јапонија – Вистина.мк

Само за вакцинирани: Попуст за венчавки во Јапонија

Riste Zdravkov — Wed, 11 Aug 2021 12:54:24 +0000

Рестораните, хотелите, па дури и местата за венчавки почнаа да нудат попусти за клиентите кои се целосно вакцинирани против коронавирусот, во обид да ја рестартираат економијата по пандемијата. „Сакам да се вратам во претпандемиските денови што е можно поскоро“, рече Тошијуки Фуџимура, 54-годишен заменик директор на ресторанот за скара Yakiniku во Нагоја, централна Јапонија, кој дава до 3.000 јени (27 долари) попуст за клиенти кои ќе покажат доказ за вакцинација. Туристичката асоцијација Fujikawaguchika, место во префектурата Јаманаши во близина на планината Фуџи, исто така, започна да нуди попусти на 30 од своите продажни места за целосно вакцинирани лица. Понудата вклучува 10 проценти попуст на даноци, како и трошоци за храна и пијалоци. „Нашата цел е да охрабриме што е можно повеќе луѓе да ги напуштат своите домови и да се вакцинираат“, рече член на персоналот на објектот. Во меѓувреме, градината Kobayashiro, место за венчавки во префектурата Ниигата, започна програма за враќање на парите, според која брачните парови можат да добијат 3.000 јени за секој поединечен гостин кој е вакциниран, пишува јапонската новинска агенција Kyodo.

Брачните парови во Јапонија не спијат заедно, а еве зошто!

Христина Ѓоргиевска — Thu, 30 Jul 2020 12:30:03 +0000

Без оглед колку е мал нивниот стан, ништо нема да ги спречи брачните двојки во Јапонија да спијат барем во одделни кревети, ако не и соби. Сепак, тоа не е знак дека тие имаат проблем во нивниот брак, туку нешто за што веруваат дека им прави добро на многу начини. Еве зошто во Јапонија маж и жена не спијат заедно:

Различно време на будење и спиење

Ова е прво нешто што ги тера Јапонците да бараат одвоени соби, или барем кревети. Будењето на другата половина само затоа што мора да станете рано или да се вратите доцна, едноставно не треба да влијае на партнерот. Јапонците знаат колку е добар спиењето за физичкото и менталното здравје и прават сé за да го зачуваат.

Бебињата спијат со своите мајки

Мајките во Јапонија спијат со своите деца и ова се смета за многу важно, бидејќи се верува дека оваа навика го спречува ризикот од ненадејна смрт кај новороденчињата и му помага на детето да има стабилен срцев ритам. Таткото треба да одлучи сам дали ќе спие со нив или ќе се пресели во друга просторија, но не смее негативно да влијае врз сонот на мајката и бебето.

За Јапонците, посебен сон значи мир

И додека остатокот од светот на спиењето во различни простории претежно гледа како на иден развод, Јапонците размислуваат сосема поинаку. Тие едноставно многу го ценат квалитетот на спиењето, и нема да дозволат ништо да ги вознемирува. Јапонците не сакаат да бидат разбудени од претераното хрчење на партнерот, вртењето, удирањето во сон… И другиот апсолутно го разбира тоа. извор: кумановскимуабети

Мачка во Јапонија спаси човек паднат во канал

Слободанка Илиева — Wed, 01 Jul 2020 11:55:15 +0000

Во јапонскиот град Тоиома, мажот пропаднал во канал, односно се повредил полесно но, неговата несреќа не би била толку необична да не му помогнала мачка, јавуваат јапонските медиуми. Имено, една мачка упорно гледала во каналот за наводнување во кој паднал мажот, па така заинтересираните граѓани застанале да проверат што се случува. Тогаш во каналот гледале тело на маж кое не се поместувало, па го извлекле. Мажот поминал со полесни повреди и гребнатинки, а мачката за тој потфат е наградена со пофалница која и е врачена од властите на градот, извор:курир.мк

Јапонија воведува задолжително спиење на работното место

Христина Ѓоргиевска — Mon, 20 Jan 2020 13:45:30 +0000

Јапонските работодавачи воведоа задолжително спиење на работното место, и тоа ќе биде дел од нивните работни обврски. Тоа не значи дека ќе можат на некое време да ги „затворат очите“, туку ќе добијат соба за спиење. И за тоа компаниите имаат вистинско оправдување. Според анализите кои ги направиле, јапонските компании годишно губат дури 138 милијарди долари поради недоволното спиење на работниците. Компаниите до Министерството за здравство доставија предлог-закон во кој се предвидува на работниците да им се дозволи да спијат барем половина час за време на работниот ден. Неколку ИКТ компании веднаш го прифатија овој тренд. извор: Курир.мк

Џина Папас Џокси со емотивна порака што ќе ве наежи, замисли и расплаче и ја честиташе магистратурата на својата ќерка (ФОТО)

Антонио Димитриевски — Sat, 30 Mar 2019 10:09:43 +0000

Нема нормален човек, не постои родител кој не му посакува се' најдобро на своето дете во животот. Кога се родителите и децата во прашање пак, велат момчињата се повеќе приврзани кон мајките, додека девојчињата кон татковците. Ова не е пишано правило, но во најчест случај е така. Како и да е, двајцата ародители се подеднакво горди и среќни, подеднакво се радуваат на секој успех на нивното дете. Особено, ако тоа не е обичен успех туку, нешто што не е така лесно да се достигне. Образованието е еден од тие сегменти, а моментот на неговото завршување или надоградба се оние нешта кога во душата на родителот се случува експлозија од радост, екстаза од задоволство, среќа и гордост проследена со мислата: „Да, тоа е моето дете“!

Токму понесен едно такво случување, познатиот македонски кантавтор и пејач Џина Папас - Џокси (Ѓорѓе Васиќ), авторот и изведувач на легендарната песна „На Велигден“ со емотивен статус на својот Фејсбук профил и ја честиташе магистратурата на својата ќерка Ева. Порака што секој родител ќе ја разбере.

Имено, младата Ева Васиќ - ќерката на Џокси е една од ретките Македонки која најпрвин дипломираше Меѓународен проект менаџмент, а потоа и магистрираше на Универзитетот Кјото во Јапонија, кој е рангиран на самиот врв на јапонската универзитетска листа.

Моментот на среќа гордиот татко Џокси не можеше да не го сподели со јавноста, преку отворено обраќање кон својата ќерка. Неговите зборови ја кријат сета животна мудрост на еден совесен и стабилен родител. Зборови од кои ќе се наежите, замислите, а некому можеби и ќе му се насолзат очите.

„Ќерко, сега кога магистрира ред е да почнеш да го живееш животот. Мајка ти те научи букви и бројки, јас те запознав со нотите, а тоа се неговите три основни елементи. Буквите, преку кои ја доби својата писменост, ти овозможуваат да комуницираш со луѓето, да го разбереш нивниот збор и со иста јачина да им се спротивставиш. Бројките ти овозможуваат да ја пресметаш тежината на животот. Ќе вадиш корења за да преживееш, но плодовите секогаш доаѓаат на добро пресметаното време. Музиката е таа која треба да ги спои овие елементи и во хармонија да ти го олеснат патот кон успехот.

Патот, и самата знаеш, не е постела од пердуви, опак е. Ако не знаеш да пресметаш (бројки) по која рута да се движиш, ако не можеш да разбереш (букви) што се бара од тебе, тогаш застани, одмори, слушни ја музиката (ноти), опушти се, и ... ќе ти текне, за сѐ има решение. И не брзај да докторираш, има време. И не брзај да се враќаш, пак има време. П.С. Ти текнува кога ја бранеше дипломската? Професорот ме виде пред да ме претставиш и на глас кажа: - Оооо, па ти си викнала и музика да прославиме! Се стаписа кога разбра кој сум. - Четири години не си ни кажала кој ти е татко?! - Професоре тука јас ја бранам дипломската, а не татко ми! Тоа само ја покажува твојата големина што си се изборила сама за своите ставови и успеси, ја покажува твојата перцепција на животот и работите околу себе. Ти честитам на успехот што денеска ме направи да се чувствувам возвишено. Што и да ти треба, кај и да си, тука сум. Те сакам!“

Уникатниот артист на современиот техно звук – единствената HITO во Скопје!

Антонио Димитриевски — Thu, 22 Feb 2018 12:22:31 +0000

SUN Production ви го најавува гостувањето на една од најквалитетните и уникатни артисти на современиот техно звук, девојката која потекнува од Јапонија, а живее и работи во Берлин, директно од екипата на RICHIE HAWTIN, резидент дј на ENTER.Sake / ENTER, единствената и неповторлива HITO.

Домашна поддршка: ANGELA BOBI Најдобриот Line Array Sound System, најдоброто светло големо ЛАСЕР шоу, лед скринови, CO2 Jets, специјален денс перформанс и многу повеќе... Сабота 24 февруари ВИП АРЕНА БОРИС ТРАЈКОВСКИ (мала сала) Старт: 23:00 Влезници во претпродажба во ПОЛА ЈУГОТОН и купи карти за се дистрибутивната мрежа.Специјална промотивна цена за првите 500 купени влезници. Можност за резервација на висока маса: (резервациите се во строго ограничен број) Информации и резервации: 075 975 488

ХОРОР кој сама го признала: Забетонирала четири свои новородени бебиња

Слободанка Илиева — Wed, 22 Nov 2017 12:18:20 +0000

Страшна приказна на четирикратно чедоморство доаѓа од Јапонија. Мајуми Саито (53) призна дека пред 20 години ги убила своите четири новородени деца. Како што рече, децата ги фрлала во канти со бетон. На шокираните полицајци им признала дека сето време поради тоа ја гризело совест, и дека на крајот решила да го признае ужасното злосторство.

Таа кантите со труповите ги држела во станот, каде полицајците ги пронајдоа остатоците од телата. Според наводите на полицијата, Саито бебињата ги ставала во бетон во периодот меѓу 1992 и 1997 година, зошто била сиромашна и не можела да ги издржува. Иако Јапонија е трета економска сила во светот и важи како економски силна и напредна држава, се уште се бори со сиромаштијата која е голем проблем за таа држава, посебно за жените.

Чедоморката изјави во полиција дека немала кому да му се обрати за помош. Во Јапонија нема поддршка од општеството кога е во прашање подигнувањето на децата, како што се пониски цени во детските градинки кои би им овозможиле на жените да работат додека имаат мали деца. извор:сител.мк