„Fiction“ знаат дека ова е нивно време – „Сега или никогаш“ (ВИДЕО)

Антонио Димитриевски — Wed, 27 Oct 2021 12:40:14 +0000

„Сега или никогаш“ е најновиот сингл на бендот Fiction. Песната, која бендот ја издаде со видеозапис, е инспирирана од New Wave и synth-pop звукот на 80-те години на 20-от век, кој го протежираа светските музички групи и артисти како Depeche Mode, Duran Duran, Tears for Fears и The Police. Песната е продолжение на приказната која бендот ја започна со својот претходен сингл „Дали знае“? Автор на музиката и текстот е гитаристот на бендот, Виктор Захариев, кој стои и зад аудиопродукцијата, додека зад аранжманот се потпишува целиот бенд. Видеото е дело на режисерот Јован Саркањац, сработено во соработка со Сара Панковска и Мило Горгиевска. Миксот и мастерот се дело на Виктор Георгиевски, додека за графичкиот дизајн се погрижи Катерина Даниловска. Инаку, Fiction е рок бенд од Скопје составен од: Петар Ѓуревски - вокал, Виктор Захариев - гитара и вокал, Филип Андонов - бас гитара и Теодор Теодосиевски - тапани. https://www.youtube.com/watch?v=Wf8b5cPwI-0

Јован Саркањац – Вистина.мк

„Fiction“ знаат дека ова е нивно време – „Сега или никогаш“ (ВИДЕО)