јуниор – Вистина.мк

Внукот на Ѓорѓе Иванов ќе го носи името на својот дедо: „Да е здрав и жив Ѓорѓи Иванов – Јуниор“ (ФОТО)

Антонио Димитриевски — Fri, 08 Apr 2022 06:50:58 +0000

Синот на поранешниот претседател на Република Македонија, Ѓорѓе Иванов, Иван и неговата сопруга Јана во понеделникот добија принова. Тие го пречекаа нивното прво чедо, синчето кој е причина за големa радост во семејствата Иванови и Кочови. Музичарот Владимир Василевски - Четкар на своите Инстаграм приказни сподели фотографија од друштвото, меѓу кои и бившиот претседател Иванов и неговиот син, новопечениот татко Иван Иванов, кои го славеа доаѓањето на свет на малечкиот. Очигледно е дека атмосферата била весела, а пријтелите се радуваат и наздравуваат за приновата.

„За многу години денов! Да е здрав и жив Ѓорѓи Иванов Јуниор“ - напишал Четкар на фотографијата откривајќи ни го името на новороденчето.

Со тоа дефинитивно јавно се обзнани дека внукот на Ѓорѓе Иванов ќе го носи името на својот дедо.

Нека му е со среќа и нему и на семејството!

По убиството на синот на еден од можните организтори на ликвидацијата на Аркан, се огласи Цеца откако некој се обиде да и го припише најновото убиство на белградскиот афалт: „Ова што го правите е монструозно!“

Антонио Димитриевски — Tue, 02 Feb 2021 11:11:26 +0000

Војната на белградските улици не завршува. Во последните неколку години, многу луѓе беа убиени во крвави пресметки и се чини како да се вратија бурните 1990-ти, кога некој некого убиваше речиси секој ден. Последната жртва на врелиот белградски асфалт беше синот на Зоран Ускоковиќ Сколе, кој беше убиен пред три дена, а имаше 22 години и исто име како неговиот татко. Во улицата Борска на Канарево брдо, убиецот чекал Ускоковиќ да го паркира своето „Ауди“ и да се упати кон зградата. Тој му тргнал во пресрет и во моментот кога се разминале тој се свртел и го застрелал одзади во главата. Две чаури биле пронајдени на местото на ликвидација. Убиениот Зоран Ускоковиќ нема кривично досие, а неговата мајка и очув живеат во близина на местото на убиството, па се претпоставува дека тој тргнал кај нив. Во медиумите има многу шпекулации за мотивот за ова брутално убиство. Освен приказните за причината поради која младиот Ускоковиќ наводно влегол во криминалното милје, весниците пишуваат дека „гревовите од минатото“ се причина за погубувањето. https://www.youtube.com/watch?v=99xL0lJMyTc&feature=emb_logo Воскресна приказната што кружеше во Белград по оној 15-ти јануари, кога беше убиен Жељко Ражнатовиќ - Аркан. Во тоа време се шушкаше дека крвавиот чин во хотелот Интерконтинентал е организиран токму од Сколе - постариот. Оттука, некои медиуми пишуваат дека убиството на неговиот 22-годишен син, што е несомнено дело на професионалец, е продолжение на конфронтацијата со постариот Ускоковиќ, односно, дека тоа може да е чин на крвна одмазда. По написите веднаш се огласи и вдовицата на Аркан, балканската фолк дива Светлана Цеца Ражнатовиќ. Пејачката во приказните на својот Инстаграм само кусо напиша: „Срам да ви е! Она што го правите е монструозно“! - јасно го кажа својот став Цеца. Остана дилемата дали навистина искрено го мисли тоа или од страв за можен атак кон членови на нејзиното семејство!?

Македонскиот јуниор Кирил Панов ги решета кошевите на своите врсници во Шпанија

Антонио Димитриевски — Tue, 17 Apr 2018 07:45:05 +0000

Струмичкиот кошаркарски талент Кирил Панов кој четврта година е во редовите на шпански Терра Алфас стана мета на повеќе праволигаши од АБЦ лигата во Шпанија. Повеќе клубови од елитната шпанска лига покажале интерес за ангажирање на Панов во своите редови од наесен и не се исклучува можноста веќе од септември струмичанецот да биде во една од најсилните кошаркарски лиги во Европа.

Панов ова сезона со клубот Терра Алфас во просек постигнува по 29,4 поени по натпревар. На неговото конто во просек по натпревар се запишани 7,9 асистенции и 7,1 скокови а има и по 3,7 украдени топки на меч. Панов го сметаат како најопасен тројкаш во тамошната јуниорска лига имајки го во предвид процентот од 44% ефикасност од линијата за три .

Панов во Шпанија замина во 2014 како кошаркар од Ролинг 08 од Струмица и набргу го привлече вниманието на кошаркарските работници на црвената фурија. Паралелено Кирил постојано е и македонски репрезентативец а во моментов носител на македонската селекција У 18. Еве ги мајсториите на Кирил Панов кој го привлече вниманието на шпанските прволигаши. https://www.youtube.com/watch?v=BvuAO1ux-wA https://www.youtube.com/watch?time_continue=1&v=iWSrcUc5Zvs извор:ТВ каналВис