јапонско јаболко – Вистина.мк

Штити од многу болести, а особено од една неизлечива – зошто е здраво да се јаде јапонско јаболко секој ден, еве за што помагаат и неговите листови

Слаѓана Атанасова — Thu, 15 Dec 2022 12:21:59 +0000

Јапонското јаболко е слатко есенско и зимско овошје, за кое стручњаците велат дека е пријател на имунитетот и помага во превенирањето на карциномот. Кај нас ова овошје сепак малку се конзумира. Јапонското јаболко најчесто расте во градините, како украсно растение. Уште е познато под името каки јаболко, кое потекнува од Азија, а може да се најде во Јапонија, Бурма и Кина. Во Европа, ова овошје пристигнало во 15 век, додека во денешно време се одгледува во топлите предели на планетата. Бојата на ова овошје може да варира, од светложолта, портокалова, до темноцрвена. За јапонското јаболко, може слободно да се каже дека е вистински извор на здравје. Јаболко полно со антиоксиданси Јапонското јаболко е полно со антиоксиданси, како витамините А, Ц, К. Антиоксидансите го штитат организмот од последиците на оксидативниот стрес. Ова помага во зајакнувањето на имунитетот и создавање на одбрана против многу болести. Последиците на оксидативниот стрес, често се поврзани со хронични заболувања, како срцеви болести и разни видови на карцином. Едно јапонско јаболко содржи 12,6 милиграми витамин Ц, што ја сочинува препорачливата дневна доза на внесување на овој витамин. Посакувано во диети Јапонското јаболко е богато со диетални влакна, кои се пресудни за добро функционирање на дигестивниот систем. Диеталните влакна го стимулираат варењето на храната и помагаат на цревата, да ги исфрлат штетните материи. Научниците велат дека содржината на јапонското јаболко, која се состои од диетални влакна, минерали и витамини, го прават овој плод посакуван во диеталните програми. Плод Плодот на јапонското јаболко може да се искористи на многу начини, меѓу кои и за лекување. Може да се користи како свеж плод или да се цеди сок од него. Доколку оставите едно излупено јапонско јаболко да одстои на отворено, во рок од 24 часа, тоа може да добие нови лековити својства. Плодот може да се искористи и за печење на ароматична ракија. Дури и листовите од јапонските јаболка можат да ви помогнат во зачувувањето на здравјето. Кога се работи за плодот на јапонското јаболко, најдобро е да ги избирате оние плодови кои се меки. Доколку се одлучите за тврд плод, оставете го неколку дена да созрее. Ќе биде доволно да го оставите на собна температура и за четири до пет дена тој ќе омекне и ќе биде идеален за користење.

Јапонското јаболко делотворно против стареењето

Слаѓана Атанасова — Thu, 17 Nov 2022 13:30:16 +0000

Дојде сезоната на јапонските јаболка, кои во светот се познати и под името „каки јаболка”. Ова овошје потекнува од Азија, па во Кина се користи како лековит плод веќе над 2.000 години. На овие простори, ова портокалово или црвено-кафеаво овошно дрво можеби не е толку познато, но плодовите не само што се слатко и вкусно задоволство, туку имаат и многу здравствени придобивки. Меѓу нив се делотворноста за здравјето на очите, спречување разни видови рак, подобрување на варењето, зајакнување на имунолошкиот систем, намалување на холестеролот, зајакнување на коските и намалување на крвниот притисок. Јапонските јаболка може да му помогнат на телото и за побрзо заздравување, во губењето тежина, при намалување на воспаленијата и за подобар крвоток. Тоа е богато со бројни витамини, особено со витамин А, бета-каротен, лутеин, ликопен и криптоксантин. Овие витамини се делотворни против брчки, старечки дамки, Алцхајмерова болест, замор, губење на видот, мускулна слабост и голем број други состојби на стареењето. Јапонските јаболка може да се јадат свежи, сушени, сурови или варени, што го менува вкусот, но битно е што се слатки и меки. Ако целосно созрее, мекиот дел од плодот се вади и со лажица. Една „каки“ јаболкница дава до 200 килограми плод.

Јапонско јаболко – еве зошто треба да го јадете !

Михаела Христова — Fri, 29 Nov 2019 13:15:22 +0000

Јапонското јаболко е слатко есенско-зимско овошје. Бојата може да му варира од светло жолта, преку портокалова до темно црвена. Јапонското јаболко е вистински извор на здравје. Еве зошто: Превенција од рак Јапонското јаболко е полно антиоксиданси како витамини „А“, „Ц“ и „К“. Антиоксидансите го штитат организмот од последиците на оксидативен стрес, што може да помогне во јакнење на имунитетот и одбрана од болести. Последиците од оксидативниот стрес често се поврзани со хронични заболувања, како срцеви болести и разни видови рак. Варење Јапонското јаболко е богато со диетални влакна кои се пресудни за добро функционирање на дигестивниот тракт. Диеталните влакна го стимулираат варењето и помагаат при проблеми со опстипација и поттикнување на цревата, што резултира со исфрлање на токсините од организмот. Добар вид Ова вкусно овошје, покрај витамините, е и одличен избор на зеаксантини. Овие антиоксиданси, кои често се нарекуваат „витамини за очи“ ги штитат очите од заболувања кои се карактеристични за постарите личности, како катаракта и макуларна дегенерација, немалувајќи ги ефектите од оксидативниот стрес. Здраво срце Неодамна направено истражување покажало дека јапонското јаболко содржи високо ниво на диетални влакна, минерали и феноли, кои се од пресудна важност во борбата против атеросклерозата (главна причина за срцеви болести). Научниците тврдат дека високата содржина од диетални влакна, феноли и минерали го прават јапонското јаболко многу пожелно во антиатеросклеротичните диети. Добар имунитет Еден плод јапонско јаболко содржи 12,6 мг.витамин „Ц“, што е 21% од препорачливниот дневен внес на овој витамин. Со тоа, ова овошје го јакне имунитетот и го штити организмот од слободните радикали. Слабеење Јапонските јаболки се одличен извор на диетални влакна, со оглед на тоа што содржат 6 грама влакна во еден плод (24% од препорачаниот дневен внес). Диеталните влакна се клучни за слабеење бидејќи го забруваат метаболизмот и го намалуваат апетитот.

Природен лек за превенција од многу болести, а периодов го има во изобилие

Ивана Стојанова — Mon, 26 Nov 2018 13:20:19 +0000

Јапонското јаболко е најубаво во зимските денови. Тогаш неговите листови опаѓаат, па на голите гранки остануваат портокаловите плодови. Посебно интересен е податокот дека на некои дрва, јапонските јаболка достигнуваат тежина и по 400 грама. Тоа што е најважно е дека ова јаболко е богато со витамин Ц, и со тоа овие плодови се одлични за јакнење на имунитетот и подобрување на општата состојба на организмот. Освен витамин Ц, тоа е богато и со билни влакна па помага и во намалување на нивото на холестерол и регулирање на варењето. Тоа исто така изобилува и со фруктоза, па се препорачува за оние кои имаат високо ниво на шеќер во крвта. Флавоноидите кои ги содржи го прават овој плод одличен за превенција на кардиоваскуларни заболувања. Тие исто така го штитат и нашето тело од влијанието на слободните радикали. Во источната медицина, јапонските јаболки се користат како помош во лечењето на воспаленијата на цревата, хемороидите, болестите поврзани со желудникот, жолчката и црниот дроб. Исто така, се користи и како лаксатив, а е познато и по своите антибактериски и антибиотски својства.