јордан митев – Вистина.мк

Додека тој е далеку од дома, Бог го даруваше со највредното: Јордан Митев стана татко (фото)

Слободанка Илиева — Thu, 19 Oct 2023 06:56:49 +0000

По шест години брак, за пејачот Јордан Митев и неговата сопруга Славица дојдоа најубавите денови за кои чезнееја - станаа родители за првпат. Јордан на својот Фејсбук профил објави дека станал татко на женско, а убавата вест ја добил додека е на голема турнеја низ Австралија. -20 години патувам низ светот и на многу турнеи Господ ме дарува со благодети, но на оваа турнеја Господ ми го даде најголемиот дар, ми се роди ќерка. Добредојде ќерко!, напиа тој, а честитките се редеа до недоглед. Сите следни настапи за Митев ќе бидат посебни, бидејќи срце се радува и трепери за она што го чека дома. Неговата „Денес ми е добро на душичката“ веруваме дека ќе биде задолжителна на репертоар за здравица. За потсетување, Јордан и Славица која е родена во Австралија се венчаа по врска која траеше нешто повеќе од една година, а големата свадба се случи во Македонија со сите обичаи кои ги носи нашата традиција. Честити, да е здрава и жива! фото:Фејсбук/Јордан Митев

Откако СДСМ државниот празник си го претворија во партиска журка, пејачите решија да не им дојдат: Јордан Митев, Адријана Кеш, екипата на „Мерак меана“… им го откажаа својот настап (ФОТО)

Антонио Димитриевски — Thu, 07 Sep 2023 07:59:49 +0000

Да се настапи за 8-ми Септември денот на независноста на Македонија е веројатно голема чест за секој пејач. Впрочем и во далечната 1991 година кога на Градскиот плоштад во Скопје се прогласуваше независноста на слободна, самостојна и суверена Република Македонија, се пееше. Независноста беше прогласена со звуците на верзијата на песната „Македонија“ на култниот македонски рок бенд „Меморија“. На 8-ми септември се пее и денес... Кога се прославува еден од најголемите државни празници во Македонија. Само што денес ниту Македонија за некого е свето име, за некого е прекрстена со она фалсификуваното - „Северна“. А, „фалсификаторите“ како по навика решиле и годинава да направат „фалсификат“. По повод 8 Септември - Денот на независноста традиционалниот народен пикник Пеленица во манастирот Св. Руса во Драчево, општинската организација на СДСМ - Кисела Вода, решила да си го претвори во „партиска журка“. Повикале некои од најпознатите македонски фолк пејачи како: Сузана Гавазова, Благоја Грујовски, Сања Цинцева - Барбика, Виолета Пандовска, екипата на ТВ фолк шоуто Мерак Меана, Јордан Митев, Адријана Ацевска - Кеш... ама не им кажале дека прославата ќе биде политизирана и обележана со партсиски симболи, небаре е партсики собир, а не празнична државна прослава. Патем и ги најавиле на плакат на кој ги налепиле и своите партиски обележја. Ваквиот обид за „подвала“ кај некој од пејачите предизвика револт и откажување на нивното учество од „партиската СДС журка“, скриена под плаштот на државната празнична прослава. Така фолк пејачот Јордан Митев прв јавно одби да настапи во Пеленица на Денот на независноста, иако неговото гостување беше најавено, бидејќи, како што тврди, сфатил дека се работи за партиски одбележан настап, кој имал партиска цел. „Не знам дали е намерно или ненамерно, но како што гледам по најавите на организаторите настанот на 8-ми Септември е партиски обележан и истиот има одредана партиска цел, а за тоа не ми беше кажано. Бидејќи се чувстувам намерно или ненамерно изманипулиран како човек и како професионалец, сакам да ве информирам дека нема да учествувам на 8-ми Септември во Пеленица“ – информираше Митев во изјава за „Фокус“. Веста дека го откажал гостувањето ја објави на својата Фејсбук страница, појаснувајќи дека Денот на независноста според него е празник на сите граѓани кој не смее да се политизира и одбележува со партиски симболи. Веднаш по него од учеството на „латентната партиска СДС забава“ се откажа и фолк пејачката Адријана Ацеска, попозната како Адријана Кеш која очигледно како и Митев „ни за пари“ не сакала да настапи на нешто што за неа и нејзината татковина Македонија е најсвето, а истото се присвојува и партизира. „Сакам да се обратам во врска со настанот кој треба да се одржи на Осми Септември. Во тек на договорот никој не спомна дека ова ќе биде партиски поврзано. Рекламниот плакат каде ги има деталите за организацијата го добив утрово… Не сум партиски определена, ниту ќе бидам некогаш. Поради тоа, јавно се откажувам од овој настап, за кој уште еднаш ќе кажам, требаше да биде народен собир, а не партиски настап“! – ќе порача пејачката напреку својот ФБ профил. Во текот на денот таа на својот ФБ својата одлука ја дополни со уште едно појаснување: По неа уште едни од учесниците повеќе ги нема на листата и рекламниот плакат на партиските организатори од СДСМ - Кисела Вода. Имено, На првобитната објавена верзијаа убаво се гледа дека меѓу најавените се и дел од пејачите на најпопуларното музичко ТВ фолк шоу „Мерак меана“ кое оди на ТВ Сител. Арно ама, во новата верзија и „Мерак меана“ на плакатите повеќе ја нема! На местото на оние што се откажаа почитувајќи си ја многу повеќе родната татковина отколку „партиската фешта“ или парите, осамнаа нови имиња, па сега листата на учесници изгледа вака: Ако воопшто и оваа е конечна, зашто ова не им е на СДСМ прв пат „да излажат“ дека се слави едно, а во позадина да се крие нешто сосема друго, што не е од општонароден, туку од нивни личен, партиски интерес . Така на пример во 2018 година Владата на Зоран Заев доживеја дебакл откако „фрли“ милионска сума за божемната прослава на поканата на Македонија за влез во НАТО, па доби очајна посетеност, откако народот тогаш не ја проголта лагата. Организацијата на прослави во 15 градови доживеја вистинско фијаско, зашто пред сцената речиси насекаде имаша „двајца без тројца“. Но, лагата тогаш не ја проголтоа и некои од македонските музички и естрадни уметници, па така на пример Влатко Лозаноски и групата „Љубојна“ демонстративно ги откажаа своите настапи. Помалку од 300 луѓе тогаш имало во Струмица, не повеќе од 70 луѓе во Кочани, по 100 во Тетово и во Струга. Празни останале плоштадите и во останатите градови, па така на пример едвај 20-ина луѓе го следеа настапот на тогаш најголемата македонска поп ѕвезда Владо Јаневски во градот на неговото семејно потекло – Кичево. Нешто слично се случи и во 2022 година на фестивалот насловен „Peace festival“,чиј фокус беше одбележувањето на 21 година од „Охридскиот рамковен договор“. Како организтори на овој фестивал кој во превод го именуваа „фестивал за мирот“, беше Министерството за политички систем и односи меѓу заедниците на Артан Груби од ДУИ, коалициониот партнер на СДСМ. Тогаш младата македонска пејачка Антониа Гиговска откако се почувствувала „измамена и изманипулирана“, го откажа својот настап за кој претходно била ангажирана без да и биде кажано со каква цел се организира настанот. „За мене е одговорен менаџерски тим кој прифати ангажман за кој ниту јас, ниту тие знаеле дека има или би имало политичка конотација. Па оттаму бев приморана да го откажам мојот ангажман...“ - порача на социјалните мрежи тогаш меѓудругото Гиговска, во своето објаснување за откажувањето. Веднаш по неа, со свое соопштение во јавноста настапот го откажа и поп ѕвездата Владо Јаневски кој исто така беше најавен дека ќе пее на истиот настан. П.С. Во меѓувреме, списокот на „измамени“ естрадни уметници - најавени учесници на традиционалниот пикник „Пеленица 2023“ кои ги откажуваат своите настапи се шири... Откако ја сфатиле „партиската игра“ на СДС-мовската општинска организација од Кисела Вода, и брачната естрадна двојка Татјана Лазаревска- Новица Василевски јавно го откажаа својот настап на оваа „партизирана“ прослава, со порака преку социјалните мрежи. Фото: Архива/Инстаграм и Фејсбук

По тешките животни искушенија и борби со болеста, Јордан Митев има убави вести: „Конечно да не огрее соннце“ (фото)

Слободанка Илиева — Mon, 31 Jul 2023 07:35:22 +0000

Популарниот фолк пејач Јордан Митев секогаш отворено зборува пред јавноста за она што му се случува на приватен план. Па така, ако пред две годинини не сокри за лошите искушенија кои му ги донесе животот како опасниот канцер, операцијата и дијајнозата за автоимуно заболување, денес нема зошто да го крие она убавото. Велат дека по дождот доаѓа сонце, па за Митев и неговото семејство со Бога напред, доаѓаат многу такви сончеви денови. Имено, по шест години брак, Јордан и неговата сопруга Славица ќе станат родители за првпат. Саканата на пејачот е во блажена состојба, а Јордан пресреќен откри дека е време за убави нешта.

View this post on Instagram

A post shared by Jordan Mitev (@jordanmitevofficial)

-После многу турбуленции и многу други приватни работи конечно очекуваме да не огрее сонце кое ќе донесе радост. Така да наскоро ќе бидам татко, тоа е убава вест“, вели Митев во интервју за Гламур. Со оптимистична мисла и посветеност на себе, Јордан Митев со помош на лекарите сега е задоволен од сопственото здравје, а со помислата дека наследник или наследничка се на пат, регенерацијата е неминовна. За потсетување, Јордан и Славица која е родена во Австралија се венчаа по врска која траеше нешто повеќе од една година, а големата свадба се случи во Македонија со сите обичаи кои ги носи нашата традиција. Нека е со лесно! фото:Инстаграм принскрин/Јордан Митев

Зорица, новото музичко име со љубовна балада за сите вљубени срца – „Јас и ти” (ВИДЕО)

Антонио Димитриевски — Sat, 07 May 2022 08:23:31 +0000

Овие денови во центарот на вниманието е едно ново име на нашата музичка сцена, едноставно потпишана како Зорица. Со оглед на тоа кој стои зад нејзината прва песна, имаме мотив да веруваме дека истата ќе стане хит кој можеби ќе изроди и други нови хитови во иднина. Станува збор за познатиот и надалеку популарниот автор и изведувач Јордан Митев кој не ги штедеше зборовите за новото име и песна насловена како „Јас и Ти“: „Зорица е ново име на македонската фолк сцена. Дали ќе продолжи посериозно да се занимава со фолк музиката тоа најверојатно ќе зависи од повеќе работи во иднина. Желбата да се направи нешто квалитетно беше голема и јас во рамките на нашите македонски технички и продукциски сили дадов се од себе. Таа е интересна личност и има специфична боја и интерпретација така што и посакувам многу среќа и успех понатаму. Рецепт и гаранција за успех нема бидејќи тоа зависи од многу фактори. Инаку, јас сум комплетен автор на песната ( музика, текст и аранжман) што ја насловив 'Јас и Ти'. Музички аудио продуцент е Љупчо Павловски, а аудио продукцијата и снимањето на песната беа направени во студиото 'Анастасија' во Скопје. Исто така и видеото се работеше под моја режија заедно со мојот тим, со кој што ги работам речиси сите мои видео записи. Главен оператор и технички реализатор на видеото е „By Zati”. За сите вљубени срца, за сите оние кои копнеат по топол збор од саканиот, за сите оние кои воздивнуваат во ритамот на љубовта… Проследете го и уживајте во вашиот, можеби омилен, музички хит на Зорица.

Јордан Митев со песна и оро посака – „Да се живи здрави младоженците” (ВИДЕО)

Антонио Димитриевски — Fri, 19 Nov 2021 07:00:05 +0000

Фолк пејачот Јордан Митев го промовира спотот за песната „Да се живи здрави младоженеците”, песна која ја сними и промовораше во 2019 година. „Планот да снимам и промовирам видеозапис за оваа песна беше пролонгиран поради турнеи, гостувања, потоа почна пандемија. Поради овие, но и други причини морав да паузирам со работата. Сега некако дојде вистинското време, се наместија коцките за конечно да го снимам видео и за оваа песна на која што сум и овој пат комплетен автор“ - вели Јордан Митев. Во спотот учествуваат играорци од ансамблот за фолклор „Гоце Делчев” од Битола со нивниот кореограф Бранко Жежовски-Жежо кој е еден од најнаградуваните кореографи во Македонија и надвор од Македонија со неговиот ансамбл. „Исто така во проектот се вклучени и дел од музичарите кои што ме придружуваат на моите настапи. Ние македонците сме народ со сопствена традиција, култура, фолклор, и сметам дека обврска, но и чест на секој македонски артист е тоа да го негува, претставува и надградува на најдобар можен начин“ - додава Митев. И овој пат видеото го работеше долгогодишниот соработник на Митев, Зати од Охрид со кој има снимено доста проекти.

Јордан Митев со трогателна животна приказна за последното испраќање во – „Татко“ (ВИДЕО)

Антонио Димитриевски — Mon, 05 Apr 2021 13:03:37 +0000

Македонскиот фолк пејач Јордан Митев ја промовира својата нова песна „Татко“, која како и сите останати е негово комплетно авторско дело. Токму фактот што самиот е креатор на целиот негов авторски репертоар, Митев го издвојува од останатите фолк пејачи како уникатен автор и изведувач на домашната естрада. Песната е снимена во студиото „Анастасија“, а музички приодуцент бил Љупчо Павловски. Песната е полна со искреност и емоции, бидејќи е создадена од вистинска приказна, од искушение низ кое што морал да помине еден син, кој неможел да присуствува на последното испраќање од овој свет на неговиот татко. За песната снимен е и видеоспот. Режијата и сценариото и овој пат се дело на авторот и пејач Митев, а техничката реализација и снимањето со постпродукцијата на видеото ги работеше неговиот долгогодишен соработник Зати. Видеото е снимено во познатиот скопски ресторан „Камин Кама“, а до крајот на април Митев најавува уште еден проект. https://www.youtube.com/watch?v=4HPQ-NjZfTI

Паричната помош од 14.500 денари на владата ја подели естрадата: За едни – „ситниш“, за други – „бакшиш“!

Антонио Димитриевски — Sat, 13 Jun 2020 08:15:59 +0000

Владата деновиве на седница донесе уредба со законска сила за финансиска поддршка на естрадата за време на вонредна состојба, за уредување на условите, начинот и постапката за доделување финансиска поддршка на естрадните уметници погодени од здравствено-економската криза предизвикана од коронавирусот, за месеците април и мај 2020 година. Предмет на финансиска поддршка е исплатата на финансиски средства за споменатите месеци во месечен нето-износ од 14.500 денари. За исполнување на критериумите за користење на оваа финансиската поддршка ќе одлучува посебна комисија во која ќе членуваат истакнати естрадни уметници. Тоа е она што Владата го понуди, а естрадните уметници ги подели... И тоа уште во старат, на се' уште недоделени пари! Имено, едни се изнасмејаа на уредбата, други категорички ја одбија доделената „цркавица“, за трети тоа е ситниш, но за некои ова му доаѓа како непланиран бакшиш! Како по обичај, муабетите веднаш тргнаа, социјалните мрежи зовреа, а естрадните уметници се поделија на два табора: оние што ќе ја прифатат паричната помош и оние кои нема да го сторат тоа, иако естрадата е речиси 4 месеци без работа и никакви приходи! Прв пример на оние кои се откажаа од „непристојниот владин предлог“ е фолк пејачот Јордан Митев, чиј личен став е следен: „Срамота и нехумано е вистински естраден уметник да бара 14.500 денари помош од државата! Тој што работел добро и домаќински во нашата каква – таква професионална естрада ќе може да ја преживее оваа криза, тој што не работел добро и домаќински и пред корона кризата бил во криза и по короната пак ќе биде во криза. Таквите естрадни уметници кои што преживуваат и кои што чекаат од државата 14.500денари можеби попаметно е да си фатат постабилна и сигурна работа, а естрадата да ја остават на оние кои што можат добро да пливаат во тие води. Така ќе ни се зголеми и квалитетот и цената“ - вели познатиот пејач и додава: „Секој пејач што држи до себе, што вреди, не му е дојдено до 14.500 денари. Ако им дошло до овие пари, навистина нека се вработат на друго место. Нека не се декларираат како естрадни уметници. Ги разбирам оние музичари што зависат само од свадбите, ним треба да им се помогне. Но, естраден уметник е нешто друго, повисока категорија и таа треба да биде заслужена и оправдана“ - додава пејачот. Од друга страна пак, прв од групата на оние естрадни уметници кои сметаат дека без оглед колкав е износот, парите од владината поддршка треба да се земат е младиот и се' попопуларен фолк пејач Спасен Сиљаноски. Но, не заради тоа што кој знае колку ќе ии помогнат или наполнат буџетот на естрадните уметници, туку заради нешто сосема друго. „Јас ќе ги земам тие 14.500 денари и не е важно каде ќе потрошам. Можеби ќе дадам на двете деца и сопругата. Односно дали ќе ги потрошам на семејство за леб и млеко или ќе ги испијам во кафеана или ќе ги донирам на некој што воопшто нема, тоа веќе е моја работа. Но, јас ќе ги земам зашто во минатото некои милионери и функционери, како што се Мира - Дизел, Силвана Бонева и ред други, земаа стотина илјади евра за патни трошоци, односно земаа околу 150.000, а сите знаеме дека нивните примања се огромни. Како што се огромни и нивните бенефиции, кои ги имаат благодарение на функцијата. Тука ќе ги споменам и фирмите кои располагаат со милионски капитал, како и ресторани, кои заработуваат илјадници евра месечно, а сепак, се обесштетени со енормно големи суми државни пари. Епа ако можт Мира -Дизел и Бонева, можам и јас“ - вели Спасен. И додека се подготвуваат списоците и листите на оние уметници од естрадата кои ќе се најдат на нив, останува прашањето дали тие пари се за нив само обичен „ситниш“, со оглед на тоа колку заработуваат во нормални услови или обичен бакшиш, кој добро ќе им дојде во овие околности? Се разбира, кој, како и според кои критериуми ќе се најде на листата за владини „субвенции“ и кој ќе ги прифати, а кој ќе ја одбие понудената државна помош, останува да анализираме и коментираме откако паричната помош за естрадните уметници ќе биде поделена!

Јордан Митев има – „Жена за сто години“ (АУДИО)

Антонио Димитриевски — Thu, 05 Mar 2020 13:13:24 +0000

Јордан Митев, ја промовира својата нова песна „Жена за 100 години“, која како и сите останати песни е комплетно авторско дело на самиот пејач. Токму фактот што самиот е креатор на целиот негов авторски репертоар, Митев го издвојува од останатите фолк пејачи на домашната естрада. За песната е најавено дека дополнително ќе се снима и видеоспот. Инаку, Митев оваа година заокружува и 15 години од опстојувањето на фолк сцената и по тој повод во втората половина од 2020 година планира да одржи и голем солистички концерт како и концерти во неколку градови низ Македонија. Освен најавата за јубилејните концерти, оваа година Јордан го завршува и студискиот албум кој поради јубилејот одлучи да биде финализиран токму во 2020-та. Во меѓувреме, треба да се појават уште четири нови песни кои ќе го заокружат албумот, а носечка песна на истиот ќе биде „Наздрави за љубов, наздрави за среќа“, песната која веќе стана омилена на многу генерации. И додека чекаме да видиме како изгледа, слушнете како звучи неговата „Жена за сто години“, чиј комплетен автор како што споменавме е самиот тој (музика, текст, аранжман), а истата е снимена во студиото „Анастасија“ во Скопје, а како музички продуцент е потпишан Љупчо Павловски:

Јордан Митев понесен од емоциите напиша песна за својот „Роден крај“ (ВИДЕО)

Антонио Димитриевски — Wed, 09 Oct 2019 10:17:28 +0000

По љубовната тема „За тебе“ за која Јордан Митев видеото го снимаше во Милано, пејачот го промовира спотот за неговата нова, овој пат родољубива песна насловена „Роден крај“. Пејачот и овој пат се јавува самиот како комплетен автор (музика, текст и аранжман), а видеото на кое сценарист и режисер е повторно самиот тој, е снимено на неколку локации низ Македонија. Митев вели дека големиот број ангажмани и гостувања надвор од родната Македонија, го инспирирале да ги прикаже убавините на својата земја, како и нејзината метропола, Скопје. „најубаво е кога сум дома, во својот роден крај, во својата Македонија“ - вели Митев кому чувствата му проработеле инспирирајќи го да ја напише песната и сними спотот. Но, работата си е работа, а Митев е многу баран, особено во дијаспората, кај нашите иселеници низ светот, па по медиумската промоција на видеото повторно замина надвор, овој пат на едномесечна турнеја низ Австралија. https://www.youtube.com/watch?v=XczJrvAapH8

Јордан Митев со милион бакнежи, песна и видео од Милано само – „За тебе“ (ВИДЕО)

Антонио Димитриевски — Thu, 19 Sep 2019 10:06:47 +0000

„За тебе“ е насловот на песната за која Јордан Митев промовира спот. Со овој видеозапис снимен во Милано, за песна која има помодерен фолк звук, нашиот пејач ги најавува и останатите новитети кои престојниов период следуваат кај него на музички план. Комплетен автор на песната ( музика, текст, аранжман) е самиот Митев, а музички продуцент е Љупчо Павловски и истата е снимена во студиото „Анастасија“. Видеото со живописната архитектура од центарот на Милано е изработено од охриѓанецот „Зати“ по идеја, сценарио и режија на самиот Јордан. „За песнава планирав неколку месеци наназад да снимам видео, но поради обврските, како што и најавив тогаш, решив тоа да почека до сега, кога еве и се случи промоцијата. Спотот го снимавме во Милано, бидејќи самата песна и нејзиниот помодерен звук го бараа тоа. Во неа се пее за љубовта, па затоа овој град беше идеална локација да се снимаат кадрите за спотот. Исто така време е да покажеме дека и нашата фолк сцена може да ги следи модерните трендови, доколку тоа некој знае добро да го направи и спакува“ - вели Митев. Јордан додава дека освен традиционалниот пристап кон фолклорот, професионалците треба да се позанимаваат и со нешто што е својствено за 2019-та година, за да повеќе се доближат до помладата публика. Дека престојната есен ќе биде богата на музички план за нашиот пејач, говори и најавата за најновата песна „Роден крај“, чија премиера ќе се случи за неколку дена, а повторно како автор се јавува самиот Митев. Во најава е и снимање на спот за истата, како и турнеја по Австралија која ќе трае месец и половина. Во меѓувреме, уживајте во кадрите од видеото „За тебе“ од Јордан Митев: https://www.youtube.com/watch?v=hOK1x8d7-Rc