јави – Вистина.мк

Експерт открива што да направите ако бившиот партнер ви се јави во текот на празниците: „Внимавајте!“

Христина Ѓоргиевска — Mon, 03 Jan 2022 13:15:25 +0000

Празниците се време на собирање и дружење и не е чудно да слушнете пријатели и роднини со кои долго време не сте се слушнале или виделе. Сепак, исто како и во филмовите на крајот на годината, секогаш има еден непоканет гостин кој, замислете, треба само да ви посака се најдобро од се срце. Се разбира, се работи за поранешен партнер кој има желба да ви ги честита празниците и да ве праша кои се вашите планови за следната година. Ако сте го надминале, тогаш неговата појава е излишна и иритирачка, но ако имате само трошка емоции кон нив, ќе започне лавина од долго заклучени емоции. Во овој момент се појавуваат бројни прашања; дали ова значи дека сè уште ме сака, дали навистина се грижи за мене, која е вистинската намера …? Експертот за врски и координатор на социјална мрежа за парови, Кејт Менсфилд, на оваа тема вели: – Кога луѓето се чувствуваат осамено, особено за време на празниците, испраќањето пораки на бившиот може да биде многу примамливо. Сепак, не треба да се изгуби од вид фактот дека прегледот на минатото често е покриено со „розови наочари“, а обично постои добра причина зошто врската пропаднала. Важно е да се запамети негативното, но и позитивното. Таа ве советува да одвоите малку време и да размислите дали навистина сакате да го вратите во вашиот живот поранешниот партнер кој ве повикал. Кејт наведува и дека има исклучоци и дека гледањето со бившите понекогаш може да донесе ново, убаво искуство. Сепак, таа вели дека одлуката за обновување на комуникацијата со поранешниот партнер треба да биде предизвикана од желбата за задоволство и задоволство, а не од осаменоста. „Понекогаш вреди да се даде на луѓето втора шанса, но мора да бидете многу внимателни кога станува збор за луѓе од минатото“, вели таа. Кејт додава дека е неопходно да бидете свесни за квалитетите кои ги барате кај партнерот, како и дали вашиот поранешен партнер ги поседува тие квалитети. – Искористете го празничниот период за да работите на визија за вашиот љубовен живот, а потоа споредете ја таа визија со односот што сте го имале со бившиот. Дали се совпаѓаат? Ако не, запомнете дека има многу луѓе кои наскоро ќе ги запознаете – изјави Менсфилд. извор: попара.мк

По сомнежите дека бил отруен од бившата сопруга, мисицата Кристина Димитриевска, пејачот Даниел Кајмакоски потврди дека е во болница: „Трет ден сум овде…“

Антонио Димитриевски — Mon, 19 Apr 2021 07:14:06 +0000

По веста која како бомба одекна во насловите и написите на одделни медиуми дека македонскиот Х- фактор победник и евровизиски претставник, Даниел Кајмакоски наводно „бил отруен“ од неговата бивша сопруга, мисицата Кристина Димитриевска, пејачот се јави од болница. Тој со кус статус на социјалните мрежи, поточно на еден од своите Фејсбук профили се огласи и обраќајќи им се на своите пријатели, фанови, јавноста и медиумите, напиша: „На сите мои пријатели и фанови, сакам да им се заблагодарам за грижата и поддршката. Трет ден сум во болница.Би ги замолил медиумите за разбирање, како и да не објавуваат непроверени информации. Да оставиме надлежните органи да си ја вршат својата работа согласно законот за расчистување на случајот“ - стои во јавното обраќање на Кајмакоски. Инаку, некои од македонските медиуми ја пренесоа веста дека Даниел Кајмакоски во петокот, на 17 април, 2021 г. бил примен во Клиничкиот центар „Мајка Тереза“ во Скопје откако почувствувал слабост. Тој се посомневал дека му се слошило од кафето кое му го дала поранешната сопруга, манекенката, модел и пејачка Кристина Димитриевска во кое се сомневал дека наводно му ставила некаква непозната опојна супстанца или дрога, како што објави А1он.мк. По нивната средба на Даниел му се слошило, по што тој завршил во болница. Кристина Димитриевска не била расположена за коментари, туку се повикала на својот адвокат кога се нејзините изјави за медиумите во прашање. До расчистувањето на случајот, да потсетиме дека по три години брак од кој го имаат синчето Давид кој неодамна наполни 4 години, во 2019 година Даниел и Кристина решија да се разведат. Навидум договорно, без голема медиумска помпа и без конкретни детали каде лежи проблемот на нивните брачни недораразбирања. Потоа секој тргна на своја страна, детето остана со мајката во Македонија, а Даниел се пресели во Белград каде беше дел од телевизиското шоу „Твоето лице звучи познато“, а настапуваше и по некои од елитните белградски ноќни клубови се до почетокот на коронапандемијата. Кристина пак, реши да ја обнови манекенската кариера, учествуваше на разни интернационални избори за мис од кои донесе и титули, се посвети на фотомоделството и инфлуенсерството, а се обиде да прави и музичка кариера снимајќи неколку песни, сама или во дует на македонски и српски јазик. Сепак, нивниот развод колку и да изгледаше „мирољубив“, од првиот момент беше јасно дека „нешто не штима“ и во постбрачните односи меѓу бившите сопружници. Димитриевска во неодамнешното интервју за ТВ магазинот „Бекстејџ“ ја откри причината зошто Даниел не присуствувал на последниот роденден на синот. „Јас во едно интервју изјавив дека јас сум мајка и татко на мојот син, така да сите ќе разберат што сакам да кажам со таа реченица“ - изјави мисицата од чии зборови може да се заклучи дека Даниел или не ја плаќа предвидената алиментација или не води доволно татковска грижа за својот наследник, без оглед што не живее во брачна заедница со мајката на детето. https://www.youtube.com/watch?v=3s48uHFM5Go&t=106s Инаку, медиумите забележаа дека Кајмакоски ниту на социјалните мрежи не упати честитка за роденденот на наследникот. Иако Даниел веќе некое време живее во Белград, тој изминатиов период престојувал во Македонија, а според објавените фотографии се прошетал и во Охрид, но не открил дали се видел со синот и дали поминале заедно некое време. Пејачот исто така не се огласи по овој повод, се' до последната случка по средбата со бившата сопруга и наводното труење, чија разврска допрва очекуваме да заврши како опасно кривично дело или обичен постбрачен циркуз?! Фото: Фејсбук принтскрин/Daniel Kajmakoski Видео: Јутјуб

Сопругата на Синан Сакиќ потресена: „Никој од неговите колеги не ми се јави“!

Христина Ѓоргиевска — Fri, 01 Jun 2018 08:30:50 +0000

Сабина Сакиќ, сопругата на починатиот Синан Сакиќ е потресена што утрово познатиот пејач го напуши овој свет. Таа низ солзи откри дека никој од неговите колеги не и се јавил. „Никој од колегите не ми се јави. Не знам зошто. Можеби затоа што не се јавувам на телефон, но навистина не знам зошто. Никој не ми понуди помош, изјави Сабина и додава: „Многу сум лута, бесна поради се што се случи. Ве молам, куќата ми е полна, тоа е се што можам да ви кажам, вели Сабина за „Блиц“.

Минатата година тој имаше операција на која му беа вградени стентови во жолчните канали, но лекарскиот конзилиум составен од еминентни лекари од неколку балкански земји констатирал дека тоа не е трајно решение и дека пејачот сепак ќе мора да оди на трансплантација на црниот дроб. фото: Фејсбук