Јосипа Лисац – Вистина.мк

Игор Џамбазов со еден од неговите најубави рефрени се потсети на роденденот на неговиот неодамна починат татко Александар: „Довидување, маестро мој…“ (ВИДЕО)

Антонио Димитриевски — Thu, 03 Feb 2022 09:44:27 +0000

Македонија и македонската јавност неодамна се прости од еден од најпознатите македонски композитори и диригенти, великиот Александар Џамбазов. И уште болката не стивнала, раните ниту оддлеку не почнале да зацелуваат, душата не се смирила, а срцето се' уште не го оплакало, дојде денот на кој да беше жив, маестро Џамбазов ќе наполнеше 86 години. За жал, овој роденден не го дочека за малку, но затоа пак неговиот син, познатиот актер, водител и шоумен Игор Џамбазов не го заборави важниот датум. По последното испраќање во вечноста на маестро Џамбазов, Игор се повлече во своето старо прибежиште, Дојран, каде ја минува зимата. При тоа се сети дека денес е роденденот на неговиот покоен татко, великиот маестро кој има напишано безброј песни како за деца, така и за возрасни, од кои најзастапени се токму оние фестивалските шлагери од седумдесеттите испеани како самостојни песни или фестивалски рефрени. Со гитарата в рака и токму со еден од најубавите рефрени на маестро Александар Џамбазов, синот се присети да го одбележи денот на неговото раѓање, па Игор го отсвире и отпеа еден од најубавите шлагерски рефрени на покојниот композитор - „Довидување“. Песна испеана на македонски јазик од легендарната Јосипа Лисац кога била многу млада и немала ниту 20 години кога ја извела оваа тема на еден од Скопските фестивали на забавна музика, на кој и самиот маестро Џамбазов бил диригент. „Денес, маестро Џамбазов ќе наполнеше 86 години. Ова е еден од неговите најубави рефрени... Довидување, маестро мој...„ - напишал Џамбазов покрај споделеното видео на кое во чест и сеќавање на роденденот на својот неодамна починат татко, на маестро Александар му ја отпеа најубавата песна.

View this post on Instagram

A post shared by Игор Џамбазов (@igordzambazov)

Фото: Инстаграм принтскрин/igordzambazov

Кривична пријава против Јосипа Лисац поради начинот на кој ја испеа хрватската химна: Присутните гледаа во земја, гледачите збунети (ВИДЕО)

Антонио Димитриевски — Thu, 20 Feb 2020 13:07:53 +0000

Против хрватската пејачка Јосипа Лисац е поднесена казнена пријава поради начинот на кој ја извела националната химна на инаугурацијата на хрватскиот претседател Зоран Милановиќ. Пријавата е поднесена од адвокатот Бошко Жупановиќ, кој изјави дека „химната на Република Хрватска е изведена на подбивен и омаловажувачки начин“ и дека Јосипа Лисац на тој начин извршила кривично дело кршење на угледот на Република Хрватска со „користење подбивни артикулации и тоналитети“. „Не сакам внимание на медиумите. Го направив тоа како адвокат и граѓанин. Мислам дека тоа е само исмејување и дека не соодветствува за никаков настан, а камоли на инаугурацијата на новоизбраниот хрватски претседател”, рече Жупановиќ за Индекс.хр. Тој додаде дека ја поднел пријавата затоа што сметал дека тоа е негова граѓанска должност.

Приказна за Јосипа Лисац и Карло Метикош и „Дневникот на една љубов“ (ФОТО)

Антонио Димитриевски — Tue, 18 Dec 2018 11:36:10 +0000

"Ти си она што отсекогаш сум го сакала, два живота поврзани во дела“. Овој стих од песната "Мојата магија", моќна балада, набиена со чиста емоција и потресна искренос, која Јосипа Лисац ќе и ја посвети на нејзината вечна љубов, покојниот уметник, музичар и нејзин љубовник, човекот на нејзиниот живот Карло Метикош.

„Една од“, бидејќи Јосипа често укажува дека сите нејзини песни се посветени на Карло. Нивната љубовна приказна е една од неколкуте кои веќе влегоа во антологијата на екс-ју уметноста.

Парот ја започнал својата љубовна приказна на 19-ти февруари во вечерните часови. Јосипа штотуку зачекорила во дваесеттата година, несфатена девојка, изгубена на музичката сцена, што со восхит и недоверба гледала во пејачот со неверојатен глас и необичен изглед.

Од друга страна, Карло Метикош веќе беше музички авантурист, познат под псевдонимот Мет Колинс, рокер, кој ќе се појави на улиците на Париз, кој преку ден спиел на отворено мод мостовите на Сена, живеел меѓу скитници, во потрага по ангажмани.

И кога тезгите дојдоа, го одведоа од Советскиот Сојуз, преку Иран до Етиопија. Патем, се верел повеќе од 20 пати: за една грофицата, неколку манекенки, ќерката на еден генарал, за келнерки ... Но сето тоа се промени од корен при еднао враќање во Петриња, каде што се запознаа со Јосип на настап.

"Таа беше малку дебелка, симпатична, но феноменален пееше“ - ќе рече еднаш за неа Карло. А првата плоча што Јосипа ја купила во животот е плоча од Мет Колинс. Судбина ...

Од тој момент, нејзината кариера стана поважна од неговата. Нивниот прв заеднички албум беше наречен "Дневникот на една љубов", сосема соодветен, бидејќи нивните животи станаа токму тоа. Тој правеше музика за неа, а таа ја изведуваше онака, како што никој друг не би можел никогаш. Заедно се стекнаа со слава, заедно останаа сосема различни и целосно свои, патувајќи и живеејќи ја уметноста.

Карло умира млад, на крајот на 1991 година, на возраст од 51 година. Но, нивната љубов не умира никогаш. Уште следната година, Јосипа организира концерт во негова чест, кој стана и остана традиција до денес. Заедно со неа се споменува Карло и неговото вечно присуство во нејзиниот живот и песни.

"Бракот како да го изгуби својот идентитет, не можев да поднесам некој да ме нарекува сопругата ... за Карло никогаш не бев неговата сопруга, туку само неговата Јосипа“ - ќе одговори таа на едно од многуте прашања за тоа, зошто тие никогаш не се венчале.

Гала концерт во Скопје „50 години Јосипа Лисац“

Моника Манасиевска — Fri, 23 Mar 2018 14:36:36 +0000

Јосипа Лисац ќе го посети Скопје. Огромно задоволство ни е да ви најавиме дека една од најуникатните музички појави воопшто во регионот на сите времиња, неприкосновената Јосипа Лисац, во рамки на својата турнеја „50 години Јосипа“, после распродадените големи концерти во арена Пула, Сава Центар, неколку последователни концерти во Лисински во Загреб, својот последен концерт во оваа низа ќе го одржи во Скопје, во новата сала на Македонската Филхармонија. Јосипа Лисац има таква кариера да нема никаква потреба ништо дополнително да се објаснува, освен да се каже дека сме неверојатно радосни што во нејзиното се` поретко одење на турнеи влегува и Скопје и тоа со ваков гала концерт. Влезниците се пуштени во продажба преку продажната мрежа на „Купи Карти За Се“ низ цела Македонија.