јана – Вистина.мк

Даниела Темелковска стана баба: Македонската фолкерка пресреќна, го доби своето прво внуче (ФОТО)

Антонио Димитриевски — Thu, 05 Jan 2023 08:15:52 +0000

Ако минатата 2022-ра и беше една од најсреќните години зашто кон крајот на септември го ожени синот, на македонската фолкерка Даниела Темелковска новата 2023-та година не можеше поубаво да и започне. Имено, пејачката стана баба и го доби своето прво внуче... Или поточно внука, а малечката принцеза веднаш го доби и своето име. И тоа вистинско македонско, прекрасно име - Јана. На среќата на гордата баба и нема крај, па таа веднаш ја обзнани радосната вест и на социјалните мрежи, обидувајќи се да го раскаже неописивото чувство на радост кога една жена за прв пат станува баба: „Колку е убаво чувството кога прв пат стануваш баба, а тоа чувство не се опишува само се доживува, нека ми е жива,здрава и среќна внуката Јана, а јас како баба секогаш ке ја милувам и посипувам со љубов од срце и од душа, а на моите деца им благодарам за најубавиот дар и Бог да ми ги чува!“ - споделила пејачката на својот Фејсбук веднаш по раѓањето на малечката, на кој блиските, пријателите, познаниците, но и нејзините обожаватели и следбеници веднаш и возвратија, опсипувајќи ја со стотици честитки, благослови и емотикони. Инаку, како што веќе рековме, а тогаш и објавивме, македонската фолкерка кон крајот на месец септември минатата, 2022 година го ожени својот син Даниел, кој исто така е пејач и се занимава со музика, тргнувајќи по стапките на неговата позната мајка. Некои од присутните тогаш раскажуваа дека тоа била една од оние таканаречени „свадби за паметење“, во кои највесела, била згодната и елегентна свекрва, а кулминација настапила кога Даниела се фатила за микрофонот и запеала. Тогаш веселејќи ги гостите и сватовите, а сега неизмерно среќната баба ќе му пее приспивна на нејзиното прво внуче, малечкото ангелче Јана, кое Бог им го подари на нејзините најмили. Нека и(м) е со среќа! Фото: Фејсбук принтскрин/Daniela Temelkovska

Дамјан Стојаноски стана татко по втор пат: Фолк пејачот и неговата сопруга Елена добија ќеркичка (ФОТО)

Антонио Димитриевски — Thu, 20 Oct 2022 07:22:29 +0000

Дамјан Стојаноски, еден од најперспективните и најталентирани македонски фолк пејачи, вчера, среда 19 октомври 2022 година, стана татко по втор пат. Тој и неговата сопруга Елена Билеска повторно се остварија како родители, но овој пат добија женско чедо. Така нивното двегодишно синче Војдан доби сестричка, а гордата и среќна баба и мајка на пејачот, долгогодишната новинарка во „Нова Македонија“ и МРТВ, Евица Камберова - Стојаноска прва јавно ја обзнани убавата вест за доаѓањето на приновата во нивното семејство, на својот Фејсбук профил: „Денес станав баба и на Јана. Војдан си доби сестричка, а тато Дамјан и мама Ели, ќерка. Да ни е жива и здрава и многу да не радува!“ - споделила новинарката која прва и го откри името на малечката принцеза и нејзина внука. Инаку, пред нешто повеќе од една година пејачот и неговата сопруга својата љубов ја крунисаа и пред Бога, а плодот на нивната љубов - синчето Војдан тогаш стана и чедо православно. Во меѓувреме малечкиот го прослави и својот втор роденден, а сега семејството се комплетираше со доаѓањето на свет на уште една принова, малата убавица Јана. Инаку, Дамјан Стојаноски е син на легендата на македонскат фолк музика и некогашен пратеник од редовите на ВМРО-ДПМНЕ во македонскиот парламент, покојниот фолк пејач Војо Стојаноски. Тој тргна постапките на својот татко и одлучи професионално да се занимава со музика, но и да го продолжи неговиот пат, негувајќи го традиционалниот, изворен македонски фолклор, кој како и татко му, го вткајува и во новосоздадените песни кои самиот ги пишува и пее. Од друга страна, како и во мноштво од песните на татко му, љубовта кон татковината Македонија и патриотскиот дух исто така неретко се тема на неговите песни и се длабоко вткаени во содржината на нивните стихови. Таков е случајот и со неговото последно авторско остварување насловено „Свири гајдаџи“, на кое комплетен автор ( музика и текст) и изведувач е самиот Дамјан Стојаноски, а истото се појави кон крајот на месец мај годинава 2022 (КЛИКНИ ТУКА).

Единствената сестра на Цецa Ражнатовиќ е Лидија Оцокољиќ но, еве што се случи во меѓувреме (фото)

Слаѓана Атанасова — Fri, 23 Sep 2022 11:20:52 +0000

Познато е дека Цеца Ражнатовиќ е најпознатата пејачка дива и дека на повеќето им е пример. Она што е сигурно е фактот дека таа и понатаму е убава и строго се грижи за својот физички изглед. Редовната нега и вежби направија фолкерката да изгледа младешки, а сето тоа благодарение на стручњаците на кои им е верна со години. Неприкосновена убавица е и нејзината сестра Лидија Оцокољиќ, која за разлика од Цеца негува малку поинаков имиџ - русокоса е и води нешто потивок и мирен живот. Освен семејството, со кое Цеца соработува перфектно, има и колеги кои многу ја ценат и почитуваат нејзината работа, но се чини дека некои колеги тоа го прават и премногу. Познатата фолкерка Јана, за која многумина велат дека е голема колешка и пријателка, пред неколку дена објави фотографија на која нереално потсетува на Ражнатовиќ. Црната коса, шминка и усни ја истакнаа убавината по која Цеца е позната со години, а поради оваа сличност многумина се пошегуваа и велеа дека Јана е сестрата која Цеца долго време ја криела од јавноста. Сличноста е неверојатна, ќе се согласите, но засега единствената сестра и најголемата љубов и поддршка на Цеца е споменатата Лидија. Фото:Принтскрин/Инстаграм/janavip/Цеца Ражнатовиќ

Принова во семејството на поранешниот претседател Ѓорѓе Иванов – синот Иван и снаата Јана станаа родители: „Добредојде на овој свет, принцу“!

Антонио Димитриевски — Tue, 05 Apr 2022 06:37:28 +0000

Синот на поранешниот претседател на Република Македонија, Ѓорѓе Иванов, Иван и неговата сопруга Јана станаа за прв пат родители. Младиот пар доби машко чедо, а убавата вест на социјалните мрежи ја споделија и двајцата родители. Честитките и пораките за срдечно добредојде на овој свет на малиот принц пристигаат од сите страни и лично и на социјалните мрежи од најблиските од обете семејства... ...Како и од роднините, другарите, пријателите, колегите... Инаку, сега веќе новопечените родители стапија во брак во месец февруари 2022. Уште на свадбената веселба се виде дека стомачето на невестата наликува на трудничко, откако претходно изминатата година среќната двојка направи и веридба. Засега името на малечкиот наследник остана тајна за пошироката јавност, која љубопитно очекува дали младите родители можеби ќе се одлучат во духот на старата традиција синот да го крстат по името на познатиот дедо по татко или веќе одбрале некое име по свој избор во договор со кумот? Како и да е - честитки и нека им е жива и здрава приновата! Фото: Фејсбк и Инстаграм принтскрин/ivanovmk

Се ожени Иван Иванов, синот на поранешниот претседател на Република Македонија Ѓорѓе Иванов (ФОТО)

Антонио Димитриевски — Sun, 20 Feb 2022 13:56:38 +0000

Иван Иванов, синот на поранешниот претседател на Република Македонија Ѓорѓе Иванов се ожени. Иван официјално стапи во брак со прекрасната Јана откако во октомври минатата година се верија, па така екс претседателот Иванов и неговата сопруга Маја станаа свекор и свекрва. [embed]https://arhiva.vistina.com.mk/eks-pretsedatelot-gjorgje-ivanov-kje-stane-svekor-sinot-ivan-ja-pobara-rakata-na-negovata-sakana-jana-foto-video/[/embed] Судејќи по фотографиите, венчавката била во потесен круг на најблиските роднини од семејството, најверните другари и најдобрите пријатели, а среќата на новиот брачен пар е повеќе од забележлива. Невестата во розов фустан наместо венчаница, младоженецот во класичен костум, кошула и вратоврска, го споделија првиот официјален брачен бакнеж, откако ги ставија свооите потписи пред матичрот и сведоците во книгата на венчани. На една од објавените фотографии на Инстаграм приказните кај младоженецот, во мигот кога Иван и Јана заедно ја сечат невстинската торта, се забележи еден мал детал, што всушност е крупна работа. Стомачето на невестата кое по многу што наликува на трудничко. Дали новопечениот млад брачен пар наскоро очекува принова и од кој пол е бебето, останува да дознаеме наскоро. На Иван и Јана им честитаме за стапувањето во брак и им посакуваме да се среќни и вечни, а семејството да им биде многудетно!

Екс претседателот Ѓорѓе Иванов ќе стане свекор: Синот Иван ја побара раката на неговата сакана, Јана (ФОТО+ВИДЕО)

Антонио Димитриевски — Wed, 27 Oct 2021 06:39:07 +0000

Иван Иванов, синот на поранешниот претседател на Република Македонија, Ѓорѓе Иванов ја побара за жена својата дологодишна девојка Јана, така што екс претседателот наскоро ќе стане свекор. „Од сега па за навек... Јана“ - напишал кусо идниот младоженец покрај објавената фотографија од него и неговата идна сопруга, украсувајќи го постот со емотикони на срце и веренички прстен. Инаку, пред неколку дена Иван ја промовираше својата збирка поезија „Невино време“ и со помош на стиховите откри една нова и досега непозната за јавноста страна од себе и својата личност. Ова беа и дел од причините за негово гостување во ТВ магазинот Бекстејџ. Во интервјуто тој зборува за љубовта, но и плановите за свадба. Инаку Иван студираше на Правниот факултет „Јустинијан Први“, отсек политички науки, а оние кои го познаваат, знаат дека Иван е голем љубител на музиката и бил член на неколку бендови. Така, тој ја освои главната награда на првиот „Акустик сквер фестивал“ во 2013 година, во организација на Универзална сала, кога објектот беше се' уште во функција, кој беше фестивал, односно натпревар на музички уметници - акустичари, кантавтори и групи. Подоцна Иван со својот бенд „Чубакас“ имаше и настапи по клубовите и дискотеките низ Македонија. Тогаш Иван изгледаше малку поинаку, со подолга кадрава (виткана) коса и брадичка без мустаќи. Тој и денес свири и како што и самиот вели, гитарата не фаќа прашина, туку секојдневно му е в раце. Како и да е, нека се среќни и вечни идните младоженци, а еве што се кажа за себе Иван Иванов во интервјуто за ТВ магазинот „од зад сцената“:

Помалата ќерка на Панки од „Куку леле“ славеше роденден: Каја го стопи срцето на пејачот (ФОТО)

Антонио Димитриевски — Wed, 09 Dec 2020 08:09:42 +0000

Децата на познатите личности отсекогаш привлекувале исто толку големо внимание на јавноста, па дури и можеби поголемо, како и нивните славни родители. Обожавателите на популарните ѕвезди отсекогаш сакале да дознаат што прават тие приватно, како им изгледа домот, семејството, кучето , мачето, и секако нивните наследници и наследнички... Насекаде во светот е истата приказна, а Македонија не е исклучок од тоа, зашто впрочем, ѕвездите можеби сегде не се толку големи ни богати, ама публиката насекаде е иста... И си ги обожува со истиот жар! „Куку леле“ со години се една од нанајпопуларните македонски групи или поточно дуо, чија секоја нова песна без исклучок, станува хит. Сашо Каимовски - Панки и како вокал и како соло пејач и забавувач чија харизма е несомнена е човекот кој покрај авторот Роберт Саздов, ја има половина од заслугата за успехот на нивната популарност. Панки е градска фаца, урбан лик, кој јавноста оддамна го познава не само по вокалните квалитети и медиумската популарност стекната со пеењето и музиката. Тој отсекогаш бил и дел од скопските урбани приказни за жестоките момчиња од скопскиот и не само скопскиот асфалт... Од времето на раните 90-ти и УНПРОФОР тепачката во една позната скопска кафеана со војниците на тогашните мировни воени припадници лоцирани во Македонија и регионот, кои пијани не знаејќи со кого си имаат работа „ја чачкаа мечката“, па посетата на Војислав Шешељ и неговиот прием на храбрите скопски момчиња кои се пресметале со тогашниот „агресор“, преку приказните за мистериозната, ненадејна смрт на неговата сопруга, па се' до приведувањето и затворот во соседна Грција заради наводното „позајмување“ пари од банкомати со фалсификувани платежни картички... И уште „сто ти една прикаска“, која нема многу врска со пеењето, а низ која се провлекува името на Панки... Оние што го познаваат одблизу, знаат дека Панки одвнатре е всушност сосема поинаква душа... Меѓу останатото и посветен родител, предан татко на две прекрасни ќерки, две млади девојки на кои тој им е се'... А, и тие нему! За постарата - Јана, веќе пишувавме дека е вистинска убавица, на која можат многумина да и позавидат. Девојка која може да застане раме до раме со ќерките на познатите фаци во регионот - од Цеца и нејзината Анастасија до Анабела и нејзината Луна или Хелена на Топалко, Елена на Миле Китиќ... Па дури многу од нив и да засени со својата убавина, шарм, маркантност, привлечност, стил... https://arhiva.vistina.com.mk/radio-mileva/kakva-anastasija-kakva-luna-kjerkata-na-panki-od-kuku-lele-e-ubavica-od-bajkite-foto/ Панки покрај неа ја има помалата - Каја, која токму деновиве наполни 14 години. Заради околностите со корона пандемијата таа роденденот го славеше дома, во друштво на семејството, на најблиските, најмилите... Посветениот татко секако не пропушти да биде со својата помала галеница, а при тоа да ја изненади со роденденска торта на која беше испишана роденденската честитка, нејзиното име и годините што ги полни. Панки беше тој што ги запали прскалките и свеќичките на тортата, а Каја онаа што ги дувна... Семејната роденденска идила и својата радост пејачот ги долови и сподели на својот Фејсбук профил преку неколку фотографии и роденденска порака до своето помало чедо: „Среќен ти 14-ти роденден љубов моја, татина“ - напиша Панки покрај фотографиите со што ги растопи срцата не само на своите обожаватели, туку и на многумина што го познаваат, но и на безбројните следбеници на социјалните мрежи. „Остани“ - е насловот на една од познатите песни на „Куку Леле“... Како што детето за својот родител секогаш ќе остане дете, како секоја ќерка за својот татко, како Каја за Панки...“! Да е жива и здрава, среќна, радосна и успешна низ годините... многу повеќе и од славниот татко!

Ова се вистинските имиња на познатите српски ѕвезди

Христина Ѓоргиевска — Mon, 12 Nov 2018 11:05:39 +0000

Поради разни причини, познатите српски ѕвезди одлучиле да се претставуваат со псевдоним. Кога ќе се појавите во морето на славни и познати личности, треба да имате име кое ќе биде впечатливо за јавноста. Така голем број на јавни личности одлучиле да го променат името, а некои толку се навикнати на своето уметничко име, па дури и законски го промениле. Ана Бекута ( Гордана Надежда Полиќ)

Една од најпопуларните пејачки во народната музика била Гордана Надежда Полиќ се до 1985 година кога на предлог на Предраг Вуковиќ Вукса почнала да користи името Ана Бекута бидејќи тогаш на музичката сцена имало многу пејачки кои се викале Нада. Претходната година се пишуваше дека Ана Бекута и законски го променила името. Нада Топчагиќ ( Сенада Топчагиќ)

Голем број на медиуми во последните години пишуваа дека Нада се родила како Сенада Топчагиќ. Не е познато кога започнала да го користи псевдонимот односно името со кое позната во јавност. Лепа Лукиќ (Лепава Мушовиќ)

Кралицата на народна музика е родена во 1940 година како Лепава Мушовиќ. На неа ова име и стои во лична карта, а на јавноста и е позната како Лепа Лукиќ. Јана ( Драгана Тодоровиќ)

Пејачката е родена во 1974 година во Приштина и е позната како Јана, а нејзино вистинско име е Драгана Тодоровиќ.

На Андреј – ДНК таа му е најмила и само таа знае како… да го тетовира (ФОТО)

Антонио Димитриевски — Mon, 22 Oct 2018 07:27:02 +0000

Летото заврши, ама не и настапите и активностите на македонските музички ѕвезди. Така, ДНК постојано имаат настапи, а меѓу деве „тезги“, наоѓаат време и за себе и своето семејство. Андреј на пример, успева да стигне насекаде. Прво на местото каде што се чувствува најраат - во студиото на Lазар Цветковски, каде очигледно постојано се крчка нешто ново за многумина, а очигледно и за ДНК.

Откако го усогласија штимот со композиторот, пејачот побрза до Куманово и кумановско Старо Нагоричане, зашто обраното грозје не може да чека. Дилемета е само, што да sе прави? Вино или ракија? Или двете?

Откако со дужината убаво „го изгазија“ грозјето, Андреј побрза дома, зашто имаше голема прилина и убав повод за тоа. Годишнина од бракот на тој датум и таа година е само тогаш! Затоа правец со поубавата половина во еден скопски паб на мезе, салата и пивце! Јубилејот треба да се одбележи вака некако надвор, а за „второто полувреме“ - дома... Прашајте го него!

И во сите тие работни обврски и животни уживања, едно нешто му причинува најголемо задоволство. А како и не би, кога на Андреј таа му е најмила, зашто само таа знае како... Или барем најмногу умее со него! И затоа тој се и дозволува... Па дури и да го тетовира!

А малата Јана не му ја мислеше многу, па го зема пенкалцето за да му нацрта на тато нешто, што ќе му се допадне?! Тетоважа по свое, која сакал неќел, Андреј ќе мора да ја носи на грбот... до првото влегување под тушот! „Ќерка ми е единствената жена на која ќе и дозволам се во животот“! - изјави во една прилика Андреј... и си остана доследен на зборот!

Некои никогаш нема да ги погодите: Ова се вистинските имиња на познатите ѕвезди

Христина Ѓоргиевска — Wed, 02 May 2018 12:16:28 +0000

Многубројни јавни личности од различни причини одлучија на јавностa да и се претстават под псевдоним. Некои од нив се навикнати на нивните прекари, па дури и одлучија законски да го променат името. Ана Бекута- Гордана Надежда Полиќ

фото:драгана удовиќиќ

Во 1985 година, Гордана Надежда Полиќ го промени името во Ана Бекута. „На мене многу поефикасно ми беше името Ана Бекута. И името е деl од сопствениот имиџ, изјави Ана во една прилика. Нада Топчагиќ – Сенада Топчагиќ

фото: Драгана Кадиќ

Не е познато кога пејачката го променила името по кое полесно ќе ја паметат, но факт е дека сите ја познаваат како Нада. Лепа Лукиќ – Лепава Мушовиќ

фото: Марина Лопиќиќ

Кралицата на народната музика е родена во 1940 година под името Лепава Мушовиќ. Јана – Драгана Тодоровиќ

фото: Драган Кадиќ

Пејачката е родена во 1974 година во Приштина под името Драгана Тодоровиќ, но сите ја познаваат како Јана.