба во Скопје. фото:Инстаграм принтскрин/Стефан Лазаров

Откако Стефан Лазаров се поднови со „Мече“ на четири тркала, хејтерите веднаш го „исплукаа“: Јутјуберот погоден од коментарите, жестоко им возврати на ударите (ФОТО)

Антонио Димитриевски — Wed, 11 Oct 2023 07:30:44 +0000

Стефан Лазаров иако не работи во ниту еден официјален медиум со текот на времето стана медиумски мегапопуларен лик на Интернет со својите подкасти, кои публиката на Јутјуб едвај чека со задоволство да ги проследи. Патем, социјалните мрежи јутјуберот обилно ги користи, па секојднениот престој на нив му е како престој во „втор дом“, од што јавноста може да дознае се што професионално и приватно на Лазаов му се случува. Токму на својот Инстаграм, Стефан деновиве сподели дека се подновил со „ тегет металик Мече“... Скап автомобил кој му бил отсекогаш сон да го има, а сега сонот успеал да си го оствари. Првото сочување со неа во салонот за автомобили, чинот на потпишување на документите и моментот на преземањето на колата заедно со неговата тазе сопруга Марта, Лазаров природно ги овековечил со видео кое подоцна го споделил на социјалните мрежи.

View this post on Instagram

A post shared by Stefan Lazarov (@_lazarovv)

Другиот ден дури и направил видео за својот Јутјуб канал, на кое ги собрал пријателите за да им ги слушне и сними мислењата и реакциите за новиот љубимец на 4 тркала... А и да им даде да свртат по едно кругче... Ама внимателно, под негова контрола и надзор! Арно ама, очигледно менталитетот во земјата во која живееме па и пошироко на Балканот, изгледа е таков, што овде можат се' да ти простат освен успех!? Зашто туѓиот најмногу ги иритира и нервира, па устите на хејтерите им се полни со злоба, завист, љубомора... Веднаш го „исплукаа“, а јутјуберот погоден од коментарите, реши жестоко да им го возврати ударот на својот Фејсбук:

„Читам денес на Твитер како мерцедесот ми бил подарен, купен на лизинг, даден од спонзор, сум се еб*л у г*, устата ми знаела и сум бил сељак.

Јас ќе ви посакам да си го живеете својот живот и да бидете среќни за туѓиот успех за да може да ви дојдат убави моменти и во вашиот. Со љубомора само тонете и гниете во вашиот гнев. Стефан се што прави од самиот почеток прави сам, со труд и макотрпна работа. Ќе ве оставам да ке*ате, само тоа и можете, а јас за своите луѓе и оние кои ме поддржуваат ќе давам се од себе секогаш!

Успех во оваа држава може да се направи и секогаш ќе се трудам да ги мотивирам оние кои веруваат во мене“ - јавно им порачал Лазаров на „неверните Томи“, плукачите и хејтерите на туѓата среќа!

Дали и колку неговата рекција ќе ги допре или „ќе ги боли уво“ па и понаму ќе продолжат да хејтаат е друга работа... Ако не друго барем по „емотивното празнење“ јутјуберот си ја смири совеста, а душичката му дојде на место, па сега Лазаров со мирно срце може да си го испие утринското кафенце!

Фото: Инстаграм/_lazarovv

Видео: Јутјуб

Јутјуберот пропеа: На Стефан Стеф секој ден му е – “Горе – долу” (ВИДЕО)

Антонио Димитриевски — Wed, 28 Jun 2023 12:36:42 +0000

Младиот Стефан Ивановски, попознат како Стефан Стеф кој доаѓа од Битола, неодамна ја сними својата прва песна „Горе-Долу”. Текстот и музиката за песната ги напиша Дарко Јоцковиќ (Шабако), додека Мими Марковски е продуцент. Песната е снимена во познатото “Гимел студио”, додека видео спотот е во режија на Дејан Трајчевски и истот е снимен во Битола. Инаку, Стефан е млад јутубер кој почнал да снима видеа за YouTube во 2020-та година, за време на коронавирусот, и оттогаш има постигнато голема популарност на неговиот YouTube канал: Stefan Stef. Досега има снимено разно-разни видеа презентирајќи предизвици, како и видеа со познати македонски јавни личности. Се школувал во средното медицинско училиште отсек - фармација, а по завршување на првата година на Славјанскиот Универзитет студиите ги става во мирување и се посветува на YouTube и снимање на видеа. Талентот за музика го наследил од страна на семејството на дедо му чии членови свиреле на гајда и кларинет. Можебе затоа во неговата дебитантска песна и провејува стилизацијата на фолк мотивот од познатата песна „Твоите очи, лено мори“. Војаж е неговиот регионален музички избор и идол. Во продолжение, погледнете го неговиот видеоспот за дебитантската песна “Горе Долу”.

Ламбе Алабаковски му беше гостин на битолскиот јутјубер Мими Марковски, а овој бидејќи во емисијата нема спонзори, му подари нешто што пејачот „го запали“ (ВИДЕО)

Антонио Димитриевски — Thu, 13 Apr 2023 07:24:49 +0000

Она што е Стефан Лазаров за Скопје, тоа е Мими Марковски за Битола. Обајцата популарни македонски јутјубери. Овој вториов можеби се' уште не толку познат како првиот, ама затоа е на добар пат да го стигне... или престигне!? Мими Марковски, композитор, музички продуцент и јутјубер, кој како и Лазаров ва своите соло почетоци, има сопствено „драјв шоу“ во кое му доаѓаат познати ликови. Само што Мими ги вози во неговото ЈУГО, испрашувајќи ги седнати на совозачкото седиште како на сослушување. Вообичаено, кариерата, приватноста, онаа на гостинот и на некои од познатите личности - нивни сограѓани и пошироко и релациите и оносите на гостинот со нив се тема на „шоферските муабети“ на Мими. Најчести гости и во Југото, а и надвор од него, разбирливо му се познатите Битолчани или оние кои не се родени, но живеат во Битола... Или пак познатите кои се дојдени по работа и некој друг повод на гости во градот под Пелистер. Низ неговото Југо минале многумина на возење и испрашување, а еден од совозачите на муабет на битолскиот јутјубер му беше и македонскиот пејач Ламбе Алабакоски. Иако не е роден битолчанец, Ламбе по конечното враќање од Америка со семејството сега живее во Битола. Во фокусот на јавноста како што знаете не се врати со песна, туку со „оган и пламен“, откако револтиран ја запали влезната порта на сега веќе избришаниот и непостоечки бугарски (наводно) културен клуб во Битола, со „фашистичко име“. Имено, Ламбе седна во ЈУГО-то на Мими на “гратис таксирање“ низ битолските улици и околината, а јутуберот како што е редот, го прошета и прорешета својот „совозач“ со интересни прашања. Но, покрај муабетот, Мими Марковски, кој патем во емисијата нема спонзори, сепак на пејачот му подари нешто што „го запали“... Или барем може да му послужи за слични дејанија... Како на пример за свеќичките на роденденската торта!

View this post on Instagram

A post shared by Mimi Markovski (@mimi4u16)

Како изгледаше нивниот комплетен Југо муабет, што се' Мими го праша, а што Ламбе кажа, проследете од видеото во продолжение (КЛИКНИ ТУКА):

Бака Прасе за него е „мало бебе“: Јутјуб каналот на Босанецот Омчо е на листата на 100 најгледани во светот, а тој секојдневно заработува вртоглава сума (ФОТО)

Антонио Димитриевски — Fri, 10 Feb 2023 13:38:02 +0000

Босанецот Омер Надаревиќ од Бихаќ, попознат како Омчо, е на прво место на Балканот по број на следбеници и прегледи на YouTube. Според последните податоци, Омчо има два милиони и 92.000 следбеници на истоимениот канал на Јутјуб и со тоа го престигна Богдан Илиќ, попознат како Бака Прасе. Но, она што многумина од регионот не го знаат е фактот дека Омчо и неговиот тим се свртеа и кон странскиот пазар и со тоа го лансираа каналот Фат ТВ, кој има дури шест милиони и 59.000 претплатници. Според платформата Socialblade, како и она што може да се види на „странскиот канал“ на Омчо, тој има речиси четири милијарди прегледи во последните 30 дена – што го става во првите 100 најгледани канали на YouTube во светот, а во контекстот на Јутјуберите во првите пет! Така зад Омчо стои и познатиот Pew Die Pie кој во последниот месец забележал речиси двојно повеќе прегледи. Според податоците од гореспоменатата платформа Socialblade, која вклучува широк спектар на факти кои можат да влијаат на заработката на YouTube, Омчо заработува помеѓу 96.500 и 1.500.000 американски долари месечно на неговиот втор канал Fat TV. Дека успехот на Омчо не може да се оспори, потврди и Бака Прасе, кој во својот лајфстрим пресметал дека Омчо речиси сигурно заработува меѓу 20.000 и 30.000 евра дневно, што е точно, ако ги земеме предвид и податоците на Socialblad за каналите Омчо и Фат ТВ. Заедно со каналот на Омчо, на листата на 100 најгледани во светот се наоѓаат и профилите на Дизни, Ен-Би-Си и други медиумски компании, како и планетарните ѕвезди, кои се зад него на оваа листа, како Џастин Бибер, Дуа Липа и други. Инаку Омчо се пријави и беше дел од натпреварувачите во „Ѕвездите на Гранд“ пред неколку сезони каде ја шокираше и ТВ публиката и жирито, кои не знаеа дали да плачат или да се смејат (КЛИКНИ ТУКА): Вака изгледа една Јутјуб епизода на Омчо (КЛИКНИ ТУКА):

Избришан каналот на Бака Прасе: Јутјуберот се огласи и само ова го напиша (фото)

Слаѓана Атанасова — Wed, 28 Sep 2022 12:13:30 +0000

Каналот на Богдан Илиќ на Јутјуб, каде што имаше повеќе од 2 милиони претплатници, е затворен. Јутјуберот познат како Бака Прасе, се огласи на социјалната мрежа Инстаграм откако неговиот канал на Јутјуб беше затворен. Потоа, Бака Прасе се огласи на својот Инстаграм профил и порача: - Збогум Бака Прасе Јутјуб канал - напиша Богдан. Инаку, долго време се шпекулира за содржината што Богдан ја објавува на својот канал, па корисниците на социјалните мрежи коментираат дека тоа е една од можните причини. Минатата недела Јутјуберот беше на рочиште поради наводните обвиненија што против него ги покренаа, додека истражните органи наводно водат повеќе случаи против Бака Прасе,а меѓу другото, тој е осомничен и за даночно затајување. Фото:Принтскрин/Инстаграм/Бака Прасе

Се сврши и Стефан Лазаров: Најпознатиот македонски јутјубер ја побара раката на девојката на Камп Ноу (ВИДЕО)

Антонио Димитриевски — Mon, 19 Sep 2022 07:26:33 +0000

Некогаш млад, надежен фудбалер кој кариерата ја завршил пред и да ја почне заради тешка повреда, а потоа модел и ТВ водител и сега пејач и Јутјубер… „Мултиталентиран мултипрактик“, што би рекле некои, за ова младо момче. А по таквите како по правило се лепат најубавите девојки во градот, од кои некои му ги припишуваа... Дури и познатите ријалити старлети како Тара Симов на пример, која излезе дека му е само најдобра другарка, зашто Стефан Лазаров ја сака само Марта! Познатиот македонски јутубер викендов тоа на најдобар начин и го покажа, откако на многу интересна локација ја запроси својата девојка, иако ниту една, веројатно не сонува да биде запросена на фудбалски натпревар! Но, Лазаров не мислеше така. Како голем фан на фудбалскиот клуб Барселона која викендов играше првенствен натревар од Ла Лига против екипата на Елче на „Камп Ноу“, јутјуберот реши да ја почести и однесе својата Марта заедно да ја гледаат Барса во живо. Арно ама на Лазаров не му било само до Барселона и фудбалот, туку токму на Камп Ноу решил да го заврши ергенскиот живот и да ја запроси неговата долгогодишна девојка која е чест гостин и во неговите Јутјуб видеа кои се многу гледани. Стефан возбуден бидејќи за прв пат во животот го гледа својот омилен клуб во живо, ама уште повозбуден од чинот кој треба да следува, а таа тоа не го ни насетува. И тогаш во еден момент, како „гром од ведро небо“ за идната вереница, се случува она најсвеченото - моментот на запросувањето.

View this post on Instagram

A post shared by Stefan Lazarov (@_lazarovv)

Идната невеста „шокирана“, па потоа во прегратките на јутјуберот, а „среќниот шокирач“ насмеан и среќен откако таа кажа ДА, додека гледачите наоколу на трибината, со своите мобилни снима и со овации им аплаудира на вљубените свршеници, исто како кога Барса ќе даде гол! Како изгледала од почеток до крај целата „операција свршувачка со среќен крај“ кој е всушност само нов почеток на една приказна за поинаков, заеднички живот, погледнете од видеото кое самиот „свршеник“ Лазаров го спакувал и споделил на својот Јутјуб канал (Кликни ТУКА). И секако, честитки и од нас до Стефан и Марта!

Верувале или не, Стефан Лазаров своето „Јутјуб шоу“ го снимаше само по гаќи, а можеби и без нив, во „длабоко ароматична“ атмосфера?! (ФОТО)

Антонио Димитриевски — Thu, 23 Sep 2021 07:04:42 +0000

Стефан Лазаров, момчето кое „преку ноќ“ ги освои симпатиите на гледачите и како ТВ водител во некои од најгледаните естрадни или утрински ТВ магазини и како „домаќин“ на познатите фаци својот Јутјуб канал уште во првата сезона на неговото Интернет „Лазаров шоу“. Летото за некого е време за пауза и одмор, за некого за уште посветена работа, но секако оние што земаат „тајмаут“ на месец-два, за тоа време вредно се подготвуваат за следната сезона. Така направи и младиот Јутјуберм, па ја најави и почна втората сезона на неговите забавни Јутјуб минути, со видоизмента концепција. Концептот променет, а Лазаров промените ги најави на Инстаграм. “Овој пат одлучив интервјуата да ги оставиме за телевизиите и да го променам концептот во позабавен и јутуберски. Јавните личности ќе бидат во незгодно од новите две рубрики, а Луто пиперче ќе прави проблеми и оваа сезона. Се гледаме во недела во 16:00 часот, а првите гости ќе ви ги откријам за брзо...“ - порача Јутјуберот па тргна со снимање... И тоа со „2 бона“... Ама не во џебот, туку како гости во првото есенско издание. Арно ама, Лазаров не би бил тоа што е, да не подготви некое изненадување. Овој пат - шокантно! И тоа комплетно! Зашто јутјуберот не шокираше со некоја нова рубрика, прашање или гостин, туку со својот аутфит. Навидум елегантно дотеран, во кошула и палто, со часовник на рака кога ќе го видите до половина, небаре го води централниот дневник на Би Би Си... Арно ама, од половина надолу... Верувале или не Лазаров своето шоу го снимаше само по гаќи... А можеби и без нив?! Или сепак не, зашто кадрите во продолжение покажуваат дека јутјуберот, сепак на себе носи долна облека. Лазаров седнат на барското пред хрома, по боксерки, со кренати нозе на масата само по чорапи, испрати „силна порака“... На Инстаграм можеби само може да се види, ама оние во студиото можеа и да ја почувствуваат. А пораката на Лазаров, најавно - рекламна: „Утре ќе гледате шоу“! Атмосферата - „длабоко ароматична“ за екипата околу него која веќе го гледаше шоуто, додека работеше на истото... Со штипка на носот, белким? Единствено чувство кое тешко може да е опише, ама затоа можеби може да им се „повтори“... веќе на следното снимање!? Фото: Инстаграм принтскрин/_lazarovv