јавна соба – Вистина.мк

„Чалгија саунд систем“ во сабота со концерт во „Јавна соба“

Антонио Димитриевски — Wed, 06 Mar 2024 08:31:04 +0000

Сабота, на 9 март во „Јавна соба“ во Скопје настапува бендот „Чалгија саунд систем.“ Саботните вечери посветени на жанрот светска музика во Јавна соба полека стануваат дел од регуларната скопска сцена и публиката се навикнува на оваа квалитетна музичка програма. „Чалгија саунд систем“ ги пренесува звуците на чалгијата и низ светот одржувајќи концерти во Турција, Грција, Србија, како и на еден од најголемите фестивали на музика на светот во Рудлштад, Германија каде што во 2022 година ја делеше сцената со најголемите ѕвезди на балканските и светските простори од ворлд и рокенрол фелата. World Music Saturday е мотото на фестивалот „Светско, а наше”, кој се одвива во Јавна Соба. Билетите можат да се купат на: drugastrana.mk.

Тони Китановски и ДЈ Гоце САФ со концерт во „Јавна соба“

Антонио Димитриевски — Wed, 29 Nov 2023 14:00:42 +0000

На 30 ноември 2023 година во „Јавна соба“, во 21 часот, ќе се одржи концертот на Тони Китановски и диџеј Гоце САФ, насловен како „Afro Gitano“. Овој проект е соработка помеѓу Китановски и Ерик Малу Малу од Киншаса, Конго, оригинална музика снимена на три континенти во пет земји (Конго, Канада, Франција, Австрија и Македонија). На композиторско ниво, Afro Gitano е симбиоза на македонската ромска музичка традиција и музиката на Африка (Конго и Западна Африка). Отворениот концепт овозмозува истражувања со други музички стилови, како овојпат со диџеј Гоце и хип хоп жанрот.

Театарска претстава „Животинска приказна“ во „Јавна соба“

Антонио Димитриевски — Mon, 22 May 2023 06:27:19 +0000

Претставата „Животинска приказна” во режија на Александар Јовановски, денеска, понеделник 22 мај 2023-та, премиерно ќе се одигра во „Јавна Соба“. „Животинска Приказна” е сублимација на „Домашен живот” и „Зоолошка приказна”, две дуо драми од Едвард Олби кои во својата беспрекорна корелација го доловуваат недостатокот на комуникација – главното нешто кое ги одвојува луѓето од животните. Претставата говори за удобноста во која луѓето запаѓаат дур го живеат својот живот, заборавајќи на необврзувачката задача да се биде човек во вистинска смисла… човек кој е обичен следбеник на животното. Иако блиски, ликовите во Животинска приказна, секој на свој начин се сосема оддалечени од животното во себе, губејќи ги основните пориви кои го движат моторот на животот или пак се нурнуваат во нив, давејќи се во длабочината и така сосема го забораваат вистинското животно во себе. Ликовите во претставата ги толкуваат актерите Никола Кузелов, Ања Митиќ и Виктор Велевски. Билети за претставата можат да се набават на: https://www.bileti.mk/e/zivotinskaprikazna.

„Girls Night“ – музички спектакл на четири млади актерки во „Јавна соба“

Антонио Димитриевски — Wed, 12 Apr 2023 12:05:09 +0000

Актерките Нина Елсезер, Ангела Стојановска, Надица Петрова и Бонита Стеви во четврток 13. април во 21 часот во „Јавна соба“ организираат невиден диско перформанс кој е фузија на мјузикал, стенд ап комедија и караоке, каде што публиката не престанува да игра, се смее и забавува. Младите актерки прават спој на театарска глума и музичко сценски настап преместувајќи го вешто тежиштето на забавата од театарски перформанс кон музичко забавен. При осмислување на проектот актерки си го поставија прашањето: Како девојки родени во 90-те би ја внеле скопската публика во Диско ерата на 70-те и 80-те?“ Актерки со своите извонредни перформанси успејаа многу вешто да го осмислат целиот двочасовeн програм со цел публика да заминe од „Јавна соба“ срeќна, весела и со желба за повторно видување. Со овој пионерски проект независните актерки истапуваат на слободниот пазар-јавноста, по моделот на „Broadway Theater”, каде успехот е гарантиран исклучиво доколку персормансот е прифатен од публиката и се бараат повеќе настапи. Ова е вистински рецепт за окрупнување на независната културна сцена, за кое многу институции говорат, а малку реализираат. Билетите за настанот се купуваат во „Јавна соба“. „Girls Night“ нуди незаборавна забава за сите љубители на добра музика и добар перформанс. Организаторите најавија „Треска на четврточната вечер“, ќе биде „многу, многу добро“ со зборовите на мајката кралица Дона Самер. Стилист на целиот проект е Сашка Павловска, а продукцијата е на „Јавна соба“.

Стендап комедија на Надица Петрова: „Не се курчи!” во „Јавна соба“

Антонио Димитриевски — Wed, 08 Mar 2023 13:46:14 +0000

Уште една стенд-ап комедија во месец март! На 22. овој месец ја имаме Надица Петрова со „Не се курчи!” во „Јавна соба“.

„Таа е една обична женска особа која уште од мали нозе ја учи најтешката животна лекција, лекцијата за курчењето. Иако знае дека не треба да се курчи, бидејќи искуството и покажало дека курчот секогаш резултира со заеб, таа ни кажува дека не е толку лесно човек да се излечи од навлеченоста на курчењето.“

На 22 март, вториот ден од пролетта или среда за среќно, со почеток во 21:00 часот. Сите во „Јавна соба“, оти таму таа вечер ќе биде најубаво“

Билетите се купуваат онлајн преку продажната мрежа на Златен заб, на линкот: https://rb.gy/znzp2m

Концерт на македонските кантавтори во „Јавна соба“

Антонио Димитриевски — Sun, 04 Dec 2022 10:21:23 +0000

На 6. декември, вторник од 20:30 ве покануваме заедно да уживаме во безвременските хитови и преубави стихови на петмина фантастични македонски музичари! На поткровјето во „Јавна Соба“ оваа вечер ќе настапуваат ЈАКОВ ДРЕНКОВСКИ, АЉОША СИМЈАНОВСКИ, ЏИНА ПАПАС- ЏОКСИ, ЖАКЛИНА СТЕВКОВСКА и АЛЕКСАНДАР СТЕФАНОВСКИ - ЈАБЛАН! Набавете си ги вашите билети навреме по цена од 500 денари.

И Хелена Роза се најде во „Јавна соба“… само приватна: Разголени еротски фотографии на профил со нејзиното име (ФОТО 18+)

Антонио Димитриевски — Fri, 19 Feb 2021 07:36:36 +0000

Поранешната македонска ТВ водителка Хелена Роза веќе неколку години заедно со своето семејство живее на Нов Зеланд. Иако оддамна ја нема на ТВ екраните како водител, таа е активна на социјалните мрежи, каде знае да објави по некоја скокотлива фотографија, како онаа од неодамна, кога Хелена покажа како ужива на плажа среде јануари со истурени гради во гро план, во бикини секако. https://arhiva.vistina.com.mk/radio-mileva/za-nea-nima-zima-helena-roza-gi-isturi-gradite-vo-prv-plan-na-plaza-vo-nov-zeland-foto/ Во меѓувреме социјалните мрежи експлодираа, откако на нив или поточно на Инстаграм профилот: helenaroza.private осамнаа разголени еротски фотографии ... До душа подзаматени, но во позадина се гледа голо женско тело како лежи, прави селфи или ги соблекува гаќичките... И додека едни со неверување се чудеа, други „забуљено“ се сладеа обидувајќи се „да го докажат“ идентитетот на личноста од голите фоотографии се огласи самата Хелена, која објасни дека и нејзе и се случило нешто слично, на она што кај нас беше познато како „Јавна соба“. Некогашната водителка на приказните од својот вистински Инстаграм профил: helena.roza сподели соопштение во кое појасни дека деновиве била мета на хакерски напад на несовесно лице, кое креирало лажен профил на Инстаграм со нејзиното име и разголени подзаматени фотки, а личноста од сликите е преставена како Хелена Роза. Водителката брзо реагираше дури од Нов Зеланд и ги замоли блиските, пријателите и следбениците да го пријават лажниот профил со експлицитните фотографии. Покрај веќе споменатата „Јавна соба“, ова не е прв пат јавни македонски и балкански личности да бидат мета на сајбер криминал со еротска содржина и злоупотреба на туѓ идентитет... Впрочем такви страници постојат и на најпознатата социјална мрежа - Фејсбук, но за тоа како се викаат страниците, која се' од познатите Македонки ги има таму и на какви фотографии... ќе читате деновиве во следниот напис на Вистина.ком.мк!

На ријалити учесничката Љуба Пантовиќ и се случи „Јавна соба“ на личниот профил: „Ќе ви ги објавам јавно и пораките и имињата“ (ФОТО)

Антонио Димитриевски — Wed, 03 Feb 2021 10:12:49 +0000

Бившата ријалити учесничка Љуба Пантовиќ најпрвин се пожали за перверзните пораки и непристојните предлози што ги добива на социјалните мрежи, а сега се чини дека реши да им одговори и возврати малку пожестоко. Во оваа прилика таа се огласи на Инстаграм, со порака во која се наведува дека јавно ќе ги објавува профилите на корисници и недоличните пораки што ги праќаат до неа. „Отсега па натаму, ќе објавувам профили и пораки на морони со сите нивни идиотизми и гнасотилаци што ми ги пишуваат... Говеда распаднати, барем извадете ги од профилот фотографиите на своите сопруги, свршеници, бремени жени, бебиња и деца...“ - им порача Љуба преку приказните на својот Инстаграм. Претходно, таа откри дека ангажирала адвокат за да стави крај на ова лудило, а потоа го додала следново: „Фактот што сми е заканувате во „Инбокс“ (и веројатно др*ате) нема да ви донесе ништо освен полицијата пред врата. Тоа што родителите ве злоставувале или другите деца ве плукале и ве тепале на училиште не е мој проблем, туку проблем на психијатриските институции... Јас со го*на не се занимавам, така што дуд*ај те го и поздрав од мојот адвокат“ - „културно“ им возврати видно изнервираната Љуба. Фото: Инстаграм принтскрин/ifbb_pro_ljuba_pantovic

„Чалгија саунд систем“ со концерт во „Јавна соба“

Антонио Димитриевски — Sat, 01 Feb 2020 13:05:20 +0000

На 15. февруари ќе имате можност да ги слушате „Чалгија Саунд Систем“ со концерт во живо во Јавна Соба. Тие ќе не потсетат на нашето звучно традиционално наследство, како и изворното поколение кое ќе го пренесат во посовремено време. Чалгија Саунд Систем кои ја негуваат македонската чалгиска музика ни доаѓаат во следниов состав: Добрила Грашеска – вокал Александра Кузман – виолина Бошко Мангаровски – канон Дориан Јовановиќ - ут Филип Крстевски - тарабука, дајре Не прошуштајте го овој бисер од нашата земја кој ќе ги изведува едни од најдобрите композиции на сите времиња! ВЛЕЗОТ ЗА КОНЦЕРТОТ Е СЛОБОДЕН! Направете си резервација на барска маса ма телефонскиот број: 078250554

„Васил Хаџиманов бенд“ на 12 октомври во „Јавна соба“

Антонио Димитриевски — Wed, 02 Oct 2019 12:14:40 +0000

На 12.октомври во Јавна Соба ве покануваме на концерт на џез составот Васил Хаџиманов Бенд од Белград.

Настапуваат:

Васил Хаџиманов - пијано Бојан Ивковиќ- перкусии, вокал Бранко Тријиќ- гитара Мирослав Товирац- бас гитара Предраг Милутиновиќ- тапани Бендот се оформува во 1995 година кога и за прв пат почнуваат да имаат настапи во живо. Во 2001 во соработка со PGP-RTS го издаваат своето прво ЦД и касета под наслов “11 reasons for…” . До денес имаат издадено седум авторски албуми; ”Kafanki”, “3-sega mu e majkata”, “Zivota mi”, “Can you dig it”, “Alive”, “Lines in sand”. Во нивната биографија гордо ја спомнуваат и соработката со познатиот режисер Горан Паскалевиќ и неговата филмска екипа, за изработка на документарен филм за Белград. Сите нивни изданија се прогласени за уметнички дела кои се од културно значење за Србија. Mузиката на Васил Хаџиманов се одликува со комбинирање на балкански традиционални фолк ритмови со модерни музички стилови, што ја прави потполно автентична и со единствен пристап во џезот. Дознајте зошто секој нивни концерт е незаборавно искуство!