јсп – Вистина.мк

Дунавка покажа дека Папата веќе не е недопирлив, Боки 13 дека и со него има селфи, а ЈСП дека и низ Скопје Папата се возеше со градскиот превоз

Антонио Димитриевски — Thu, 09 May 2019 07:22:19 +0000

Посетата на папата Франциск на Скопје беше светски настан број еден. Особено за нас, па националниот сервис со над 50 камери и 5 репортажни возила го следеше и пренесуваше секој негов чекор.

Ама она што ни бројните камери не успејаа да го забележат, а ги зовре социјалните мрежи, беа двата национално-социјални феномена: Дунавка Трифуновска и Боки 13. Ѕвездите од спектаклот при посетата на Папата.

Дунавка го разби митоит, ги скрши табуата дека Папата е недопирлив. Напротив, го бркаше за селфи, па откако (не) успеа, проба и успеа да го допре... И тоа пред сите. И пред фотообјективите и камерите! До душа Папата остана ладен на нејзините допири, ама сепак... Дунавка да си проба. Па ако биде, ќе биде, ако не...

Тука и се социјалните мрежи за да ја сплете својата приказна, својата визија за нејзината средба со главата на Светата столица: „Јас и Папата“... во „Приказните од Ленинова“! Со особен акцент и интерес на поглавјето од „нивната можна тајна средба“... Насамо!

Зашто за Дунавка не важат ни безбедносни процедури, ни ватикански протоколи... Ма, за неа ни Устав не важи!

И додека Дунавка ги крие фотографиите од селфито со папата, Боки 13 прв ги покажа на мегдан! Него му успеа да го има на иста селфи слика со светиот отец од Ватикан!

Иако Папата не се гледа на сликата, Боки ја закачи на социјалните мрежи, бидејќи ги исполнува неговите егокритериуми – тој е во гро план, па за Папата – небитно… - напишаа домашните портали! Она што сите го знаат дека папата Франциск е скромен човек, па додека уште не бил папа во родниот Буенос Аирес во Аргентина, се возел исклучиво со градскиот превоз. Она што никој не го напиша , а ни камерите на МРТ не го забелажаа е дека покрај папамобилот и во Скопје Папата се возеше со јавниот превоз на ЈСП. Што? За Дунавка и Боки 13 верувате, а за ЈСП, не?

Епа драги наши еве го крунскиот доказ. Да, Папата се возеше со автобусите на ЈСП. Исто колку што пред него се возеа, Лени Кравиц или Лепа Брена, да речеме... Или колку што Дунавка можела да се сретне насамо со него, а Боки 13 да направи селфи „образ до образ“, одблизу!

Важна вест за Велигден ако се возите со автобусите на ЈСП

Христина Ѓоргиевска — Sat, 27 Apr 2019 09:31:47 +0000

По повод претстојните велигденски празници, в петок, 26 април, возилата од јавниот превоз ќе сообраќаат по неделен возен ред, со исклучок на автобусите на линиите 11, 11А, 18 А, 32, 47А, 51, 55, 55В, 56, 56А, 64А, 65А, 70, 74, 80А, 81, 118, 160, 180, што ќе возат по делничен возен ред. Во сабота 27 април, недела 28 април, и понеделник 29 април, автобусите на сите линии ќе сообраќаат по неделен возен ред, соопшти ЈСП. Автобусите по неделен возен ред ќе сообраќаат и во среда на 1 Мај-Меѓународниот ден на трудот. Жичарницата на Водно ќе работи вообичаено сите празнични денови од 10 до 18 часот, а автобусите што сообраќаат до Средно Водно 25 (Транспортен центар-Средно Водно), 25А (Автомакедонија-Средно Водно) и 25Б (Дом на печат-Средно Водно) в понеделник, 29 април, ќе возат по неделен возен ред. Жичарницата во вторник, 30 април, нема да работи.

(ФОТО) Сите погледи во нејзините нозе: Шок стајлинг во автобус на ЈСП

Слободанка Илиева — Tue, 10 Jul 2018 08:07:12 +0000

Кај познатите низ светот владее голем моден тренд да носат влечки со чорапи. Ова модно лудило ги зафати од Ким Кардашијан, Џастин Бибер, Ријана, Рита Ора и многу други. А и кај нас очигледно доста се следат модните тенденции, но се применуиваат уште пооригинално – на балкански начин.

Деновиве на Инстаграм страницата „Камај“ се појави една таква фотографија за пример.

A post shared by КAMAJ.net (@_kamaj_) on Jul 9, 2018 at 9:58am PDT

Модел бели чорапи ама со полуотворени сандали. Со оглед дека времето беше доста променливо, оваа девојка или жена, веројатно чорапите ги носела во чанта како резерва за ако застуди.

Постојат и луѓе со големи срца: Гест на возач на ЈСП за кој сите му симнуваат капа

Слободанка Илиева — Tue, 27 Feb 2018 09:19:38 +0000

Добрите дела секогаш остануваат забележани. И не е секогаш се црно околу нас. И да, се уште постојат луѓе кои имаат големо срце.

Еден сведок на оваа случка, напиша Фејсбук статус, каде објаснува што се случи пред некој ден во автобус на ЈСП.

Статусот е пренесен во целост: Петок, некаде околу 17 часот, во 15ка, автобус на ЈСП… Ќе се зачудиш ли ако шоферот излезе од автобусот откако сите патници влегле? Некаде по булеварот, покрај една од автобуските постојки минува девојка на велосипед со корпа напред, од која паѓа ракавица. И ете, за изненадување шоферот излезе на постојката, ја зеде ракавицата и влегувајќи ко да се правдаше: -“Ќе и ја дадам ако ја минеме некаде”. И навистина. Ѝ ја даде. Ја мина по неколку постојки кога веќе таа кутрата сфатила дека ја нема и пребаруваше по корпата. -“Греота е, и јас возам велосипед, знам ќе ѝ замрзнат рацете” Да си ја наполниш душата од ваквите луѓе. Да ти е мерак да запознаеш понекогаш ко за промена некој таков. Ракувајќи се со него го прашав за име. Големите луѓе, се големи во срцата. Заслужуваат да им се спушти капа. Те поздравувам добар човеку! За Иле Анчевски. За возачот на ЈСП. извор:сител.мк