јапонки – Вистина.мк

Техника 4-2-4: Зошто Јапонките го мијат лицето 10 минути?

Слободанка Илиева — Tue, 04 May 2021 12:40:15 +0000

Азијатките важат за едни од најнегуваните жени. Некои веруваат дека тоа е поради нивниот стил на живот, други поради генетиката и поднебјето, а трети пак веруваат дека е благодарение на нивните техники за нега. На оваа тема наидовме на интересен текст кој вели дека Јапонките користат техника на чистење лице 4-2-4, со која го одржуваат лицето беспрекорно чисто. Бројките се однесуваат на времетраењето на миењето на лицето, поделено на делови. А еве и од што се состои таа техника и зошто е така поделена: Прв дел: 4 минути - етерично масло Лицето се масира четири минути со етерично масло, со што се подобрува циркулацијата, а исто така маслото помага при омекнувањето на горниот слој на кожата. Клучно е да се одбере маслото кое најдобро ќе ви одговара. Меѓу подобрите за оваа намена се маслото од јојоба, како и маслото од рицинус. Втор дел: 2 минути - чистење После масажата, нанесте малку од млекото за чистење на лицето. Подобро е отколку да користите гел, бидејќи гелот може да ја исуши кожата. Со нежни движења на прстите, нанесете го млекото за чистење, нека убаво се впие во кожата на лицето. Трет дел: 4 минути - миење Убаво измијте го лицето со топла вода, околу две минути, а потоа уште две со студена вода. Топлата вода ќе ви помогне да го измиете вишокот масло од кожата, додека пак студената ќе ви помогне да се спречи ширењето на капиларите. Како пренесува „Брајт сајд“, оваа техника на чистење се применува само навечер и доволно е до четири пати неделно. Со оглед на тоа дека не е ништо комплицирано, нема причина зошто при крајот на денот да не одвоиме 10 минути за да го подобриме изгледот и здравјето на лицето. извор:точка.ком.мк

Нов бизарен тренд кај Јапонките – потребен е пијалак и големи гради (фото)

Слободанка Илиева — Thu, 20 Jun 2019 11:45:54 +0000

На некои девојки изгледа никогаш не им здодевно. Се сеќавате ли на трендот кој започнал на Инстаграм кога девојките се фотографирале како држат пенкало под полуголите гради? Сега е смислен и нов тренд - а за овој предизвик ви се потребни пијалак во пластична чаша со капак и цевка. Целта е, додека го пиете пијалакот, да не го држите со рака, туку со градите. Трендот започнал во Јапонија, а станал популарен откако една манекенка објавила видео снимка на која пие низ цевка, додека чашата и стои меѓу градите.

фото:инстаграм извор:точка.ком.мк

4-те тајни за витката фигура на Јапонките

Моника Манасиевска — Mon, 25 Feb 2019 12:45:34 +0000

Јапонките се едни од жените со најфина и најубава силуета на светот. Ова се должи на фактот дека тие ги почитуваат неколку сосема едноставни трикови за нивната слаба фигура. И не, не е сè само до гените … 1. Внимаваат на топлината на телото. Затопленото тело има побрз метаболизам, а побрзиот метаболизам води до слаба силуета. 2. Не го напрегнуваат телото но извршуваат нормална физичка активност, без оптоварувања, секој ден. Во константноста и хармонијата е клучот за слабата и убава фигура. 3. Пиењето на течности за време на оброк е строго забрането. Ако ви се пие вода, испијте една чаша половина час пред јадењето или половина час по јадењето. Конзумирањето на храна и пијалаци истовремено го отекува стомакот и е бескрајно нездраво така што доведува до дебелеење. 4. Топлата када го продолжува животот. Јапонките знаат колку е важно за една жена да останува сама со себе, да се опушти и релаксира. А што има попријатно од када во домашни услови?

Зошто Јапонките не се дебелеат и не стареат?

Христина Ѓоргиевска — Tue, 16 Oct 2018 16:12:59 +0000

Постојат податоци кои велат дека во последните 25 години, Јапонките го држат светскиот рекорд за долговечност, а во просек живеат по 84 години. И не се здебелуваат.

Тајните за долгиот живот и витката линија ја открива јапонската писателка Наоми Моријама. Таа во книгата што го носи називот „Japanese Women Don't Get Old or Fat“ споделува на што се базира нивната храна, која како вели, е лесно достапна и за другите, само не ја применуваме на истиот начин. Риба, алги, овошје, соја, ориз, зеленчук и зелен чај се основата на нивната прехрана. „Освен што се здрави, овие намирници имаат и анти-ејџ ефект, што придонесува Јапонките дури и во зрелите години да изгледаат младолико“, вели писателката.

А еве и 5 совети што можеме да почнеме да ги применуваме уште од утре. 1. Жените во Јапонија секогаш јадат оброци приготвени дома, кои најчесто се состојат од потпечена риба (или риба на скара), една чинија ориз, варен зеленчук, супа, зелен чај и овошје. Јапонките консумираат дури 10 проценти од севкупната конзумација на риба во светски рамки, а сочинуваат само 2 процента од светската популација. 2. Храната лесно се вари или пече, а лебот го менуваат со ориз. Вообичаен јапонски доручек ги има следниве намирници: риба, ориз, тофу, алги, супа, млад лук, омлет и зелен чај, сè во мали порции. Оризот го јадат во секој оброк и тоа е најголемата разлика помеѓу начинот на исхрана и живот на Истокот и Западот. Пробајте го азискиот начин, килограмите и целулитот ќе се топат без гладување. 3. Слатките десерти без кои ние не би можеле, во јапонската кујна се вистинска реткост. Дури и кога се јадат, се работи за мали количества. Јапонките секако сакаат чоколадо и колачи, но едноставно свесни се за последиците и штетата што ја носат благите со себе, па едноставно успеваат да одолеат.

4.Јапонците децата од најмала возраст ги учат да јадат полека и да го ценат секој залак. Токму поради тоа, тие никогаш не ги полнат чиниите до врв, не сервираат големи порции, а секој вид храна се послужува одделно. 5. Вежбите се дел од дневните рутини на Јапонките. Генерално, Јапонците имаат изградено цела култура на возење велосипед, пешачење и одење. Овие достапни работи и рутини не се нешто што не го знаеме, но сепак изгледа не сме доволно мотивирани да почнеме посериозно да ги применуваме. извор: точка.мк