јана маринов – Вистина.мк

Преслава од „Преспав“ стана милионерка: Актерката пријавила заработка од 1.198.000 лева само за 2018 и 2019 година, додека за 2020 податоците се’ уште не се објавени! (ФОТО)

Антонио Димитриевски — Fri, 29 Jan 2021 09:35:35 +0000

Јана Маринова, која нашата публика ја запозна како газдарица Преслава од најгледаниот македонски ТВ ситком, хумористичната серија „Преспав“ можеби за многумина е изненадувачки, но е една од најбогатите во уметничкиот еснаф во Бугарија. Актерката, која исто така се занимава и со продуцентство, пријавила импресивни приходи во последните неколку години. Само за 2019 и 2018 година, кога започна да продуцира филмови, Јана пријавила 1.198 000 лева заработка. Податоците за изминатата 2020 година сè уште не се објавени, но се очекува да не бидат послаби за Маринова од финансиски аспект. Само пред неколку дена, Јана се пофали дека нејзиниот последен филм „Диви и среќни“ е најгледаниот бугарски филм со вкупно 107.785 гледачи и заработка од 1.174.307 лева од кино-благајните откако беше прикажана премиерата на крајот на ноември 2019 година. Веројатно бројките ќе беа уште позавидни и поимпресивни ако кината не беа затворени поради пандемијата на коронавирусот. Значи, Јана не може да се жали на сиромаштијата и е всушност еден од ретките актери кои никогаш немале финансиски побарувања кон државата. Интересно е што таа заработува повеќе и од нејзиниот сопруг Тихомир Винчев, барем според Трговскиот регистар. Тихо е сопственик на спортски комплекс и неговите официјални приходи покажуваат дека се неколку пати пониски од оние на Јана. Веројатно минатата година, Тихомир доживеа сериозни проблеми, бидејќи спортските сали беа затворени и сериозно погодени од антиепидемиските мерки. Иако продуцирањето е тешка работа, особено во Бугарија, Јана нема намера да се откаже од овој потфат. Веќе за време на првото тромесечие, таа започна да работи на нов проект, во кој ќе вткае приказни од нејзиниот личен живот. Филмот е во духот на феминизмот, кој го освои светот и особено Холивуд во последните неколку години, пишува Галерија. Извор: HotNews.bg Фото: Инстаграм принтскрин/yanamarinovaofficial

Игор Џамбазов пред почетокот на новата сезона на „Преспав“: Му фалеше Преславче, ама затоа Моника Белучи му дојде на бате Миле на гости… и тоа во спална! (ФОТО)

Антонио Димитриевски — Sat, 12 Oct 2019 08:53:30 +0000

Откако заврши третата сезона на популарната македонска хумористична серија „Преспав“, гледачите останаа со прашалници дали ќе има продолжение од омиленото раководство на пансионот „Преспав“. И одговорот на радост на бројниот ТВ аудиториум е - ќе има! Упатени извори велат дека подготовките за почеток на снимањето се наголемо во тек, а самото тоа го потврди и популарниот Игор Џамбазов на својот Инстаграм профил кој ја најави четвртата сезона на овој гледан ТВ серијал. Арно ама, како никогаш не е ништо исто како и претходниот пат, така и сега, на Игорче нешто не му штима. Носталгичен по веројатно „незаборавната дружба“ при последното снимање, уште оддамна Џамбазов се изјасни дека му фали... И тоа како му фали и недостасува расната газдарица на пансионот, Преслава. Или поточно, бугарската актерка Јана Маринова која ја играше нејзината улога во третотот продолжение. "Страхотната" Преславче пак, и понатаму покажува дека е „дива и шастлива“. Разголени фотографии на Јана мома, само по долна облека... Или раскомотена само по пењуар, седната на работ од двоседот како со стапалото на босaта нога „милува“ млад маж во пределот на меѓуножјето, осамнаа на социјалните мрежи. Но, тоа е „Изборот на Марта“... Или поточно, само дел од сцените на театарската претстава во која игра актерката, која со својот театар ќе гостува во Лондон! Што значи дека колку и да му недостасува на Миле - најстариот од Бузалевци, Преславче нема да ја има во следното продолжение на „Преспав“. Ама затоа Џамбаз веднаш и најде замена... Наместо Преславче, Моничето... Да, да, славната Моника Белучи на бате Миле ќе му дојде на гости... И тоа во спалната соба. А Џамбазов, изненаден... сам од себе! Поточно, од сонот што го сонил! А човек сам како што ќе си се изненади, никој не може да го изненади! Исто како она - со своја рака... Што ќе си се почеша, туѓа - тешко да го стори тоа така добро!