Што е Јапанди стил? Во 2022 година ќе биде водечки тренд во уредување на ентериерот – еве како да го постигнете тоа

Христина Ѓоргиевска — Fri, 17 Dec 2021 13:45:06 +0000

Еден од главните трендови во ентериерот во 2022 година ќе биде популарниот Јапанди дизајн. Јапанди стилот е скандинавско-јапонска мешавина за дизајн на ентериерот. Многу е минималистички, внесува природни елементи во просторот, со природна светлина, растенија и чисти и едноставни линии. На прв поглед Јапонија и Скандинавија немаат многу заеднички работи, но кога станува збор за елементите во дизајнот тие се исклучително слични. Естетиката се фокусира на едноставност, природни елементи и удобност.

Кои се елементите на Јапанди?

Јапанди дизајнот се фокусира на минималистички дизајн кој естетски е удобен, но и многу функционален. Стилот се одликува со акцент на квалитетните и рачно изработени парчиња, исто така ќе видите многу неутрални бои и еколошка естетика. Како да постигнете Јапанди стил во ентериерот?

Едноставност

Постојат неколку едноставни начини да се постигне Јапанди изглед. Почнете со чистење на просторот, задржете ги само оние предмети кои служат за функционалност во просторот. Минимализмот е клучен, доволно слободен простор во просторијата е секогаш добредојден.

Отворен простор

Големиот отворен простор кој го доживувате како проток на природна светлина е неопходен за постигнување на Јапанди стил. Еден од начините да го добиете овој изглед е користење на низок мебел.

Квалитет над квантитет

Помалку е повеќе во домот во Јапанди стил. При избор на додатоци и мебел се предложува ограничен избор на функционални парчиња.

Неутрална палета на бои

Бирајте топли, неутрални бои кога станува збор за Јапанди естетиката. Беж, крем и камени бои се одличен и најдобар избор. извор: кармин.точка.мк

Уредете го домот во јапанди стил: Ова е моментално најпопуларниот тренд во уредување на ентериерот

Слободанка Илиева — Mon, 08 Mar 2021 15:00:09 +0000

Судејќи по зборовите на дизајнерите на ентериер, стилот јапанди ќе биде многу популарен во уредувањето во 2021 година, а станува збор за стил кој ги спојува јапонскиот дизајн и скандинавскиот минимализам. Иако овој стил не е сосема нов, тој ќе доживее вистинска експанзија оваа година. Основниот акцент кај овој стил е ставен на функционалниот мебел, минимализмот, природните материјали, едноставните линии и неутралните бои. Целата идеја е да се формира простор во кој ќе се чувствуваме пријатно и удобно. Поентата е да се водите според правилото „помалку е повеќе“, а тоа значи да изберете неколку впечатливи детали, додека преостанатите треба да бидат едноставни.

View this post on Instagram

A post shared by Japandi (@japandi.living)

Најчестиот избор, кога станува збор за овој тренд, се беж и белата боја. Уметничките дела, исто така се фантастичен начин како да се оживее овој тренд. Побарајте неутрални и апстрактни слики за да го надополните просторот. Овој тренд е насочен кон пронаоѓање убавина во несовршеностите, како детали од необработено дрво или рачно нацртани детали. Ако сето ова ве заинтригира и сакате да внесете промени во домот, погледнете ги фотографиите во продолжение и пронајдете инспирација:

View this post on Instagram

A post shared by Japandi (@japandi_design)

извор:точка.ком.мк

јапанди стил – Вистина.мк