Јане Рафаиловски со маестрална инструментална верзија на „Јано мори севдалино“ (ВИДЕО)

Антонио Димитриевски — Wed, 13 Jan 2021 12:13:14 +0000

За него велат дека е човек кој живее од и за музиката, а неговите дела само го потврдуваат тоа. Во новата година, еден од нашите најдобри и најценети саксофонисти,јкларинетисти и воопшто музичари, Јане Рафаиловски, влегува со проект, кој повторно ги растрепери срцата на сите љубители на она што се нарекува македонска музика. Имено, Рафаиловски, инспириран од прекрасната хармонија што ја има во песната, создаде инструментална верзија на една од нашите најубави народни песни - „Јано мори севдалино“. Освен што песната е вистинска исприрација, но и предизвик за еден музичар, самата хармонија во неа, се совпаѓа и со материјалот кој го подготвувам за целиот мој албум. Имам доста планови оваа година. Короната можеби успеа да ја успори нашата работа, но желбата за творење и негување на она што се нарекува македонска музика и традиција, отсекогаш ќе тлее во нас, вели Рафаиловски. Аранжманот за овој проект го работеше Дамир Имери, додека видеото, каде како главна улога се појавува Еми Андонова, е изработка на Даниел Јовески. Снимено е на повеќе локации во Скопје и Охрид. Проследете ја оваа волшебна изведба на кларинетот на Јане Рафаиловски и доживејте ја магијата на македонскиот изворен фолклор во неговата верзија на „Јано мори севдалино“. https://www.youtube.com/watch?v=SPeFMOcg4zo

Јане Рафаиловски со „Сеќавања“ на својот татко (ВИДЕО)

Антонио Димитриевски — Mon, 17 Jun 2019 11:02:33 +0000

Еден од нашите најпознати саксофонисти и музичари, Јане Рафаиловски, со неговиот последен проект насловен „Сеќавања“, посветен на неговиот татко, успеа искрено да допре до срцето на сите вљубеници во она што се нарекува македонска убавина, музика, традиција, култура и љубов кон својата земја. Уште при првото слушање и гледање не можат да се контролираат емоциите, коментираат оние кои досега го погледнале видеото и го слушнале овој инстументал.

Со преубави пејзажи од Галичник, Бигорскиот Манастир, езерото Козјак и одличната глума на наши млади актери, под режисерката палка на Мето Јовановски, во видеото се прави еден премин од традицијата во 50-тите години во денешно време, а сето тоа преку обичаи го доловуваат актерите и студенти на самиот Јовановски: Андреј Серафимовски, Цветанка Вељковска, Сандра Темова, Сања Балшиќевска, Ангела Николова, Марија Панзова, Ирена Јакимовска, Димитриа Марковски.

Музиката за ремек делото „Сеќавања“ е на самиот Јане, аранжманот на Дамир Имери, гитарата ја отсвири Петар Ренџов, додека пак видеото го изработи тимот на „Арт Продукција“ и Дејан Георгиев. Ова е нешто поразлично од Рафаиловски, односно по проектот „Зајди зајди“ минатата година, овој пат ја изненади музичката јавност и публиката со еден вид на филмска музика, тема која заслужи и вакво емотивно и извонредно видео. https://www.youtube.com/watch?time_continue=4&v=j3WOD0IFhQ8

Јане Рафаиловски – Вистина.мк

Јане Рафаиловски со маестрална инструментална верзија на „Јано мори севдалино“ (ВИДЕО)

Јане Рафаиловски со „Сеќавања“ на својот татко (ВИДЕО)