јова – Вистина.мк

Македонски артисти со светски звук: BDM ft. Yova – „Stay“ (ВИДЕО)

Антонио Димитриевски — Thu, 24 Dec 2020 12:16:53 +0000

Бранко и Дуле Вељановски заедно со нивниот другар, пријател и колега од „Би-Ди-Ем“ Мартин Делимитов, неодамна го промовираа нивниот најнов шести по ред сингл насловен “Stay”, песна која е во соработка со Јова. Откако во 2018-та заедно ја направија песната “Lee”, ова претставува нивни втор заеднички проект. Како што и самите откриваат за музичкиот портал Музика24, песната “Stay” покрај македонската, ќе има и светска промоција на најголемите музички платформи како што се ITunes, Spotify, Amazon, Deezer… и други. Тие по повод промоцијата на најновата песна и видео спот изјавуваат: „Среќни сме што повторно ни гостува Јова со нејзиниот уникатен сензибилитет и глас што ја носи песната на друго ниво. Овој сингл ни е посебно драг, не само затоа што е сосема поразличен од останатите наши синглови, туку и затоа што најемотивната песна што досега сме ја направиле“, велат „Би-Ди-Ем“. Тие уште најавуваат дека и во текот на следната 2021 година која е на самиот праг, нема да бидат мирни, туку напротив ќе продуцираат, создаваат и промовираат нови проекти. Меѓу нив е и ремиксот за песната “Stay”, кој што го работат заедно со холандскиот продуцент Марко. Како што и самите велат, овој сингл ќе се издава премиерно во Холандија. Како и сите песни досега, така и оваа најновата, „Би-Ди-Ем“ ја отпеа на англиски јазик и е во издание на Paragon Record Label. За музиката, аранжманот и текстот се погрижија самите членови на „Би-Ди-Ем“. И овој сингл ќе се најде и ќе биде дел од “State od Mind”, албумот кој овие момцчиња со задоволство веќе подолго време го подготвуваат. https://www.youtube.com/watch?v=GHb5JgJf0VU&feature=emb_logo

По враќањето на сцената во корона годината, македонската пејачка Јова со секси фотосесија ги сумираше впечатоците за 2020-та: „Биди сама своја среќа!“ (ФОТО+ВИДЕО)

Антонио Димитриевски — Thu, 24 Dec 2020 08:08:11 +0000

Некогаш Јованка Житарова, сега во естрадниот свет позната само како Јова. По паузата од повеќе од една деценија и разводот, во годината на коронапандемијата пејачката се врати... И во Македонија и на естрадната сцена. Овој пат кариерата реши да ја продолжи во малку поинаков стил. И самата тотално видоизменета кога се работи за физичкиот изглед, но и кога е нејзината музика во прашање. Јованка сега стана Јова, чии песни повеќе не се „чист фолк“, туку повеќе поп со етно елементи. По сите трансформации, пејачката денес оправдано го носи епитетот една од најубавите жени на домашната јавна сцена, која плени со убавина искомбинирана со елеганција и софистицирност. Јова годината на своето враќање и покрај сите недаќи низ кои светот минува, ја сумираше со секси фотосесијата која таа предновогодишно ја подготви за своите обожаватели и следбеници на социјалните мрежи. Пејачката истакнувајќи ја сета своја софистицираност и еротска елеганција позираше пред фотообјективот на Бојан Стоилковски, додека а задолжен за целокупниот стајлинг на сесијата беше Зоран Шурбевски. На крајот од позирање пејачката застана и пред камера на најгледаниот естраден ТВ магазин „Бекстејџ“, каде откри по што ќе ја памети годината која што полека изминува. „Никогаш не е предоцна да почнете од почеток. Да стиснете пауза. Да вдишете и издишете. Потоа, да почнете одново. Не морате да се губите себеси во хаосот, да ги прифаќате работите такви какви што се, мислејќи дека тоа е тоа што го заслужувате. Не морате да ги чувате своите тага и бес во себе, мислејќи дека никогаш нема да побегнете од нив. Вие сте повеќе од тоа. Вие имате сила во себе за поголеми и поубави нешта, само треба да бидете храбри. Нова 2021 за нови почетоци“! - напиша Јова на својот Инстаграм во пресрет на новата 2021 година. А, 2020-та, годината која го запре светот и на сите животот им го преврте наопаку, неа и го почна на некој начин од почеток. И оној приватниот, како жена и мајка на две прекрасни дечиња, ќеркичката Зои и синчето Картер, но и оној професионалниот, како естраден уметник, музичка ѕвезда која продолжува да блеска онаму каде што „привремено исчезна“ од естрадното небо пред десеттина години. Затоа, 2020 Јова ќе ја заокружи со пораката која таа ја пренесе и преку повратничката песна, насловена: „Биди сама своја среќа!“ Дали и самата тоа е, дознајте од разговорот со Јова во „магазинот од зад сцената“: https://www.youtube.com/watch?v=p4BTqVnDblc&fbclid=IwAR0Yc1sVcU9BLbwavj5g-H5ZwYXEx-AznwJlpLXjLyMHzCfU9Lp2UitHLMA

Jованка Житарова – Јова со солзи во очите зборува за мајчинството и борбата за децата: „Зои и Картер ми се најважни во животот!“ (ВИДЕО)

Антонио Димитриевски — Fri, 30 Oct 2020 07:54:22 +0000

Пејачката Јова, односно Јованка Житарова пред повеќе од еден месец го промовираше видеото за темата „Биди сама своја среќа“ кое што има над 300.000 прегледи на Јутјуб што е голем успех за еден македонски изведувач. „По 10 години пауза решив да и се варатам на мојата најголема љубов, музиката, но со сосема поинакво нешто, од она што порано го правев. Со песни во модерен и актуелен стил. Со Роберт како колеги од факултет, се најдовме на иста бранова должина, и се роди „Биди сама своја среќа“ - изјави тогаш Јова. https://arhiva.vistina.com.mk/promoter/jovanka-zitarova-se-vrati-kako-jova-so-poraka-bidi-sama-svoja-srekja-video/ Јова на музичката сцена токму со овој рефрен се врати после пауза од 10 години, а за време на истата се реализираше во улога на мајка, односно ги роди близнаците Зои и Картер за кои во повеќе наврати досега има истаканто дека и се нејзино „СЕ '“ во животот. Деновиве беше и гостинка во студиото на естрадниот ТВ магазин„Бекстејџ“, а во рамки на гостувањето откри детали поврзани со нејзината кариера, но и приватен живот. Пејачката за прв пат јавно проговори за враќањето од „туѓина-јабана“ дома во Македонија по разводот со сопругот Роберт, па со солзи во очите прозборе за мајчинството и борбата за нејзините деца. Целото интервју можете да го погледнете во видеото во продолжение: https://www.youtube.com/watch?v=MNRPKAA8vJQ

Јованка Житарова се врати како Јова со порака – „Биди сама своја среќа“ (ВИДЕО)

Антонио Димитриевски — Thu, 17 Sep 2020 10:15:56 +0000

Некогаш позната како Јованка Житарова, а денес само Јова, по една деценија пауза се враќа на сцена со новата песна „Биди сама своја среќа“. Зад оваа песна како автори се запишани Роберт Билбилов, кој ја направи музиката и аранжанот, во чие студио е и снимена, а текстот е на македонската писателка, Ксенија Николова. „По 10 години пауза решив да и се варатам на мојата најголема љубов, музиката, но со сосема поинакво нешто, од она што порано го правев. Со песни во модерен и актуелен стил. Со Роберт како колеги од факултет, се најдовме на иста бранова должина, и се роди „Биди сама своја среќа“. Ова е само почеток од нашата соработка. Ова не значи дека јас сум ја заборавила старата убава македонска песна, зашто, секако, корените не смеат да се заборават, но решив да одам чекор напред, да пробам нешто сосема поинакво. Се надевам дека песната ќе и се допадне на публиката, особено на припадничките на понежниот пол, бидејки ова е порака за нив“ - вели Јова. Спот е снимен од продукцијата на познатиот уметнички фотограф и режисер Зоран стојановски - „Зонде“ на браната Козјак. Во видеото Јова е претставена како слободна, сама и среќна жена. „Презадоволна сум од спотот, го долови точно она што го чувствувам. Дека на човек најважно од се' му е личната среќа“ - додава таа. Погледнете го видеоспотот за оваа песна: https://www.youtube.com/watch?v=UMAsGw_bags&feature=emb_logo

Македонката Јова Радевска се крие зад YOVA – „Moondog“ (ВИДЕО)

Антонио Димитриевски — Wed, 30 Oct 2019 13:28:42 +0000

Јова Радевска е македонска кантавторка која живее во Лондон. На македонската јавност и стана позната најпрвин по настапот на „Скопскиот фестивал“, а подоцна и по своите соло проекти. Во моментов Јова ( Yova) егзистира како дуо, зад чие име се кријат самата Јова Радевска и Марк Вернон (Mark Vernon). Нивната нова песна носи наслов „Moondog“ и е продуцирана со Мартин Мек Дугал и Даниел О'Саливен од групата „Grumbling Furs“, а миксувана е од „Греми“ номинираниот Камерон Граиг (Бјорк, УНКЛ, Ени Ленокс & Џо Страмер) и е дигитално достапна на сите поголеми музички платформи како Spotify, Itunes... Снимена е од членовите на ЈОВА, (Јова Радевска и Марк Вернон) заедно со Алекс Томас (тапани), Даниел О'Саливан (бас, мелотрон), Мартин Мек Дугал (калимба) и Роб Елис (ондес мартенот). Песната е визуелизирана со интересно видео креирано од Кристијан Барнет од филммејкерите на Fabulous Frank. Стиховите на песната се полни со емоции кои ја побудуваат имагинацијата и душата, додека тивко ја илуминираат уникатната и храбра тема. Јова и Марк започнаа со снимање на музичките структури на ЈОВА на повеќе локации со повеке соработници. Марк со неговата претходна работа со PJ Harvey & John Cale од култната група Velvet Underground го контактира неговиот пријател продуцентот и мулти инструменталист Rob Ellis (PJ Harvey, Anna Calvi, Marianne Faithfull, Scott Walker) за да го аранжира и оформи новиот звук на ЈОВА. Музичката слика набргу се оформува во родната земја на Јова Радевска - Македонија, во една музичка визба во Лондон и дневен музички престој во Дорсет во Англија. Марк го соединува бас гитаристот Иан Оливер со Роб Елис на тапани и ритмичкиот р'бет на оригиналната П Ј Харви група снимаат повторно заедно за прв пат од издавањето на првото ЕП на PJ Harvey "Dress" vo 1991.. Резултатите од овие снимања ќе можат да се чујат на новиот албум на YOVA во 2020 година. Со силна група и подготвен албум, ЈОВА се подготвуваат за на сцена и за прв пат да настапуваат во живо. Во меѓувреме, проследете го новиот сингл „Moondog“ на нашата Македонка која е на добар пат да направи кариера во светот. https://www.youtube.com/watch?v=YJgVBXIg5-E

БДМ и ЈОВА ви го претставуваат интерконтиненталниот проект – „Lee“ (ВИДЕО)

Антонио Димитриевски — Thu, 09 Aug 2018 13:21:29 +0000

„Парагон рекорд лејбл“ (Paragon Record Label) Ви ги претставува БДМ (BDM), свежиот звук на новата модерна македонска музика со нивниот прв видео запис за песната „Lee“.

Интерконтиненталенот продукт, работен во Скопје, Белград, Лондон и Детроит е уште еден доказ дека денешниот музички свет не познава граници, туку вистински квалитетен звук инспириран од едноставна, емотивна приказна, што веројатно сите, сме ја доживеале.

„Lee“ e режисерско деби на Виктор Стоимиров, а е визуелно воден од блескавата Елена Гугоска.

Стоимиров успева да ја пренесе едноставната порака – за кршливоста на љубовта и моќта во таква ситуација, да се издвојат убавите моменти кои вредат да се запомнат.

Зад карактеристичниот вокал на „Lee“ стои светската Јова (Yova), a песната повеќе од еден месец одлично котира на светските стриминг сервиси, воедно е и достапна на Ајтјунс, Спотифај, Гугл плеј, Епл мјузик, Дизер и Шазам. https://www.youtube.com/watch?time_continue=187&v=lsu55DHPWd8 Извор:РадиоМК