Ги освои сите шест гласа од жирито: Дамјан Димевески воодушеви со „Јано мори“ во „Ѕвездите на Гранд“

Христина Ѓоргиевска — Mon, 31 Jan 2022 08:17:42 +0000

Во последната емисија на регионалното музичко шоу „Ѕвездите на Гранд“ настапуваа неколку македонски кандидати, но најголем впечаток остави Дамјан Димевски од Скопје. Дамјан се претстави со песните „Јано мори“ и „Никој како тебе не бакнува“. Дамјан настапуваше во дуел со Ања Михајловиќ. За време на првата интерпретација, Дамјан на сцената на „Гранд“ се појави во традиционална носија, а веднаш од почетокот на пеењето доби глас од Драган Стојковиќ Босанац и Снежана Ѓуришиќ. По завршувањето на неговиот настап, Дамјан доби вкупно шест гласа и помина директно во следниот круг на музичкото шоу. За време на втората изведба на песната „Никој како тебе не бакнува“, Македонецот ја покани неговата противкандидатка Ања, па заедно заиграа на сцената. Жирито имаше пофални зборови за нашиот младиот скопјанец. -Прекрасен настап кога станува збор за првата песна. Те молам продолжи со македонскиот мелос бидејќи ти си потполен бисер во тоа и секоја ти чест, изјави Ѓорѓе Давид. Марија Шерифовиќ истакна дека македонскиот кандидат бил многу подобар од Ања. -Сите пофалби за кандидатот 1 за првата песна. Тоа е нешто божанствено, тоа не го може секој, изјави Снежана Ѓуришиќ. Целиот настап на македонскиот кандидат погледнете го видеото подолу на 2:53:48. фото: принтскрин јутуб/звезде гранда/инстаграм/damjan.dimevski

Eye Cue – „Јано мори“ или „Tell me baby“? (ВИДЕО)

Антонио Димитриевски — Tue, 05 Nov 2019 12:56:57 +0000

Бојан Трајковски и Марија Ивановска од дуото „Ај Кју“, по евровизискиот настап и сите песни потоа, на почетокот на октомври 2019 месец одлучија да ја изненадат македонската јавност со едно уникатно музичко остварување, преработувајќи ја познатата македонска народна песна „Јано мори“. Реакциите беа поделени, иако критиките за верзијата која ја направиле беа воглавном позитивни. Едни тврдеа дека во културното музичко наследство како и да интервенираш, можеш само да го расипеш, додека други ја фалеа инвентивноста и новото аранжманско решение на верзијата на „Ај Кју“, како и експресивната вокална изведба на пејачката. Еден месец подоцна, дуото ја сподели со јавноста и англиската верзија на песната, насловена како „Tell me baby“. Причина повеќе за ваквиот потег е фактот што Бојан и Марија последнава година-година и пол се повеќе надвор отколку во Македонија, активно настапувајќи низ Европа и Австралија, а и поголемиот дел од 2019 година го поминаа во Лондон, работејќи на нов материјал. Англиската верзија веројатно заради јазикот звучи некако „повозбудливо и посвежо“, а во неа точно и одмерено е најдена дозата на спој на македонската традиција со модерните музички жанрови на изразување. Можеби затоа со неа и „Ај Кју“ ќе имаат некакви шанси да се допаднат на пребирливата европска и особено англиска публика. Како и да е, времето пред нас ќе покаже дали ваквата „музичка алхемија“ може да предизвика „емоционална хемија“ кај европските музички мконзументи на кои музичкиот избор од целиот свет им е од една страна на дланка. И за оваа верзија е снимено видео по истиот принцип, режирано и реализирано од истиот автор, Кристијан Шемко. Ние уште еднаш ви ги нудиме на преслушување и прегледување обете верзии, а вие самите одлучите: „Јано мори“ или „Tell me baby“ - вие кажете?! https://www.youtube.com/watch?v=cgq_Gi8yWe4 https://www.youtube.com/watch?v=Xvp5UJ4tvoc

јано мори – Вистина.мк

Ги освои сите шест гласа од жирито: Дамјан Димевески воодушеви со „Јано мори“ во „Ѕвездите на Гранд“

Eye Cue – „Јано мори“ или „Tell me baby“? (ВИДЕО)