Давид Темелков преку „Скопје 2014“ визуелно ја овековечи својата констатација – „Свијет се промијенио“ (ВИДЕО)

Антонио Димитриевски — Thu, 21 Mar 2019 14:14:24 +0000

По учеството во регионалниот „Х фактор“, Давид Темелков продолжи својата кариера да ја гради во Хрватска, каде што изминативе неколку години соработува со едни од најреномираните музички автори , легендарниот Мирослав Рус.

По неколкуте поп теми и балади, дојде време е за мало освежување и нова музичка насока во кариерата на македонскиот пејач, што неодамна се огледа во излегувањето на песната „Свијет се промијенио“ или „Светот се промени“, која е во фанки-стил и отвора ново поглавје.

Песната засега ја има само на хрватски јазик, но се надеваме дека ќе имаме можност да ја слушнеме и на македонски. Во меѓувреме, „Свијет се промијенио“ доби и свој видеозапис кој пејачот одбра да биде снимен на улиците на македонската метропола, Скопје, кој го реализираше македонската видеопродукција „Мелем“, а видеопродуцент е Јосип Шукер.

Како изгледа визуелизацијата на најновата тема на Давид Темелков, со прекрасните кадри од проектот „Скопје 2014“, одбран по кој знае кој пат и од многупоголеми регионални ѕвезди ( Ж. Јоксимовиќ, З. Чолиќ, В. Стефановски...), да биде дел од нивните видеоспотови, погледнете во продолжение: https://www.youtube.com/watch?v=ShMASxYe878&feature=youtu.be

Андријана Јаневска ја подотвора вратата на успехот во регионот со „Дај пољуби ме“ (ВИДЕО)

Антонио Димитриевски — Wed, 20 Mar 2019 09:11:12 +0000

Македонскат поп пејачка, виолинистка и музички педагог Андријана Јаневска по по подолго време има нова песна. Иако повеќе сконцентрирана на класичната музика и професорската работа отколку на сопствената кариера, на Андријана по цели 20 години опстојување на естрадата, по се' изгледа конечно и се подотворија вратите за да направи нешто надвор од Македонија.

Иако важи за еден од најдобрите македонски женски вокали и дама со апсолутен слух, се чини како последниве години Јаневска како да немаше предизвик посериозно да се знаимава со естрадата и сопствената кариера во тој правец. Сепак, велат секој еднаш ги добива своите 5 минути, само траба да знае да ги препознае.

Дали понзнството и поканата да се проба себе си и своите вокално изведувачки квалитети да се обиде да ги пласира и на хрватскиот пазар Андријана ќе ги искористи за да направи поголем успех, допрва треба да видиме? Но, во секој случај и најголемиот успех започнува со првиот чекор, а нејзиниот се огледа во првата песна на хрватски јазик насловена „Дај пољуби ме“ (Дај бакни ме).

Спојот на нејзиниот прецизен вокал и виолината како базичен иструмент, кој се надодава на комплетната акустична слика во песната ( клавир, контрабас, тапани, виолина, виолончело...) создва една поинаква звучна перцепција како за она што до сега Андријана го изведуваше, така и за она што може да се слушне на хрватската сцена.

Темата „Дај пољуби ме“ како композитор и текстописец ја потпишува М.М. Вили, додека аранжманот на Јосип Шукер, кој ги правел уште и миксот и мастерингот и се потпишува како музички продуцент заедно со композиторот, кој пак е и извршен продуцент на проектот.

Темата е визуелизирана со едноставно, нискобуџетно, но сосема коректно видео во функција на песната, кое го снимал, монтирал и режирал одново Јосип Шукер. Како звучи дебитанстскиот обид „Дај пољуби ме“ за пробив на хрватската естрада на Андријана Јаневска проследете во продолжение: https://www.youtube.com/watch?v=nElR8_m4s0E

јосип шукер – Вистина.мк

Давид Темелков преку „Скопје 2014“ визуелно ја овековечи својата констатација – „Свијет се промијенио“ (ВИДЕО)

Андријана Јаневска ја подотвора вратата на успехот во регионот со „Дај пољуби ме“ (ВИДЕО)